شبكة همس الشوق - عرض مشاركة واحدة

1 - 12 - 2011, 05:06 PM

البارت الـ 32

عند رؤى
كانت تنتظر غلا بفآرغ الصبر بس الظاهر غلا سحبت عليها
إف ياشينك ياغلا الزفت آكيد مسكها فهد ومنعها تجي عندي ياربي شسوي الحين محتاجه آتكلم مع آحد وأشكي له همي تنهدت بتعب وإنسدحت ع السرير وهي تغمض عينها بتعب تبي النوم
بس الظاهر مجافيها كالعاده ~ رن جوالها مُعلن وصول رسآله فتحت الرساله وكآنت من سيف وماإستغربت هالشيء لكن إنصـــدمت من محتوآها ،
ودمعت عينها بقهر وبلعت غصتها وهي تحآول تستوعب ~
قرتها مره ومرتين وثلاث وتنهدت بضيق بعد ماإستوعبتها كان محتوآها :

الحمدالله ع سلآمة آخوك خبريه إني آبي نسبهـ منك
.. يعني جاي لك خاطب يارؤى ولا تفكرين ترفضين فاهمه !

مسحت دموعها وآخذت نفس وهي تفكر شلون تطلع من هالمصيبهـ

سيف ~

بعد ماأرسل الرساله إنتظر رد رؤى ولا وافاه
مرت ساعه ساعتين ولا جاه منها شيء
تنهد بضيق وإنسدح ع فرآشه
يارب توآفق حاس إني بتجنن لو ماوآفقت
أبيها بأي طريقه حتى لو إضطر آخطفها
آحس إني ضآيع بدونها وعايش بمتاهات مالها نهايهـ محددهـ
تعبت من التفكير وآبي أريح رأســـي ومافي آحد يريحه غيرهآ
إن شاءالله توآفق وآنا حاس بهالشيء مثل ماحاس بإنها تعشقنـي وماترفض لي طلب

بيت أبو فهد / جناح فهد وغلا

عدلت جلستها بتعب وإلتفت للساعة الحائط وكانت تشير إلى 11 صبآحا
لمت شعرها كله وحطته ع جنب إلتفت لفهـد وكان بسآبع نومه
قربت له وهي مقررهـ تقومه : فهـد
فهـد :.......
قربت غلا أكثر وهزت كتفه بشويش : يالله قوم الساعه 11 تأخرنا بالنومه
فتح عيونه فهد وشافها قدآمه وقال ببحة صوت : كم الساعه
غلا بعدت عنه شوي : 11
قآم فهد من السرير وسحب منشفته من الدرج بكسل ودخل للحمام بيأخذ شاور ( آكرمكم الله )
آما غلا قآمت تجهز له ملابس وتجهز لنفسها لبس : الحين بأطلب من فهد يآخذني عند رنـو
بعد ماخلصت من التجهيز إنتظرته يطلع من الحمام دقايق وطلع فهد يجفف شعرهـ
غلا وهي تأـخذ روبها : ترى جهزت لك لبس
هز فهد رأسها ورآح يلبس وغلا دخلت تأخذ شاور
دقايق وطلعت وكان فهد جالس ينتظرها ع السرير
غلا بتردد : فهد
فهد وهو يقلب بجواله : نعم
غلا بتردد آكثر : اممممم بروح الحين لرنا
فهد : طيب بسرعه بوصلك وآرجع سلطان مرسل لي رساله بيجي لمي الحين
غلا إبتسمت : طيب بس بجفف شعري مايأخذ دقايق
فهد : يالله أنتظرك

تحت بالصاله

أم فهد وهي تطالع رؤى : غريبه جايه تفطرين معانا بالعاده ماتقومين إلا العصر
رؤى لو تدرين إن ماطب عيني النوم : إشتهيت الفطور و نزلت
فارس : أجل وين فهد ليه ماقومتوه
أبو فهد : تعبان وجاي من السفر حتى الشغل ماراح يروح إلا بعد صلاة المغرب
فارس : آهاا .. لنا الله يابو فهـد
رؤى ضحكت غصب
نزل فهد وورآه غـلا بكامل حجآبها للصآله ووآضح إنهم طالعيـن لمكان
أم فهد تطالع غلا : ع وين ؟
فهد : بوصل غلا لصديقتها
رؤى : طيب آجلسوا أفطروآ
فهد : لا أنا مالي نفس .. وغلا بتفطر عند صديقتهآ
أبو فهد : فهد اليوم لا تدوآم إلا المغرب أو العشاء عشان سفرك
فهد : إن شاءالله .. يالله أنا أستأذن ... آخذ غلا بيدها ومشى وهي ورآه سااكته

رنــــا ~

كانت تتجهز لوصول غلا بأي لحظه .. بعد مالبست وخلصت طلعت للمطبخ بتجهز القهوه والحلا
شافت أمها بالمطبخ : يمه أتركي عنك أنا أكمل
أم سعود : خلاص وأنا أمك ماباقي شيء
رنا تنهدت وهي تصف الفناجيل : أحس مو قادره أصبر لحتى أشوف غلاوي
أم سعود : الحمدالله ع سلامتها وإن شاءالله بتشبعين منها بعـد
جت روآن تركض لرنا : رنو رنو
رنا إلتفت لها : ها ياقلبي
روآن وهي تدور ع نفسها : فستاني حلو
رنا إبتسمت وهي تعدل فستان روآن الوردي : يجننن
روآن تنط : متى تجي متى تجي ؟
رنا : خلاص روني شوي وتجي إهدي
سمعوا صوت جرس الباب : يالله روآن روحي إفتحي هذي غلا
نطت روآن بسرعه وهي رآيحه تفتح الباب مبسوطه
وكانت وراها رنـا
فتحت الباب روآن ونطت تضم غلا اللي ضحكت عليها وسكرت الباب
غلا وهي تبوسها : وش آخبارك حبيبتي
روآن إنبسطت : زينه
غلا : هههه ياقلبي أنا طيب وين رنـا ؟
رنا وهي تقرب : أنا هنا
غلا تركت روآن ع جنب وركضت تضم رنـا بقوووه
ورنا بادلتها الحضن وهي تمسح ع ظهرها وعيونها مليآنه دموع
بعدت عنها غلا ومسحت دموعها : إشتقت لك
رنا إبتسمت : وربي وأنا آكثرر
أم سعود قربت لغلا : غلا يمه
غلا فكت رنا ورآحت لأم سعود باست رأسها ويده : شخبارك ياخاله
أم سعود مسحت ع شعر غلا : الحمدالله تمام يمه بشوفتك
غلا إبتسمت : تسلمين الله يخليك يالغاليه
رنا : غلاوي تفضلي دآخل بالمجلس
غلا لحقت رنا ودخلوا للمجلس وجلسوا فيه : قولي لي عن آخبارك وآخبار عشاء آمس
غلا تنهدت : زينه ماعليها
رنا : شفيك حاسه بشيء غريب فيك
غلا بلعت ريقها : سمعت بخبر شين آمس عن سمر بنت عمي
رنا خافت : وشو ؟
غلا إبتسمت : بعدين أقولك .. المهم أنتي طمنيني عنك مرتاحه هنا
رنا هزت رأسها بإيه : فهد مو مقصر بشيء
غلا إبتسمت ع طاريه
رنا : ههههههه أشوفك فكيتي الخشه ( وغمزت ) : هاه شخباره معاك
غلا خجلت وأنقذ موقفها دخول أم سعود بالقهوه والحـلا وهي ترحب بـ غلا