مجموع الأوسمة: 18

البارت 107

توسط الصالة العلوية بطقمها الكلاسيكي بدرجات العشبي والأخضر والزيتي ..وشاشة البلازما الكبيرة اللي تتوسط جدار الصالة والقرآن شغال على قناة مجد القرآن .؟
و مطبخ مفتوح ..وغرفة جلوس .. وغرفة ثانية ريم قالت راح تشتري له اجهزة رياضية بدال مايروح النادي.؟وغرفة ثالثه تقول بخليها لعيالنا يحس انها شفقانه انها تحمل ...تحرك لغرفة النوم وهو متأكد انها نايمة فتحه بشويش وهو يبتسم على شكلها وهي مستلقيه على السرير بنفس كشختها وفستاانها..وبيدها جوالها والأضاءه الخافته ..ماحست فيه وهو يفتح ويقفل الباب مشغوله بجوالها ..وقف وهو يتأملها مادري كم مر عليه من الوقت وهو واقف يتأملها لين انتبهت ان احد معها في الغرفة ..شافها وهي توقف على السرير وبفرحة : حبيبي مو مصدقة انك جيت .،!
قرب منها وهي واقفه فتح لها حضنه ..مثل مافتحت لقلبه الف باب لسعادة حضنها بقوة وهو شايلها ويدور فيها في الغرفة وهي تضحك صوت ضحكاتها كان يعني له ان كل مرة بيكون خاطره متكدر لازم يجيها وراح يكون سعيد ..وقف عن الدوران وهو يجلس على طرف السرير ويجلسها بحضنه كأنها طفلة وهي باقي متعلقة برقبته .؟
ريم بفرحة : شكرآ شكرآ انك جيت كنت متأكدة انك راحي تجي علشان كذا مانمت وانتظرتك ،!
وكأنها تذكرت شي وهي تناظر في وجهه حست انه متضايق حركت اصبعها الصغير على وجهه حبيبي ايش مضيق صدرك ،؟
علي بحب لها مسك اصبعها ويقبله بشويش كيف عرفت انه متضايق رغم انه حاول يكون طبيعي صارت تحس فيه ..نزل يدها وهو يقول : لا مو متضايق يمكن ارهاق لاني مانمت زين واليوم كله كنت واقف .؟وبمداعبه لها تعرفين زوجش صار شايب اقل مجهود يتعبه ،؟!
ريم وهي تناظر في عمق عيونه وتعرف انه متضايق وبتردد : علي ليش مانمت عند جميلة الليلة.؟!
علي وهو يرجع لورا وينسدح على السرير ويغمض عيونه ويخلي ريم على صدره... همس لها بأحتياج : ريم عادي تقدرين تخليني الليلة انسى كل شي تراني احتاجش.!
.
.
اليـــــوم الثاني قبل المغرب

محمد سادح جنب أشواق اللي نايمة ويتأملها بعمق وكأنه للمرة الأول يشوفها كل مرة يشوف فيها جمال غير طبيعي من بعد ماخرجوا من القاعة ووصلوا الفندق دخلوا مع بعض وهو يحاول مايحتك فيها وغصب عنه ماقدر حتى يلمسها يحس صورة ماهر قدامه وبدون اي كلام بينهم جاب العشاء واكلوا شوي وبعدها قام يغير ملابسه يبغى يشغل نفسه عنها بأي شي وكان تعبان مرة من كثر مالعب ورجع عليه ألم ظهره اللي قبل مايسوي العملية لأنه اجهد نفسه ..غير ملابسه وجلس على الكنب وهو يحاول مايناظر لها بس عجز وهي تتحرك قدامه كأنها فراشة.. ناظر لها وريحة عطورها تخنقه ..لاهو قادر يقرب منها ولا هو قادر يتحمل رفع ساعته وهو يشوف انه باقي اقل من ساعة على الأذن وين يروح ذحين ..اخر شي قرر يشغل نفسه دخل الحمام وهو يجدد وضوءه وخرج وهو يتكلم معها بعصبية : تعالي خلينا نصلي ..
تقدمها وهو يصلي وهي وراه ..وبعدها خرج اخذ جواله ومفتاح سيارته وخرج الصالة ..حاول ماينام علشان ماتفوته صلاة الفجر بس عجز يقاوم النوم ونام ولا حس بنفسه إلا الظهر قام وصلى الفجر والظهر ودخل يتطمن عليها ..حصلها نايمة ولا فكر حتى يقومها تصلي اخذ له ثوب ولبسه وطلع اشترى لها غدا ومويه واغراض وحطها في الصالة وكتب ورقة انا بروح عندي شغل ماراح ارجع إلا قبل المغرب ..
وراح عند أمه علشان يشوف ايش ناقصها لأنها مسويه هي وجده مناسبة عشاء له ولزوجته خلص شغله من عندها وجاء وحصلها باقي نايمه ...قرر يصحيها علشان تتجهز قبل أذان المغرب ...قرب منها اكثر ولا قدر يمنع نفسه انه يقبلها على عيونها بشويش وخاف تصحى وتشوفه بس ماحست فيه مرة ..كرر نفس الحركة اكثر من مرة وهو مستمتع بقربها ..حط خشمه بين خصلات شعرها الطويل المنثور على المخدة وهو يتنفس ريحته ..اخر شي قرر يوقف خلاص خايف يتهور اكثر ..ابتعد عنها شوي وهو يهز يدها
اشواق ..اشواق ..اشواق ..وشافها تفتح عيونها الناعسة وترجع تغمض بشويش وهو يشوف حركة اهدابها الكثيفة ..رجع هزها المرة ذي بقوة أشواق
شافها تفتح عيونها وهو قريب منها عدلت نفسها وهي تجلس ..وتصغر عيونها بمجرد ماناظرت فيه واستوعبت انه هو ابتسمت له ابتسامه ساحرة قالت له : الساعة كم ذحين ..!
محمد وهو يوقف : باقي شوي على أذان المغرب بسرعة تجهزي بنروح عندي أمي بعد الصلاة مباشرة مسويه لنا عشاء كبير ..وخرج.؟
أشواق تحاول تستوعب هي في اي وقت وايش قال لها زوجها وخرج.. قامت وهي تحس كأنها نامت سنة ...بعد الفجر صلت وتطمنت على اخواتها وأمها ونامت وماحست بنفسها ..قامت وهي تاخذ لها ملابس وتدخل الحمام ..؟!