كيلوا دقيق
نصف كيلوا لبن
بيضه
باكواخميره فوريه
اقل من نصف كوب زيت او سمن سايل براحتكم
ممكن حبه البركه بس مكنش عندى وكنت مستعجله
نصف معلقه صغيره ملح
باكو لبن نيدو
لحشو البيتزا
جبنه بيضاء
سوسيس
وجبنه رومى
وفلفل اخضر
وطماطم
وصلصه
وزيتون اسود مقطع حلقات
جبنه موتزاريلا
الطريقه
تحطى الدقيق عليه الملح والخميره والسمن والبيضه
وتعجنى باللبن لغايه ما تتكون عجينه حلوه زى الصور
ناخد حته من العجينه ونفردها بالنشابه بالسمك اللى بنحبه
ونحطها فى صنيه مدهونه زيت ومش هنفردها لاخر الصنيه
علشان لسه هنعمل الجوانب ونكون مجهزين الصلصه بتاعتنا
انا بحط معلقه صغيره توم مفروم على معلقه زيت على النار
يتشوحوا شويه وبعدين احط الصلصه واتبلها بالتوابل
بناخد حته تانيه من العجين ونفردها رقيقه ونقطعها بالقطاعه
المدوره علشان نعمل جوانب البيتزاوندهن الدواير صلصه
ونحط حته جبنه انا استخدمت الشيدر وبعدين قطعه سوسيس
ونقفلها كوره صغيره ونحطها على حرف صنيه البيتزا
والصور هتوضح كل كلامى ومكونات البيتزاكمان وبعدين
نبتدى نحشى البيتزا الاصليه بعد ما خلصنا الجوانب
هنبتدى نحط الصلصه الاول على العجينه وبعدين
الجبنه البيضاء وبعدهاالسوسيس والزيتون
وانا عملت واحده عليها طماطم وواحده ﻷ لان مش
كلنا بنحب عليها طماطم لو هنحط طماطم بحطها
قبل الجبنه الرومى علشان لما تسيح بتعمل طبقه حلوه اوى
مع الموزاريلاواهم ملحوظه فى البيتزا انك متحطيش الجبنه
الموتزاريلا من الاول على البيتزا يعنى تحطى المكونات كلها
وتدخليها الفرن تستوى وقبل ما تكون هتطلع
بحوالى عشر دقايق تطلعيها و تحطى عليها
الجبنه الموتزاريلا وتدخليها تانى الفرن تسيح بس على الوش
لانك لو دخلتيها من الاول هتنشف وتتحرق منك على الوش