شبكة همس الشوق - عرض مشاركة واحدة

1 - 12 - 2011, 05:10 PM

تحت بالصآله

رؤى وهي جالسه تلاعب سار ا
جاء لها فارس ووقف ع رأسها وتكتف
رؤى طالعت فيه شوي وقلبت عيونها ورجعت لسارونه تلاعبها
فارس : إلى الآن مُصره ع رأيك
رؤى بطفش وهي تمد الكلمهـ : إيــــه
فارس عقد حوآجبهـ : يعني رأسك يابس
رؤى بحده : آنت ليه تحاول تغصبني عليه
فارس تنهد : آنا ماأحاول آغصبك كل اللي أبيه إنك تفكرين والشيء الوحيد اللي سويتيه إنك رفضتي حتى نتكلم بالمـوضوع ..
رؤى : فارس هذا رأيي وأنا حرهـ ماأسمح لك تتحكم فيني
فارس عصب : آنا آخوك الكبير ..
قآطع كلامه فهد اللي سمع كلامهم وهو نازل : يافارس خلاص إتركها
فارس : ماتسمعها شتقول
فهد إلتفت لرؤى : مره ثانيه لا تعلين صوتك ع آخوك الكبير
رؤى تكتفت بقهر وسكتت
فهد آخذ سارا وقآم يلاعبها بحضنه
فارس طالع رؤى بنظرات تهديد وتركها وصعد فوق لغرفته
رؤى دمعت عينها : فهد شوف فارس شيسوي
فهد إبتسم لها : بزر آنتي ...وبعدين فارس ماسوى هالشيء إلا من خوفه عليك
رؤى تنهدت :مابي من خوفه شيء
فهد : رؤى وبعدين
رؤى بطفشش : خلاص بسكت ... إلا بسألك غلاوي فوق؟
فهد تذكر اللي صار بينهم : إيه
رؤى إستغربت من تغييره المُفآجئ : بروح لها

عند غــلا

غلا تبكي : رنـو آنا تعبت
رنا تنهدت : اللي صار بينكم ماأشوف فيه شيء عااادي
غلا مسحت دموعها : آنتي ماتحسين بحجم مُعاناتي أقولك وأنا بحضنه يذكر غيري
رنا زعلت عليها : غلوووي خلاص حبيبتي لاتبكين عشان خاطري هدي
غلا ببحة صوت : آنا ماعاد آقدر إستحمل بروح لبيت أبووي هناك
رنا : لالالا غلاوي
غلا إستغربت : ليه
رنا : ماله دآعي .. بكره يسأـلك أبوك عن السالفه
غلا تنهدت : وهذا اللي مضيق خلقي
رنا : خليك بالبيت وتفاهمي آنتي وياه
غلا بسخريه : ع وش نتفاهم ع إني آحبه وهو لا
رنا : غلاوي ترى آهم شيء يكون لك مكانه بقلبه
غلا إثرت فيها هالجمله وتحس بسعآده لو كانت صدق
رنا : لك مكانه بقلبه ؟
غلا بهمس : إيه دآيم يقول آنتي أغلا شيء عندي
رنا إبتسمت : آجل خلاص شوي شوي ويبدأ يحبك طبعآ بمساعدتك
غلا برجاء : تتوقعين ؟
رنا من قلب : إن شاءالله ياقلبي
غلا كانت بتتكلم بس فآجأها دخول رؤى للغرفه : رنو آكلمك بعدين رؤى عندي الحين
رنا : اوكي ياقلبي سلمي لي عليها
غلا : يوصل ... فمان الله .. سكرت الجوال وإلتفت لرؤى : آمريني
رؤى : ههههههههههه من كان معاك ع الخط
غلا : صديقتي رنا .. وع فكره تسلم عليك
رؤى إبتسمت : الله يسلمها
غلا : شعندك حبيبتي جايه
رؤى بإستهبال : يعني آطلع
غلا صدقت : لا حبيبتي شدعوه
رؤى : ههههههه آمزح معاااك
غلا رمتها بالخداديه : هههههههههههه دوبه
رؤى : ننزل تحت ترى مافيه إلا فهد وسآرا .. أمي وأبوي طالعين وفارسوه الزفت هو وخلود طلعوا عشان خلود عندها مرآجعه بالمستشفـى
غلا : هههههههههههههه فارسوه الزفت ؟ ههههههههههههههههه
رؤى بقهر : قهرني هو وجهه
غلا إبتسمت : إحمدي ربك عندك آخوان كبار .. آنا ياليت عندي يكونون سندي بهالدنيا
رؤى مسكت يدها وسحبتها : آقول آمشي خلي سندي وماسندي
غلا قامت معاها ومشت : هههههههههههه
وهم نازلين مع الدرج ~
غلا : سلامات شفيها خلود ؟
رؤى ببرود : مُرآجعه عاديه عشان حملها
غلا : ماشاءالله هي بأي شهر
رؤى : اممممممم تصدقين مدري الظاهر بالسادس
غلا : مو وآضح عليها
رؤى : خلود كذا من قبل حتى بسارونه
غلا : الله يعينها ويسهل عليها
رؤى سحبت غلا للمطبخ
غلا إستغربت : ليه داخلين للمطبخ
رؤى : والله حبيبتي مشتهيه كوفي من إيدياتك
غلا إبتسمت : اوكي من عيوني
فهد لمحهم وهم داخلين لما كان بالصاله ولحقهم
دخل للمطبخ وشافهم يحوسون فيه : غـلا
غلا إلتفت له بسرعه : هلا
فهد إبتسم لها : شخبارك الحين ؟
غلا قلبها يضرب بقوه ومرتبكه : اممم تمام
فهد : طيب آنا بطلع للصاله إذا تبي شيء قولي لي
غلا بخجل : إن شاءالله
وطلع فهد للصاله وعيون غلا تراقبه لحد ما إختفـى
آخذت الماء المغلي من النار وكانت بتسكبه ع الكوب بس فاجأتها كلمة رؤى
رؤى قربت لها ونغزتها مع خصرها : ياعيني ياعيني ع العشق
غلا إرتبكت وإنفلتت المويه من يدها وإنكبـت كلها ع يدها اليسار وصرررخت بآلم :آآآآآآآآآآآآآآآآآآآآآآهـ
رؤى خافت : غلا غلا فيك شيء
غلا كانت طايحه بإرضية المطبخ وتون من الآلم : آمممم آآه يدي
رؤى خافت حيل وطلعت ن المطبخ تركض : فهـد فهههههههههد
فهد سمع صوتها وفز من مكانه لها : شفيك
رؤى تتكلم بسرعه : غلاااااا المويه الحاره ع يدهااا
فهد تركها مكانها ورآح بسرعه لغلا اللي يسمع صرآخها من المطبخ
تفآجأ بشكلها اللي ع الأرض وهي تتقلب من الآلم ،،ركض لها سحبهآ من الأرضيه وحطها بين رجوله : غلاوي فيك شيء
غلا تتآلم وتبكي : يـ ــ دي
فهد شاف يدها وإنرعب من مضرها كانت حمرااااء والجلد نصه مسلوب من حرارة المويه
فهد إلتفت لرؤى : روحي جيبي عبايتها بسسسسسرعه
رؤى ركضت لفووق غرفتهم وسحبت عبايتها وعباية ونزلت تحت ودموعها بعينها
رمت العبايه ع غلا وفهد لبسها وسندها ع نفسه وطلع لسيارته بسرعه وورآه رؤى الي كانت ميته رعبه

في إحدى مطاعم الخبر

كان يتوآجد فيه نواف وخزآمى ودانا مطلعهم نواف يتعشون

دانا بتردد : نواف وين وليد
نواف ببرود : مات
خزآمى : ههههههههههههههـ
نواف إبتسم : يالبى الضحكه وراعيتها
خزآمى إستحت وهي تلعب بالملعقه في صحنها وتحوسه
دانا تكتفت بقهر : نويف رد علي لا تطنش
نواف : إففف إصغر عيالك أنا نويف وبعدين وش دراني عن وليد مولده وناسيه
خزآمى : هههههههههـ
دانا عصبت : وآنتي ماعندك غير الضحك عشان يتغزل فيك قيس
نواف : لا تصارخين عليها ياويلك
دانا إنقهرت منه ودمعت عينها آخذت شنطتها بتطلع
مسكها نواف وهو يضحك : هههههههههه دندون شفيك ياقلبي آمزح
دانا ضربته ع كتفه : دووب
جلسها نواف جنبه : ياحساسه
دانا تنهدت : آنت قهرتني
خزآمى : دندون وربي آسفين ولا تزعلين ياقلبي
نواف أرسل لها بوسه
وهي إستحت من وجود دانا
دآنا : عادي بس لا عاد تتعودونها
نواف : آمرك آنسه دانا
دانا عرفت إنه يتطنز وإبتسمت هالمره

بيت أبو فهد / جنآح فارس وخلود

كانوا توهم وآصلين من المستشفى ودخلوا جناحهم
فارس نزل سارا من حضنه ع السرير : آنا قايل لرؤى تنتبه عليها لحد مانرجع جيت ولقيتها مع الشغاله
خلود : إيه بس مافي آحد بالبيت غريبه
فارس : تلقين رؤى الزفت مطفشه فهد لحد ماطلعها من البيت هو وزوجته
خلود سرحانه وماسمعته :....................
فارس قرب لها : خلود حبيبي شفيك ؟
خلود رفعت رأسها : هاه ..لا ولا شيء
فارس جلس جنبها : علي آنا ؟
خلود ع طول دمعت عينها
فارس مسح دموعها : وربي كنت حاس من أول ماطلعنا من المستشفى وأنتي فيك شيء
خلود تنهدت : خايفه شوي ؟
فارس بحنيه : من آيش ياقلبي قولي لي
خلود آخذت نفس : بدخل للشهر السابع بعد آسبوعين وخايفه آولد نفس سارا وأتعب نفس ماتعبت فيها
فارس مسح ع شعرها : ياقلبي آنتي لا تخافين آنا معاك والدكتورهـ طمنتنا عن حالتك قبل شووي
خلود تنهدت بتعب : بس خااايفه مرهـ
فارس ضمها بقووه ومسح ع شعرها : قولي لا إله إلا الله
خلود بهمس : لا إله إلا الله
بعدها عن حضنه شوي وباس جبينها : آذكري ربك ومو صاير إلا كل خير
خلود إبتسمت له برآحه : إن شاءالله

ما صغرت بعين أعدائي عشان أصغر بعينك
وأنت عارفني وعارف أني بعيــنك كبيــر
بس أكيــد هناك واحد جالس بيني وبينك
همــه أني كــل ما أكبر أطلع بعينك صغير !!

بالمستشفـــــى

كان جالس معاها ع سرير المستشفى وحآضنها بخوووف وهي يطالع الممرضه وهي تضمد يدها
مسح ع شعرها وهي تتآلم بصمت : شخبارك الحين
غلا بهمس : تآلمني يدي
طالع فـي يدها المضمدهـ ومسح عليها : إن شاءالله تطيب
غلا مسحت دموعها اللي نزلت غصب منها وقربت لحضن فهـد آكثر وآكثر وهو حاوطها بيدهـ
رؤى قربت من عندهم : فهد نرجع الحين
فهد قآم من السرير وقوم غلا معاه : إيه بس بآخذ لـ غلا مرهم وكريمات من الصيدليه عشان يدها
رؤى : طيب يالله
مشى فهد وهو مسند غلا عليه ووراه رؤى متوجهين للسيارته
ساعد فهد غلا ع الركوب للسياره وركب هو ومعاه رؤى وتوجهوا للصيدليه القريبه
نزل بسرعه وآخذ كم كريم ومرهم موصوفين لغلا ورجع لهم بدقايق
حط الآغراض جنبه وحرك للبيت وهو كل شوي يلتفت يطالع غـلا اللي كان وآضح الآلم فيها إلى الآن
مسك يدها اليمنى السليمه وضغط عليها : فيك شيء
غلا هزت برأسها لا
رؤى : غلوي تعبانه
غلا بهمس : لا بس يدي
فهد : الحين آحط لك من المرهم وتطيبين ويخف الآلم

سيـف ~
كان رآيح جاي بالغرفه وذآبحه التوتر : مو قادر إصبر كم يووم
آبي الرد الحين بفارغ الصبر .. ودي آتصل بس ماراح يعطوني الجوآب الكافي
شفيك ياسيف إهدى لهالدرجه هبلت فيك رؤى .. تراها مثل آي بنت بهالدنيا
لالا رؤى مو مثل آي آحد ,, هي اللي بتكون زوجتي وآم عيالي
إبتسم ع هالكلمه وتخيلها تصيرر .. يارب حقق مُنااااي يااارب
إن شاءالله بتكونين عما قريب زوجه لي وحاس بموافقتك يارؤى ووآثق من هالشيء
بس مدري ليه هالتوتر مو رآضي يخـف ويتركني بحااالي
جلس ع السرير وكمل من قلب : يااارب حقق مُناااي

بيت آبو فهد / جناح فارس وخلود

نزل فارس سارا من حضنه ورآح لخلود المستلقيه ع السرير : وشخبارك الحين
خلود بهمس : آحسن من قبل
فارس : الحمدالله
خلود : ودي آشوف رؤى وين رآحت ؟
فارس : تلقين فهد مطلعها مكان هو وزوجته
خلود مسكت يده : حبيبي بطلب منك طلب
فارس ضغط ع يدها : آمري
خلود تنهدت : لا تضغط عليها بسالفة خطبتها
فارس تأفأف : بس ياخلود ..
قاطعته : الله يخليك ع الأقل إسمع رأيها وإحكم بعدين
فارس تنهد : بفكر بهالشيء إن شاءالله
خلود إبتسمت له : الله لايحرمني منك
فارس رد لها الإبتسامه : ولا مـنك

تحت بالصاله

دخلت رؤى وهي تنزل عباتها ووراه فهد اللي مسند غلا عليه
أبو فهد وقف يوم شافهم : رؤى يبه وين رحتي
رؤى : مع فهد للمستشفى
أم فهد : لايكون فهد فيه شيء
دخل فهد ع كلمتها وبيده غلا : لا مافيني إلا العافيه
أبو فهد : سلامات آجل ليه رآيحين
فهد وهو يجلس وغلا جلسها جنبه تنهد : غلا إحترقت يدها من المويه المغليه
أبو فهد : سلامات يابنتي
غلا بتعب : الله يسلمك ياعمي
أم فهد : شخبار يدك الحين
غلا بتعب : آحسن بس آحس بآلم
فهد طالع فيها : قومي إرتاحي فوق وبحط لك المراهم
قامت غلا وهو قآم وراها متوجهين لجنآحهم
إلتفت أبو فهد لـ رؤى : كيف صار فيها كذآ
رؤى : كنت آتكلم معاها وإنفلتت المويه ع يدها
أم فهد تنهدت : إن شاءالله مافيها شيء

بيت بو سلطان

ريم وهي نازله مع الدرج وكانت تتسمع نصايح عادل وتبتسم : لا تخاف قلبي بنتبه ع نفسي
عادل بشك : متأكدهـ
ريم : هههههههه وربي بس خليني أروح
عادل مسك يدها وسحبها للصاله وهي تضحك عليه
أبو سلطان : على وين يابوك
عادل تنهد : بوصل ريم لإهلها
أم سلطان بخوف : يمه ياريم المشي مو زين لك
ريم إبتسمت : لا عادي ياخالتي الدكتورهـ طمنتنا
أم سلطان : آجل إنتبهي ع نفسك
ريم وهي تبوس رأسها : من عيوني
عادل إشر لها : الله إمشي بسرعه
ريم مشت وراهـ وهي تتغطى بالنقاب
متوجهيــن الإثنين لسيارتهم