مجموع الأوسمة: 18

البارت 59

محمد/
اللي منسدح في حضن أمه وهي تحرك يدها في شعره ضاق به الكون كله لما جده قال انت تاخذ الدكتورة اشواق جدي رغم اني اعرف ومتأكد انه زعلان من تخصص بنات ولده في الطب إلا انه يتعمد اذا ينطق اسم أشواق لازم قدامه يقول
الدكتورة اشواق وبفخر كبير ..
بعد قرار جده مستحيل يقول لا هو يعرف جده اذا قال كلمة مستحيل يتراجع عنها حس انه مخنوق ولاعاد بيده حيلة وهو رافض فكرة الزواج كلها خاصة بعد مارفضته بنت خالة وخالته رغم انه اختيار امهم وهو وافق على فكرة الزواج إلا علشان يطيب خاطر أمه اللي ضحت بحياتها وشبابها علشانه من طلقها ابوه وهي حرمت الزواج على نفسها علشانه رغم انها تعبت وانحرمت منه وهو صغير بسبب جده محمد اللي اخذه منها وهو صغير عمره شهرين وماعاد صارت تشوفه إلا لما كبر وعرف الحقيقة رجع لأحضانها.
غمض عيونه وهو ياخذ نفس عميق مختلط بريحة أمه المحببه لقلبه فتح عيونه وهو يناظر فيها مسك يدها كل ماجاء عندها لازم تفتح له سيرة الزواج
كل مااتصل عليها تقول تراني عاينت (بمعنى شفت) لك عروس فنانه مثل روحك كل مرة ماكلت ولا ملت تقول خلني افرح فيك وارتاح حتى لما اجيب لها ذهب هدايا ماتلبسه تقول علي محلوف ما البس ذهب إلا في زواجك.
اخذ يدها البيضاء وهو يبوسها قال: يمه.
فوزية (الأم) : روح وقلب وعقل أمك حبيبي انت .
محمد/فديت روحش وعقلش ابشرش اني خطبت يمه
وبدون اي مقدمات وفي اقل من ثانية حصل راسه محذوف على الجلسة الأرضية وامه اللي مايدري كيف وقفت تغطرف وشوي تسجد وشوي ترجع تمسك وجه بيدها وماخلت مكان في وجه إلا ما باسته حتى انها ماسألته من هي كأنها تقول يكفيني انك تتزوج.،

فوزية وهي تمسح دموعها : فديتك راعي بشارة في ذمتي اني صادقة وكأنها تذكرت وهي تخرج
جوالها من جيبها وتمده له هاك اتصل على رقم أبوي ابشره تحصله خرج من المسجد عند الحلال اتلاها البارح يقول فوزية متى ناوي ولدش يعرس.
محمد وهو يضحك ويمسك يد أمه ويجلس جنبها وهو يشوف الفرحه في وجه امه قال : اجلسي جعل عيني ماتبكيش
حاوطها بيده وهو يقول : يعني مابتسألين من هي وهي فنانة او لا .
فوزية وكأنها تذكرت قالت : والله من فرحتي فيك ولا بغيت الله يهديك من هي بنته.
محمد ولاهو داري كيف يفهم امه السالفة او كيف بتستوعب أمه اذا هم لحد ذحين مااستوعبوا كيف أمه.،!
قال : يمه تذكرين عمي أحمد الله يرحمه
وهو يناظر في وجه امه اللي تغير بمجرد مانطق اسم عمه
فوزية وكأنها انصفقت على وجها كيف تنسى احمد اللي خلاها قبل الملكه بيوم وخلاها علكة في حلوق الناس انه ماخلاها إلا لما عرف انها اكبر منه في السن.
ناظرت في ولدها وهي تقول : الله يرحم اموات المسلمين ماله عمك أحمد.
محمد هو يركز في تعابير وجه أمه وحركات جسمها المتوترة بمجرد ماسمعت أسم عمه مايلومها لما كبر وعرف السالفة حتى هو كره عمه بس يظل عمه مهما كان والدنيا نصيب.، بس كسرت أمه وجده باقي مانسوها رغم ان ابوه حاول يصلح الكسر فصار كسر اكبر.
قال : يمه عمي لما هج من الديرة اثاريه تزوج ولا احد درى عنه وعنده ثلاث بنات وابوي دري قبل عشر ايام تقريبآ وانا واخواني شفنا ان بنات عمي حنا اولى بهم انا اخذت الكبيرة حاول محمد يختصر السالفة بدون مايخوض في تفاصيل الموضوع.
فوزية رغم ان صدرها ضاق إلا انها ماحبت تخرب فرحتها في ولدها خاصة انها كانت تتمنى اللحظه ذي من زمان ودامها بنت عمه ولحمه ودمه ابركها من ساعه واختياره هو ريحها كثير لانها خطبت له من بنات اخوانها ورفضوه واللي تحط شرط تعجيزي بيت مستقل واللي امها تقول مانبغى امك تسكن مع بنتي ومضمون الكلام انهم رافضينه مرة يقولون عصبي ولا يتعاشر مثل جده.
حضنته بقوة وهي تقول : الف مبروك الله يتمم لك على خير وبنت عمك سترك وغطااك ومن ذحين اقولك اذا طلبوا بيت شرعي وافق وانا بيت ابوي قد وسعني وانا صغيرة ولا بيعجز بي ذحين.
محمد وهو يشوف الضيق بوجه أمه : والله مالها بيت إلا معش واصلا انا على الحد ومااجي إلا كل 6 ايام .
محمد حب يغير مزاجها قال : ولا سألتيني هي فنانه او لا .
فوزيه وهي تناظر في وجه ولدها وحيدها اللي خرجت من الدنيا به قالت : الزين يمك من زانت اخلاقه لا تتشرط وانا امك.
محمد مستغرب أمه على غير عادتها كان الجمال شرط لها اساسي .
قال : والله يمه ان شكل حظ ولدش ماش عروستي شينه الله لا يوريش لا وجه ولا عيون ولا طول ولا مقام ولسان طويل لكن قدها في وجهي وبنت عمي وهو يرسم الضيق على وجهه .
فوزية وهي تحس الضيق بصدرها يكبر يالله اللي كانت خايفة منه حصل كانت تدور زوجه جميلة لولدها تبغى وحده كاملة واجمل من بنات اخوانها اللي رفضوا ولدها كانت تقول ابغى وحده اذا دخلت معي اتفاخر واقول لهم هذي زوجة محمد