شبكة همس الشوق - عرض مشاركة واحدة

3 - 12 - 2011, 03:58 PM

البارت الـ 37

شقة آهــل رنــا

رنا تنهدت بضيق وهي تمد ملعقة الشوربه لها : إشربيها يالغلا عشآني
آم سعود بتعب : لا يمه مو مشتهيتها
رنا نزلت الملعقه بالصحن : طيب قولي لي وش مشتهيه وآجيبه لك
أم سعود : ولا شيء يآرنا
رنا تنهدت : يايمه عشآن رجلك آكلي تراها تطيب من التغذيه
أم سعود :...
رنا هزت رأسها بعدم رضا وقآمت من مكانها آخذت الصينيه ورآحت للمطبخ
دخلت المطبخ وشافت روآن تحوس فيه
رنا وهي تنزل الصينيه ع الطأوله : وش تسووين ؟
روآن إبتسمت : آسوي عصير لأومي
رنا ضحكت غصب وقربت لها : روني إطلعي ولا آمي بتزعل عليك
روآن بوزت : لاآآ آبي أسوي نفسك
رنا تنهدت وجت بتتكلم بس فاجأها دخول سعود لهم ومعااهـ آكياس وش كثرها
رنا عقدت حوآجبها : من له هذي
سعود إبتسم : هذي من عمي يوسف
رنا إبتسمت ع طاريه وآخذت الأكياس من سعود وهي ترتبها ع الطآوله
كآن جايب معاه آغراض لـ سعود وروآن وآكل للبيت
رنا رتبت آغراض المطبخ وعطت آخوانهآ آغراضهم وهم طايرين من الفرحه فيهااا

بالمـــزرعهـ

عند البنآت

رؤى بترجي : تكفين غلاوي نامي عندنا
غلا تنهدت : وفهد ؟
دانا لوت فمها : ياسلام مو صاير فيه شيء يوم وآحد
خزآمى : ههههههه صح كلام البنات نامي اليوم بغرفتنا فووق وبكرهـ فيه آلف حلاآل
غلا جت بترد بس رن جوآلها ورفعته وشافت المتصل وتنهدت : هذآ فهد
رؤى : قولي له بسرعه
غلا قآمت من مكانها : لا بروح لغرفتنا وأقوله
رؤى وهي تطالعها تمشي قالت بصوت عالي : بنت ترى ننتظرك
دانا تفاجأت من سمر : حتى آنتي بتروحين عند عبدالله
سمر : ههههههه آكيد
خزآمى : إجلسي عبدالله مو صاير له شيء ليله وحدهـ بس
سمر طالعت فيها شوي وبنفسها وإتركه يفكر فيـك : لا أنا قلت له بجي
خزآمى : عاادي إتصلي عليه وعـ
سمر قآطعتها بنرفزهـ : خلآآآآص قلت له بجي ,, ومشت بطريقها وتحس بتنفجر من كثر ماإرتفع ضغطها وإنقهرت منهآ
خزآمى إستغربت وهي تطالعها تمشي من آمامها : وش فيها ذي
دانا بلا مُبالاهـ : ماعليك ترى سمور كذآ تصآرخ اليوم بكرهـ تجي وهي فاتحه خشتهآ
خزآمى تنهدت بضيق وإحتارت آكثر وآكثر

كل زوجين غرفه خاصه بالمزرعه

غرفة فهد وغلآ

بعدت عنه وهو يرجع يسحبها من جديد ويبوسها : وش فيك مو ع بعضك
غلا تنهدت : ولا شيء بس البنات ينتظروني تحت
فهد بعد عنها وعقد حوآجبه : ليه ينتظرونك ؟
غلا بتردد : يبوني آنام عندهم الليله
فهد : وأنتي تبين تنآمين عندهم ؟
غلا بحيرهـ : مدري ! ودي آكون معك ومشتااقهـ لهم
فهد رجع يسحبها له : لا إجلسي هنا بس بكرهـ تشوفينهم
غلا إبتسمت وسكتت

غرفة عبدالله & سمـر

كان نظراته تلاحقها وهي طالعه من الحمام ( آكرمكم ) بعد مابدلت لبسها فيه
إلتقت عينه بـ عينها وإبتسمت له وهو بادلها الإبتسآمه وطرى في باله موضوع عمـه
عبدالله قآم من مكانه متجهه لها : سمر
سمر رفعت رأسها له تنتظر كلامه
عبدالله بتردد : بتكلم معاك بموضوع
سمر تنهدت : وحتى أنا أبيك بـ موضوع
عبدالله إبتسم : طيب قولي اللي عندك
سمر بتردد : لا قول أنت وبعدها آنا
عبدالله : ماراح أتكلم إلا بعدك
سمر ترددت بس سمت بالله وتوكلت عليه : آنا السبب في رجوعنا لأهلنآ
عبدالله رفع رأسه بتعجب وعجز يصدق قآم من مكانه : أيش ؟
سمر قآمت من مكانها ودمعت عينها : مثل ماقلت لك
عبدالله عقد حوآجبه وغمض عيونه يحاول يستوعب , فتحها وطالع لسمر : ليه ؟ ليه سويتي كذآ ؟
سمر بكت : كله عشاني وعشآنك والله
عبدالله بنرفزهـ : آنا مو قلت لا تجبين لي طاااريهم آبد خلهم يعرفون خطآهم من نفس
سمر إنفجرت فيه : فهمني كيف يعرفون وحنا مختفي عنهم فهمني كيييييف
عبدالله آخذ نفس وجلس ع السرير : عصيتيني
سمر جلست جنبه : آنت آفهم ليه آنا سويت كذآ وبعدين خلاص ماصار شيء هذانا عندهم وحنا مع بعض الحين ومرتاحين
عبدالله بسخريه : من قالك ؟ بنتطلـق
سمر إنصدمت : آيش ؟
عبدالله ببرود : عمي وأبوي إتفقوا ع هالشيء
سمر : وبتطلقني ؟ آنا سمر ؟
عبدالله :......
سمر دمعت عينها : جاوبني ؟
عبدالله قآم من مكانه وصد عنها مابي يشوف دموعها والحل الوحيد الطـلاق
سمر مشت له ووقفت قدآمه وبصيآح : آنت ليه ماتحس ؟ أنت حجر ماتفكر فيني آناااا زوجتــــك
تفهم وش معناة زوجتــــك اللي تحملت كل شيء عشآآآآنك بينما هي زوجة آخووك ( ضربته ع صدره ) : إصححححى تراااها زوجة آخوووك
عبدالله مسك يدها : وش قاعده تقولين آنتي
سمر بعدت عنه وبآلم : آدري إنك تبيها والله آدري ,, بس إلتفت لي آنا آبيك لا تطلقني عشآنها
ألتفت للي تحبك مو تحـــب آخوك
عبدالله بعد مافهمها إنصدم : سـمر آنـ,
قآطعته : آنت وشو ؟ آنت حجر ؟ طوووول فترة عيشتي معااااك كنت متحمله بما فيه الكفااايه بس خلاص تعععبت تعرف شلووون تعبت تعبت آنااااام الليله ودمعي ع خدي تعبت من الغيره اللي تأكلني وكله منهاااااااا
( بهمس ) : و تعبت من حُبك !
جلست سمر ع السرير ودست وجهها بالخداديه وبكت آلم وقهر وظلم وتعب وكل شيء عشااانه
وكل شيء تحملته بسبيل سعادة عبدالله
عبدالله قرب منها ومسح ع ظهرها بحنااان وهو ندماان : قوومي سمر عشآني ولا تبكين
سمر تبكي آكثر وتسحب اللحاف لها
عبدالله فك اللحاف من يدها وسحبها لحضنه وهي تحاول تبعده بس سحبها له وضمها بحناان وثبتها في حضنه وهو يمسح ع شعرها ويده الثانيه تمسح دموعها : كلمة آسف ماتوفي حقك ولا تشفع لي عشان تسآمحيني
سمر :......
عبدالله : آطلبي اللي تبينه ووالله ماأتردد لحظه عشآن أسويه وحقك علي يالغلا
سمر :.......
عبدالله رفعها عن حضنه وشاف الدموع بعينها إبتسم بحنان ومسح دموعها : والله ياالغاليه لك مكااان ماله لإحد يكفي تحملتي عشآني كل شيء ,, كانت عيوني معميه عنك بس صدقيني أقسم لك برب البيت فتحتها لأجل خااطرك وكل يوم تكبرين بعيني أكثر وآكثر وحسبي الله علي كاني نزلت من هالعيون الحلوه الدموع وقهرتها
سمر ببحة صوت : لا تتحسب على نفسك عشآني
عبدالله إبتسم وضمها : فديتك
سمر بعدت عنه : مابي إلا آنت
عبدالله تفاجئ من كبر قلبها توقع ع طوول تطلب الطلاق ولكن سامحته بمجرد كلآمه ماقدر إلا أنه يبوس رأسها ويدها وسمر إبتسمت له ومانطقت ~

غرفة عادل & ريم

عادل قرب منها لما شاف ملامحها تتغير : فيك شيء ؟
ريم بتعب : آحس بآلم فظيع
عادل سحبها له وصار شبه حاضنها : آلم ؟
ريم دمعت : آحس بطني بيتقطع من الآلم
عادل بلع ريقه وحط يده ع بطنها : هنا الآلم
ريم هزت رأسها بـ إيه وهي تبكي
عادل مسح دموعها : ماعليه حبيبي يمكن من الحمل
ريم حطت يدها ع بطنها : خايفه ع الجنيـن
عادل حط يده ع يدها : لا إن شاءالله مافيه شيء يالله ناامي الحين وإرتااحي
ريم تنهدت : شلون يجيني النووم ؟
عادل سدحها وإنسدح جنبها : إستهدي بالله ولا تخااافين بكرهـ بسأل الدكتورهـ عنك
ريم تنهدت وقربت له وهو حضنها بحنااان
عادل : خف الآلم آو لا
ريم بخوف : يجي ويروح
عادل مسح ع شعرها بحنااان وضمها آكثـــر ~

عند هنآدي ووسن

هنادي : آمممم مافهمت عليك
وسن إنسدحت جنبها : مدري آحسها حاقدهـ علي بنظرآتها
هنادي : لا وسون ترى سمر مو كذا كل الحكايه إنها مزآجيه شووي
وسن تنهدت : مدري بس حاسه عكس هالشيء
هنادي تأفأفت : خلاص لا تفكرين كثير سمور طيبه ترى وماتحقد ع آحد
وسن :......
هنادي إلتفت لها : وش فيك سكتي
وسن : هاهـ .. لا ولاشيء معآآك
هنادي بسخريه : وآضح
وسن تنهدت بضيق : والله معاااك
هنادي : تبيني أسأل سمر عنك
وسن : لالا تكفين فكيني بس
هنادي بطفش : برآحتـك

صبآح اليوم التآلي

طلعت من الغرفه لبرآ المزرعه وهي تطالع كل شبر فيها مبسوطه بجيتها هنا
وتتذكر آيامها هي وجدتها فيها دمعت عينها ع طاري جدتها لكن مسحتها ع طول وهي تشوف آمها الثآنيه
جالسه برآ بالجلسآت , رآحت لها غلا وهي مشتاااقه لها حيل
أم محمد : هلا يمه هلا
غلا باست رأسها ويدها : صبآح الخير يمه
أم محمد إرتاحت بشوفتها : وش آخبارك يمه وعلومك ؟
غلا قربت من عندها وجلست جنبها : الحمدالله ماااشي حااالي
أم محمد مسحت ع شعرها : ياربي ياحبيبي لا تحرمني منها ومن شوفتها
غلا إنبسطت ع دعوتها وحطت رأسها بحجر آمها
آم محمد وهي تمسح ع رأس غلا اللي بحجرها : يمه فيك شيء
غلا هزت رأسها بـ لا
أم محمد كملت تمسح رأسها وتدعي لها من دآخلهاا

غرفة فهـد & غـلا

قآم من النوم وبعد الفرآش عنه وتلفت لمكانها وإستغرب عدم وجودها
إلتفت لمكان الحمام ( آكرمكم الله ) وماكان فيه آحد : هذي وين رآحت ؟
قآم من السرير ودخل للحمام ( آكرمكم الله ) آخذ شاور سريع وطلع بغضون دقايق
ولبس بسرعه بنطلون جينز وبلوزهـ خضرآء غااامق وفيها كتابات بالبني
مشط شعرهـ ع السريع وطلع من الغرفه لنآحية المزرعه
لمحها جدته من بعيـد وإبتسم ورآح لها يعرفها تحب تقوم الصبح مبكر
باس رأسها ويدها وجلس جنبها وهو يشوف غلا اللي نايمه بحضنها : صبآح الخير يمه
أم محمد : هلا يمه فهد
فهد يطاالع غلا : غلا نايمه ؟
آم محمد إلتفت لـ غلا : إيه يايمه جت عندي من سااعه سولفت علي لحد مانامت
فهد وهو يطالع غلا فهى بشكلها كانت حاطه رأسها بـ حضن جدتها وشعرها متناثر حوله
ونآيمه شكلها كان فاااتن حيل وهي مغمضه عيونهآ وغرقاانه بالنوووم
فهد إنتبه لجدته : هاه هلا يمه
أم محمد : آقولهم يسوون لك فطور
فهد رجع يطالع غلا : بفطر مع غلا إذا قآمت
آم محمد وهي تقوم من مكاانها وتعدل شيلتها
فهد قام معاها : ع وين يمه
أم محمد : بروح آصلي الضحى وآنا آمك
فهد هز رأسه بـ إيه : آها
آم محمد مشت بطريقها وتركتهم بالجلسه
فهد أول ماغابت عن عينه إلتفت لـ غلا وشافها نايمه إلى الآن
قرب لها ونزل لـ مستوآها طاالع فوجهها شوي وهو منسحر من جماله
مد يدهـ ولعب بشعرهآ وبخصلآآته تضايقت شوي وبعدت عنه
آبتسم ع شكلها ومده يده الثانيه وهو يتحسس ملامحها
غلا إنزعجت وفتحت عينها
فهد إبتسم ع شكلها : صح النوم
غلا بصوت ناعس : متى نمت ؟
فهد قرب منها وصار شبه حاضنها : لك آكثر من سااعه
غلا قآمت من مكانها وبعدت عنه وهي تلم شعرها المنتثور وتتمغط
فهد قآم معاها : تبين فطور
غلا : إيه والله جوعااانه
فهد : اوكي آنا منتظرك تقومين عشاان نفطر مع بعض
غلا إبتسمت له : أقول لهم يجهزونه
فهد : لا ماله دااعي آمي قالت لهم
غلا : إيه صح كانت هنا قبل شووي , وين راحت ؟
فهد : رآحت تصلي ,, المهم تعاالي أفرجك ع المزرعه ع مايخلص الفطور وحتى مدآم الناس نايمه الحين ولا فيه إزعااج لنا ؟
غلا مسكت يده اللي مدها له : كنت بقولك آمس تخليني آشوفها بس ماكآن فيه وقت
فهد إبتسم : الحين بخليك كل شيء فيها لحد مااتشبعيـن
غلا إستحت من قربه منها
فهد وهو يآشر : شووفي هذيك الجلسآت جنب المسبح الخاارجي
غلا : وآو المسبح جنااان , ماقلت لي إنك حطيت مسبح
فهد : إيه سويناها قبل إسطبل الخيل وبعدناه عن بيت المزرعه
غلا فكت يدهـ ورآحت للمسبح تركض له جلست ع حااافته ونزلت رجولها فيه
لسعتها المويه البارده وبعدت رجلها بسرعه
فهد : ههههههههههههه هذي نهاية اللقافه
غلا : تعااال وآجلس عندي
لبى رغبتها وقرب عندها وجلس جنبها
غلا : فهد آنت تعرف تسبح ؟
فهد هز رأسه بـ إيه : من مايعرف يعني
غلا : آهااا
فهد مد يده وحاوط خصرها وبهمس : ودي ننزل نسبح فيه آنا وآنتـي
غلا إرتبكت منه وإستحت حيــــل بقربه
فهد إبتسم ع حياءها وبعد عنها وقآم من مكانه : يالله نمشـي
غلا مدت يدها له وهو سحبها من يدها ووقفت ومشـوآ بطريقهم يشوفون الزرع

دآخل البيت / غرفة البنآت

خزآمى : إفففف يالله قوموآ
رؤى رمتها بالخدآديه : إنقلعي برا والله تعبااانه مانمت زين
دانا : خزوومه والله مانمنا إذلفي برآ آحسن لك
خزآمى عصبت : ترى مالي شغل فيكم جدتي قالت قوميهم
رؤى ودانا نااايمات ومادروآ عنها
خزآمى تأفأفت بقهر ومشت عنهم طالعه من الغرفه
ومتجهه للصااله شافت كل الحريم الكبار هناك
أم سلطآن : يمه خزآمى ماقآم إلا آنتي
خزآمى تنهدت وجلست : إيه كلهم ناايماات
أم سلطآن إستغربت : غريبه عن سمر المفروض تقوم الحين
أم وسن : مسكينه تلاقينها مسهرينها غصب
خزآمى : لا سمر نامت عند عبدالله آمس
أم سلطان : إيه والله نسيت هي رآيحه آمس صح
أم خالد : خزآمى تبين فطور يمه ؟
خزآمى : لا إذا قاموآ البنات بفطر معاااهم
أم محمد : خزآمى يمه جيبي لي من الطبخ ماء بأكل علاجي
خزآآمى قآمت من مكانها وإتجهت للمطبخ رن جوآلها مُعلن وصول رساله رفعته وكان من نوآف يسألها نايمه آو لا ووينهآ فيه ,, إبتسمت بحب وإرسلت له .. لا أنا بالمطبخ , إرسلت هالرساله وخبت الجوآل بجيب بنطلونها
ورآحت تجيب من الثلآجه مويه لجدتها حست بأحد يمسكها ع خصرهآ ويشدها له
إلتفت بقوه وبخووف وشافته وصرخت : حرآم عليك
نواف : ههههههههههه لبى ياناس
خزآمى بوزت : دآيم تخوفني يعني
نواف ضمها له وهو لسى يضحك
خزآمى بعدت عنه : رووح لا يجي أحد يشوفك
نواف عقد حوآجبه : ترآك زوجتـي
خزآمى تنهدت : آدري حيآتي لكن محد يدري إنك بمطبخنا هنا عشان تشوفني
نواف تأفأف : جيت طاير عشان أشوفك وآخرتها تصديني
خزآمى قربت له وباسته ع خدهـ بجرآءهـ : لأجل خآطري
نواف إبتسم : عشآنك بس
خزآمى إبتسمت له وسكتت
نواف غمز لها : لبى الإبتسااامه ولبى البيجامه الورديه آمس
خزآمى إنصدمت : وش عرفك ببجامة نومي
نواف وهو طالع أرسل لها بوسه : عندي مصآدر خاااااصه
خزآمى بقهر وخجل وهي تشوفه يطلع من المطبخ : آكيد دوين
أخذت المويه حقت جدتها ورآحت لها بالصاااله

عند فهـد & غـلا

غلا تمد يدها له : شوف يدي صاارت آحسن
فهد باس يدها بشغف : الحمدالله
غلا إستحت منه ونزلت رأسها وهي تلف خصلها بحيآء
فهد لفها له ومسك كتوفها : يازينك ويازين حيآك
غلا خجلت آكثرر
فهد كمل : ويازينك كلك
غلا بدآ تنفسها يسرع وضربات قلبها تزيد من كلامه وقالت بدون شعور : آحبك
فهد حس بإحساس حلو مع هالكلمه لا قالتها وطالع عيونها اللي تلمع ماقدر ينطق لها ويتكلم
كل اللي قدر عليه يحضنها بقووهـ وشغـف
غلا إستوعبت اللي قالته وهي بحضنه إستحت حيــل واللي قدرت عليه إنها تتمسك فيه
فهد بعدها عنه : نمشي هناااك في نخله آعجبتني حيل وخليتها بخليك تشوفينها
غلا هزت رأسها بـ إيه ومشت معاااهـ
فهد وقف مكانه وآشر لها : هذي هي
غلا إنصدمت إمتألت عيونها دموووع ونزلت تغطي وجهها
فهد تفآجئ ولفها له : وش فيك ؟
غلا بكلمات متقطعه وشهااق : هـ ــذ ي حـ قـ ت
فهد : هااه .. وش فيها وحقت مين ؟
غلا تشااهق وصوتها متقطع : جــ ـد ي مـ مـ ـآ ت عـ نـ دهـ ـآ
فهد غمض عيوونه وسحبها له وضمها بقوووه : خلاص غلاتـي
تقطع قلبه ع صوت صيآحها وبكااءها المرير
بعدها عنه ومسح دموعها وقرأ عليها لحد ماهدت نفسها : قولي لي شلون حقت جدك
غلا تنهدت بضيق وهي تمسح دموعها : آكرره هالنخله جدي مااات عندهآ لما طاااح منها تعب وماات
فهد آخذ نفس وضمها : هذي حكمة ربك وش دخل النخله لا تحطين هالأمور بأشياء مالها دخل
غلا تمسكت فيه ورجعت تبكــي
فهد بعدها عنه وبحناان : بس غلاي ماأحب أشوفك تبكين
غلا مسحت دموعها وإنبسطت ع كلامه
فهد بمزح : صااايرهـ دلووعه
غلا ضربته ع صدرهـ بدلع
فهد : هههههههههه

حبيبي صار لي مدة أشوفك تايه وحيران
وانا والله لا شفتك حزين تزود أحزاني

أنا احبك ولا ودي تعيش بدنيتك ندمان
ترى ألأيام محسوبة وتالي ها لعمر فاني

تصدق بسمتك والله تفرح خاطري الولهان
يطير من الفرح قلبي واصير بعالم ثاني

والى من شفتك بضيقة أحس اني انا الغلطان
أعاتب نفسي بنفسي ولو ما كنت أنا الجاني