 يا ليتني مولود في يوم مولدك
ونفس المكان ومسكت ايديني ايديك
واتعلقت روحك على روح تسعدك
روحن ٍ تحب اسمك ومتعلقه فيك
وفي كل عيد امر بيتك واعايدك
مدام ريح العطر يبغى يخاويك
حتى الشعور الي احسه معاهدك
يبقى يحبك طول عمره ويغليك
حبيبتي لحظه دقيقه وابنشدك
ليش الغلا واحساس قلبي يصافيك ؟
وليش القصايد كل ماجات تقصدك ؟
وليش المعاني في سطوره تراعيك ؟
وليش العيون اكبر مناها تشاهدك ؟
ودقات قلبي في غيابك تناديك !!
وليش العيون تحب شوفك وترصدك
وان غبت ما تصبر عيوني وتبكيك
اوعدك قلبي ما يخليك واوعدك
يموت قلبي ما كرهك ويجافيك
واوعدك ما انسى نبض قلبك ولا اجحدك
وروحي مع الايام تعشق وتوفيك
واوقف معك في كل مره واساندك
ولا تحسبيني لا قسا الوقت ناسيك
وان غبت اضيق ويتعب القلب وافقدك
يا خلي الي بين الاضلاع مخفيك |
|
|
|
|