تقول لي مرحبا مليون ..؟ يابردك
وانا احسبنك بتاخذني من احضاني
شكرا على حضورك وشكرا على وردك
وشكرا على كل شي الا على احزاني
احلامي اكبر من احلامك .. ومن جدك
لذلك اعــــاني.. لذلك اعــاني
لو ان مشاعرك موقوتة على وعدك
يمديه جاها من الاجرام ماجــاني
تجرحني آسفك تذبحني مهب قصدك
ياليتك تشوف وش يصير فـ اشجاني
احبك .. وليت لا احبك ولا افتقدك
اضيع وابحث علي .. القاك والقاني
مدري وش اللي خذاني مني لـعندك
به شي وداني وبه شي بقاني
انا رجلين في قربك وفي بـعدك
ســافــر معك الأولي وانتظرك الثاني