البارت 154


صد عنها وهو يتكلم
بهدوء : السائق ينتظرك برا وعشان معزة عيالك بقلبي جهزت لك الشقه
وبياخذك لها على طول
طلع من عندها وهي منصدمه منه ومن كلامه !!!!! تنهدت ام ختام وهي ترجع لواقعها على صوت ولدها فيصل : مامي
ام ختام : عيون مامي
فيصل : تعبانه ؟
ام ختام مسحت وجهها وهي تتحسب على ابو الماس تزوجها وعاشت معه وللان مازالت معه بالاجبار والغصب ومالها الا الرضوخ له او بيرفع
عليها قضيه بالفيديوهات اللي عنده
صح ماقصر معها بشيء ويحب فيصل حيل وممكن هي اللي قدرت تحقق
حلمه وتجيب له الولد
لكن عجزت تتقبله وترضى فيه يكفيها من الاسباب انه حرمها من عيالها ولا حضرت لا عزاء زوجها ولا عزاء ولدها ..


عند ختام ..
مر الوقت سريع عليها تجرب تطبخ بعض الاصناف البسيطه
مثل السوفليه وتقطيع السلطه واعداد الشاي بأتقان نعم هذه جميعاً هي مبتدئه فيها
تنهدت بتعب وهي تأكل قطعه خيار من السلطه : اففف
نزلت راسها ع الطاوله وهي تبتسم وتتذكر احداث الليله الماضيه
وخروجها مع خالد
يعاملها كـ أخ اكثر من زوج
لكن تحبه كذا وتفضل وجوده جنبها
رفعت راسها وهي تشوف ام خالد تدخل للمطبخ : مابقى شيء على رجعة
خالد
ختام ابتسمت : ايه
ام خالد بشهقه وهي تشوف السلطه : لا يكون قطعتي يدك يجي عمك ويحط حرته في خالد اكثر من قبل
ختام عقدت حواجبها : ليش عمي قال شيء له !
ام خالد ارتبكت : لا بس لو اذيتي نفسك اكيد بيقول
صدت وطلعت وهي تعض شفتها وتتذكر كلام خالد انها ماتبين شيء لختام
وختام تناظرها بشك وهي اكثر وحده تعرف عمها صح طيب ويحبها
لكن ماتقدر تخمن وش اللي يعجبه او التصرف اللي بيتصرفه
انطباعاته ومواقفه غريبه !
وقررت مايتجاوزها هالموضوع وتكلم خالد
عنه وتحاول تستدرجه بالكلام .


في احد فنادق الرياض
عند فارس (( تم ذكر شخصيته في البارتات السابقه
" آخو رتيل من الام
وكان في عصابه رامز سابقاً وتركه لـ يساعد رائد " ))
'
مستلقي على الكنب وطفلتين يلعبون على الارض قريب منه
وابتسامه تزين مُحياهم
والمربيه اللبنانيه تجهز اكلهم
رمى جواله على الطاوله وهو يناظرهم : ابوكم مايرد شكله ماوصل للرياض للحين
البنات ناظروه بأستغراب ورجعوا يلعبون والمربيه تنهدت : إن شاء الله يوصل بسرعه كثير اشتقنا له
فارس : إن شاء الله
جلس ورجع شعره ع وراء ووقف : انتبهي للبنات ولا تفتحين الباب لاحد
طالع ساعه او ساعتين وراجع
انحنى ياخذ جواله وطلع '
'

في تبوك ..
خرجت ام سُعاد من بيت ام ريتان وهي فرحانه حيل ان عُمر قابلها وسأل عن سُعاد واخيراً خبرتهم بموافقتها وهي تتأمل وجيههم تبي تتأكد ان ام عُمر مو معارضه
وانبسطت ان فرحتها واضحة على وجهها لدرجة انها بكت
والبنات مستانسات والاهم ريتان ضحكت وهي تبارك لعُمر ..


بعد خروج ام سُعاد من عند اهل ريتان
دخل كل واحد منهم غرفته وافكارهم ومشاريعهم لحياتهم مختلفه حيل عن بعض
بالنسبه لريتان تقفلت وكانت بتنام تهرب من الحياه كلها للـنوم
لكن صوت عُمر يناديها من برا قطع عليها جوها وافكارها
قامت تفتح له وهي تتنهد بضيق : نعم !
عُمر مد لها الجوال :رساله من زوجك
ريتان تجمدت ملامحها وهي تشوف الجوال قدامها وماقدرت تاخذه من عُمر ..