شبكة همس الشوق - عرض مشاركة واحدة

24 - 11 - 2011, 09:11 PM

في شقة وليد

قامت من مكانها وهي تعدل لبسها اللي عفسه وليد
وليد رفع رأسه لهآ : ع ووين ؟!
دانا : لازم أرجع البيت الحين ورآي كليه بكرهـ ولا نسيت
تنهد وليد بضيق : ماودي أرجعك بس عشان درآستك شسوي برجعك بس مرهـ ثانيه مافيه
إكتفت بإبتسامه له ولا قالت شيء أخذت عباتها من الكنبه ولبستهآ
قرب لها وليد وهي تعدل عباتها وباسها ع خدهآ
إستحت منه وإشغلت نفسها بـ نفسها
وليد بهمس : طالعي فيني
إستجابت له وطالعت بعيونه
وليد بهمس أكثر : قولي وعـد
دانا بدون شعور : وعـد
وليد مسح ع شعرها : ماتخبين عني شيء
إبتسمت له : وعـد
قرب أكثر وبآس جبينهآ : يالله ننزل
لبست نقابها وضبطته وسحبت شنطتها ونزلت ورآه متوجهين لسيارة وليد
ركبوا السيارهـ وحرك وليد لبيت أبو نواف
دقايق وهم عند الباب نزلت دانا : وليد أنزل معاي
وليد : لا حبيبي ورآي شغل بكرهـ سلميلي ع نواف أوكي
دانا : أوكي قلبي
سكرت باب السيارهـ ودخلت لبيتهم
كان البيت هدووء وماإستغربت هالشيء أكيد نايمين الوقت متآخر
فصخت جزمتها الكعب وهي تتآلم منهآ جلست ع الكنبه ونزلت جزمآتها ع الأرض
ريحت رجلينها شوي وقآمت بتصعد لغرفتها بس وقفهآ الصوت : بدري !
إلتفت له وخافت : نوآف ؟!
قرب لها نوآف : تدرين الساعه كم الحين ؟! ولا حضرتك توك وآصله
دانا : وتدري أنا كنت مع مييين ؟! مع زوجـي
تنهد نواف : أدري بس مايصير تجلسون طول هالوقت مع بعض
دانا تعلثمت : من زمان عن بعض أنا ويآهـ
نواف طالعها بنص عين : من زمان عن بعض ولا بينكم مشآكل
إرتبكت دآنا وخافت من نظراته الوآثقه
نواف تنهد ورحمها : دندون أنا أدري عن كل شيء خُزآمى قالت لي اليوم
دانا إنقهرت : خزآموه الزفت
ضحك عليها وقرب وجلس جنبها بنفس الكنبه : مشكلة الممرضه سوزان سخيفه وماتحتاج زعـل وأخت وليد هند من يوم يومها كذآ والمفروض ماتسمعين لها ولآ كلمه
دانا دمعت عينها : وجوآهـر
تفآجئ نواف من معرفتها : عرفتي عنها
دانا مسحت دموعها : ليه ماقلت لي ؟
نواف تورط : سالفه رآحت وخلصنا منهآ’
دانا بشهاق : صارت مشكله بيني وبين وليد بسببها ومو مشكله عاااديه لا كبيرهـ !
نواف تنهد : أنتي فهمتي شلون إنخطبوآ
دانا هزت رأسها بإيه وهي تمسح دموعها
قرب لها ومسح ع شعرهآ : خلاص طيب ليه الزعل
دانا : لأني آخر من يعلم بموضوع مهم مثل كذآ
نواف تنهد بضيق : والحين وش أخبارك مع وليد ؟!
دانا : الحمدالله قدرنا نحل المشكله
نواف إبتسم : حلوو أجل ليه الزعـل
دانا بعناد : مابي يتخبى عني شيء من ناحية وليد
نواف ضحك : طيب ياغيورهـ
إستحت منه وتوها تستوعب كلامها معاااه
لاحظ خجلها وماحب يزيدها : يالله قوومي نامي ورآك درآسه بكرهـ
قامت من مكانها بهدوؤء بس تذكرت شي وإلتفت له : نواف
رفع رأسه لها : هلا
دانا دمعت عينها : عبدالله ؟!
نزل رأسه وتضآيق : إن شاءالله تنحل مشكلته
دانا تنهدت بضييق : آمين !! إشتقت له حيل وإشتقت لسمر بعد
نواف : الله يرجعهم سالمين يااارب
دانا مسحت دموعهآ : يااارب
نواف : لا تشغلين بالك بهالموضوع أوكي أهم شيء درآستـك وأنا بهتم بـ عبدالله وفارس يسآعدنـي
دانا هزت رأسها بإيه وطلعت لغرفتهآ وأحداث هالليله تمر عليها