وديأضمك لين يقطر غرامك
و يكون عطري ضمتك يا عيوني
اوقات احس اني اعيش ابـ عظامك
و اوقات احس انك زلازل سكوني
لا من حضنتك فآح منــك هيامك
و احس بـ انك قطعتن في متوني
يتقطع امن الصوت بحـة كلامك
و ابوس خدك لين تدفى شجوني
و يضيع قلبي بين مركز خيامك
يآ خيمة [ الشوق العظيم الجنوني ]
أذوب لا طريت حتـى سلامك
وشلون لو نخبة مفاتـنك جوني ؟
لك في عروقي صورة من تمآمك
راسمك في متحف غلاي و فنوني
ما اقول غير الله يحفظ مقامك
في خافقي يا نور قلبي و كوني
احبك اكثر من اهلك و عمامك
و اموت من شوقي عليك و ظنوني
الذوق ساكن في مفآتن سهآمك
لو تهت يآ ناسي هـنـآ دوروني
فدوتك صدري لين يحلى منامك
نآم حياتي لين تعرق جفـــــوني
|
|