شبكة همس الشوق - عرض مشاركة واحدة

1 - 12 - 2011, 05:09 PM

عند رؤى

رؤى كانت تبكي : وهذا كل اللي كنت بقوله لك
غلا في حالة صـــدمهـ من اللي قاعده تسمعه خلاها تعيش بصدمه
رؤى مسحت دموعها وبقهر : غلا الله يخليك قولي أي شيء لا تسكتين من يوم تكلمت وآنتي ساكته
غلاوي بليييييييييز تكلمي قولي اللي تبينه أنا آدري بغلطي بـ ..
قطع كلامها صوت الكـــــف اللي إنطبع ع خدها من غــــلا
حطت رؤى يدها ع خدها و إلتفت لغلا وشافت وجه غلا رآيح فيها من الدموع
رؤى ببحة صوت وإرتباك : آنـ ..
قاطعها مره ثانيه حضن غلا اللي إندفنت فيه وبكت بحرقه
غلا تمسح ع ظهرها ووببحة صوت : حبيبتي كل هذا يصير لك وماتقولين لي
رؤى تبكي بحضنها : ماقدرت أنتظرررت وأنتظررررت رجوعك
غلا بعدت عنها وهي تمسح دموع رؤى : آنا آسفه ع ضربك بس ..
قاطعتها رؤى : وربي كنت محتاجه آحد يوعيني ع الشيء اللي قاعد يصير حولي
غلا تنهدت : الحمدالله ماصار فيك شيء من هالخسيس
رؤى دمعت عينها : لا تقولين عنه كذآ
غلا رفعت رأس رؤى لها : فيه وحده تعشق إنسان ضرها بيوم من الأيام
رؤى صرخت بقهـر : هالإنسان علمني معنى قيمتي صح كانت نيته شينه لكن كلامه يعيشني بعالم ثآني
غلا آخذت نفس : خلاص هدي ياقلبي ولا تعصبين
رؤى بلعت ريقها بصعوبه وتعب : آحس حالي مخنوقه وضآيعه
غلا تنهدت : آهم شيء سلامتك والباقي بطقاااق
رؤى إبتسمت بتعب وقهـر : تحت يخطبني
غلا إستغربت : وش قاعده تقولين آنتي
رؤى قالت بصعوبه : سيـ ـف جــ ـآي يخــ طــ ـبنـ ـي اليــ ــوم
غلا طيرت عيونها : من جدك آنتي
رؤى بكت بقهر وحرقهـ وهي تهز رأسها بـ إيه
غلا قربت لها وحضنتها بتهديها شوووي وكان شكل رؤى يقطع القلب وتنرحم حيـــــل

تحت بالمجلس

سيف قآم من مكانه : يالله إنا أستأذن الحين
فهد قآم معاها : تو الناس تعشى معانا
سيف إبتسم : لا تسلم خيركم سابق
أبو فهد : آجلس ياسيف وتعشى الليله
سيف : والله ياعم أشغالي لفوق رأسي
فارس تنهد : آجل مدام فيها شغل حيآك ياسيف
سيف : تسلم يالله إستأذنكم ولا تنسون تخبروني
فهد : إن شاءالله توصلك الأخبار و إذنك معااك

سيارة سيف
بعد ماطلع من عندهم وهو يتمشـــى بالشااارع
مادري وش ممكن يصير لو رفضتني رؤى
خاف من هالفكرهـ ونفض رأسه يبعدها لا إن شاءالله بتوآفق
أنا أعرف رؤى تحبني وتعشقني بعد
تنهد بضيق وكمل طريقه يارب لا تخيب آملي سويت اللي علي وباقي اللي عليها
يارب فرح قلبي ياااارب ،

بيت أبو سلطان / جنآح سلطآن & جنـى

سحبها لحضنه أكثرر وهو يبوسها ويضمها له ووآضح الشوق بعيونه لهآ
جنى بإبتسآمه بعدت عنه : شوف بنتك تعبتني
سلطان حط يده ع بطنها : بس يابابا عيب
جنى : ههههههههههههه يعني بتفهم كلامك بالله
سلطآن إبتسم : تسلم لي هالضحكه .. بنتك عوبا آكيد تفهم
جنى ضربته ع كتفه : حرآم عليك
سلطان أخذ يدها وباسها وتنهد : ماتتصورين وش قد تعذبت وآنتي بعيدهـ
جنى تنهدت : وربي وآنا آكثر حتى النوم مآطب عيني
سلطان مسح ع شعرها : آهم شيء رجعنا لبعض ياروحي
جنى قربت له ودفنت نفسها بحضنه وهو يلعب بشعرها
سلطان رفعها عن حضنه : وش ودك تسمين البنت ؟
جنى : حبيبي أنت آختار لها آسم
سلطآن رجعها لحضنه : مارآح نختلف عن هالشيء إذا ولدت فيه آلف حلال آخاف أقول آي أسم وبكره آبتلش
جنى : ههههه اوكي ع رآحتك ياقلبي

غرفة رؤى

غلا اللي كانت تهديها شوي وتمسح دموعها وهي إلى الآن مو قادرهـ تصدق اللي صار برؤى
طق الباب عليهم وقآمت غلا بتفتح
رؤى ببحة صوت : غلاوي لاتفتحين
غلا إستغربت : ليش ؟
رؤى بتعب : مالي خلك ع أي آحد
أم فهد من ورا الباب : يمه رؤى أفتحي آنا آمك
غلا تهمس لرؤى : آمك لازم آفتح لها ... رآحت غلا للباب وفتحته ودخلتها
أم فهد تطالع غلا : آنتي هنا
غلا نزلت رأسها : كنت مع رؤى نسولف
إلتفت أم فهد لرؤى وكآن وآضح التعب بعيونها : يمه رؤى شفيك ؟
رؤى تنهدت : ولاشيء يمه بس مانمت زين
قربت لها أمها وجلست جنبها ع السرير وإلتفت لغلا : غلا ممكن تتركيني لحالي أنا رؤى
غلا : طيب ( طالعت رؤى ) : آنتبهي ع نفسك حبيبتي
رؤى هزت رأسها بإيه وهي تطالع غلا اللي طلعت من غرفتها بسرعه
أم فهد إبتسمت : كبرتي يايمه وصرتي عروس
رؤى قبضها قلبها وشكت وسكتت ماإنطقت
أم فهد مسحت ع شعرها : اليوم جاك خطآب
رؤى دمعت عينها :............
أم فهد لاحظت سكوتها وقررت تكمل : رجال معروف وله مال وجاه أسمه سيف الـ ..
رؤى عورها قلبها ع إسمه
أم فهد إستغربت بروده : يمه رؤى شفيك تكلمي
رؤى تنهدت بتعب وتكتفت : شقوول ؟
أم فهد أخذت نفس : أبوك وآخوانك موآفقين وباقي رأييك أنتي .. أنا بخليك ع رآحتك تفكرين يومين وردي لي خبر .... وقآمت آم فهد بتطلع من الغرفه بس وقفها صوت رؤى
أم فهد إلتفت لها : شقلتي ؟
رؤى بتعب : مو موآفقه
أم فهد عصبت : آنتي مافكرتي آساسا عشان تقولين رأيك وهالرجال نسبه ينشرى بذهب مارآح تلقين آحسن منه
رؤى بقهـر : هذآ رأيي وآنا حرهـ
أم فهد ببرود : أرجعي فكري من جديد وبلا لعب بزآرين هذا زوآج ترى
رؤى صرخت من القهر : ماتفهمووون قلت لكم مو موآفقه
دخل أبو فهد ع صرآخ بنته : شفيك حبيبتي ؟
رؤى قآمت وأركضت لأبوها ورمت نفسها بحضنه وهي تبكي
أبو فهد يمسح ع شعرها : يابابا شفيك قولي لي
رؤى بس تبكـي وتشاهق من القهـر
أم فهد عصبت : بنتك تتدلع علينا
دخل فهد وفارس ورآء أبوهم وسمعوا الصرآخ
فارس إستغرب : يبه شفيها رؤى ؟
فهد قرب لأبوه وسحب رؤى منه وهو يمسح دموعها : رؤى حبيبتي فيك شيء
رؤى صرخت : مااااأبيه تفهمون ولا لا قلت لكم ماااااااااااااأبيه
فهد جلسها ع السرير وهداها شووي
فارس إلتفت لأمه : شفيها يمه ؟
أم فهد : قاعده تتدلع مافيها إلا العافيه .. قلت لها عن خطيبها وعصبت وقآمت تصآرخ ماتبيه
أبو فهد : خلوها ع رآحتها وبعدين نأخذ رأيها
فارس إلتفت لها بحده : أتركي عنك الدلع وفكري زين الرجال ماله إلا ساعه طالع من البيت أمداك تفكرين
فهد وهو يمسح ع شعرها : خلاص أتركوها ولا تسألونها عن ششيء
فارس جاء بيتكلم بس قآطعه أبو فهد : آطلعوا عن البنت خلها ترتاح
فهد قآم عنها وباس جبينه : حبيبتي رؤى خلاص هدي مارآح نأخذ منك شيء الحين بس هدي طيب
رؤى هزت رأسها بإيه
أبو فهد : يالله آطلعوآ خلوها تنآم
طلع فارس وأم فهد وهم مو عاجبهم الوضع
وفهد رآح لجناحه والموضوع عنده عااادي مافكر إلا برؤى
أبو فهد بعد ماطلعوا قرب لها وهو يبتسم : حبيبية أبوها مو قايله له وش فيها
رؤى تنهدت : تعبانه شوي
أبو فهد مسح ع شعرها : طيب يابابا آخليك تنامين الحين وآرجع لك بكرهـ
رؤى هزت رأسها بإيه وإنسدحت ع سريرها بتنآم
طلع من عندها أبوها عشان ترتاح شوووي

جنآح فهد & غلا

فهد تنهد : وهذا اللي صار
غلا تضايقت : مسكينه رؤى .. طيب فهد آبي أروح عندها
فهد ببرود : لا خليك هنا هي بتنآم الحين ومالها خلق ع آي آحد
غلا تنهدت بضيق
فهد : لا تخافين عليها .. رؤى قويه بس يمكن ماكان بنيتها الزوآج وتفآجأت من هالشيء وهي بعدها صغيرهـ
غلا من قلب : الله يكوون بعونها
فهد إنسدح ع السرير وسحبها له وطآحت بحضنه وهو يبوس فيها
فغلا بعدت عنه بخجل
ورجع هو سحبها من جديد وهو يضحك ع خجلها و

هنــادي

كانت رآيحه جايه بغرفتها وهي تتذكر عزيمة آمس
ضربت يدها بقوووه ع طاوله وماحست بآلم من القهر والغضب
تنهدت ورفعت رآسها لمتى هالحال يعني تعبت وربي تعبت
جلست ع سريرها بتعب موقادرهـ أفكر وآدبر ولاشيء يزولها من قدآمي وآفتك منها وأرتاااح
إنسدحت ع فرأشها ونزلت منها دمعه حارهـ آحرقت خدها بلهيبها
آحس يدي مربوووطه ومو قآدرهـ آتحرر من ربآطها
سمحت له يروح مني مرهـ ومو سآمحه له مرهـ ثآنيه

كان يمشي بين الشوآرع يدور بيتهم
يتلفت هنا وهنااااك ومالقى ضالته
تنهد بضيق ولف للطريق الثآني وشاف البيت اللي وصفه فهد له
وقف عنده ونزل ومعاه بيدهـ آغراض كثيررره وقال بنفسه ملزوم أنزلها بهالبيت
قرب للبيت وطق الجرس بهدوووء .. ثوآني وفتحت له بنت وتخبت ورآء الباب
يوسف : هذا بيت أبو سعود
روآن تطالع فيه وسآكته إبتسم ع حركاتها وصغرها : حبيبتي نادي أخوك
سمع صوت من ورآ البنت نآآآآآآعم وجذآب : روآن آدخلي دآخل
دخلت روآن تركض لدآخل البيت
أما رنا قربت من الباب ورآحت ورآه وهي بكآمل حجابها : نعم آخووي
يوسف طالعها شوي ونزل رأسه بسرعه ومد الأغراض لها : هذي من الإستاذ فهد وصآني إعطيكم منها وجايبها من لندن .
رنا سحبت الأكياس منه : تسلم ومايقصر فهد
يوسف : العفو تبون شيء ثآني
رنا وهي تسكر الباب : تسلم آخوي
أول ماسكرت الباب وخلته برآ تنهد وش هالعيووون ياناس تطرح الطير من السمآء
إبتسم يوسف ع كلمته العفويه ونزل لسيآرته وتفكيرهـ كله فيهآ وفي جمال عيونها الآسـر

عنـــد رنــــا

أم سعود إستغربت : رنا يمه شفيك من كان بالباب
رنا صحت ع كلام أمها : وآحد وصل هالأغراض وطلع
أم سعود : لا يكون سلطان
رنا : لالا مو سلطان وآحد ثآني
أم سعود : وهالأغراض اللي بيدتس
رنا : من فهد جايبها لنا لما سافر
أم سعود تنهدت : الله يجزآه خير هالفهد
سرحت رنا من جديد ويرجع تفكيها لنفس الشخص وإستغربت بحياتها ماقد شافته
الظاهر هذا بديل سلطان المختفي فجأه
بعدت هالتفكير من بالها وأخذت الأغراض بترتبهم وهي تدعي لـ فهد من دآخلها

رؤى ~

صحت من نومها وهي تعدل جلستها بتعب
إه من إستندت ع سريرها ومسكت رأسها من الصدآع اللي ذبحها
وتذكرت ليلة آمس كلها .. خطبة سيف / رفضها / وإعترافها لغلا
تنهدت بضيق ونزلت دمعه حاااره من عينها خطت ع خدها بآلم
هذي ثاني أبشع ليله عندي والليله الأولى كانت إبتعادي عن سيف
آلمها قلبها وهي تتذكر خطبته وماتدري ليه رآفضه ومافكرت توآفق
آخذت نفس وهي تمسج رأسها اللي بينفجر من الصدآع والآلم
طق الباب عليها وتنهدت : آدخل
دخلت خلود ومعاها بنتها سارا .. جلست خلود ع السرير بجنبها وهي تطالع رؤى
رؤى بتعب : شتبين ؟
خلود تنهدت : فارس قالي عن اللي صار آمس
رؤى : ماصار شيء ورفضت وخلصنا
خلود : بس فارس موآفق وحتى عمي يقولون مافي آحسن منه
رؤى بتعب : وأنا رآفضه يعني رآفضه
خلود :آمممممم تبين الصرآحه
رؤى قبضها قلبها : وشو ؟
خلود : فارس معصب لآخر حد ويقول هي مدلعه وماتعرف مصلحة نفسها عشان كذا فر مخ عمي ووآفقوا الإثنين
رؤى بقهر : وأنا مالي رأي يعنـي
خلود تنهدت : إهدي رؤى
رؤى بكت من القهـر
خلود بإستغراب : طيب أنتي ليه مو موآفقه ؟ أنا أشوف إنه رجال ماشاءالله عليه .. إذا كان عندك سبب ترفضينه
قولي لفهد وعمي وفارس وهم بيشفون سبب رفضك ويقررون
رؤى :...........
خلود بشك : آنتي آصلا ماعندك سبب ترفضينه
رؤى إرتبك وش تبيني أقولك ، أقولك عن إنه بيضرني قبل مايخطبني آجل لا تزوجنا وش مُمكن يسوي
خلود تأشر لها : بنت وين رحتي
رؤى بهمس : معاك
خلود : وآضح المهم بنزل تحت تنزلين معاي
رؤى : طيب .. بس بسألك غلاوي قآمت
خلود : مدري الظاهر قامت ماشفتها اليوم

هذا هو اللي قدرته ..؟
وقدرك ربي عليه ..

بذمتك هذا كلام ..؟
اني ارجع من جديد
ارجع افرش كل تعب
عمري وانام

شقة عبدالله

شافها عبدالله وهي جالسه بالصاله تقطع السلطه للغدآء
قرب منها وجلس جنبها وهو يذوق من سلطتها : آممممم تسلم يدك
سمر إبتسمت : آنتظر للغدآء
عبدالله : جوعان مو قادر آصبر
سمر : هههههههه ثوآني والأكل عندك
عبدالله إنبسط ع ضحكتها من زمان ماسمعها : طيب بسرعه آنتظرك
قآمت من مكانها وهي تلم آغراض السلطه وتتتجه للمطبخ
غرفت له أكل ولنفسها وضبطتهم ع الطاوله وحطت لهم السلطه وعدلت شوي طاولة الأكل
سمر بصوت عالي : عبدالله يالله تعال الغدا جاهز
عبدالله جاء لها مسررع وشكله يضحك
جلس ع الطاوله وبيدأ يآكل بشرآهه
إبتسمت ع شكله سمر وجلست جنبه وهي تحوس بملعقتها ع الصحن
تفآجأت بـ عبدالله يخطف يدها ويبوسها : ياجعلني مانحرم منها
إستحت منه سمـر حييييل وهو إبتسم ع حياءها وكمل آكله

بيت أبو فهد / جناح غلا & فهد

فتح باب الجنآح ودخل وهو هلكان بس يبي النوووم وتوه جاي من شركته
جت له غلا وقربت منه : متى جيت
فهد يجلس ع السرير بتعب : توني وآصل وهلكان من الشغل
غلا إبتسمت : طيب آرتاح .. آجيب لك شيء تأكله
فهد بتعب : إيه جيبي لي غداء ميت جوع بأكل وأنام
غلا رآحت للمطبخ التحضيري بجناحهم وغرفت له من الغداء اللي مسويته ضبطت الصينيه ورآحت له
قربت من عنده وحطت الصينيه ع الطاوله : يالله فهد تعاال تغدى
قرب فهد للأكل وبيدأ يأكل معاها وكاااان وآضح إن تفكيرهـ لبعيد وهو يطالع أركان الجناااح
وتنهل عليه ذكريات ماضي قديم مستحيل ينساه تنهد وقآم من السفرهـ : تسلم يدك
غلا إستغربت منه : الله يسلمك
رآح وغسل يده ورجع لسريره بينآم أول ماإنسدح ع سريره جت غلا عنده وإنسدحت جنبه
إبتسم فهد وسحبها عنده وهي يلعب بشعرها ومحاوطها من وراء ظهرها لاصق بصدره وبهمس : حنــيــن حبيبي
إنصدمت غلا من الإسم قآمت من مكانها وإلتفت له وعيونها إمتلت دموع وببحة صوت : حـ نيـ ـن
فهد إستوعب اللي قاله وعدل جلسته : غلا آنـ..
غلا ببكاء : آنت ليه ماتحس فيني
فهد نزل رأسه وهو يدخل إيدينه بشعر هـ
غلا بصرآخ : ليه ماتحس بمشاااعري .. وحتى وأنا أكون معااااك تفكرر فيها ... ليه ماتحس بحجم حُبي لك
ليه ماتحس بعشقي لك .
فهد رفع رأسه وهو متفآجئ من كلامها
غلا نزلت دموعها بغزآره : إيه إيه لا تستغرب أنا آحبــــــك آحبـــك حيييييييل
فهد مسك كتوفها بهديها وهو يحاول يستوعب كلامها
غلا نفضت نفسها منه وبعدت عن السرير وهي تبكي بقهـــر : ودي آفهــــم ليه يااااااااربي ليه

إنتهى البآرت