مجموع الأوسمة: 18

البارت 101

بعد ثلاث أسابيع..

ويوم الزواج عند الرجال العصر في افخم قاعات أبها الحضور من قبل صلاة العصر كان العدد كبير جدآ.. عبارة عن وفود قبائل وشيوخ يعرفون الجد محمد كل وفد يتقدمه شيخ القبيلة ومعه عانية زواج (هي عبارة عن مبالغ مالية غالبآ تكون مبالغ ضخمه على حسب مكانة العريس وصلة قرابته بهم .. او هدايا ثمينة غالبآ ماتكون سيف ،رشاش . مسدس،مشالح فاخرة .وبعضهم سيارات )
الجد محمد وهو يتوسط ساحة القصر وحوله ولده علي العريس وهو يناظر فيه اللي متغير تغير جذري من شافه داخل عليه البارح ماعرفه سبحان الله في ثلاث اسابيع رجع ولده اصغر من عمره الحقيقي والراحة باينه عليه رغم اني عصبت عليه ليش مارجع من تركيا إلا البارح وكنت ناوي اتصل عليه ويرجع من ثاني اسبوع يساعدني بس نشبت لي خزامى تقول وجهي عليك ياجد تخلي عمي وريم ينبسطون ولاحبيت اردها الغالية تعلقت في بنات أحمد تعلق غير طبيعي حتى أميرة رغم انها وحيدة ابوها واحبها إلاأني ما حبيتها مثل بنات احمد لانها كانت كل وقتها مع أمها ولا تطل علينا مرة إلانادر بس بنات احمد غير.. اهتمامهم فيني وجدتهم اخذوا قلبي وعقلي صرت ماعاد اشوف إلا هم وبس ..واشواق وخزامى وريم خلصوا تأثيث فللهم وأشواق اهدتني انا وجدتها جناح خاص فينا وغرفة نوم فخمة وهيلة بغت تموت من الأحراج وانا العكس جتني فرحه مايعلم فيها إلا الله وتغيرت حياتي وارتحت وهيلة ماقصرت معي عوضتني عن اللي فات ..
وناظر حوله عيال ولده اللي ماشاء الله لابسين بشوتهم وواقفين معي نستقبل الوفود .
ثلاث اسابيع من بعد الملكة وانا ماارتحت من فارس اللي كأنه ذبانه على راسي يومياً يجي ويتصل ولا خمسين مرة في اليوم علي وعلى جدته وعلى جوال خزامى اللي اخذته منها وحلفت له مايشوفها ولا يكلمها لانه خبل ولا اضمنه ابد ..
رفع عيونه وهو يشوف وفد جديد داخل عليهم بس انه وفد كبير كبير مرة وصوت طلق النار ماوقف وصوت قرع طبول واهازيج جنوبية جايه معهم من مدخل القاعة وسيارة جيب لكزس تدخل قدامه ساعة القااعة ويتوسطهم رجل طويل ماعرفهم مرة رجع يلبس نظارته ونفس الشي رجع يناظر في ولده وقال : علي تعرف مين اللي مقبلين علينا .؟
علي اللي مستغرب نفس ابوه : لا والله يبه.؟
محمد الجد رفع عيونه والموكب يقترب ولازم يتقدم جماعته وولده وعياله علشان يستقبلهم متوقع انهم من اصحاب عيال علي نزل وهو يلف يدور بعيونه لأحمد او محمد يسألهم
حصل محمد واقف بشموخ يناظر الموكب بفخر تقدم له جده وهو يسألهم ويرفع صوته علشان يسمعه : محمد مين الوفد هذا تعرفهم وليش ماقلت لي علشان نتجهز لهم ،؟
محمد بفرحة وفخر وعز يناظر موكب جده جابر واخواله الموكب الكبير واصوات رمي الرصاص ماوقفت واصوات قرع الطبول والأهازيج مستمرة وهو يشوف جده الحبيب بطوله الفارع لابس بشته ويتقدم الموكب ..
قبل ملكته قال : ياجد محمد انا راح
اعزم جدي جابر واخوالي وقال لي بكل استخفاف بهم اعزمهم محد بيدري بهم وجدك جابر ماهو معروف من هو اللي بيجي معه...!
كلمت جدي ذي احرقت قلبي وانا من النوع اللي ماانسى انا احب جدي محمد حب لا يوصف بس حتى جدي جابر احبه من حب أمي هو وخوالي ولا عمر جدي جابر جاب سيرة جدي محمد بالشينة
علشان مايغث خاطري وخرجت من عند جدي محمد ورحت لجدي جابر وقلت له موعد العرس وفرحته ماقدر يعبر عنها إلا بدموعه وكانت اول مرة
اشوف دموع جدي جابر وقلت جد يوم زواجي ابغاك انت وخوالي تجون بوفد وموكب ماقد صار في الجنوب كلها تكفى ياجد علشان اذا سألت الناس من هو وفده وموكبه هذا.؟! اقول لهم هذا وفد جدي جابر وخوالي
قال جدي بفزعة والله ان تبشر بوفد ماله اول لا تالي والله ياولد فوزية ان اجيكم بوفد تضيق به قاعة الزواج ..
ولا قلت له ايش قال جدي عنه ومستحيل اقولها وأمي ولا بتحضر الزواج مرة وانكسر خاطري
لأن جدي محمد من زمان قد قال لها ولجدي لما اخذني وانا صغير والله ماغير اطردكم من بيتي اذا جيتوا تسألون عن محمد
و أمي خرج منها محلوف انها ماتدخل لهم بيت مدى حياتها كلها حتى عزا عمي احمد ماراحت لهم وعلشان اجبر خاطره نمت عندها من الليل وفرحتها فيني ماتوصف وشريت لها ذهب هدية وشريت لها اقشمة غالية وفصلتها لها وقلت لها تحجز افضل نقاشة وتطلب نقش عروسة كاملة وكل شي علي انا .،؟
انتبه لأبوه اللي واقف جنبه واخوانه يهدون جده الثاير لأنه عرف الوفد والموكب قرب من جده وهو يقول : ها ياجد هذا هو وفد وموكب جدي جابر قلت لي جدك ماهو معروف ومحد بيجي معه وهو يرفع بيده ويأشر على الوفد والموكب اللي بااقي نصه مادخل ساحة القااعة من كثرتهم واصوات الرصاص مختلطه بأصوات الأهازيج وقرع الطبول