مجموع الأوسمة: 18

البارت 98

شافها تناظر فيه بحده حضن وجها وهو يقرب منها لين لمس خشمه خشمها وصار يتنفس ريحتها ماقدر يقاوم حس فيها تدفه حس على نفسه وهو يتراجع عنها يشوف وجها اللي تغير ضحك وهو يقول : من اليوم ورايح يكون اعتذاري كذا ويمكن اقوى عمومآ ساعديني ياريم نتجاوز الليلة على خير ولاتنسي ترى انت مديونه لي كثير ولازم تسددين الدين ايام وانا ارتجي وصلش وانت تصدين
مسك يدها وهو يقول : ايش رايش نكنسل رحلة تركيا لبكرة والليلة ناخذ لنا فندق احسن
وهو يضحك على ردة فعلها وهي تسحب يدها منه بقوة وهي تقول : لا لازم نسافر الليلة .؟
علي وهو يضحك : اها حلو مستمرة تهربين مني عادي ترى بالي طويل وبنتظر ويله البسي نقابش علشان نمشي قبل تفوتنا الرحلة وهو يقفل بابها
ويتحرك من قدام السيارة ويركب .،؟
ظيمنع
ظيمنع
محمد اللي واقف مع الدكتور مجبر يتمنى يخرج عيون الدكتور من مكانها..سمع الدكتور وهو يقول : زوجتك عندها نقص كبير في الفيتامينات والمعادن والحديد وفقر دم حاد وفيتامين دال عندها مرة منخفض 5/ راح نعطيها ذحين حديد عبر الوريد في مغذي وبعد كل خمس ايام تجي وتاخذ حديد لين ترتفع نسبته ..راح اصرف لها قطر فيتامين دال ضروري ومقويات علشان الدم وتهتم في آكلها وخرج.؟
لف يناظر لها وهي على نفس وضعها مو راضية تفتح عيونها الدكتور يقول النوم ذا بفعل المغذي والأبر جلس جنبها وهو يمسك يدها ويناظر وجها
قرب منها وهو يحط اصبعه على شفايفها المجروحة بسببه وكره نفسه
رفع راسه وهو يبحر بعيونها في تقاسيم وجها الفاتن ايه بالله انها اجمل ماشافت عيونه لكن البلا من قلبي ومن زوجها الأول اللي يحسه كل ماقرب منها انه واقف بينه وبينها غمض عيونه بقهر وهو يحاول يطرد الفكرة من عقلة تمنى ذحين تفتح عيونها له لو شوي اشتاق يغرق في بحر عيونها حط اصبعه
على رموشها الكثيفة يتحسسها بشويش يتأكد انها طبيعية بعد عيونه عنها وهو يشوف الممرضة توقف عندها وتركب لها محلول ثاني وتناظر فيه وتقول : مافي خوف بابا إن شاء الله كويس بس لازم آكل كويس ومافي زعلان مرة علشان ضغط مافي تحت ،؟
زفر ومارد عليها وهو يرجع يغرق في تفاصيل وجها من جديد ويشد على يدها ويفكر في حاله معها وشعوره ناحيتها يعيش صراع متحدم في صدره.!
مايدري كم مضى من الوقت وهو يناظر لها ويناظر ادق تفاصيل وجها حس فيها تشد على يده بضعف وحس قلبه ينبض من جديد راقب حركات رموش عيونها وهي تحاول تفتحها شوي وترجع تغمض وتكرر نفس الحركة اكثر من مرة لين فتحت عيونها وهي تناظر له بنظرات عجز يفسرها .؟
أشواق وهي مابين الوعي وإلا وعي تحس راسها يدور وثقل فيه تحس بيد قوية تشد على يدها بقوة وكل ماحاولت هي تشد عليها ماتقدر تحاول تذكر ايش صاار ووين هي وامها واخواتها وين .،؟
كل اللي تذكره ان قلبها مثل السكينة فيه حاولت توقف تثبت ماقدرت وهي تسمع اصوات متفاوته
تنادي بأسمها وهي عجز لسانها يرد ثقيل وبعدها غابت عن الوعي.؟
فتحت عيونها وهي تشوف وجه قريب منها حيل رجعت تغمض يمكن تتخيل رجعت فتحتها وهي تشوفه من جديد حاولت تسحب يدها من يده وماقدرت حاولت تجلس بس ماقدرت من الصداع اللي رجع يهاجم راسها بقوة وهي تغمض عيونها سمعت صوته الخائف ينادي بأسمها بنبرة مختلفة : أشواق ايش تحسين فيه
وهو يحط يده على راسها ،.!!
فتحت عيونها وهي صارت تحس بأنفاسه على بشرة وجها ناظرت فيه قالت له : ابغى اجلس ساعدني
ماتدري ليش قالت له كذا.؟
محمد بجمود قرب منها وهو يمسكها من كتوفها ويسندها ويضغط الكرسي لين ارتفع وصارت في وضع الجلوس وشعرها منثور حولها بشكل مثير ،؟
أشواق غمضت عيونها واول سؤال تبارد لذهنها أمها صدق خلاص راحت وإلا كانت تحلم رفعت عيونها له وهي تسأل : أمي صدق راحت .؟
محمد بضيق حاول مايظهره قرب وهو يمسك يدها : ايوه راحت وإن شاء الله انها بخير وعند ولد اخوها قبل شوي كلمت السواق عمر يقول انهم بخير ووصلوا نجران وامش طيبة ،؟
أشواق وهي تناظر فيه وهو يتكلم ماتدري ليش حست فيه متغير ماهو نفسه اللي العصر ابد قالت له : واخواتي جدي وجدتي وكأنها تذكرت شي وريم وعمي علي ،؟
محمد/ كلهم بخير جدي وجدي كانوا هنا وقبل شوي راحوا وابوي وريم كانوا هنا وانا قلت لهم يروحون علشان ماتفوتهم الرحلة رغم ان ريم رفضت تروح بس جدي حلف عليها تروح.؟
أشواق/ ياعمري ياريم الله يوفقها ويسعدها خربت عليها فرحتها كنت مقررة انا والبنات نروح معها المطار،.
محمد وهو يناظر فيها ببساطة كيف تكلمه بدون حواجز وناسيه كل شي حتى اللي سواه العصر نسيت منه صار يخاف منها البنت ذي ايش وراها.،؟