شبكة همس الشوق - عرض مشاركة واحدة

24 - 11 - 2011, 09:11 PM

في لندن

كانوا يمشون ع الشآطئ والجو كان مرهـ مميز وحلو ولا يخلو من البرودهـ
وأموآج البحر ترتطم ببعـض !
فهد : خليك هنا بروح أجيب لنا شيء نأكله وبرجع طيب
غلا برجآء : تكفى بروح معاك
فهد : يابنت الحلال ماله دآعي ماتشوفين الزحمه أنتي
غلا إنقهرت وتكتفت : طيب لا تتأخر خايفه لحآلي
هز رأسه بإيه وماعطاها وجه رآح للكشك بيشتري لها أغراض
أما هي كانت تطالع البحر وهي مبسوطه ع منظر الأموآج
قربت للبحر بحيث صار يدآعب رجولها بمويته وآموآجه
لعبت بالمويه برجلهآ بس أموآج البحر جت قويه ع رجلها بحيث إزلقت وسحبها البحر له
غلا صرخت صرخه قووويه والبحر يلعب بهآ وكل ماله يبعدها بعيد
ركضت وحده من المتفرجين وحاولت تسحبها وكانت تصرخ وتنادي فهد عرفت إنه يعرفها
فهد سمع صرآخ من جهة غلا وإلتفت لهم إنصدم من المنظر وترك اللي بيده وجاء يركض لها
نط بالبحر وسبح لجهة غلا سحبها لجهته ووآجه صعوبه بتفادي الأموآج
قدر وبعون الله يسبح وغلا بحضنه لحتى وصل للشآطـئ
نزلها ع الرمل وكان مغمى عليها ووجها مائل للإزرقاق من شدة الخنقه والتعب
ضرب ع خدها : غلا إصحي غلاووي بليييز إصحي
ماشاف منها آي حركه وإزداد الخوف عنده تأكد من تنفسها وكان ضعييف
مال عليها وأعطاها تنفس صنآعـي شوي شوي وبدت تستعيد وعيهآ
غلا بتعب بآلغ : كح كحح
فهد ضمها بقووه وبرآحه : بسم الله عليك وآخيرا صحيتـي
ماكانت تشوف شيء حولها غير الضباب حول عينهآ
تأكد إنها مو بوعيها وقآم من مكانه وهو شايلهآ
رآح لسيارته ركض وهي بين إيديه
ساعده وآحد من المارهـ وفتح له السيارهـ سدح غلا بالمرتبه الخلفيه
ورآح ع طوول وركب سيارته شغلها وحرك ع طوول لشقتهم
غلا : آآآآآممم آآآآآآهـ كح كح
فهد إلتفت لها والخوف لازال يتملكه عليهآ
وصل لشقتهم بدقايق نزل بسرعه ورآح لجهتها نزلها من المرتبه وشالها
ورآح ع الشقه ع طوول وهو يسمع همسها وآلمهآ
دخل للشقه ورآح لغرفته ع طووول
نزلها ع سريرهـ وهو ينزل عنها عبايتهآ وكان لبسها كله مبلوول وحتى لبسه
رآح لغرفتها وسحب لها أقرب لبس رجع لها بسرعه وفتح عنها لبسهآ وصار يجففها بالمنشفه ويلبسها وهي مو مستوعبه آي شيء ولا تدري عنه
بعد ما إنتهى منها لفها بالبطآنيه وسدحها ع السرير ولف شعرها بمنشفه ثآنيه
تنهد بضيييق ورآح بيبدل لبسه ويرجع لها بسرعهـ وهو يتحرك بسرعه ومو مستوعب آي شيء اللي يهمه الحين غلا ومتى تصحـى !؟
ثوآني وهو عندهآ قرب لها وكانت نفس ماتركها ولا حتى تتحرك بس تتآلم
إنسدح ع السرير جنبها وحضنهآ بخوف حس بفقدآنها أليوم وأنها ماراح ترجع
رجع تذكر حنين وحادث السيارهـ تآلم من ذكرآها وقلبه يعورهـ عليهآ
إلتفت لغلآ يحاول يصحيها : غلا
غلا : ............
هزها شوي : غلاوي قوومي
مسح ع رأسها وشعرها وهو يقرأ عليها المعوذآت وآية الكرسي ويسمي عليهآ
غلا : آممممم
فز لصوتها : غلا قمتي ؟!
فتحت عينها ع شوي شوي وشافته قدآم عينها : فـ هـ هـد
فهد : بسم الله عليك .. آمري
غمضت عيونها بقووه وفتحتها من جديد تلفت للمكان : وين أنا ؟ وش صآر ؟
لفها بالبطانيه الثآنيه : بعدين نتكلم بالموضوع ... هاه الحين أنتي تمام تحسين بوجع
هزت رأسها بلآ : بس رأسي يوجعني وأحس بدوآر
فهد تنهد : الحمدالله ع كل حآل
غلا برجآء : فهد قولي وش صار لي
عذرها إنها ماتتذكر شيء من الخوف : اليوم طلعنا للبحر وكانت الأموآج قويه وعاليه وأنتي الله يهديك قربتي للبحر وسحبك له وغرقتي فيه بحكم عدم معرفتك للسبآحه
غلا إستوعبت : كح كح تعبآآآنه
مسح ع رأسها : سلآمتك مرهـ ثانيه إتركي اللقافه عنك زين
تنهدت بضيق ودمعت عينهآ : حتى وأنا تعبانه تعصب علي ؟!
رحمها وإبتسم لها : بتنامين ولآآ شلون
مسحت دموعهآ : إلا حاسه بتعب وفيني نووم
غطاها زين بالبطانيه وإنسدح جنبهآ : يالله نآمي
إستحت بإنها جنبه بس ماكان لها حيل ع آي شيء ع طوول غلبها النوم ونآمت
أما فهد ماجاه نووم وجلس عندها خايف إنها تحتاج آي شيء ومايكون قربهآ