آختبار اللون آو حتى خصلة بلون غير ..~


السلام عليكم و رحمة الله و بركاته

اختبار الخصلة مهم .. خآصة ( خآصة ) للي شعرها أسوووود أو حاطة حنة

عشان نعرف نتيجة اللون ؟؟

يآ حليلهم برا عندهم نتايج واضحة [ اكيد لأنه شعرهم فاتح ما يخمنوا ]

+

عشان نضمن سلامة شعرنا

+

و عشان نكتشف عيوب الصبغة القديمة احيانآ

خصلة من النصف ( ميش ملعقة واحدة المرفقة مع العبوة

" تلاقيها بالصيدليات او طلبية من الشركة "

+

40 ( لكن حنستعمل 30 في البيت ) اوكسيدون ) + نصف ساعة و نرى ..

مهم مراقبة نتيجة التفتيح حسب الصبغة اللونية للشعر ..

جهزي الكمية 1+1

ملعقة ميش و نفسها للاوكسيدون و اخلطيهم في جهة واحدة بــ الفرشة الخاصة بالصبغ

لا تخلطيهم يمين و شمال >> في جهة واحدة عشان لا يدخل الهوا في الصبغة ..

اول شي نحتاج قصدير

راح تاخذي منه قطعة و تكون عرضها بحجم كف يدكـ تقريبآ

و تطوي من فوق زي الصورة

أهم شي انكـ تخلي الجهة المطفية من القصدير في وجهك , و الجهة اللامعة في القفا

لأنه الصبغة عالشعر تلامس المطفي و ليس اللامع مهم عشان ما يتأكسد

( ممكن تجهزي قطع كثيرة من القصدير بهذه الطريقة الصحيحة و تحفظيهم في درج )

حتنفعكـ في الهاي لايت =)

خذي من تحت الشعر سطر

من وسط السطر خذي خصلة صغيرة ( لاحظي انها خفيفة و صغيرة مو عريضة )

لأنه لو ما طلعت الصبغة عدل ما يبان التشوه وسط الشعر " مخفي "

ارفعي الشعر اللي تحت الخصلة على فوق ( و راعي الترتيب عشان ما ترتبكي وانتي بتصبغي )

ارفعي الخصلة و ركزي القصديرة تحتها تمامآ

طبعآ حيكون وجه القصديرة المطفي هو اللي عليه الشغل

حنبدأ بوضع الميش على بعد سنتيمتر واحد أو " نصف " من على الجذور

ابدآ لا تلامسي الميش لجذور شعركـ لأنه يسبب تسرب السموم لداخل الفروة

حتبدأي بالمساج لتغلغل الصبغة بين الخصلة و تتشرب اللون كل شعرة

لو اتخطينا المساج ؟ او لو كانت الخصلة عريضة

شوفي كيف الشعر اللي من جوا " داخل الخصلة "

كله ناشف و ما اتشبع باللون >> هذا خطأ و النتيجة بتكون لون غير متجانس !!

هذه اهم خطوة بكل الصبغات آيآآ كانت الصبغة

انكـ تزيلي الفائض من الصبغة بالضغط الخفيف من بين أصابعكـ نزولآ للنهاية

ضعي كمية جيدة من الصبغة للخصلة

و لا تحوسي الصبغة لأطراف القصدير

[ شوفي السهم يكفي ل هنا ]

بعد ما توصلي لنصف الخصلة >> أثنيها لداخل القصدير

و أكملي الصبغ

بعد ما أتأكدتي انه الميش غطى كل الشعرات .. أثني القصدير من النصف لفوق

و أثنيه من الناحيتين " للداخل "

في البداية حتواجهي شوي صعوبة انك تثني القصدير و الشعر بداخله + النظافة راعيها للآخر

ما ينفع الميش يخرج خارج القصدير و يلطخ باقي الشعر او الرقبة

[ أبدآ لا تضغطي على القصدير فقط طبطبة خفيفة لتسوية اللف ]

نتأكد ان كل شئ نظيف و نتركها لمدة نصف ساعة

نشيك عاللون بعد ربع ساعة " شوفي فتح شوية و درجات التفتيح هي مشتقات لون شعركـ "

للشعر العادي نصف ساعة

أما الشعر الأسود فبعد مرور 15 دقيقة حنفتح القصدير و نشيكـ عاللون كل شوي

لضمان سلامة الشعر من التفاعل الضار

( لأنه احتمال سخونة او قطع الشعر لمن نحوله من اسووود إلى ميش عاالي )

نلاحظ انه بدأ يتفتح من فوق .. لاحظي كيف ما وصلنا الميش للجذور

اكتمل التفاعل

الحمدلله الشعر سليم و الاختبار ناجح

= اللون مسك عالشعر و التفتيح صار بتدرجاته الطبيعية

خذي منشفة مبلولة و امسحي الصبغة من الشعر بلطف شديد

لا تجري بقوة ولا بسرعة

نكرر المسح حتى تنظف

it's ready

جففناها ليتضح اللون .. كان ممكن تصير افتح من هيك

بس ما احتاج , يكفي انه الاختبار كان متجانس و عرفنا انه الشعر جاهز للصبغة

المفروض انه صبغتك تكون هيك [ اقصد من الجذور للميش ]

و النظافة و عدم التلطيخ من فوق و تحت

و اذا رفعتي شعركـ بتكون مخفية افضل ..

حننتبه للأشياء التالية في اي صبغة ::


1-حجم الخصلة .. ضروري تكون غير غريضة

2- توزيع الصبغة , سم او نصف عن الجذور لو كان ميش

و نبدأ بالجذور ثم الأطراف

3- مساج + مسح الفائض زي ما شفنا

4- الصعوبة بعد كل هذا ان يكون " سرعة + اتقان " بنفس الوقت

لأنه لو اخذتي وقتك في توزيع الصبغة بالتساوي و فرك الشعر بالمساج الخفيف

حيكون اللون بدأ يتفاعل و انتي ما خلصتي باقي الشعر ؟!!


النتائج

صبغة سوداء من قبل ؟

كل 10 دقائق نشيك عالخصلة لأنه ممكن تصير حارة او تنقطع

او درجات التفتيح غير طبيعية " رمادي او شفاف و ملمس كالجلي "




لو حنة ؟ ضروري نعمل تست وممكن ما يمسك اللون فتكوني على بينة



لو الصبغة القديمة مخربطة ..


تلاقي درجات التفتيح على نفس الشعرة متفاوتة

من فوق مكان الشعر الجديد تلاقي التفتيح جيد ,

اما مكان الصبغة فالتفتيح وسط

او في نفس مكان الصبغة تلاقي تموه عجيب مما يعني ان الصبغة القديمة

لم توضع بترتيب و لم يعمل لها مساج لتوزيع الكريم نفسه

فعندما تتكتل كريم الصبغة في جزء من الشعرة أكثر من جزء آخر

>> فاللون حيكون قوي أكثر من الجزء اللي الكريم عليه خفيف ..


يصير الشعرة نفسها باقي لون غامق و نصفها متفاعل!!




إذآ التست يبين عيوب الصبغة القديمة أيضآ
الصالون آريح

"منقول للفائده"



اختكم أميرة


برعاية التاكسي