مجموع الأوسمة: 18

البارت 103

رفع عيونه لأميرة بحب وهو يحضنها سمعها تقول : يبه اصبر على أمي علشاني ،؟
علي وهو يحضنها بقوة : بصبر على كل شي علشانش انتي واخوانش انتوا اغلى شي لي في حيااتي .؟
أميرة بوجع وهي تناظر أبوها: وزوجتك طيب ايش هي ،؟!
علي وهو يناظر لبنته بحب من حقها تسأل مسك يدها وقال لها : حبيبتي أميرة مهما اتزوج مستحيل تجي وحده تاخذ مكانكم وحبكم والله انكم اغلى من روحي ..
عدل وقفته وهو يشوفها تخرج ناظر في المصورة واخرج جواله وهو يتصل على ريم اللي غيرت كل حياته ريم ثلاث اسابيع عاش معها اجمل ايام حياته كأنه اول مرة في حياته يتزوج عاش في ثلاث اسابيع كل مراحل حياته دفعه ،مرحلة المراهقة، ومرحلة الشباب ،ومرحلة النضج ،في كل شي كانت تعطية ولا تطلب مقابل رغم انه يحس انها عصبية بس مستحيل ترفض له طلب او تزعله ..
ضغط رقمها وهو يخرج من عند المصورة وصل السيب وهو يسمع همسها هلا ....
سكت ولا رد عليها ...سمعها تقول هلا هلا الووو
سكت ولا رد ...سمعها تقول علي .. يحس حتى اسمه لما تنطقه انه يصير صغير .؟
رد عليها بثقل : ياعيون علي ..فقدتش تدرين .؟
ريم وهي تخرج من غرفة البنات : تسلم لي عيونك وفقدتك اضعاف مافقدني .؟
علي غمض عيونه وهو يتخيل اجمل ايام معها : وينش تعالي انا في الغرفة الثانية رفع راسه وهو يشوف الرقم ويقول رقم 4 انتظرش،؟
ريم بخوف : عندك احد طيب.؟
علي/ ايوه انا وقلبي ولهفته ننتظرش بسرعة.؟
ريم وهي تضحك وتحط يدها على قلبها / ابشر هذا انا جاايه
نزلت الجوال وهي تتجاوز الممر كانت خايفة تقابل جميلة تخاف من ردة فعلها وهي راح تحاول قد ماتقدر ماتتقابل معها ابد وبتسوي نفس ماقالت لها أمها لا تخالطها ولا تقابلها.. والأهم عندها زوجها علي مستحيل تحطه في موقف الحكم بينها وبين زوجته مهما كان وهي تحاول تساعده يعدل بينهم لأنها تخاف عليه من الأثم وتحبه ..وصلت الغرفة وهي تشوفه واقف ينتظرها ومتفاجئ من شكلها وهي متفاجئه من شكله وهو لابس البشت الأسود كان عبارة عن فخامة في كل شي بجد شكل عريس قربت منه وهو تلتفت حولها تخاف لاتخرج لها جميلة مسكت يده الممتدة لها ويفتح الغرفة بدون مايدخل ويقول لو سمحتي اطلعي الغرفة الثانية وبعد شوي راح اناديك علشان التصوير وهو يبعد عن الباب وتشوف المصورة تخرج ويسحبها ويدخل هو وياها الغرفة ويقفل الباب ويستند عليه بظهره وهو باقي ماسك يدها وساكت يناظر لها.؟
علي وهو يناظر لريم بفستاانها الأبيض الؤلؤي الفخم كان يتمنى يشوفها لابسه فستان ابيض بس ظروف الزواج ماسمحت والليلة هو متفاجئ بشكلها بداية بالفستان الأبيض بنفشته البسيطة والصدرية اللي عبارة عن فصوص كاملة تلمع بقصة صدر كبيرة وعاري بدون اكمام ..تسريحة شعرها المرفوعة كلها لفوق وتاج يتوسط مقدمة شعرها مكيااجها البرونزي موضح حدة ملامحها رسم عيونها الجميل روجها العناابي الغاتم مبرز شفايفها الممتلئه ..
رفع يدها الصغيرة وهو يتتبع نقوش الحنا كااملة على يديها متى سوت كل ذا متى وهي ماوصلت إلا المغرب البارح نزلها بيتها بعد ماسلموا على اهله ورجعها بيتها علشان ترتاح وبعدها هو راح عند جميلة وبعدها راح عند ابوه وانشغل.؟
فك يدها وهو يقربها منه ويحضن وجها بيديه لين حط خشمه على خشمها وبهمس : ايش ناويه تسوين فيني يا ريم متى سويتي كل هذا متى ارحمي قلبي .؟
ريم وهي تقرب منه وتحضنه وهي ترجف وبحب له : اعجبك شكلي صح بس خسارة الكشخة ذي كلها محد بيشوفها ماراح انزل لصالة تحت ،؟؟
علي يناظر فيها وهو يبعد وجها شوي : ليش خسارة لا مو خسارة وانا بشوفش واهم شي انا اشوف الزين هذا كله انا لوحدي .؟ وليش ماراح تنزلي الصالة .؟
ريم وهي تشد على يده : اخاف ياعلي تصير مشكلة وانا ادور راحة بالي وراحتك .؟
علي كان خايف انها تنزل تحت وتنفذ جميلة تهديدها وبنفس الوقت مستحيل يقول لها لا تزل.! بس دام هي رافضه احسن قال لها : حبيبتي سوي الشي اللي يريحش وانا معش وبعدين ماقلتي لي كيف امداش تسوين كذا في نفسش فستان ونقش وحركات ،؟
ريم بحب : خزامى جعلني فداها البارح لما روحت البيت جتني وجابت معها النقاشة واعطتني الفستان والأكسسورات وقالت ترى حجزت لش معنا عند الكوفيرا لازم عمي يفرح وهو يشوفش لابسه فستان ابيض ،؟
علي بفرحة وبحب وهو يقربها منه : يااويل قلب علي بس ويلوموني في حب خزامى فديتها اللي تعرف ايش في خاطر عمها كأنها تدري اني متشفق على شوفتش في الأبيض .،؟
قرب منها وهو يقول : ريم عندش نفس لون الروج ذا اللي على شفايفش .؟