شبكة همس الشوق - عرض مشاركة واحدة

1 - 12 - 2011, 05:14 PM

بيت بو نواف / جناح عبدالله

عبدالله اللي كان يطالع فيها وهي تكشخ عند التسريحه : متى بتجين من عند آهلك
سمر تنهدت وهي تتعطر : يمكن أتأخر تراي من زمان عنهم
عبدالله هز رأسه بإيه : بس مانمتي آمس زين
سمر إلتفت له وتركت اللي بيدها : تسمح لي أنام عندهم
عبدالله إرتبك من منظرها كانت فاتنه حيل وأول مره يشوفها بهالشكل
كانت لابسه تنوره سودآء جينز ضيقه تحت الركبه بشوي وبلوزهـ رماديه كات مرسوم عليها بالإحمر شكل شفايف ..وشعرها القصير مسويه له لف وفاكته والقذله ع اليمين وماكانت حاطه إلا قلاس خفيف وكحل رمادي
سمر إستغربت : عبدالله وين رحت ؟
صحى ع صوتها وإبتسم : سوي اللي يريحك
سمر بادلته الإبتسامه وقربت من جهته بتأخذ عباتها اللي كانت قريبه منه
عبدالله لما قربت منه إستنشق عبير ريحة عطرها الفاتنه حيل وغمض عينه وصد عشانها
سمر بعد مالبست عباتها : تبي شيء وأنا راجعه السواق ترى ينتظرني تحت
عبدالله بلع ريقه : آحم لا سلامتك
سمر سحبت شنطتها وطلعت من الجنـاح وهي تعدل غطاها
لحقتها نظراته لحد ماإختفت من إمامه وهو مستغرب حيل من قمة جمالها
أبد ماكانت كذا بالشقه كان إغلب لبسها سبورتات وبجايم عاديه بحياتها ماقد لبست تنوره أو جينزات أو فساتين حتى لما كانت تجي شذى تلبس لها لبس البيت .. يالله وش صار فيك ياعبدالله إصحى فهيت بالبنت حيل
وبغيت تأكلها من نظرآتك تأفأف من داخله وإنسدح ع السرير بتعب بينآم من الإرهااااق

رؤى ~
ترددت كثير وهي تطالع رقمها : ياربي إتصل ولالا .. حتى لو إتصلت وش أقول إعذريني نور ماقدرت أكلمك أكيد مو مسامحتني بعد ماسحبت عليها سحبه آليمه وتركتها من غير مُبرر لها
تنهدت بضيق من هالإفكار اللي تصارعها وتآلمها من الداخل توكلت ع ربها وضغطت ع الرقم حطت الجوال ع إذنها وهي تنتظر الرد .. رنه ورنتين وبدأ قلبها يضرب بقوه وش فيها ماترد عليها
بعد الرنه الرابعه جاها صوت اللي إشتاقت له حييييل : ألو
رؤى دمعت عينها ع طوول : نــور !
نور تنهدت : آهلين رؤى
رؤى مسحت دمعتها وإبتسمت : إشتقت لـــك حيل
نور بسخريه : عسى ماتكلفتي
رؤى تنهدت بضيق وعرفت بزعلها : حبيبتي آسفه وربي آسفه ع اللي صار لكن أنتي تعرفين الظروف اللي مريت فيها وتعبي بالمستشفى ورجعت أخوي بالسلآمه إشغلتني عنك حيل
نور :.......
رؤى تضايقت : والله لو تدرين عن اللي فيني والله عذرتيني
نور تنهدت : ماراح إسألك وش اللي صار لك يمكن شيء خاص وماتبين تقولينه لكن ع العموم مدامك حلفتي إعذرك ياقلبي
رؤى إنبسطت حيل : يالبى قلبك الإبيض وحشتينــــي حيل
نور إبتسمت : وأنا أكثر والله
رؤى برجاء : أبي أشوفك ضروري
نور : خلاص تعاليني بالبيت
رؤى إرتبكت : هاه .. لالا مو ببيتكم
نور إستغربت : وش فيك حبيبتي ؟
رؤى بلعت ريقها : ولاشيء ..وش رأيك نروح مول أو كوفي
نور بفرحه : اوكي ماعندي مانع
رؤى : وأقولك عن سمر
نور متفاجئه : سمر ؟
رؤى دمعت عينها : رجعت لنا
نور دمعت عينها غصب : من جدك.. يالله من زمااااااااان عنها الحمدالله ع سلامتها
رؤى مسحت دموعها : إيه والله الحمدالله
نور : خلاص حبيبتي نلتقي بأي مكان ونتفق عليه
رؤى : اووكي ياقلبي ،

تغيّب و تشعل بـ جوفي حرآيق من وله وأشوآق
وأنا غايب من غيابك وهمي أول ضــــــــــيوفي

دخيلك لاتعودني على غيابك ترى ما فــــــــــــاق
هذاك الخافق الغافي من غيابك وسط جوفي

تخيل أسولف له عن الذكرى عن الأشواق
يتمتم هيه لآ تصحي جروحي قلتلك : يوفي

دخيلك والسوآلف دون حكيك مآلهآ أطوآق
تعآل وطوّق شتآت السوآلف و إشبك حروفي

بيت بو سلطآن / الصاله

أم سلطان ترفع يدها : ياربي لاتحرمني شوفتها يارب
سمر تضحك : خلاص يمه هذآني قدآمك مافيني إلا العافيه
جنى : خلاص ياخالتي شوفيها تزقح مافيها إلا العافيه
سمر ضربتها بالخداديه : دوووبه
ريم : ههههههههههه إلى الآن على شطانتك ياسمر
جنى وهي تبعد الخداديه : يقولون الزوآج يركد بس عز الله الناس بتركد إلا سمر
سمر : هههههههه بمشيها لك هالمره
جت هنادي وبيدها صينية حلى جلست جنب سمر ومدت لها الصينيه : حلاك اللي تحبينه سويته لك
سمر إنبسطت وأخذت منه ونزلته ع الطاوله : يابعد عمري تسلمين
هنادي بعتب : ليه ماجلستي معانا آمس ليه رحتي مع عبدالله ع طول
ريم : هنادي .. ترى سمر متزوجه لازم تكون مع زوجها
هنادي بطفش : مايعتبر زوجها بهالطريقه
جنى : إستغفري ربك هم بالشرع متزوجين
هنادي عصبت : يالقافتكم
سمر قاطعتها : هنادي عبدالله زوجي وأنا طلبت منه نمشي لبيتهم
هنادي تنهدت : طيب خليك جالسه عندنا اليوم
آم سلطان : صادقه أختك إجلسي عندنا الليله
جنى : إيه والله ياقلبي من زمان عنك
ريم : ماراح نخليها تروح أساسا
سمر : هههههههه يمه أكلتوني وقررتوا بدالي شوي شوي علي طيب
أم سلطان إبتسمت لها : مشتاقين لك يايمه و شيسوون
سمر إبتسمت : اوكي ويمكن أنام بعد
هنادي : إيه نامي بعد عندي
جنى جت بتتكلم بس دق جوالها وردت بسرعه : هلا خزآمى ...... أنا وريم ......... اوكي آنا ماعندي مانع بس بسأل ريوم وأرد عليك .......... إن شاءالله حبيبتي .... يالله باي
أم سلطان : وش تبي منك يايمه
جنى وهي تطالع ريم : تبينا نطلع أنا وريوم معاها هي ودانا للمول عشان أغراضهم الباقيه لزوآجهم
ريم إستغربت : بالعاده يرحون مع بعض
جنى بلا مُبالاه : الظاهر ناقصتهم أغراض ضروريه ويبونها منا
ريم تنهدت : اوكي بروح معك .. بس متى ؟
جنى : بقولها المغرب يعني تقريبا ع الساعه سبعه
ريم هزت رأسها بـ إيه
سمر تحس بقهـر من ذكر إسمها : متى زوآجها
هنادي : تقصدين مين ؟
سمر : خزآمى ؟
أم سلطان : خزآمى ودانا زوآجهم مع بعض بعد شهرين الظاهر
سمر بهمس : آها .. الله يوفقهم

بيت بو فهد / الصاله

رؤى نزلت بسرعه وبيدها عباتها تلبسها ع السريع
أم فهد تأفأفت : شوي شوي
رؤى تنهد : وربي مستعجله
أم فهد : وين بتروحين ؟
رؤى : أنا ونور متفقين نطلع
غلا بفرحه : كلمتيها ؟
رؤى إبتسمت : إيه لبى قلبها وتفهمت موقفي وعذري
غلا إنبسطت : اوكي إن شاءالله تنبسطون برآ
أم فهد : يمه رؤى إنتبهي ع نفسك
رؤى باست رأس أمها : إن شاءالله يالله بااي .. وطلعت تركض لسيارة السآيق مستعجله
أم فهد إلتفت ل غلا : غـلا
غلا إنتبهت لها : نعم
أم فهد وهي تطالع يدها : كيف يدك ؟
غلا بهمس وهي تمسح ع يدها : تمام
أم فهد هزت رأسها بإيه : سلامتك
غلا قآمت من مكانها : عن إذنـك خالتي بروح جناحي
أم فهد آشرت لها بيدها بمعني بكيفك

بيت بو سلطآن / جنآح ريم وعادل

ريم بقهر : ليه حرآم عليك ؟
عادل تنهد : آنتي تعبآنه ماتقدرين تتحملين المشي بهالإسوآق
ريم تكتفت بقهر : بس دانا وخُزآمى محتاجيني آنا وجنى
عادل وهو ينسدح ع السرير : ريم خلاص مافيه روحه تكفي عنك جنى
ريم ضربت رجلها بالإرض : الله يخليك وحتى أنا ناقصني آغراض
عادل :......
ريم : طيب شوف سلطان وآفق ع جنى
عادل قآم وعدل جلسته : أنا غير وسلطآن غير وبعدين لاتنسين حالتك غير عن جنى
ريم تأفأفت بقهر وجلست ع السرير وهي تهز رجلها دليل ع قهرها
رحمها عادل وقرب منها وحاوطها بيده ع أكتافها : والله كل هذا عشآنك
ريم دمعت عينها : بس أنت قاعد تبالغ كثير أنا وربي مافيني شيء
عادل قربها منه كثير : والله من خوفي عليك
ريم تنهدت بضيق :.............
عادل تأفأف مايبها تزعل ولا يبيها تروح : إطلبي أي شيء غير الروحه للسوق
ريم : أنا من الإساس محتاجه السوق من غير مايطلبون مني إني أروح معاهم
عادل : قولي لي وش محتاجه ؟
ريم : ملابسي بدت تضيق علي والحمل صار يبين حيل يبيلي ملابس غير وأوسع
عادل تنهد وآحتار :....
ريم تعلقت بيده : حبيبي خليني أروح والله ماإجهد نفسي
عادل رحمها : وعـد
ريم إبتسمت : وعد
عادل : وكل ماتعبتي تجلسين زين ؟
ريم هزت رأسها بـ إيه
عادل تنهد : الشكوى لله خلاص روحي مشكلتي ماأقدر ع زعلك
ريم ضمته بقووه : الله لا يحرمني منك

في إحدى مولات الخبر

رؤى تضايقت : من متى تجيك هالكوآبيس
نور تنهدت :من مده قصيرهـ
رؤى مسكت يدها : حبيبتي لا تتضايقين يمكن بس عشانك تفكرين
هزت نور كتفها بمعنى مدري
رؤى إبتسمت لها : يالله عاد إتركينا من سوالف منالوه هالزفت وقولي لي عنك
نور : ههههه والله ماتغير شيء
رؤى جت بتتكلم بس رن جوالها رفعته وإنصدمت من الرقم سيف يتصل فيها
آخذت نفس وحطت جوالها ع الصآمت وخبته بالشنطه
نور إستغربت : ردي مين المتصل ؟
رؤى إرتبكت : لا مو أحد مهم
نور : يمكن آمك
رؤى : لالا مو آمي خلاص أصلا قفل الخط
نور إستغربت ربكتها ولا قالت شيء
رؤى بنفسها ياترى ليه متصل ياسيف وش تبي يعني بعد ما دست ع قلبي ورفضتك
صحت ع كلآم نور : هاه وش كنتي تقولين
نور وهي تقوم وتسحب شنطتها : آمشي بنتسوق شووي
رؤى آخذت شنطتها ولحقتها بيتمشون وللإسف طول الوقت سيف ماغاب عن بالها