(كروسون بالدجاج)
وسلطة : )
بسم الله نبدأ
المقادير:
كروسون جاهز
علبة مشروم مقطعة شرائح
بصله متوسطة مفرومه
شبت ( انا ماحبه عشان كذا مااضفته) وبقدونس مفروم
3 فصوص ثوم مهروس
حبة ماجي + فلفل اسود
جبنة شيدر علبة متوسطة
جبن موزريلا
دجاجة مسلوقه ونفتتها
كريمة الخفق السائله
الطريقة:
نجهز البصل، والثوم،
نحمس البصل مع زيت، وشوي زبدة ونحط عليه حبة الماجي، 
بعدين نحط المشروم، والبقدونس لازم يستوي المشروم شوي، عشان يعطي نكهه قوية في الاكل ..
+
البقدونس 
وبعدها نضيف الدجاج ، ونقلب فيه لين يتحمر شوي،
وجات اللحظة اللذيذة،
نضيف الكريمه السايله بمقدار كوب، ونتركها دقيقة، بعدين نضيف شوي فلفل أسود، والجبن الشيدر المبشور، والموزريلا ..
اذا حسيتوها انشفت ، ضيفوا من الكريمة السايلة ..
من الاسرار،
نحط في قاع البايركس، شوي من الكريمه وجبن موزريلا، عشان ما تلصق عليكم .. 
بعدين نجي للكروسون ، نقصه ونصفه
نصب خلطة الدجاج فوق الكروسون
بعدين نضيف جبن موزريلا و زبدة 
وندخل الطبق الفرن ، نحمر الوجه فقط ، ولمدة دقيقتين
وبالهنا والشفا على قلوبكم
وصحتين وعافيه