خاب الرجا يا صاحبي لامع الصيت
الصاحب إللي عند كل حاجة عدمته
جابتني الحاجة وجيتك على البيت
وأفشيت لك سرن بنفسي لزمته
أبيك تنقذ ظامري من التناهيت
الله يساعدني على إللي كتمته
ووعدتني والظاهر إنك تناسيت
أهملت وعدي يالصديق وهضمته
عاملتني كني خطايه السلاحيت
مقبل ترحب به ومقفي شتمته
لكن قولو له تراني تراخيت
وإللي بنيته من صداقه هدمته
وإن ضاق صدري لفضل الهجن شديت
حرى نهر هموم اللي ركبت وزهمته
وشديت لديار الجدود وتسليت
أمشي نهاري وأسود الليل نمته
وإن شفت مجلس ذلّ عنه تناحيت
والنفس عن باقي المذله عصمته
الذل مارضى لو أصبحت مامسيت
والصبر عز وهيبة الصديق .. صمته