شبكة همس الشوق - عرض مشاركة واحدة

3 - 12 - 2011, 04:32 PM

البارت الـ 41

بيت الجد / جنآح غـلآ

رؤى تنهدت بضيق : طيب بفهم ليه تبكين ؟
غلا مسحت دموعها بتعب
رؤى : إنتي رآفضه أقوله أو حتى نتكلم عن الموضوع
غلا :.......
رؤى هزتها : ردي يابنت
غلا تنهدت : وش آقول
رؤى : آي شيء لا تخوفيني عليك
غلا : إوعديني ماتقولين لـ فهد عن اللي عرفته
رؤى : وعـــد
غلا برآحه : الحمدالله إرتحت الحين
رؤى : آجل لاتبكين آنتي تبين هالشيء
غلا تنهدت : مارآح أبكي إرتااحي
رؤى قآمت من مكانها وهي تسحب عباتها
غلا إستغربت : ع وين
رؤى إبتسمت : من الصبح وآنا عندك برجع للبيت الحين
غلا تنهدت : لا خليك عندي
رؤى ضاق صدرها عليها : والله ماأقدر مفوتها محاضرات اليوم وبتصل ع نور إسألها وآمي تبيني آرجع بسرعه عشآن بتروح لـ خلود ولازم آجلس عند سارآ
غلا : ودي آروح معااك بشوف سارا مشتاقه لها
رؤى : إيه تكفين تعالي , صدقيني فهد بهالوقت مايكون فيه لإنهم ماسكين شغل فارس
غلا بسرعه : لالا آخاف يطب علينا فجأهـ
رؤى تأفأفت : بكيفك
غلا : ولآتزعلين ياروحي , إذا كان عندك وقت تعالي لي بكرهـ
رؤى وهي تسلم عليها : اوكي بااي
غلا أشرت لها بيدها وهي تشوفها تسحب شنطتها وتنزل

شقة آهل رنــــآ

آم سعود مسحت ع شعر بنتها رنا : يمه آنتي فكري زين قبل لاتعطيني رأيك
رنا بحيآء : إن شاءالله يمه
أم سعود : وإعرفي إن يوسف رجال مافيه منه إثنين بسم الله عليه
رنا إبتسمت بخجل
أم سعود : إستخيري يابنتي وترى الإستخارهـ زينه
رنا : إن شاءالله يمه
آم سعود قآمت من مكانها بتعب من رجلها
رنا فزت لها : آساعدك
آم سعود بتعب : لا يمه بديت آتعود عليها
رنا تنهدت : متأكدهـ
آم سعود إبتسمت : إيه وبديت إتحسن الحمدالله
رنا مشت مع آمها لنآحية غرفتها توصلهااا
سدحتها ع السرير وغطتها : يمه رنا
رنا وهي تجلس جنبها : آمري يمه
آم سعود : لا تطولين ع الجماعه برأيك
رنا هزت رأسها بـ إيه

في بيت بو نواف / جنآح عبدالله & سمـر

عبدالله إلتفت لها وهي تحوس بلابه : وش تسوين
سمر بعفويه : آلعب بلابك وآحوس فيه
قآم لها عبدالله : إتركيه عنك هههههههه
سمر إستحت منه وقآمت
عبدالله سحبها له وصآر يبوس خدودهااا
سمر بعدت عنه وكـ تضييع للموضوع : بقولك شيء ؟
عبدالله تنهد وعرف لها : آمري
سمر : آممممم ترى ماأخذت شيء لزوآج دانا وماباقي عليه شيء
عبدالله سحبها له : بعدين إخذي اللي تبينه
سمر بعدت عنه من جديد : بس دانا بتروح المول اليوم وبروح معاها
عبدالله تنهد : خلاص روحي بكيفك , بس تعالي عندي الحين
سمر إستحت وقربت بإستحيآء له
عبدالله إبتسم لها وضمها لصدرهـ ..~

بيت بو فهد / الصااله

رؤى بطفش : سارا يابنت إجلسي
سار تنطط ع الكنباات
فهد اللي كان جالس عندهم نزل الجريدهـ من يدهـ : خليها ع رآحتهاا
رؤى تنهدت : والله لتذبحني خلود لو عرفت
سارا ماعليها بس تنطط وتلعب بالتحف
رؤى قآمت بتخوفهاا
وهي رآحت تركض لفهد وتنط بحضنه
فهد وهو يحضنها : هههههههه
رؤى : خلها عندك فهد تكفى بروح آرآجع لي شوي
فهد هز رأسه بـ إيه
رؤى طارت لـ غرفتهااا
فهد جلس سارا بجنبه وعطاها جوآله تحوس فيه عشان تهدأ
وهو آخذ الجريدهـ وبدأ يقرأ فيهااا
قآطع جوهـ والهدوؤ صوت التلفون تأفأف وماشآف آحد حوله
قرب لتلفون ورد عليه : آلو
غلا إرتبكت : وين رؤى ؟
فهد عرفها وبهمس : غلا
غلا أخذت نفس : رؤى عندك , جوالها مقفل
فهد تنهد : رؤى ترآجع فوق
غلا بسرعه : آجل مع السلامه
فهد تنهد بضيق لما سكرت الخط ,, رجع التلفون مكاانه وكمل قرآءة الجريدهـ وهو مو معاها آصلا رجعت غلا تأخذ تفكيرهـ من جديد

غــلآ
دمعت عينها لما سكرت الخط
وش فيه صوته متغير ؟
أحسه تعبااان وفيه شيء
وأنتي وش عليك منه بعد اللي سوآه فيك ياغلا
تنهدت بيضق وإنسدحت ع فراشها تبعد هالإفكاار من بالهاا

*قلت: أحبـــك..وأنت قلت:
البيت بيتك!
قلت: نــــار.. وقلت لي:
برد..وسلام!
وراحت سنيني وأنا..
علك وليتك!
بالغـــرام انك تبادلني
الغـــرام!
مابقى رجوة لي
مارجيتك!
ومن ورى ظهرك رميت..
الاهتمام!
جيت لك ميت واحسب..
اني حييتك!
واثر حبي مرك
امرور الكرام!!

بعـــد مـــرور إسبــــوعيـــــن وكمـ يوم ~

نزلت رؤى عباتها ورمتها ع جنب وقربت لها وهي تشوفها مغطيها وجهها بيدها : غلا
غلا رفعت وجهها له وبهمس : نعم
رؤى تنهدت : لمتى ع هالحال
غلا هزت كتوفها بمعنى مادري
رؤى تنهدت وجلست جنبها : ماطلعتي من البيت من إسبوعين
غلا أخذت نفس : مابي آطلع
رؤى : إنتي اللي طلبتي الطلاق والحين ندماانه
غلا بتعب : ماندمت والله
رؤى : ع العموم إذا ندمتي معك فرصه تتراجعين عن قرآرك
غلا : مستحيل أتراجع بعد ماوآفق عمي وجدي وماباقي إلا فهد يرسل ورقتي وخلاص
رؤى مسحت ع شعرها : طيب حبيبتي مُمكن تنسين كل هذا وتقومين معاي للمول
غلا هزت رأسها بـ لا
رؤى : غلاوي اليوم زوآج خُزآمى ودانا وآنتي ماأخذتي ولاشيء
غلا بلعت ريقها : مو حاضرهـ
رؤى بحدهـ : وبعدييين معااااااك , غلاوي مايصير كذا حابسه نفسك بالبيت
غلا دمعت عينها : حالتي النفسيه ماتسمح لي آروح
رؤى : إذا رحتي بتغيرن جو , ولاتنسين خُزآمى ودآنا بيزعلون منك لا مارحتي
غلا أخذت نفس وقآمت من مكانها : عشانهم بروح وحتى مشتاقه لهم
رؤى إبتسمت لها : يّ حيآتي وربي بتغيرن جو
غلا بادلتها الإبتسآمه وهي تسحب عباتها بتلبسها
رؤى لبست عباتها وسحيت شنطتها : نروح آي مول
غلا بلا مُبالاه : اللي تبينه آهم شيء نخلص
رؤى رفعت ساعة يدها : الساعه عشر الصبح الحين لازم العصر نكون بالمشغل
غلا تنهدت : يكفينا الوقت إن شاءالله
رؤى إشرت لها ومشت ورآها نازلين لسيارة السوآق اللي تنتظرهم برآ طالعين للمـــول

بيت بو خالد / جنآح خُزآمى

آم خالد : بس إنتي تعبانه يايمه ماتقدرين تروحين
خلود تنهدت : يمه خلاص ماباقي شيء ع الإربعين وإنتهي خليني إروح تراهـ زوآج آختي
خزآمى : إيه يمه الله يخليك
آم خالد تنهدت : بكيفك يمه
خزآمى : بترجعين لبيتكم بعد الزوآج
خلود وهي تهز ولدها طلال : لاآ وين لازم أخلص الإربعين عند آمي أنا متفقه مع فارس ع هالشيء
آم خالد : متأكده إنك تقدرين تروحين
خلود إبتسمت : لا تخافين وربي آقدر
آم خالد قآمت من مكانها وهي موعاجبها وضع خلود
خلود إلتفت ع طول لـ خزآمى : هاه كيف النفسيه ؟
خُزآمى بخوف : والله آحس قلبي بيطيح من مكانه
خلود إبتسمت : لا تخافين إقرأي المعوذآت وإرتاحي تونا ماجاء الجِد
خزآمى : لا تخوفيني وش جدهـ وماجدهـ
خلود جت بترد عليها بس رن جوالها
قآمت من مكانها وإستأذنت منها بترد ع فاارس

في بيت بو نوآف / جنآح دآنا

سمر : هههههههههه يابنت وش فيك إهديّ
دانا بتوتر : سمر متأكده فستاني حلو ؟
سمر : يجننن بس يالله إجلسي
دانا بخوف : وليد يتصل من الصبح ولا رديت
سمر غمزت : لا تردين خليه يشتااق لك
دانا إستحت : والله حتى أنا مشتااقه له
سمر : مالت عليتس وين الحياء ههههههه
دانا : وقسم مو رآيقه لك
سمر : هههههههههه
آم نواف فتحت الباب ودخلت قاطعه حديثهم : يالله يمه إجهزي بيمرنا سوآق آم خالد وتروح للمشغل
سمر إستغربت : بتروحون الحين
دآنا طالعت ساعتها : الساعه وحده الظهر أكيد بنروح الحين
آم نواف : يالله دانا يمه إلبسي وآخذي كل أغراضك معاك وإنتبهي لاآ تنسين شيء
دانا رآحت تجمع آغراضها بأكيااس والتوتر لاعب بحسبتها
آم نواف إلتفت لـ سمر : بتروحون معانا الحين يايمه ؟
سمر : لا خالتي بروح مع غلا ورؤى العصر آحسن لي وش آدور الحين
آم نواف هزت رأسها بـ إيه : ع رآحتك يمه

بالمول

غلا جلست ع الكرسي بتعب : خلاص هلكت
رؤى جلست جنبها وحطت أكياسهم ع جنب : نطلب لنا شيء
غلا تنهدت : لا بنطلع الحين ونتغدى بس خلينا نرتاح شوي
رؤى : ع فكرهـ غلاوي فستااااانك روعه روعه روعه
غلا إبتسمت : يّ حيآتي تسلمين
رؤى وهي تفتش بالإغراض
غلا إستغربت : وش تسوين
رؤى : أتأكد إنا جبنا كل شيء
غلا : إيه خلاص مخلصين
رؤى :........
غلا : فيك شيء
رؤى هزت رأسها بـ لا
غلا : علي آنا
رؤى تنهدت : سيف سافر من إسبوعين تقريبا

غلا ببرود : وطيب ؟
رؤى بضيق : مدري آحس إني ..
غلا قاطعتها : لا تحسين ولاشيء الطريق اللي بدايته حرآم مامنه خير
رؤى تنهدت :.......
غلا : وين سافر ؟
رؤى : رومـآ
غلا مسكت وإبتسمت : ولاتضيقين صدرك ’ صدقيني إبتعادكم كآن آحسن حل
رؤى بادلتها الإبتسآمه
غلا بتغير الموضوع : آجل غيرتي جوآلك
رؤى تنهدت : إيه حتى الرقم عشآنه
غلا تأفأفت : كل شيء عشآنه يعني
رؤى إبتسمت بآلم وماردت عليهـآ

بيت بو فهد / الصآله

جالس بالصاله لحاله وبينه الإورآق يضبطها
دخل عليه أبوه قآطع خلوته : وأخيرا لقيتك لحالك
فهد إلتفت له مستغرب : آمر
آبو فهد جلس جنبه : سالفة طلاق غلا شيلها من بالك
فهد تنهد بضيق حتى آنا ماودي آطلقها : بس هي تبي الطلاق
أبو فهد : ماعليك منها صغيرره وماتفهم
فهد تنهد ولا قال شيء
أبو فهد : رد وش قلت ؟
فهد بتصريفه : يبه والله مشغول بالزوآج اليوم وغير هالإورآق أجل الموضوع لبعدين
أبو فهد تأفأف وقآم من مكانه
تنهد فهد ورجع كمل شغله وهو مو معاه آبد ولا يمه
معقوله غلا طالبه الطلاق ولا آحد طالب منها هالشيء
ماتوقعت تفكر كذآ , آكيد بتفكر فيه بعد اللي سويته فيهااا ؟!
آخذ نفس عميق وترك كل شيء مكانه وقـآم صآعد لـ غرفتهـ

رومــآ

نزل كوب الكوفي من يدهـ ع الطاوله وإلتفت لناحية النافذهـ يطالع اللي رآيح واللي جاي
تنهد ونزل رأسه يغطيه بالجاكيت من لسعة برد رومـآ
ماإستفدت شيء ياسيف وجيت لـ روما ومانسيتهاا
صار لي إسبوعين هنا وماحس إني عايش من المقهى للشقه ومن الشقه للمقهـى وبس
آحس توقفت حياتي عندها وماتستمر إلا إذا كانت معاي بكل وقت
تنهد بضيق من الكلام يدور برأسه , قآم من مكانه ودفع الحساب ع الطاوله
ومشى بطريقه طالع من المقهـى لشوآرع رومـآ
مشى بين ممرآتها وزحمة الناس حوله , وماكن يحس فيهمـ , فقد الإحسآس من بعدها
لا لون للدنيا ولا طعمـ من بعدك يارؤى

بـ سيارة

رؤى : بننزلك الحين بالبيت طيب
غلا تنهدت : طيب متى تجين ؟
رؤى : إذا آذن العصر جيت عندك وآخذناك للمشغل
غلا : طيب
رؤى : ههههههه آحس مالك خلق
غلا إبتسمت : والله عشان دندون وخزومه بروح خايفه يزعلون
رؤى : قلت لك تعالي عشآ’ن تنبسطين وبس
غلا تنهدت وهي تفتح باب السيارهـ : يالله حبيبتي نلتقي شوي
رؤى إبتسمت لها : اوكي بااي
نزلت غـلا من السيارهـ ودخلت بيت جدها
رؤى : يالله سمير وش تنتظر آمش
مشـى سمير لبيت بوفهد بسرعه
ورؤى كانت تتراسل مع نور ع حضورها اليوم للزوآج
وقف سمير عند الباب : يالله مدآم ينزل
رؤى حطت جووآلها بالشنطه ونزلت بسرعه داخله للبيت
شافت آمها بالصاله : سلآم
أم فهد بحده : وينك من الصبح وآنتي برا
رؤى تنهدت وجلست ع الكنبه : والله آخذت غلا تشتري فستان ماعندها
دخل فهد ع كلمتها : ماعندهآ ؟
رؤى تورطت : لا الحين عندها بس قبل لإنها مااشرت
فهد هز رأسه بـ إيه وجلس ع الكنبه وسرح فيها
آم فهد تكلم رؤى : تجهزي ولا تنامين بنطلع المشغل العصر
رؤى وهي تطآلع فهد وسرحااانه وتضايقت عليه : آدري
آم فهد قآمت من مكانها ومشت من عندهمـ تاركتهمـ
رؤى لتفت لـ فهد من جديد وكان وآضح التفكير مسيطر عليه
كسر خاطرها حيييل , له مدهـ كل ماذكرناها سرح فيها : فهــــد
فهد إنتبه لها : هاه , هلا
رؤى إبتسمت له : تبي شيء بطلع لغرفتي
فهد بادلها الإبتسـآمه : لا سلآمتك
طالعت رؤى فيه بنظرهـ آخيرهـ ومشت من عندهـ صاعدها لغرفتها وببالها شيء تبي تسويه وخايفهـ

بـ المشــغل

خزآمى والكوفيرهـ تسوي لها آظافيرها ودآنا نفس الشيء : آحس إني بموت من الرعبه
دانا إبتسمت : آنا عااادي بالعكس مشتاقه لوليد
خزآمى طالعتها بنص عين : مالت عليك متى فصختي الحيآء
دانا : هههههههههه
خزآمى تنهدت وسكتت
دانا : بسم الله آخوي مايأكل ترى
خزآمى ماردت عليها من الرعبه
قآطع جوهم دخول سمر : يااامساء العرايس
ضحكوا عليها بإحرآج
آم نواف : يمه سمر جاء معاك آحد
سمر : إيه رؤى وغلا وخالتي آم فهـــد ومامي بالطريق هي وجنى وريم وهنادي
أم خالد : إيه الحمدالله إنكم جيتوا ترى ماعندنا وقت لازم نطلع بعد ساعتين يالله يمديكم
خزآمى : يالله سمر روحي لحجزك بسرعه
سمر هزت رأسها بإيه وطلعت للكوفيره اللي حاجزهـ عندها
آما غـلا ورؤى من اليوم رآيحين عند حجزهم
الكوفيره وهي تسوي شعر رؤى ورؤى تلتفت ع غلا : بقولك شيء
غلا وهي تفك شعرها للكوفيرهـ : إتحفيني
رؤى بتوتر : إذا صار شيء الليله إعرفي إنه من مصلحتك
غلا إلتفت لها بإستغراب : أيش ؟
رؤى : آمممم الليله بتشوفين كل شيء
غلا بحده : رؤؤؤؤؤى بلا إلغاز وترتيني
رؤى تنهدت : قولي لا إله إلا الله
غلا أخذت نفس : لا إله إلا الله
رؤى إبتسمت لها غصب : حبيبتي والله مافيه شيء إنبسطي وبس الليله
غلا تنهدت : ياليت وترتيني بصرآحه
رؤى كـ تغيير للموضوع : رنو بتجي الليله
غلا إبتسمت : إيه وبعرفك عليها
رؤى : ياليت صرآحه حبيتها من كلامك عنها
غلا إبتسمت لها
رؤى : إلا وش صار ع خطبتها ؟
غلا : ياعمري وآفقت بس إنتي تعرفين ظروفهمـ وآجلوا الشوفه والمكله
رؤى طيرت عيونها : ماشافها إلا الآن
غلا إبتسمت : بكرهـ شوفتها , ومن الحين خآيفه
رؤى : ههههههههههههه آجل وش بتسوي بالعرس
غلا : رنو من طبعها الخجل
رؤى تنهدت : لبى قلبهاا

شقة آهل رنـــآ

رنا بتوتر : يعني يمه آنا أقول ماله داعي الشوفه
أم سعود : لا يمه لازم هذا خطيبتس والرسول صلى الله عليه وسلم أمر فيها قبل الزوآج
رنا ماتدرين إنه حافظني حفظ وإبتسمت بتوتر لإمها
آم سعود : ورآتس توزعين إبتسآمات يالله قوومي بسرعه إلبسي وتجهزي للعرس
رنا تنهدت : مايهون عليّ أروح وأتركك
أم سعود : آنا بالعده إلا الآن وبعدين ماعليتس مني روحي وإنبسطـي ّ
رنا تنهدت وقآمت من مكانها : آمري لله
أم سعود : متى بتروحين ؟
رنا : ع الساعه تسع
آم سعود : الله يحفظتس يمه
رنا إبتسمت لها وباست رأسها , وطلع لـ غرفتها بتتجهــز
بـ إحدى مقآهي الخبر

وليد تأفأف
نواف بضيق : ياسلطان ورآنا زوآج رجعنا يابن الحلال
سلطان مسوي فيهم مقلب : هههههههههههه ماله داعي تعرسون
وليد : المشكله ماعندنا إلا هو يأخذنا
نواف عصب : بالله أنا وشلون طاوعتك ومشيت معاااك
سلطان ببرود : روقوآ ياشباب روقوآ عرآيسكم ماراح يضعون بس بيزعلوون شوياات
وليد عصب : بتأخذنا ولا شلون ؟
سلطان ببرود : قبل الزفه بشوي بأخذكم
نواف والشرر يتطاير من عيونه : الله يأخذك قل آآآميـــن
سلطان : ههههههههههههههههههه
دخل عليهم عبدالله وهو عارف بالسالفه كلها
نواف قآم : الحمدالله إنك جيت
عبدالله يسوي نفسه مو فاهم : ليه ؟
وليد يأشر ع سلطان : هالإثول أخذنا بالسياره ع إنه بويدينا القصر وماشفنا منه شيء
سلطان متسدح من الضحك
عبدالله يخفي إبتسآمته : مالي داعي تعرسون
نواف عصصب : إنهبللت إنت
عبدالله : ههههههههههههه خلاص سلطان وقسم ينرحمون
وليد : أيش ؟
عبدالله يضحك : مسوين فيكم مقلب يالهبل
سلطآن : ههههههههههههههههههه
نواف تنهد : قل آمين الله يأخذك آنت وياهـ
وليد أخذ نفس : أتلفتوا إعصابنا !
سلطان قآم من مكانه : إمشوا بسرعه للحلاق عشان حجزكم ثم القصر ,
نواف : عبدالله بتروح معنا ؟
عبدالله : لا بروح آجيب زوجتي من المشغل وآختي وآمي ماعندهم آحد يجيبهم ويمديهم خلصوآ الحيـــن
سلطان : طيب إلحقنا هناك
عبدالله وهو ماشي من عندهم : إن شاءالله
آما سلطآن آخذ العرسان ومـشى لحجزهم وبعدها للقصــــر !

بـ المشغل

رؤى : وآآآآو جنان
غلا تطالع سريحتها : من جدك
رؤى : وقسم حتى الميك آب شيء ثاااااني
غلا إبتسمت لها
رؤى تكتفت : ليه غطيتي علي
غلا : هههههههههه بدال ماتفرحين لي
رؤى : هههههههههههههه
غلا : خلينا نطلع للبيت نلبس ونمشيي للقصـر
رؤى وهي تدق ع السايق : بدق ع سمير يجي يأخذنا
غلا تتلفت : وين النااس
رؤى : وينك مو بالدنيا ’ كلهم رآحوآ للبيت بيلبسون ويطلعو وأنتي آخرتينا بتسريحتك كان يبيلها شغل طويل
غلا إبتسمت لهآ : ودي إتصل ع رنو بشوفها متى تجي
رؤى : إتصلي إذ آ وصلنا القصر
غلا تنهدت وهي تلبس عبآتها : إن شاءالله
رؤى لبست عباتها وآخذت شنطتها ومشت وورآها غــلآ

في بيت بو نواف / جنآح عبدالله

سمر وهي تلف حول نفسها : حلو
عبدالله : يجنننن
سمر طالعت فستانها التكوآزي الطوووويل وعاري الإكتاف والإيدين وماسك ع الصدر وع كل الجسم وفيه فتحه لركبه
ومطرز كل الفستآن بالفضي اللآمع
عبدالله قرب لها : خلاص مافيه روحه
عرفت قصدهـ وضحكت
عبدالله منبهر بشكلها آول مره يشوفها بالميك آب الثقيل وشعرها اللي طال مسويه تسريحه روعه فيه : فديتك
سمر قرببت له : يالله نمشي للقصر
عبدالله سحبها له وباسها
سمر بسرعه : لالا تحوسني
عبدالله تأفأف : يعني لازم بعد الزوآج
سمر بضحكه : إيه
عبدالله إبتسم لضحكتها
سمر : يالله عشآن دندون يمدينا ع تصويلها
عبدالله تنهد وآخذ جواله ومفاتيحه من التسريحه وآشر لها
وسمر ع طول لبست عباتها وأخذت شنطتها ومشت بسرعه

بـ القصـــر / قآعة الرجال

سلطآن : هههههههه لا يفوتك شكل نواف وليد
فهد إبتسم غصب
سلطان : يارجال وش فيك ؟
فهد : آحم ولا شيء
سلطان طالعه بنص عين
فهد إبتسم : صدقني ولاشيء بس مشاغل هالحيآة ماتنهتي
سلطآن : بعديها هالمرهـ
فهد : ههههههههههه
سلطآن إبتسم ع ضحكته من زمان ماسمعوها

بـ قآعة النســـآء ,

طالعت نفسها بالمرآيه للمرهـ الثآنيه وإبتسمت ع شكلها
الفستآن الإبيض الناعم والمطرز بأوف وآيت محليها وطلعها آحلــى عروس
آم خالد دمعت عينها : مبروك يمه
خزآمى ع طول نزلت دمعتها من آمها : الله يبآرك فيك
وقربت وباست يدها ورأسهاا
آم خالد تنهدت : الحمدالله ربي آحياني وشفت دلوعتي وآخر العنقود عروس
خلود إبتسمت : يمه خلاص لا تقلبينها مناحه بعدين بيخرب الميك آب
خزآمى مسحت دموعها بسرعه عشان مكياجها
خلود قآمت وهي تعدل طرحت خُزآمى وتثبتها ع التسريحه اللي رآفعها شعرها كله ومنزله بعض الخصلات ومزينتها الشرعه الطووويله تسحب من ورآها , والميك آب كان ثقييل شوي ومناسب لها وللون فستآنها
خلود بعدت عنها وإبتسمت : مبروك ياقلبي
خُزآمى ضمتها : يبارك فيك !
خلود بعدت عنها : يالله آنا طالعه عند المعازيمـ تبين شيء
خُزآمى هزت رأسها بـ لا والتوتر لاعب فيهـآ
خلود إبتسمت ومشت عنها وفستانها اليلكي من ورآها كان قصير من قدآم وطويل من ورآء وضيق شووي
وعاري الإكتاف ومافيه لا تطريز ولاشيء نااعم حيل وقماشه دانتيل فخمـ وشعرها كله فااكته ماعدا غرتها ماسكتها بكريستاله والميك آب ثقيل وفخمـ يناسبها

عند عروستنا الثآنيه

ريم إبتسمت : خلاص لا تتوترين شكلك حلو بيخق وليد
دانا تفرك يدها بتوتر وتضبط بفستانها الإبيض اللامع ومطرز بفضـي ع خفيف
ونافش شووي والميك آب ثقييل وحلو وعرها مسويه تسريحة عرآيس حلوه ومرفوعه كلها وملفوف نص الشعر
ومنزله غرتها ع وجهها
جنى إبتسمت : يّ حيآتي ذكرتيني بليلة دخلتي
ريم : قسم بالله حتى آنا
ريم وجنى : هههههه
دانا بتوتر : الظاهر فاضين آنتم !
دخلت آم نواف ع كلمتها : وش فيتس هدي ّ
جنى : إيه والله ياهالتي عليك فيها صرعتنا بإزعاجها
ريم إبتسمت ع كلامها
آم نواف وهي تبوس بنتها : مبروك يمه
دانا فيها الصيحه : يبارك فيك
ريم وجنى إحترآما لهم قآموآ وإستأذنوا منسحبين عشان يخلونها ع رآحتها مع آمها

عند البنات

رنا تطالع فستان غلا : يجننن رهيب وقسم
غلا إستحت وهي تلف حول فستانها الإحمر الطووويل والضيق يلف حول الصدر ومطرز من عنده والباقي سااده وناعم
وشعرها شابكه نصه بوف واللي تحت فاكته بلف ع خفيف وصاابغته بالشوكولاته بعد ماكآن مثل سواد الليل
رنا : اممممم بس ليش صبغتي شعرك
غلا طيرت عيونها : ليه مو حلو
رنا إبتسمت : يجننن بس كنت آحب الإسود عليك
رؤى دخلت عرض بينهم : تكفين لاتخربينها يالله وآفقت ع صبغ شعرها
رنا وغلا : هههههههههههه
سمر وهي جايه لهم : يالله عاد بس لحالي أنا أرقص مترت القاع تمتير
رؤى تصفق : عفيه عليك
سمر إبتسمت : قوموآ معااي
قآموا كلهم إلا رنا
سمر إلتفت لها وتخصرت : يالله قومي
رنا إبتسمت بإحرآج : إستحي وبعدين ماأعرف
غلا بضحكه : تراها كذابه بس مستحيه ولا هي رقاصه درجة إولى
سمر راحت لها وسحبتها بقوه : لا تستحين ترآك منا وفينـآ
قآمت رنا غصب بفستانها الإسود والمطرز بفوشي لتحت الركبه كان ناعم وبسيط وشعرها كله فااكته ويوصل لتحت ظهرها , والميك ناعمـ وحلـــو !

رقصت غـلا مع رؤى بإغنيه لهم لحاالهم
وغلا كان يرقصها يجنن بفستانها الإحمر
ورؤى شيء ثاني بفستانها الفضي والفخمـ حيييل كان نافش شووي
وشعرها مسويه تسريحة شينون وعليه إكسسوآر فضيّ مزينه حيل
والميك آب رآيق وحلـو

بطاولتهم

جنى تنهدت : ليتني أقدر أرقص معاهم
ريم وهي تصفق لهم : لاطريت لـ عادل الرقص قص رقبتي
جنى : هههههههههههه واللي عندي نفسه
ريم : ههههههه

عند هنادي ووسن

كانوا يتهامسون بصوت وآطي

هنادي : سمر لها شهر ماتكلمني
وسن : آمممممم تبين الصرآحه والله ماألومها بعد اللي صار
هنادي تنهدت بضيق : آحس ضاع كل شيء من يدي
وسن : هنودهـ خلاص يمكن هالشيء خيرهـ لك
هنادي: لالالالا , شوفي غلا وفهد بيتطلقون وكنت قريبه حيل بس آخ منك ياسمر
وسن : ماتدرين يتطلقون أو لا بعدين آنا آحس ...
هنادي بسخريه : تحسين بإيش ياأم الإحساس
وسن : إن فهد يعشقهـآ
هنادي طرطعت وعصبت بس كتمت هالشيء عشآن محد يلاحظهـآ

رجعوا البنات لـ طاولتهم وهم مبسوطين هزوآ القاعه هز
رؤى لمحت نور ورآحت لها ركض وضمتها بقوهـ : وينك آنتي
نور إبتسمت : والله سيف إتصل علي وكلمته شوي
رؤى : آهاا
نور سلمت ع كل البنات اللي مع رؤى
غلا : تعالي إجلسي نوآرهـ بطاولتنا
رآحوا كل البنات لطاولتهم وجلسوآ
سمر هزت كتف رؤى
رؤى إلتفت لها : نعم
سمر : وش فيك سرحتيّ
رؤى بلعت ريقها وهي تطالع عيون نور : ولا شيء
غلا عرفت باللي فيها وتضايقت عليه وهي تحاول تغير الموضوع

قـآعة الرجـآل

نواف كان يسلم ع المعازيم وهو مو لمهم متوتر
قرب له عبدالله وبضحكه : إنتبه إنتبه شف الي ورآك
نواف مصدق إلتفت ورآهـ
وتسدح من الضحك سلطآن
فهد إبتسم ع هبالهم : الحمدالله إني ماسويت عرس ولا كان هبلتوا فيني
عبدالله : لا حنا أعوذ بالله مانقدر عليك خخخخخ
سلطان بس يضحك عليهم كل ماتذكر إشكآلهم
عبدالله يأشر ع وليد ويضحك
وكلهم إلتفتوا له وتسدحوا من الضحك عليه
كان جالس ونشب له شايب بس يسولف معاه ووليد متوتر من الإصل
عادل : مسكين ههههه
فهد عقد حوآجبه : خلاص بلا ضحك تراكم بمجلس الرجااال
عبدالله : ياحبك للجديه ياخي خلقنا ننبسط هالإشياء ماتجي إلا مرهـ بالعمر
فهد مارد عليه ماله خلق
أبو نواف أشر للنوآف : تعال ياولدي الزفه الحين
نواف قآم من مكآنه وطالع الشباب : آشوف فيكم يوم
الشباب : هههههههه

نواف مشى وماعليه منهم لـ غرفة العرايس لأجل عروسه خُزآمى
فتح الغرفه ودخلها هو وأبوهـ وأبو خالد وخالد
لمح عروسه خُزآمى جالسه ع الكنبه ومنزله رأسها تطالع تحت
قرب بو خالد لها وسلم عليها : مبروك يبه
خُزآمى بصوت وآطي : يبارك فيك
وسلم عليها أخوها وعمها بو نواف وباركوا لها والخوف يتملكها وسببه الخجل
أبو نواف : يالله وأنا عمتس نستأذن الحين عشان تكونين مع زوجتس
نواف إبتسم وإنبسط ,
وخزآمى خجلت وخافت من زمان عن نواف ورجع لها الخجل الصعـب
طالعتهم بنظرات لاحقتهم لحد ماإختفوا من إمامها
قرب نواف لها بعد ماطلعوا وباس جبينها وآخذ يدها وباسها : مبروك حُبي
خزآمى بإرتباك ممزوج بخجل : يبارك فيك
نواف إبتسم له وقرب حيل بس قاطعه دخول آمه عليهم
نواف إنقهر بس كتمها : هلا بالغاليه
آم نواف قربت وسلمت عليه وع خُزآمى : يالله يمه إمسك عروسك الحين زفتكمـ
نواف مسك يد خُزآمى الباردهـ ولسعته برودتها وهمس لها : متوترهـ
خُزآمى همست : شوي
آم نواف فتحت باب القاعه اللي يفصل بين غرفة العرايس وبين القاعه نفسها
مشى نوآف وبيدهـ عروسهـ خُزآمى متجهين لكوشتهمـ ع أنغام إغنية زفتهمـ

جت تمشي شيخة الحفل شحلاها ……جت تمشي لعرشها مثل الأميره
لأرض زانت يوم داستها خطاها …….. وفي خطاها كالظبي لحظة مسيره
الخجل كل الخجل والله أحتواها ……… بنت أبوها شيخة في كل ديره
هذي عروسنا الزين كله أكتساها ………..بنت ابوها مابها حسد وغيره
القمر من زينها يطلب رضاها ……… ومن نفسها الورد هو مآخذ عبيره
من حلاها الكل يحلم في هواها ……….وكل عين لعينها صارت أسيره
عروسنا شمعه ومنوّر والله ضواها ……….. عروسنا مهره ومابعد عسفت صغيره
فيها خصر ناحل زاد بحلاها …………. وفيها عيون واسعات ومستديره
ومعرسنا له اليوم موعد في لقاها ....... معرسنا فاز بقربها دون غيره
وصلوا على محمد في منتهاها …………..محمد رسول الله صلاة كثيره
ااقبلت ياقبلت الله فــــي حـــلاها ……. شمعة الدنيا ضــــــــوت ليل العمر
اقبلت والكل يمـــشي من وراها……… وغتنا من زيــــــــــنها ليل الســــهر
هي صبا شمساً تعلت في سماها ........ هي ملاذ الارض في وقت السحر
من شذاها تاخذ الدنيـــــــا شذاها ...... لا دخون ولا عـــــبير ولا عطــر
ياهــــــنيك فزت والله بـــــغلاها ....... فزت باللي نورها شــــمس وقــمر
الـــــــخزاما والنفل ريح لهواها ........ لامشت ريــــح البسيــــــطه ينتثر
رب هو اللي وهبـــــها ثم عطاها....... في حلاها وزانها باحـــــلى الصور
عاديه في زينها وفي مسـتواها.......... ماتشوف في زيـــنها بـــــين البشر

جلس نوآف ع الكرسي وجلست جنبه خُزآمـى
قربت منهمـ آم خالد وسلمت عليهمـ وفيها الصيحه عشآن بنتهـآ
نواف مد يدهـ ومسك يد خُزآمى : وش فيك حبيبي
خُزآمى بخجل : آحم ولاشيء
نواف عرف بخجلها وإبتسمـ لها
قربت آم نواف ومعاها الكيـك والعصيـر لهمـ
آخذ نواف الكأس وشرب خُزآمى منه وهي إستحت
وهي سوت نفس الشيء لكـن شوي وتكب العصير ع ثوبه من التوتـر
قربوا لبنات لهم وهم بكآمل حجآبهم بيباركون لـ خُزآمى
رؤى وهي تضمها بقوهـ : فديتك ألف مبروك
خزآمى مستحيه : الله يبارك فيك
كل البنات صاروا يهنونها ويستهبلون عليها شويات
سمر شهقت : وش فيك ثوبك
خُزآمى فيها الصيحه : وش فيه بعد
البنات : هههههههههههه
خُزآمى عرفت إنها تستهبل : حرآم عليك
سمر : إجلسي بس إجلسي شكلك غلط وأنتي وآقفه معانا
جلست خُزآمى ع كرسيها
ومشوآ البنات من عندها
نواف إبتسم وهو يشوفها ترتجف عنده : وش فيك
خُزآمى مآثر عليها مقلب سمر : ولاشيء
نواف إبتسمـ وآشر لإمه تجيّ
آم نواف جت له : هلا يمهـ
نواف : يالله بطلع الحين
أم نواف : توك يمه إجلس
نواف : ماعليه يمه آنا مستعجل وبعدين وليد زفته بعديّ يعني يالله بالله يمديكمـ
آم نواف تنهدت : ع رآحتك يمه
خُزآمى كانت تسمعهم والخوف يلعب فيها
صحاها من تفكيرها صوت آمها تناديها : هلا يمه
آم خالد : يالله يمه عشان تدخلين غرفتك وتلبسين عباتك وتطلعي مع زوجك
خزآمى بسرعه : لا
نواف سمعها وإبتسم وقرب عندها ومسك يدها وسحبها له : الظاهر بخطفك من دون عباه , وشو اللي لا هاه ؟
خزآمى تفشلت
آم خالد إبتسمت ع إشكالهمـ : يالله يمه إمشي
رآحت خُزآمى مع آمها ونوآف طلع مع البوابه لسيارة الزفه بتوصلهم للشقه
وقف عند السياره ينتظرها وكان جنبه فارس بيوصلهم : مبروك يادووب
نواف بضحكه : من آولهاا , يبارك فيك
فارس : هههههههه
طلعت خُزآمى من البوابه وجاء لها نواف يمسك يدها ورفع ثوبها الطويل عن الإرض
وركبها السياره وركب معاها بالمراتب اللي ورآء
وفارس ركب بسرعه ومـشى موصلهم لشقتهمـ

بـ قاعة النسـآء

إنفتحت البوابه الكبيرهـ من جديد تزف العرايس وليد & ودآنا ع آنغام أغنيتهـ

[هلا يافتنه الحفله .... هلا والفرحه أكتملت
......................................هلا باللي سحرت كل العيون والزين كاسيها
هلا باللي القمر منها رحل يومنها طلت
...............هلا ( دانه )ومثل ( دانه ) بالدنيا أثنين مافيها
نويت أني أوصّفها وحروفي بوصفها أحتفلت
....................................وأشوف الشعر يسبقني ويكتب كل معانيها
عليها من الحسد عيني ذكرت محمد وصلت
...................................وعليها من الفرح شعري رقص بأحلى لياليها
أنا بوصفها أببدأ بشعرها يوم له فلت
.....................................سواد الليل والجبهه قمر نوره يغطيها
وعيونها عيون حوريه ومنها الحور أتحلت
...................................يعني بأختصار كامله وجمال الكون بيديها
و( دانه) أذا رخت رموشها وسلت
......................................تصيب اللي يحب الزين ويعشق غواليها
و( دانه) مثل القمر عيونا منها ماملت
.......................................عسى ربي من الحاسد بأمره اليوم يحميها
واليله الليله كل الناس أحتفلت
............................ليله من العمر صارت ( دانه) اللي تحليها]

جلس وليد ع الكوشه وجنبه عروسته الدآنا : مبروك يّ قلبي
دانا إبتسمت : يبارك فيك
قربوآ خوات وليد هند وسعاد قاطعين حديثهم وهم يسلمون ع آخوهم الوحيد بحرارهـ
سعاد إبتسمت وإلتفت لـ دآنا : مبروك دانا
دانا بخجل : يبارك فيك
سعاد وهند إنسحبوا عشآن يكونون برآحتهمـ
وليد جلس بعد ماراحوآ وإلتفت لـ دآنا : إشتقت لك
دانا إبتسمت بإحرآج
وليد : نمشي الحين
دآنا بحياء : لا تو الناس
وليد إبتسم : ماعليه حيآتي لازم نمشـيّ
دانا تنهدت وسكتت !
وليد آشر لأخته سعاد وقآم وقوم معاهـ دآنا
سعاد قربت له : آمر ياخويّ
وليد : يالله آنا بمشي الحين
سعاد إستغربت : تونا آجلس شوي
وليد تنهد : ماعليه تعبان ورأسي مصدع
سعاد : طيب طيب , يالله دندون عشآن تلبسين وتطلعين
آم نواف قربت لهم وهي تسلم ع بنتها الوحيدهـ بحرآرهـ : يمه وليد إجلسوا شوي
وليد إبتسم لها : والله ياخاله تعبآن شوي
آم نواف تنهدت وسكتت
دانا لمحت البنات جاايين لها , إنبسطت ورآحت لهم تسلم عليهمـ بحرآرهـ
غلا : لا يكون بتروحين الحين ؟
دانا هزت رأسها فيها والصيحه
رؤى : هيييه آنتي خير ترى تونا بديت السهرهـ يكفيّ خُزآمى رآحت
دانا : شسوي وليد يبي نطلع الحين
قطع كلامهم آم نواف وهي تآخذ دانا لـغرفة العروس بتلبس عباتها وتطلع مع زوجهـآ
آما وليد طلع بسرعه لسيآرة الزفهـ واللي بيسوقها عبدالله آخو دانا
عبدالله : ياهلا ياهلا بالمعرس
وليد : وقسم إني حاقد عليك عقب اللي صار اليوم
عبدالله : هههههههههههههههههههههههه
وليد ماعطاه وجه
عبدالله : إلا صدق وش يبي منك الشايب
وليد إلتفت له وعطاهـ نظرهـ تسكته
طلعت دانا من البوابه قآطعه حديثهم , رآح لناحيتها وليد بسرعه
ومسك يدها ورفع ثوبها عن الإرض وركبت هي السيارهـ وركب وليد جنبها
وعبدالله حرك بسرعه لـ جنآحهم بالفندق

بقاعة الرجال

سلطآن : بتطلع الحين
فهد هز رأسه بـ إيه
سلطآن : إصبر يابن الحلال المعازم ماراآحوآ
فهد وهو يطقطق بجواله: ماعليه آنا تعبان شوي , وطلع من القاعه عشآن مايآخذ إسأله زايدهـ
تنهد وهو يتذكر كلآآم اليوم وصله من رؤى , وطووول ماهو بالقاعه يفكر فيه ويلعب بإعصآبه
تذكر وش قالت له قبل لايطلعون للـ قصر

قبل الزوآج بساعه وحدهـ
فهد اللي كان جالس بغرفته ويلبس ويتعطر بيطلع بسرعه عشآن العرسان
طق باب الغرفه عليه : إدخل
دخلت رؤى وهي منزله رأسها بالإرض
فهد طالعها مستغرب : هلا رؤى بغيتي شيء
رؤى هزت رأسها بإيه : بس آخاف تكون مشغول
فهد إبتسم وجلس ع سريرهـ : تعاالي عندي وقولي وش تبين , لو كنت مشغول أفضألك
إبتسمت رؤى وإرتاحت شوي وقربت لنآحيتهـ جلست جنبه
فهد : قولي اللي عند وش فيك
رؤى بلعت ريقها : وماتعصب ولا شيء
فهد طفش : لا
رؤى : آحم من كم شهر كان يجيني رقم يزعجبني بالجوال وعرف من أنا وإسم عايلتيّ بعد
خبرت غلا بهالشيء وطلبت مني آحول كل مكالماتي ع جوالها عشان تتفاهم معاهـ آنت
المهم ومرهـ نسيت جوالها هنا بالغرفه وإتصل الشخص عليّ وتحولت المكالمه لغلاوي وآنت رديت ع الرقمـ
وهو سم بدنك بالكلآم وأنت صدقته وظلمت غلا !
فهد قآم من مكانه ومو مستوعب
رؤى خافت وقآمت معاه : فهد غلا مالها ذنب والله آنا كل شيء عليّ والله
فهد إلتفت لها : غلا مظلومه ؟
رؤى هزت رأسها بإيه ودموعها تنزل
فهد آخذ نفس وجلس ع الكنبه يحاول يستوعب
رؤى قربت له : فهد فيك شيء
فهد : إطلعي برآ
رؤى : بس
فهد بحدهـ : إطلعــــي برآ
رؤى بسرعه طلعت برا وهي مرتاااحه ماسويت هالشي إلا عشانهم
كل وآحد متعذب وهو بعيد عن الثاني , فهد يكاابر حيل وصور غلا مليانه عنده وبهالإسبوعين شفته يطالع صورها
والشوق وآضح بعيونه , وغـلا تعشق فهد وماتفكر تبعد عنه بس كرآمتها منعها من هالشيء
وإن شاءالله فهد يرد كرآمتها لها

نرجع للقآعه
طلع فهد من كل القاعه ووقف بجنب سيارته وإتصل ع رؤى
وإنتظر ردها شوي : ألو
رؤى : هلا فهـد
فهد : خليها تطلع الحين
رؤى بتوتر : الحين
فهد : إذا تبيني إسامحك سوي اللي إقولك عليه
رؤى تنهدت : طيب بقولها
فهد سكر الخط بوجهها من القهـر

بـ قاعة النسـآء

لمحت رؤى غلا جالسه وتسولف مع سمر وتضحك
قربت لها والتوتر لاعب فيها : غلاوي
غلا إلتفت لها : آمريّ
رؤى : يالله بنمشي الحين , إلبسي عباتك
سمر : بس تونا محد رآح
رؤى : إدري بس آنا تعبانه شويات وغلا بوصلها أنا
غلا : آوكي حبيبتي بلبس عباتي وإطلع للسيارهـ
رؤى نادتها : غلا
غلا إلتفت لها : نعم
رؤى : إركبي السياره السودآء ع اليمين
غلا إستغربت : السايق مو سيارته بيضاء
رؤى بتصريفه : غيرناها
غلا : بس مو ..
رؤى قاطعتها : غلا تكفين بلا كثرة إسأله
غلا هزت رأسها بإيه
رؤى : إلبسي وإطلعي وآنا بلحقك بعد شويّ . بكلم إمي وإرجع
غلا مشت بطريقها لناحية عباتها لبستها ع السريع وآخذ شنطتها وإغراضها وطلعت من القاعه
لمحت السياره السوداء اللي ع اليمين وإتجهت لناحيتها وركبت بالمراتب اللي ورآء : سمير إنتظر شوي مدآم رؤى بتجي الحين
رفع وجهه وحرك السياره بسرعه وهو يقفل إبوابها
غلا إنصـــدمت : فهــــد

عند عرسانا نواف & خزآمى
آخذوا لهم جنـآح بفندق

نواف يناديها من وراء الباب : خزآمى خلصتي
خزآمى كانت تلبس بالغرفه : إيه
نواف : طيب يالله حبيبي إطلعي جبت لنا عشاء
خزآمى : مااأبي
نواف : طيب إفتحي الباب
خُزآمى فتحت الباب ونزلت رأسها للإرض بخجل
نواف : ليه حبيبي ماتبين عشاء
خزآمى : مو مشتهيه
نواف مسك يدها ومشاها للصاله : إذا شفتي الأكل بتشتهين ,
جلست خزآمى ع لكنبه وجنبها نوآف
مد لها كأس العصير : يلا قلبي آدري إنك ماأكلتي من رحتي للمشغل
خزآمى آخذت العصير وشربت منه شويّ ونزلته
بعد ماخلصوا من العشاء قآم نواف ومد يدهـ لها وهي مسكتها
آخذها معاهـ ع غرفتهمـ , ودخلوا للغرفه آنوارها خافته وجوها رآيق
خزآمى إلتفت له ووآضح عندها كلآم
نواف باسها ع خدها وحاوطها : فيه شيء
خزآمى إبتسمت بإحرآج : بتنام هنا ؟
نواف فهم قصدها : ههههههههههههه
خزآمى إستحت منه
نواف : آكيد زوجتي آنتي
خزآمى تعلثمت : بس ..
نواف باس جبينها : خلاص اليوم مافيه , نامي ع يمين السرير وآنا يسارهـ ووعد ماقرب
خزآمى إرتاحت شوي كان قلبها يضرب طبول من الخوف والربكه والحياء
خزآمى إنسدحت ع السرير ونواف جنبها قرب لها وباس يدها : نوم العوآفي يّ قلبي
خزآمى إبتسمت له ولفت لجهتها وغطت بالنووم

عند عرسانا وليد & دآنــآ

تعطرت دانا من عطرها ع التسريحه وألقت نظرهـ آخيرهـ ع شكلها بقميص النوم الطويل وعليه روبه ساترهـ
حست بأحد يحاوط خصرها : نعيما الشاور
دانا بخجل : الله ينعم عليك
وليد باسها ع خدهـآ : تبين عشآء
دانا هزت رأسها بـلآ
وليد إبتسم : وحتى آنا
قرب لها وضمهـآ بقوهـ و ..~ *_^

بـ سيارة فهـد

غلا إنصدمـــت : فهد
فهد يمشي بالسيارهـ مسرع
غلا بحدهـ : نزلني أنت وش قاعد تسوي
فهد ببرود : زوجتي وجيت آخذها
غلا صرخت : مو من حقك نزلني نزلني
فهد : غلا بلا صرآخ آحسن لك
غلا تبكـــي : وش تبي مني نزلني ..
و تضرب ع البااب تبي تنزل بس فهد مغلق إبوآبه !

إنتهـــــى البارت