شبكة همس الشوق - عرض مشاركة واحدة

3 - 12 - 2011, 03:54 PM

بيت بو وليد

دخلت مع وليد بخطوآت خجووله ومتردده بنفس الوقت وهي تسمع الترحيب فيها
سعاد وهي تسلم عليها : كيفك ياقلبي
دانا إبتسمت بخجل : تماام وآنتي
سعاد وهي تدخلها المجلس : تماام بشوفتك
دانا إبتسمت لها ودخلت سعاد قلبها ع طوول
سعاد وهي تمد لها فنجال القهوه : تفضلي
دانا آخذته بحياء : زآد فضلك ،، الحمدالله ع سلامة وصولكم من الكويت
سعاد إبتسمت : الله يسلمك
دانا جت بتتكلم بس فاجأها دخول هنـد وهي تطالعها مبتسمه
دانا قآمت لها وسلمت عليها ببرود قآتل وجلست جنبها
هند : حيالله من جانا
دانا إبتسمت لها بمجامله وهي تتذكر وش سوت فيها : يحيك
هند : من زمان عنك حتى بالكليه ماعاد نشوفك
دانا : دنيا تشغل الناس عن الناس
سعاد بحسن نيه : ماشاءالله آجل آنتم بكليه وحده
هند بدون نفس : إيه
دانا سكتت ولا قالت شيء
دخلت آم وليد قآطعه سكوتهم
قآمت دانا بحياء تسلم عليها تبوس رأسها
أم وليد : وش علومك يابنتي وعلوم آمك
دانا بحياء : الحمدالله وتسلم عليك
أم وليد : الله يسلمها يايمه ويخليها لك

بيت بو نواف / جنآح عبدالله & سمر

عبدالله يستهبل : الناس كلهم بدوآماتهم بهالوقت وأنا وأنتي عااطلين
سمر : ههههههههههههههههه آنت العاطل مو آنا أنا فقط ساحبه ع الكليه وبرجع بإذن الله
عبدالله : إلا صدق متى ترجعين لهالكليه
سمر جت بترد بس رن جوالها ورفعته بتشوف المتصل وإنصدمت منه
عبدالله إستغرب : وش فيك ردي
سمر بلعت غصتها وردت : هلا خُزآمى
عبدالله رفع رأسه بسرعه واللهفه وآضحه عليه
سمر تآلمت من هالنظره وهاللهفه : لا آنا معاك بغيتي شيء
خزآمى إستغربت برودها : لا حبيبتي بس حبيت أسأل عنك
سمر بمجامله : آنا بخير من سمعت صوتك
خُزآمى ع نياتها : فديتك والله مشتااقه لك خلينا نطلع لنا طلعه
سمر صدت بعيد عن نظرآت عبدالله : لا ماأقدر مشغوله شويتين
خزآمى : آهاا , الله يعينك حبيبتي العمر يخلص والشغل مايخلص
سمر تنهدت بضيق وهي تتذكر عشقه لها
خزآمى إزداد إستغرابها : فيك شيء
سمر إنتبهت لها : هاه لا بس عبدالله يناديني الحين
خزآمى : اوكي روحي له وأنا إتصل عليك وقت ثآني
سمر : طيب مع السلامه ,, سكرت منها بدون ماتسمع ردها وتنهدت بضيق الله يسآمحك ياعبدالله
لا وش ذنب عبدالله الذنب ذنب قلبي يحب وآحد مافكر فيه
نفضت هالإفكار من بالها وهي تشوفه يقرب من ناحيتها : وش تبي منك
سمر إستغربت : من ؟
عبدالله : خـزآمــى !
سمر تضااايقت حيل حتى نطقه لإسمها كان بحنااان وآضح ممزوج بعشق ولهفهـ
عبدالله آشر لها : وين رحتي
سمر بهمس : كانت تبينا نطلع مع بعض وآنا رفضت
عبدالله بعفويه : ليه ؟ إطلعي معاها
سمر إكتفت بنظرآت له عجز يفسرها
عبدالله : فيك شيء
سمر بلعت غصتها وهزت رأسها بـ لا
تركته مكانه وإتجهت لغرفتها بتعب بااااالغ يهد الحيل
عبدالله إستغرب منها بس طنش وهو يجدد تفكيرهـ بخزآمى وإتصالهاا

خـزآمى ~

طالعت الجوأل وهي بقمة الإستغراب
وش فيها سمر علي ؟! من أول ماجات وهي متغيرهـ علي
تتكلم مع كل البنات وتمزح إلا آنا ؟ مدري ليه
ماإتذكر إني غلطت بحقها أو آذيتها بشيء
حتى إستغربت إنها ردت ع إتصالي وأنا صار لي يومين إدق عليها ولا ترد
ودي إسألها ومترددهـ
رن جوآلها وهو يقطع حبل أفكارها إبتسمت وردت ع طوول : آهلين
نواف : كيف الحلوين
خزآمى إبتسمت : يسلمون عليك
نواف : لبى سلامهم كله
خزآمى : ههههه
نواف بهمس : إشتقت لك
خزآمى بخجل : وأنا آكثر
نواف رفع حاجبه بتعجب : لو مشتاقه كان إتصلتي !!
خزآمى تذكرت اللي صار بينها وبين سمر وسرحت
نواف إستغرب : بنت وين رحتي
خزآمى إنتبهت له : هاه معاااك
نواف إبتسم : وآآضح ,, قولي وش فيه صوتك
خزآمى تنهدت بضيق : حبيبي لو فيه شخص عزيز ع قلبك تغير عليك فجأه وش تسوي ؟
نواف بتفكير : لو كنت متأكد إنه متغير من مزآجه دون ماغلط عليه بخليه برآحته هو بيرجع من نفسه
خزآمى تنهدت : أنا نفس كلامك
نواف : قولي قلبي من متغير عليك
خزآمى : لا محد متغير
نواف : برآحتك لا تقولين بس إذا كنتي محتاجه تتكلمين تراني موجود
خزآمى إنبسطت : الله لا يحرمني منك

بيت بو وليــد

دانا : يعني بعد ماتزوجتي ع طول رحتي للكويت
سعاد هزت رأسها بـ إيه
دانا : آمممممم طيب حلوه الكويت
سعاد : إيه حلوهـ ومرتاحه فيها الحمدلله
دانا جت بتتكلم بس دخل وليد ومعاه بنت صغيره شايله : ياناسو بنت هذي مين
وليد جلس جنبها ومد البنت لدآنا : بنت سعااد
دانا آخذتها وبوستها كانت البنوته تجننن عمرها سنتين ودبدوبه شوي وبيضآء ووآضح إن توها قايمه من النوم
سعاد : هذي بنوتي ريماا
دانا تبوسها : لبى قلبها , بنتك الوحيده ؟
سعاد : لا عندي ولد عمره 7 سنين إسمه ريآن
دانا إبتسمت وهي تلاعب ريما : الله يخليهم لك
سعاد : تسلمين حبيبتي
دخلت عندهم هند وهي تجلس ع كنبه بتعب وورآها الشغاله ومعاها صينية حلـى
وليد عقد حوآجبه : آنتي هنا ؟
هند : إيه من آمـس
وليد : من جابك ؟
هند : آبوووي جابني الليل
سعاد قاطعت حديثهم وهي تمد صينية الحلـى لدانا : ذوقي حبيبتي تراه من يدي
دانا إبتسمت لها : تسلمين
هند برفعة حاجب : بس دانا ماتأكل حلـى فيها السكر تتعب علينا الحين ونبتلـش
دانا تفاجأت من كلامها ونزلت الحلى من يدها
سعاد تفشلت ولاتدري وش تقوول
وليد طالع هند بنظرات كلها حدهـ وغضب وقرب من دآنا وهمس لها : حبيبي فيك شيء
دانا هزت رأسها بـ لا
هند قآمت من مكانها وطلعت ولا كأنها قالت شيء
سعاد تنقذ الموقف : ماعليه دانا أنا ماكنت عارفه بـ..
دانا بلعت غصتها وإبتسمت : لا عاادي حبيبتي مو ذنبك
وليد مسك يد دانا وضغط عليها بخفهـ يحسسها بوجوده جنبها دآيم