شبكة همس الشوق - عرض مشاركة واحدة

3 - 12 - 2011, 04:50 PM

البارت الـ 42

بيت بوفهد / جنآح رؤى

كانت جايه رآيحه بغرفتهآ من التوتر وتفكر باللي صار لهم
رؤى : آدق ع غلا ولا ماتدق , ياخوفي زعلت مني ؟
إففففف ... إنسدحت ع السرير بتعب تفكر من جديد
والله ماسويت هالشيء إلا لـ مصلحتهم كل وآحد متعب الثآني
فهد مشتاق ويكابر , وغلا تعشقهـ وكرآمتها تمنعهـآ
تنهدت بضيق وإنقلبت ع الجهه الثآنيه بتعب وغمضت عيونها كـ محاوله للنوم

بـ سيارة فهـد

غلا إنصدمـــت : فهد
فهد يمشي بالسيارهـ مسرع
غلا بحدهـ : نزلني أنت وش قاعد تسوي
فهد ببرود : زوجتي وجيت آخذها
غلا صرخت : مو من حقك نزلني نزلني
فهد : غلا بلا صرآخ آحسن لك
غلا تبكـــي : وش تبي مني نزلني ..
و تضرب ع البااب تبي تنزل بس فهد مغلق إبوآبه !
فهد ببرود : لا تحاولين خلاص مغلق إبوابه
غلا مسحت دموعها وإستندت ع الشباك بعد ماضاعات قوتها
وقف فهد عن عمارهـ كبيرهـ ونزل
غلا إستغربت من المكاان وآخذت تتلفت ع هالمكان الغريب
فأجأها فهد وهو يفتح بابها
غلا بعدت بخوف : نـ عـ م وش تبي
فهد رحمها وإبتسم لها : إنزلي معاي
غلا هزت رأسها بـ لا
فهد تنهد ومسك يدها وسحبهاا له
غلا تحاول تفلت : بععععد عني
دخل فهـد للعمارهـ ورآح لأحد شققها ، فتح الباب بيدهـ ودخل وهو يجر غلا جر
غلا بعدت عنه بسرعه لما دخلوآ : وش تبي مني , وليه جاايبني هناا ,, وين حنا فيه ؟
فهد : زوجتي وجيت آخذها
غلا بكت : والله لإقول لإبوي وعمي عنك وماراح يسمحون لك
فهد إبتسم : إبوي وجدي بنفسهم سلموك لي
غلا تبكي : كذآآآآآآآب
فهد مسكها وقربها له : أنا قلت لهم إنك دقيتي علي ورآضيه ترجعين وآخذتك ومشيت
غلا ماإستوعبت : بس أنا مادقيت عليك ولا قلت تعال آخذني
فهد إبتسم : كذبه , وبعدين آنتي رآفضه نتكلم بطيب وحبيت نتكلم بالغصب
غلا بصرآخ : مااااابي أتكلم معاك لا بالطيب ولا بالغصب
فهد تنهد : غـلآ
غلا تبكي : إتركني حااااالي
فهد قربها له ومسح دموعها : روحي إرتاحي ونامي الحين وبكرهـ نتفاهم , آنتي تعبانه الحين
غلا : ماااابي آتفاهم معاك رجعني بيتنا الحين ولا حتى آبي آنام
فهد تأفأف و طنشها ومـشى لغرفة النوم
غلا نزلت دموعها من جديد وهي تشوفه يروح عنها
نزلت ع الإرض وحطت رأسها ع الكنبه وصارت تبكــــي
وفهـــد دخل لغرفته ع إنه بينـآم , إنتظرها شوي بس ماشرفت وحط رأسه ع السرير ورآح بسآبع نومهـ !

بيت بو نواف / جنآح عبدالله & سمـر

عبدالله : إففففف آمي من اليوم متضايقه
سمر وهي تمسح الميك آب : إيه عشان دآنا ونوآف من عذرها والله
عبدالله إبتسم : مابقى إلا أنا وأنتي
سمر إبتسمت : بس هالشهر ولا نسيت نواف بعيش عندنا
عبدالله : هههههههه عادي ننبسط هالشهر
سمر إبتسمت ع كلامه
قآم عبدالله لها وضمها من ورآء : خلي كشختك عليك
سمر : بغير وآنا هلكانه
عبدالله لفها له : يالله عاد خلي سهرتنا صبآحي
سمر إبتسمت وإستحت من كلامهـ
عبدالله همس لها بإذنها : آحبك
وبعد عنها وإبتسم
سمر بلعت ريقها تحاول تستوعب الكلمه , رفعت رأسها وطالعت فيه
عبدالله حاوط وجههآ بإديه : إيه آحبــــك
سمر دمعت عينها : وآنا آموت فيك
ضمها له بقووهـ وكأنه بيدخلها بضلوعهـ

بيت بو خالد / الصاله

خلود تنهدت : خلاص يايمه المفروض تدعين لها
آم خالد تمسح دموعها : رآحت بنتي الصغيرهـ
خلود : ههههههههههههه ماشوفك بعرسي سويتي كذآ
آم خالد تنهدت : خُزآمى غير
خلود : ليت خزوم تجي وتسمع هالكلام
آم خالد بكت من جديد
خلود : يااااااربي ليتني ماقلت شـيء
آم خالد مسحت دموعها : الله يوفقها
خلود : إيه يالغاليه المفروض تدعين لها مو تبكين !
آم خالد مسحت دموعها ودعت لها من قلب
خلود قآمت من مكانها : بروح آشوف طلال يمه
آم خالد تنهدت : روحي يمه
خلود : طيب مو صاعده تنامين ؟
آم خالد : إلا بس شوي وأنام
خلود باست رأسها وصعدت فوق لغرفتهـآ

صبآح اليوم التاالي / شقة فهــــد

قآم من مكانه ع صوت جواله , تضايق ورفعه وحطه ع الصآمت
قآم من سريرهـ وإتجه للحمام ( آكرمكم الله ) بيأخذ شاور
ربع ساعه وطلع من الشاور وهو يجفف شعرهـ
تلفت بالغرفه يدورها ولا لقاها , تذكر وجودها بالصاله آمس
نزل منشفته ع السرير ورآح للصاله , لقاها حاطه رأسها ع الكنبه ونايمه بفستانها
رحمها ونزل لها ومسح ع شعرها : غلا
غلا :......
فهد رفعها عن الكنبه وصارت بين إيديه : غلاوي
غلا قآمت وبعدت عنه
فهد إبتسم : صبآح الورد
غلا تطالعه بنظرآت حقد
فهد : ههههههههههه إن شاءالله تتبدل هالنظرآت
غلا ماعطته وجه وهي تتمغط : كم الساعه
فهد طالع ساعته : عشر الصبح
غلا بتأفأف : مانمت زين
فهد : نامي بالغرفه
غلا تنهدت : إذا قمت ماأعرف أرجع آنام
فهد قرب لها : حتى لو بحضني
غلا إستوعبت كلامه وإنها تكلمه وتذكرت زعلها , فزت من مكانها : إبي أوضي وآصلي الفجر
فهد بضحكه ع شكلها : محد ماسك
غلا بقهر : آدرري ’ بس وين الحمام ؟
فهد إشر لها وهو ماسك ضحكته بالقوهـ
غلا إتجهت للحمام ( آكرمكم الله ) وهي بقمة الإستغراب من تعامله معاها
بالعادهـ إذا رفعت صوتي يقص لسآني , وإذا تأفأفت يعصب علي
المره ذي رآيق معااي حيييييل , قاطع حبل آفكارها
صوته وهو يناديها قبل لا تدخل للحمام ( آكرمكم الله )
غلا إلتفت له
فهد : آنا جايب لك ملابس تلاقينها بالدرج وغيري فستآنك طيب ؟
غلا تخصرت : ماشاءالله مجهز كل شيء
فهد إبتسم لها
غلا آخذت نفس ومشت لدولاب آخذت لها بيحآمه ودخلت للحمام بتأخذ شاور ( آكرمكم الله )

عند العرسان / وليد & دآنا

فتحت عيونها الواسعه بإتزعااج من حركاته
وليد يطالع فيها ويبتسم : ياصباح الورد واليآسمين وكل شيء حلو ياحلو
دآن خجلت منه ورفعت لنفسها الفراش تتغطى به من الحيآء
وليد بعدهـ عنها : قومي حبيبي يالله شفتك
دانا إستندت ع السرير وتمغطت : الساعه كم
وليد وهو يبوسها : كم تبينها , آخليها مثل ماتبين ؟
دآنا بخجل : ولييييد
وليد : قلب وليد آمري
دآنا آخذت نفس : من جد كم الساعه
وليد يسحبها له بحضنه : عشر ونص
دآنا بعدت عنه : منت قآيم ؟
وليد رجع يسحبها : لا عندي آنتي ماأقدر آقوم
دآنا بعدت من جديد : عشآن الصلاهـ
وليد تنهد : إيه صآدقه , محد قالك تأخريني عنها
دآنا طآرت عيونها
وليد : ههههههههههه
وقآم ودخل للحمام ( آكرمكم الله ) بيأخذ له شـآور ~

والعرسآن / نواف & خــزآمى

نواف مد لها كاسة العصبر : آمس ماتعشيتي ’ أفطري زين الحين
خزآمى شربت شوي من العصير : نواف
نواف : عيونه
خزآمى إبتسمت بخجل : مآحنا رآيحين اليوم ؟!
نواف : إلا إن شاءالله بعد الغدا
خزآمى : آها
نواف قرب لها وباس يدها
خزآمى بعدت عنه شوي
نواف إستغرب : خزآمى حيآتي ترآني زوجك
خزآمى بخجل : آدري بس آ ...
نواف قآطعها وهو يتأفأف من آمس وهي كذآ , كل ماقربت بعدت ولآآدري وش قصتها
خزآمى قربت عندهـ : نواف
نواف :....
خزآمى مسكت يدهـ : لا تزعل بس آنت تعرفني آكثر
نواف إلتفت لها وبـ حنيه : ماعليها حبيبي بس مو قلنا إنفضي هالخجل
خزآمى إبتسمت : عشـآنك
نواف قرب لها وباسها : فديتك ,

يـا نـور هـذا الـكـون بـ / / عـيـون مـغـلـيـكصـب الـوجـع فـنـجـان بُـن وتـقـهـوَهـ
لا يـشـغـلـك مـن هـو ’’ بـغـلـه ,, حـكـا فـيـك
الـلـي مـثـل روحـك.. | يـكـفـيـه زهـوَه |
عـمـر الـعـبـث .. مـا فـض سـتـر الـشـبـابـيـك
انـت الـشـمـوخ .. وهـو غـريـقٍ بـلـهــوَه

بيت بو فهد / الصاله

رؤى تأفأف
آم فهد وهي تنزل كاسة الشاي : وش فيك ؟!
رؤى حطت يدها ع خدها : آحس البيت فااضي لا خلود ولا فهد ولا غلاوي تتصل علي أول ماأقوم
أبو فهد إبتسم : الحمدالله اللي رجع غلآ لـ فهد والحمدالله إنها رضت هذا آهم شيء يابنتي وخلود كم يوم وبترجع إن شاءالله
رؤى إبتسمت بسخريه من داخلها والله لو تدري يايبه عن غلا وفهد لتطربق الدنيا فوق تحت
آم فهد : رؤى يمه
رؤى إلتفت لها : آمري
آم فهد : قومي تجهزي بعد الغدآ بنروح بيت جدك عشآن العرسان
رؤى نطت : يعني بتجي دانا وخزآمى
أبو فهد : ههههههه إيه يبه لازم يجون قبل لايسافرون
رؤى طآرت لغرفتها تبدل من الونآسهـ وآخيرا بيجي آحد يبسطها
أول مادخلت للغرف للغرفه رن جوالها وردت بسرعه لما شافت الرقم : غلآآآآآوي إشقت لك
غلا : ياعسى يشتااق لك الجني الإزرق
رؤى : آفا ليه ؟
غلا بقهر : رؤى آدري إنك ورآء السالفه كلها
رؤى دمعت عينها : والله كنت مجبورهـ والله
غلا رحمتها اللي فيها مكفيها وتنهدت : خلاص حبيبتي سمآح هالمرهـ
رؤى إبتسمت : بتجين اليوم ؟
غلا تنهدت : بيت جدي ؟ والله مدري
رؤى : تكفيييييييين تعالي لك وحشه يالبطه وقسم
غلا : بحاول , رور فهد جاء الحين من الصلاهـ ، مع السلامه آكلمك شوي , وسكرت منها بسرعه
فهد وهو ينزل شماغه ويحطه ع السرير : من كنتي تكلمين
غلا بهمس : رؤى
فهد تنهد وإنسدح ع السرير بتعـب
غلا بتردد : فهـد
فهد إلتفت لها مستغرب من آمس ولسانها آطول منها الحين هاديه
غلا : آحم بنروح بيت جدي اليوم
فهد ببرود : لا
غلا بقهر : ليييييه
فهد : آشوف لسآنك صار شبرين وتو يالله إسمع صوتك
غلا تتمسكن : آقصد يعني ليه ؟
فهد إبتسم بخبث : ودك تروحين
غلا تهز رأسها بإيه
فهد قرب لها وبتسامته لازالت خبيثه : هاتي بوسه وآخذك الحين
غلا صدت : لا
فهد : آجل وريني عرض آكتافك وخليني آنام
غلا برجاء : الله يخلييييييييك
فهد ماعطاها وجه
غلا تأفأفت
فهد : شرطي وتعرفينه , بوسه وآخذك الحين
غلا إستحت من نظراته وصدت عنه
فهد تغطـى بفراشه : منتي منفذه شرطي أطلعي وسكري الباب بنآم
غلا تنهدت وقربت عندهـ وهزت كتفه : فهد
فهد رفع عنه البطآنيه : خيررر منتي طالعه
غلا بحياء : توعدني تطلعني لانفذ شرطي
فهد عدل جلسته : قلت لك وعـد
غلا قربت لها والحياء بيقتلها وباسته ع خدهـ
فهد آشر ع خده الثاني : ترى بيزعل
غلا تنهدت وباست خده الثآني
فهد لف وجهها وباس شفتها
غلا فلتت منه بسرعه
فهد سحبهاا له وطآحت بحضنه
غلا : لالا بعد
فهد : غلا ترآي زوجك
غلا قآمت من السرير تعدل لبسها اللي حاسه فهـد
فهد تأفأف بقهـر
غلا مشت طالعه من الغرفهـ , بس وقفها صوته : إجهزي بأخذك بعد شوي !

بيت بو خالد / جنآح خلود

فارس اللي كان عندها يلاعب ولد طلال , يشيله فوق ويرجع يحطه بحضنه
خلود بخوف : فارس شوي شوي عليه
فارس : ذيب مثل إبوهـ مو بصاير فيه شيء
خلود : ههههه
فارس : المهم متى ترجعين للبيت ؟
خلود : باقي لي إسبوعين
فارس بضيق : يالله ,, إسبوعين
خلود مسكت يدهـ : طيب شسوي لازم آجلس عن الإربعين
فارس تنهد : خلاص برآحتك
خلود ضغطت ع يدهـ : آكيد
فارس إبتسمـ لها دليل ع موآفقتهـ
خلود آخذت منه طلال تعدل لبسهـ
فارس : إلا وين سارا
خلود بضحكه : زعلانه
فارس : آفااا , ليه ؟
خلود : آنت جايب لـ طلال هدآيا وهي ماجبت لها شيء
فارس بصوت عاالي : سارونه تعاالي يا بابا
سارا طلعت من الغرفه الثآنيه حطها يدها وراء ظهرها وماده بوزها شبرين
فارس مد يدهـ لها : تعااالي فديتها بنت إبوها
سارا رآحت له وهو حضنها وجلسها بحضنه وصار يبوسها وهي تضحك
فارس : هههههههههههههه فديتها
خلود قآطعة لعبهم : بتروح لبيت جدي
فارس : إيه عشان نواف وليد , إنتي مو رآيحه ؟
خلود تنهدت : لا والله الزوآج آمس كسر ظهري
فارس : برآحتـك

شقة آهل رنـآ

عطتها آمها صينيه العصير : يالله إدخلي
رنا سمت بالله وآخذت العصير من آمها
فتحها لها آخوها سعود باب المجلس ودخلت والتوتر يملئ قلبها
يوسف رفع رإسه للي دخلت وإبتسسم لما شافها بلبسها المحتشم عبارهـ عن تنوره طويله وبلوزه سادهـ لونهآ وردي
جلست بعيد عنه شوي ونزلت الصينيه
يوسف : وش آخبارك يارنا ؟
رنا بخجل : آحم تمآم
وماقدرت ترفع نظرها له , لكن كانت حاسه بنظرآته تأكلها أكل
قآمت بسرعه وطلعت من المجلس من الحياء
إبتسم يوسف وهو يلاحقها بنظرآته
صحآه من تفكيرهـ صوت روآن دآخله عندهـ
يوسف أإلتفت لهآ : هلا وغلا
روآن إبتسمت بحيـآء
سحبها يوسف له وباسها ع خدها : ليه ماجيتي تسلمن علي قبل شوي بزعل عليك ترى
روآن : لإن رنو دخلت
يوسف إبتسم ع طاريها
روآن بطفوله : ليش رنا تجي عندك حرآم هي كبيرهـ تلبس عباااهـ
يوسف : ههههههههه لإنها زوجتي
روآن إبتسمت : يعني بتروح معاك
يوسف : إيه , ليه تبينها تروح لا ؟
روآن : إلا بس آروح معاها آنا
يوسف : ههههههههههههههه

شقة فهــد

وقفت ع التسريحه وهي تعدل شعرها الطويل وتشبكهـ
حست بيد تخلل بشعرها , إلتفت له بسرعه
فهد : ليه صبغتيه ؟
غلا : تغيير
فهد : بس آنا آحب لونه
غلا بعناد : وآنا آحب لونه الحين
فهد عرف بعنادها : إلبسي عباتك وإخلصي بس لا أرتكب فيك جريمه
غلا آخذت عبآتها بتلبسهـــآ
فهد : بتروحين بهاللبس ؟
غلا طالعت لبسها بنطلون جينز آبيض وبلوزهـ رماديهـ جوبينيز وإلتفت له مستغربه : وش فيه لبسي ؟!
فهد تنهد : مابيك تلبسين هاللبس
غلا : ليه ؟
فهد : وشلووون ليه ؟ كلهم مجتمعين هناااك وآنتي لابسه هاللبس !
غلا خافت يعصب ويهون عن الروحه : طيب بس اليوم , وبعدين آنا عند بنات وكلنا نلبس كذآ
فهد تنهد : آخر مرهـ فهمتي
غلا هزت رأسهـآ بإيه ولبست عباتها
فهد : غلا
غلا إلتفت له : نعم
فهد : لا تبينين لهم شيء إذا رحنا هناك فااهمه
غلا تنهدت وهزت رأسها بإيه
فهد وهو يأخذ جواله ومفاتيحه : يالله إمشي
غلا مشت ورآهـ وطلعوآ من الشقهـ

شقة آهل رنــــآ

طلعت روآن من المجلس بعد ماراح يوسف وجت عند رنا : رنو
رنا إلتفت لها : نعم ياقلب رنو
روآن : آنتي بتروحين مع عمي يوسف
رنا : من قالك ؟
روآن : هو قالي
رنا إبتسمت : لا حبيبتي مآرآح آروح مكان
روآن إنبسطت ورآحت من عندها
إبتسمت ع شكلها , وتذكرته ع طآريه وشوفته لهـآ
آبد ماإلتفت له ولا شفته تنهدت بضيق وكملت شغلها بالمطبخ
سمعت آمها تنادي تركت شغلها ورآحت تشوفها : آمري يمه
آم سعود : متى طلعتي ؟
رنا بخجل : توني رآجعه من عندهـ
آم سعود : يمه رنا ترى بيحددون الملكه هالإيآم
رنا : من حقهم
آم سعود : يعني عادي يايمه رنا هالإيآم
رنا : آبيها بعد ماتخلصين من العدهـ
آم سعود : لآآآ يايمه الناس مستعجلين
رنا بإصرآر : بس آكيد إبي آمي تحضر ملكتي وبعدين آنتي ماباقي إلا آقل من شهر وتخلصين خليهم ينتظرون شوي
آم سعود تنهدت : رنا , يوسف يمكن يسافر هالإيآم
رنا : يمكن مو آكيد , قلت لك يمه إبيك تحضرين الملكه يعني تحضرينها
آم سعود تنهدت بضيق : برآحتك يمه
رنا إبتسمت لها وباست يدها ورأسهـــآ

بيت الجــــد / الصآله

طالعت ساعتها رؤى للمرهـ الثآنيه
ريم وهي تجلس جنبها : شفيك تنتظرين مين ؟
رؤى تنهدت : غلاوي
ريم : إيه صح ع طاري غلاوي , هي مو رجعت لـ فهد آمس ؟
رؤى : إيه ورآحت معاه بعد شقه
ريم إستغربت : وليه مارآحوآ بيت إبوي
رؤى تورطت : مدري , يجددون إيآم العرسان
ريم : هههههههههههه حلوهـ ذي يجددون
رؤى فزت بسرعه لما جت غلا وركضت لها : دوبه تإخرتي
غلا وهي تنزل عباتها : شقتنا حيل بعيدهـ عن البيت
رؤى تغمز لها : هاه وش صار
ضربتها غـلا بالشنطه اللي معاه ورؤى تسدحت من الضحك
قآطع حديثهم سمر وهي تسلم ع غلا : الله الله صرتي عروس مع خزآمى ودآنا
غلا إبتسمت بخجل
رؤى سحبتها : إمشي إجلسي بس لاتصدقين
قربت لهم غلا وجلست مع البنات : ماجوآ خزآمى ودآنا
سمر بضحكه : عرسآن مايجون إلا متأخرين

خزآمى & نوآف ~

حست بأحد يضمها من وراء وهي ع التسريحه : دآم كل هالكشخه آجل مافي روحه
خزآمى إبتسمت له بخجل
نواف لفها لناحيته باس يدهـآ وضمها له
خزآمى : يالله نمشي
نواف : هونت ماعاد فيه
خزآمى : نوآآآآف
نواف بضحكه : ياعيون نوآف
خزآمى وهي تعدل له ثوبه : يلا نواف ترى ينتظرونآ
نواف تنهد : طيب إمشي ولنا الله وياارب صبرني
خزآمى إستحت من نظرآته ورمي الكلآم , رآحت بسرعه تلبس عبآتها وآخذت شنطتهآ ورجعت له
نواف : قلت لك عن سفرتنا ؟
خزآمى إبتسمت : إيه مدري متى
نواف مسك يدها ومشاها طالعين من الشقه : خلال هاليومين إن شاءالله