من عقب ما كنت أحسب إني نسيتك
مدري وش جابك على البال {وذكرتك
ولا وعيت الا وانا قدام بيتك
ما تقول اني قبل مده {هجرتك
ذا مكاني لاغفى الليل وسريتك
شف كم لي ماسريت {ولاسهرتك
ذا مكانك لا تضايقت وجفيتك
شف كم لك ماترجيت {وعذرتك
وذا مكان قلوبنا لحظة هويتك
فيها عمري اختصرته {واختصرتك
واقف وكني من احزاني بنيتك
جسر مابين الزمانين {وعبرتك
اتذكر وش خذيت وش عطيتك
يوم كنت انقاض وبحبي {عمرتك
واتذكر ساعة انهوك وبديتك
كيف بجروحي عن جروحي{سترتك
كيف بعت أحلام عمري واشتريتك
وكيف كنت{اشنع هزيمه وانتصرتك
وكيف كنت الملح لكني رووويتك
وكيف كنت الزيف لكني{ذخرتك
ادري إني جد من قلبي بغيتك
وادري إني رغم كل هذا {خسرتك
انتظرتك عمر حتى إني لقيتك
القهر مدري على ايش {انتظرتك !
كنت احبك كنت لكني سليتك
وما بقى سلمته الريح{ونثرتك
وأنت لاتزعل ليا مني رثيتك
بعد ماخنت وتوفيت {وقبرتك
والله إني لا حزنت ولا بكيتك
مثل ما عمرتك بقلبي { دمرتك
بس تدري ليش عقب غياب جيتك !
واهتدت رجلي على بيتك وزرتك
بأشكرك على أخر طعونك فديتك
ليلة فراقك { نسيت وما شكرتك
|
|
|
|