مجموع الأوسمة: 18

البارت 92

فك شماغه وهو يحط جزء منه على راسها ويدنق يبوس راسها رفع راسه وهو يعدل شماغه : كيفش يمه والحمدلله على السلامه وترى ندى في عيوني لا تشيلين همها والله يستر عليش فيما سويتي مع بنات عمي..!
رفع عيونه لندى اللي تحرك الدبله في اصبعها ومتوتره وشكرآ على انش حافظتي لي على ندى وصارت زوجتي .؟
سمعها وهي توصية على ندى وهو ما غير يردد ابشري وسمي وندى في عيوني.؟
رفع عيونه لندى اللي باقي على وضعها تحرك مبتعد عن سرير العجوز وقف قريب منها شافها وهي تناظر فيه بعيونها العسيلة مايدري هي عدسات او عيونها خلقه كذا ماهمه كثر ما عيونها حلوه : انا بخرج شوفي لي طريق قبل جدي مايلحقني بفارس وهو يضحك شافها تتقدم بتردد رجع لورا شوي علشان تمر قال لها : اذا احتجتي شي اتصلي علي راح اخذ رقمش من عند ابوي نهاية رقمي 113
همست له : بطيب وهي تخرج قدامه
شافته يمشي بثقل رزانه لين خرج من باب الصالة .!
شافت ريم خارجه من المطبخ ومعها كيكة واغراض اشواق رايحه المقلط .،!
دخلت غرفتهم وهي تحس براحه عجيبه لما قالت لها اشواق عن الخطبة ثلاث ايام وهي تصلي وتستخير والحمدلله ربي مايخيب عباده ابد.!
اشواق وهي تعبانه ومالها حيل حتى : تتكلم خزامى خلاص بعدي عني والله احس اني بطيح ماله داعي ارسم عيوني
خزامى بأصرار : إلا لازم ترسمينها ملكه وتحطين بس كحل منتي صاحيه.!
اشواق بطفش وهي تحذف اللي بيد خزامى وبعصبية : وبعدين فكيني من شرش قلت ماابغى خلاص خليني اخرج وافتك من المهزله ذي.!
وقفت وهي تتبخر وتتعطر وخرجت وهي تسمع صوت جدتها وجدها في الصالة وبدون ماتلتفت لهم راحت لغرفة امها .،!
ابتسمت من شافتها تكلم الممرضه قربت منها وهي تاخذ يدها وتبوسها يمه شوفي كشخت علشانش انتي .!
عايشة وهو تحاول تجاهد عيونها مابين فرحه وحزن فرحه وهي تشوفهم عرايس مثل ماكانت تتمنى ..وحزن انها غلطت في حق نفسها انها تعلقت بشي مو لها وغلطت في حقهم انها احرمتهم من اهلهم
سنين ،.!
شدت على يد اشواق : مبروك يمه الله يوفقش ويسر امرش هبي شانش بروحش وبرجلش حطيه فوق راسش لا يجي يوم ويقولون عايشة ماعرفت تربي وتعلم
شدت على يدها اكثر : هبي شانش برجلش يااشواق ولد عمش وماراح يرضى عليش ..وهبي شانش بخواتش واعجبني انكم بمكان واحد.!
اشواق وهي تسمع وصايا امها وصايا مودع : يمه جعلني قبلش هذا انتي معنا باخذش معي ولا لي غنى عنش انا واخواتي .؟
عايشة /فديتكم جعل عيوني ماتبكيش انتي واخواتش .!
اشواق فكت يد امها وهي تحاول تقوي نفسها ماتدري كيف بتكون المواجهه مع زوجها وافقت عليه مرغمه ولجل عين تكرم مدينة خرجت من غرفة امها وهي تشوف جدتها هيلة تغطرف وتسمي عليها وجدها واقف عند الباب ينتظرها مسكتها جدتها لين وقفت عند جدها اللي دخل قدامها ويوقف ويمسك يدها لما دخلت غمضت عيونها وهي تحس بصداع يلف راسها تمسكت بيد جدها بقوة علشان يسندها فتحت عيونها على صوت عمها علي وهو يبارك لها ويبوس راسها ماتدري هي ردت عليه او لا كانت تبغى تجلس وبس..!
ظيمنع
ظيمنع
محمد/
من دخل مع جده وابوه شاف المصورة وبدون اي تفاهم طردها يكره شي اسمه تصوير رجع فصل سلك السماعات مو ناقص صداع جلس وهو حاط رجل على رجل يناظر في الكيكه اللي قدامه ضحك وهو يشوف حرفه وحرفها الله من الوقاحه رفع عيونه وهو يشوفها تدخل مع جده وجدته ولا كلف نفسه حتى يقوم .!
ناظر فيها بتدقيق ونظرة شاملة سبحان من اعطاها الزين ذا كله .!
فستان ازرق ماسك على جسمها بفتحه طويله لين ساقها كعب ذهبي طويل من قصرها يعني علشان تلبس ذا.!
فاكه شعرها الأسود الطويل الكثيف .!
وقف لما سمع جده يقول : قم سلم على زوجتك صارت قريبه منه شافها وهي تغمض وترجع تفتح عيونها الواسعه العيون ذي اللي ذبحته من اول ماشافها خشمها الشامخ الطويل
قرب منها وهو يختنق بريحتها بعد حتى قبل ماتلمس شفايفه جبهتها ..مايدري ليش زاد كرهها في قلبه كل الجمال ذا مايشفع لها مقابل وقاحتها وطول لسانها ومناطحتها لرجال يفكر كم من رجال اعجبته عيونها والله العالم كم من رجل شاف وجها شد على يده بقوة وهو يتذكر انها سافرت كندا وجلست سنتين هناك واللي قهره اكثر انه ماعرف انها كانت متزوجة إلا قبل شي .،كل شي يقبله إلا ان احد يستغفله لما خرجوا الرجال اخذه جده وابوه على جنب وقالوا له ماصدقهم إلا بعد ماشاف ورقة الخلع ثار وعصب جده قال له لا احد يدري حتى اخوانك وعلشان مايسوي شي يندم عليه خرج بدون مايرد على جده وابوه لين جدته اتصلت تقول له يجي علشان يدخل لزوجته.!
جلس جنبها وهو ساكت عنده كلام كثير ولايدري كيف يقوله حس بتقزز وقرف من فكرة انها سبق وتزوجت مو متخيل كيف .!