شبكة همس الشوق - عرض مشاركة واحدة

29 - 11 - 2011, 11:00 PM

البارت الـ 30

لندن / شركة فهد

فهد وهو يمد ليوسف الملف : يوسف الشركه الحمدالله الحين آحسن بكثير عشان كذآ لازم آرجع للخبر هالأيام
يوسف : تروح وتوصل بالسلآمه طال عمرك
إبتسم فهد : ماوك تروح معآي ؟
يوسف تفآجئ : أنا ؟
فهد : إيه إسألك بالله ماإشتقت لديرتك
يوسف تنهد : إيه بس أنا آروح لها كل سنهـ وش يوديني الحين لها بعد غياب سبع سنوات بلندن
فهد : عادي أنت تعبت بلندن لازم ترجع وتوقف معاي بشركتي بالخبر
يوسف بإبتسامهـ : آبشر طال عمرك
فهد :يعني موآفق
يوسف : آكيد
فهد : خلاص جهز نفسك ترى مابقى ع رحيلنا آي شيء
يوسف إبتسم : إن شاءالله

عند عبدالله & سمر

كانوا طالعين للسووق يشترون آغرآض للبيت
عبدالله عصب : سمر وبعدين
سمر : تكفى الله يخليك ماآقدر آعيش بدونهم
عبدالله : ترى هالخرابيط تتعبك يابنت تفهمين
سمر تكتفت بقهر :
تنهد عبدالله وماوده يزعلها : خلاص آخذي وآحد وبس
إنبسطت سمر وآخذت علبة البربيكان بالفرآوله
عبدالله سحبها معاه ومشى لقسم ثاني : آخذي آغراض للمطبخ عشان العشاء
سمر بلا مُبالاهـ : ماله دآعي نجيب من المطعم
عبدالله طالعها بنص عين وهي خآفت : خلاص خلاص بنآخذ له
ورآحت تجيب الأغراض وهو كاتم ضحكته عليهآ

بيت آبو نواف / جنآح دآنا

دانا إنقهرت : خزووووم ترى وربي مالي خلقك تعبآنه
خزآمى : دانا لازم نروح اليوم بعد مو ذنبي هالشيء أمي إغصبتني ماباقي شيء ع الزوآج ترى
دانا تنهدت : طيب مابي آروح طفشت صار لنا آكثر من آسبوع وحنا كل يوم بهالأسوآق
خزآمى : خلاص برآحتك بروح لحالي
دانا حست بزعلها : خلاص ولا تتضايقين بروح معاك الشكوى لله
خزآمى إبتسمت : نص سآعه وآنا عندك
دانا : اوكي بتجهز ع ماتجين
خزآمى : ياويلك لو طولتي
دانا ضحكت : خلاص مو مطوله إرتاحي
خزآمى : يالله باي
دانا سكرت منها ورآحت تتجهز عشان يطلعون للسوق بيكملون آغراض زوآجهم ,

لندن

كانت قاعدهـ ترتب الملابس بدرج وتصففهم
وهي منهمكهـ بالشغل دخل عليها بالغرفهـ وماإنتبهت عليهـ
نزل شنطة الشغل ع السرير وقرب لها وضمها من وراء
غلا إنتبهت له وإلتفت : متى جيت ؟
فهد وهو يبوسها : لي خمس دقايق ماإنتبهتي لي
ضحكت : كنت قاعدهـ آرتب الملابس
كان بيتكلم بس لفت إنتباه فستان بيدهآ آحمر
مد يدهـ وسحبه منها رفعه بين إيديه وطالع فيهـ
غلا تمنت الأرض تنشق وتبلعها من عُري هالفستآن
إستحت حيل وهي تشوفه نظراته : آمممممم
فهد إبتسمت لما شافا شكلها : ليه ماتلبسينهـ
غلا تفآجأت : آنا
فهد : هههههههه وفيه آحد غيرك
غلا شبكت يدها ببعض ونزلت وجهها من الإحرآج
فهد: يالله ألبسيه بشوفه الحين
غلا تنهدت : لا مو الحين
فهد : غلا وبعدين ؟
غلا بإحراج : بس آمممم
فهد إبتسم ع حياءها : بيطلع رهيب عليك
إنحرجت وسحب منه الفستان ودخلت غرفة التبديل وتحس كل الدم تجمع بوجهها
رفعت الفستان لها وطالعت فيها : يالله شلون آلبسه الحين وربي ماآقدر
سمعت صوته عالي : خمس دقايق وبدخل آلبسك آنا
خافت وع طووول بدلت لبسها للفستان وشيكت ع حالها بالمرايه آعجبها شكلها بالفستان
ضآبط عليها حيل وكأنه مفصل لجسمها
فهد بصوت عالي : آدخل ولا لا
غلا ياااربي..... توكلت ع ربها وآخذت نفس عميق ورتبت شعرها وطلعت
من يوم طلعت وهي منزله رأسها وحست بيدهـ تلمس خصرهآ : ياحظي إذا عندي كل هالحلا
غلا منحرجه :........
إبتسم وقرب باسها ع خدها اليمين ثم اليسار وضمها بقوهـ وهي تعلقت برقبتهـ و ...~

بيت آبو سلطآن / جنآح سلطان

جنى : يعني ع الأسبوع الجاي بيجون إن شاءالله
سلطان وهو يجلس جنبها ع السرير : إيه
جنى : الحمدالله مابغوآ طولوا بلندن
سلطان : الله يردهم بالسلآمهـ
جنى :آممممم حبيبي
سلطان : عيونهـ
جنى بتردد : بيعرفون عن عبدالله وسمر
سلطان تنهد : آكيد والله يعين ع فهد ماراح يسمع منا آي شيء
جنى من داخلها يارب فهد مايسكت ويروح يدور عليهم
سلطان : وش فيك ساكته
جنى إبتسمت وبتصريفه : كنت قاعدهـ آفكر شنسمي بنوتتنا
سلطان بعفويه : نسميها رنا
جنى طيرت عيونها : رنا ؟
سلطان بلامُبالاه : حلو الإسم
جنى بقهر : آها عشان البنت ذيك صار الإسم حلو ؟
سلطان إستوعب : ياقلبي مافكرت فيها وربي
قامت من مكانها جنى بتطلع من الغرفه
لحقها سلطان ومسكها
جنى ببكاء وهي تضرب ع صدرهـ : آتركني وروح لها آحسن لك ولي
ضمها لصدره وباس رأسها : آنتي شقاعده تقولين خلاص ياقلبي
ضربته جنى ع صدرهـ بقهر وبعدت عنه : بعد عني بعد
تركها سلطان وخاف عليها ومن إنهيارها
سلطان : جنى خلاص هدي
قربت جنى لدرجها وبدت تطلع ملابسها وسط الشنطه وهي تبكي ومو معطينه آي آهميه وهو يترجاها
تنهد سلطان بضيق وقرب لها : ياقلبي إسمعيني
جنى ببحة صوت : مابي آسمع شيء آتركني لحالي
سحبت شنطتها بعد مارمت آكثر الملابس فيها وسحبت عباتها ونزلت تحت وسلطان ورآها يحاول يراضيها
أول ماوصلت للصاله لقت بوجهها عمها آبو سلطان اللي كان صاعد لغرفته
أبو سلطان عقد حواجبه : ع وين
جنى تمسح دموعها : بيت آهلي
أبو سلطان شافها تبكي وحس بزعلها ع سلطان وفهم : إستهدي بالله يابنتي وآرجعي غرفتك وتفاهمي مع زوجك
جنى بكت : بس ياعمي ......
سلطان مسك كتوفها وآخذها معاه وهي رفضت وبعدت عنه وقربت لأبو سلطان : عمي الله يخليك خلني آطلع
أبو سلطان ببرود : روحي مع زوجك وتفاهمي معاه مافيه طلعه من البيت بسبب مشكله بينك وبينه تصالحوا وفيه آلف حلال ومابيك تطلعين من البيت زعلانهـ
جنى إنقهرت وبعدت عنهم وركضت لغرفتها تبكي
أبو سلطان بعد ماراحت إلتفت لسلطان : روح تفاهم معاها لي وآقف كذآ
سلطان رآح لها بدون كلمه وهو عارف طبع آبوه كذا من زمان مايخلي زوجات آولادهـ يطلعون من البيت بسبب مشآكل واللي تطلع عنده مالها رجعهـ آبوه شخصيته كذآ والدليل سالفة سمر وعبدالله
فتح باب الغرفه عليها وشافها ع السرير تصيح ومعطيته ظهرها ووآضح صيآحها بقهر من اللي صار
تنهد بضيق وقرب لهآ ومسك كتوفها وهي حست وبعدت عنه وقآمت من مكانها تنفض لبسها
تعدته رآيحه للصاله وماودها يكونون بنفس المكاااان
سلطان إنقهر بس سكت يبها تهدى ثم يجي يتفاهم معاه بهدوووووؤء

شقة عبدالله

تفآجأت وإنصدمت بنفس الوقت وهي تشوفه يلعب بسيجارهـ بين آصابعه : تدخن ؟
إلتفت لها منصدم : سمر ؟
سمر قربت له وجلست جنبه وريحة الدخان تعج بالغرفه : من متى ؟
عبدلله تنهد وتذكر نواف يوم يمنعه بس رجع لها من ورآه : ست شهور
سمر دمعت عينها : طيب ليه ؟
عبدالله آخذ نفس : مزآجي
سمر إنقهرت : ماتجي من مزآجك تجي من آشياء ثانيه
عبدالله طالع فيها : وش قصدك ؟
بلعت ريقها بصعوبه من القهر وقامت من مكانها : مابيها تكون بين إيديك
عبدالله رفع رأسه لها : ليه ؟
سمر بكت : بتضرك ومالي غيرك وآخاف عليك
رما السيجارهـ بعيد وقرب وضمهآ
سمر تعلقت فيه : آوعدني تتركها
عبدالله فكها عنه : آسف ماآقدر
سمر مسحت دموعها : الله يخليك
عبدالله مسح ع شعرها : بحاول
سمر من داخلها لو بحلف عشانها شربتها وعشان تنسى بعد
عبالله آشر لها : وش فيك ؟ وين رحتي ؟
سمر ببحة صوت : موجودهـ ؟
عبدالله : لاتزعلين وربي غصب عني
سمر نزلت رأسها وكأنها مو راضيه ع هالشيء
آخذ نفس عبدالله وتعداها طالع للصالهـ
بعد ماطلع إلتفت سمر لمكانه وشافته مخلص ثلاث سيجار بساعتين بس
دمعت عينها وقربت لمكانه ولمت السيجار وهي منقرفه من ريحتها ورمتها بالزباله
وبقايا الآكل من عبدالله بالغرفه نظفته ولمته للمطبخ ,

رؤى ~

رمت كتابها بقوه ع السرير ومالها حيل تفتحه من جديد
تنهدت بضيق وإستلقت ع سريرها بتعب بآلغ
وآول ماطرى ع بالها هــو ~
دمعت عينهآ وآخذت نفس عميق عشان تمنعها
ياترى شمسوي الحين فرحان زعلان نايم ولا هالك نفسهـ بالشغل نفس دآيم
نساني ولا يتذكرني إلى الآن
آآآآهـ ياقلب رؤى ليتني ماعرفتـك بهالطريقهـ
ماكنت آتمنى غيرهـ ولآ رآح آتمنــــى ياروحي
كل آمنياتي ضاعت بضيآعك مني كل حاجهـ كنت آحلم فيها كانت مربوطهـ فيك وبخيالي صغتها
كل لحظهـ عشتها معاك تسوى عمري كلهـ وكل دمعهـ ذرفتها منك وعشآنك ماندمت عليها ولا رآح آندم
كل إبتسامهـ وضحكهـ لآجل وجودك جنبي كل فرحهـ وحزن مانسيتها معآك
قطع حبل آفكارها وجود خزآمى ودانا بغرفتها
رؤى : بسم الله
خزآمى ودانا :هههههههههههه
رؤى عصبت : خوفتوني منين جاييني آنتم
دانا : آفا هذي وحده تستقبل ضيوفها
خزآمى : ههههههههه ماعليك منها تونا جايين من السوق وبعد ماخلصنا جينا عندك
رؤى عقدت حواجبها : وآنتوا كل يوم بهالأسوآق
دانا بمزح : مزآآآآآآآآآآآج
خزآمى إبتسمت : إذا تزوجتي تعرفين ليهـ
تنهدت رؤى ع هالكلمه وسكتت ونزلت رآسها
دانا غيرت الموضوع : ماراح تشوفين وش جبنا
إبتسمت رؤى غصب : وشو
خزآمى : حجزنا فساتينا وباقي تفصيلها
رؤى إنبسطت لهم : ماشاءالله عاد حلوه الفساتين
دانا : روووووووعه وربي جنااان خزوم آخذت وآحد نعوم وآنا آخذت وآحد آوفر شوي
رؤى : آهم شيء يناسبكم
خزآمى : إيه الحمدالله حلوآت
جلسوا عندها البنات شوووي وإنبسطت معاهم ونسوهها الهم شوي وبعدها رجعوا لبيوتهم

لندن

؟؟ : بيضيع من بين إيديك
غلا تبكي : لا مستحيل
؟؟ : يايمه إنتبهي غلا
غلا تسمح دموعه : فهد وينه ؟
؟؟ : فهد رآح مايبيك
غلا صرخت : لالالا كذآبين آنا آحبه وحتى هو بيحبني
؟؟ : إصحي وإنتبهي ع نفسك
غلا بكت بقوه : يمه لالالا ترووووحين
قامت بسرعه من النوم والعرق يصب منها والحراره ماليها وجهها وجسمها من الخوف ومن اللي شافته
دمعت عينها وإستوعبت اللي صار مُجرد كوآبيس وحمدت ربها عليها
إلتفت له وشافته نايم جنبها وبعيد عنها شوي
قربت له بدون شعوور وهزت كتفه : فهد
صحى فهد ع صوتها وهو خايف عليها من بحة الصوت : فيك شيء
قربت له وحضنته وهي تبكي : لا تروووح الله يخليك
إستغرب منها بس جاراها بالكلآآم : من قال إني بروح
غلا تعلقت فيه : مابيك ترووح
فهد مسح ع شعرها وظهرها : خلاص غلاتي أنا عندك مو رآيح
غلا تنهدت وإستوعبت وبعدت عنه وهي تمسح دموعها
فهد عرف بحالها : قولي شفيك ؟
غلا ببحة صوت : شفت حلم مو زين عني آنا وآنت
فهد آخذ يدها وباسها : قلتيها حلم صح يعني مافيهـ شيء من الحقيقهـ
غلا تنهدت : آدري بس خفت
إبتسم لها وسحبها لحضنه وإنسدح ع السرير وهي بحضنه يمسح ع شعرها بهدوووء لحتى غفت ونآمت
آرتاح بعد ماحس بهدوء نفسها وحاوطها وهي نايمه وهو الثاني نام معاها