مجموع الأوسمة: 18

البارت 97

محمد وهو يناظر اخوه مارد عليه وهو يقول : بكم سددت الفاتورة .؟
أحمد وهو يأشر على جده : هو اللي رفض محد يسدد غيره .!
محمد ماقدر يجلس يحس انه قلقان وخايف عليها شاف الممرضة تخرج من عندها ورجع يدخل عندها وهو يشوف جدته جالسه جنب اشواق وتقرأ عليها وابوه مع زوجته جالسين يناظرون في زوجته رفع يده وهو يناظر في الساعة وشاف انها 11في الليل رجع ناظر في ابوه : يبه خلاص خذ زوجتك وجدي وجدتي وتيسروا باقي معك رحلة ترى رحلتكم

من ابها الساعه1 يادوب يمديكم تخلصون وزحمة الطريق واشواق انا بجلس معها .؟

علي وهو يناظر في ولده ولا توقع انه يسوي كذا وهو يشوف الخوف في عيونه على اشواق وكيف شالها من عند اخواتها وهو يدفهم بدون مايحس رجع ناظر في ريم ومسك يدها : ريم يله لازم نمشي علشان ماتفوتنا الرحلة اشواق ان شاء الله انها طيبة وانتي سمعتي الممرضة قبل شوي لما سألتيها قالت انها بخير ونايمة علشان المهدي اللي حاطينه لها في المغذي.؟
ريم بأعتراض/ لا ماراح اروح واخليها وماهو لازم نسافر خذ عمتي وعمي وروحوا عند البنات وانا بجلس معها .؟
محمد بحزم وهو كاره وجودها : يبه خذ زوجتك وتوكلوا زوجتي محد بيجلس معها غيري وهو يوقف
يتحرك وجلس عند اشواق ويمسك يدها ،.؟
ريم بغضب وهو تفك يدها من علي اللي يوقفها ويسحبها : فك يدي ماراح اتحرك من هنا .؟
صوت الجد الحازم / ريم يابنتي قومي مع زوجش وحتى انا وعمتش هيلة بنروح واشواق ماعليها خلاف زوجها معها،.؟
وقفت ريم بقلة حيلة وقهر وغصب عنها وهي تضبط نقابها والعبرة تخنقها كيف بالله يكون لها نفس تسافر شهر عسل واختها كذا بس ماعاد لها كلمة وهي تشوف زوج أشواق جالس بحضنها ومعطيها ظهره حتى مو قادرة تقول له يبعد علشان تسلم عليها رفعت عيونها لعلي اللي فهم عليها وهي تسمعه يقول لولده يبعد عنها علشان تسلم على اشواق تحركت مبتعده عن طريقة وهي تشوفه يقوم بعصبية ويوقف في الزواية قربت من اشواق وهي تدنق وتبوس عيونها بكت غصب عنها الليلة اللي مفروض تكون اسعد إنسانة ليلة زواجها كلها كانت كتلة من الحزن فراق أمها وطيحت اشواق قدامها رفعت راسها منها وهي تقول بهمس : استودعتك الله فيش وهي تمنع شهقتها تخرج تحركت مبتعده تخرج حتى مانتظرت زوجها مشت بدون ماتحس بنفسها لين وصلت مواقف المستشفى رفعت راسها لفوق وهي تنهار وتبكي يالله متى نرتاح ياارب حست في زوجها يمسك يدها وبخوف بان في صوته : ريم الله يصلحش ليش خرجتي بدون ما تنظرين اسلم على اهلي خفت عليش.؟
ناظرت فيه بضياع ولا ردت عليه تحركت معه لين ركبت وهي تنهار وتبكي بقوة شي جاثم على صدرها شي يخنقها .،؟
علي وهو يشغل السيارة ويسمع شهقاتها المتتالية اللي يحس انها تقطع قلبه هو ماقال لها شي خلاها تبكي لين ترتاح محد يلومها اختها وامها تحرك خارج من موافق المستشفى وهو يلمح سيارة احمد وراه تمشي ومعه جده وجدته رجع لف لها وهي مازالت تبكي رفع جواله وهو يتصل على ندى وقال لها جهزي شنط ريم شوي وبنجي ناخذها وقفل منها .؟
قرر يوقف على جنب الطريق مسك يد ريم : ريم خلاص ليش الدموع ذي كلها مجرد ارهاق وبتقوم إن شاء الله اشواق قوية اعرفها .؟
ريم/ البلا انها قوية ياعلي ليتها مثلنا تبكي وتصيح وتعترض وماكان هذا حالها واللي زاد ولدك المعقد هذا ليش يتحكم فيها ويرفض اجلس معها ويرفض ان دكتور يكشف عليها .؟
علي فك يدها وهو يسمع كلامها صح ان محمد كان قاسي في كلامه مع ريم بس مالها حق تقول انه معقد .. وبصوت مرتفع : ريم كل شي إلا عيالي لو سمحتي وخاصة محمد من حقه يرفض ان دكتور يشوف زوجته و زوجها اولى انه يجلس معها .؟
ريم وهي ترفع عيونها لوجهه اللي تغير وملامحه كلها تنطق عصبية والدليل حدة حواجبه المتقاربة من بعض وبدون شعور منها لا ماله حق يخليها تموت علشان انه يغار وكلام فاضي وانت بعد مالك حق تنافخ علي يله رجعني البيت لو سمحت وهي تلف بوجها عنه.،؟
علي غمض عيونه بقوة وهو يزفر تعوذ من الشيطان واخذ له علبة مويه ونزل من السيارة اول مرة يعصب
كذا بس مايحب احد يتكلم على عياله قفل الباب وهو يتحرك مبتعد عن السيارة وينزل الموية الأرض ويفتح كبك الثوب ويشمر يدينه لفوق ويبدأ يتوضي علشان تخف عصبيته ولا يبغى تكون اول ليلة له مع ريم تبدأ كذا ..الليلة اللي كان يخطط لها ويحلم فيها خلص من الوضوء ..
ولف متحرك ناحية باب ريم وهو يفتحه شافها كيف خافت لما فتح الباب عليها قرب منها وهو يشيل نقابها عن وجها وهي تنزل راسها علشان مايشوف وجها رفع راسها وهو يناظر لها : ريم انا اسف والله انا اسف ماكنت اتمنى تكون اول ليلة لنا مع بعض كذا ..