مجموع الأوسمة: 18

البارت 110

وهي تشوف وحده واقفه عند الباب
تقدمت منها وهي ترحب توقعتها من الضيوف مرحبآ مرحبآ الف تفضلي حياش الله .،؟
قربت منها وهي تشوفها تخلع نقابها وتشيل طرحتها وقفت مبهورة البنت ذي ماهي من جماعتهم مرة يمكن انها من صديقات بنات اختها لأنهم قالوا
ياخاله ترى بنعزم صدقاتنا في الجامعة وصلت لها وهي تناظر فيها مبهورة من جمالها مستحيل ذي تكون زوجة ولدها ماهي على وصفه ابد سلمت عليها عادي بس البنت رجعت تحضنها وهي تبوس راسها ويدها استغربت ..
قالت لها مترددة : مرحبآ الله يحييش من هي من البنات صديقتش تهاني وإلا عزوف وإلا شهد علشان اناديها .؟
أشواق تشوف أم زوجها اول مرة رجعت تحضنها وهي تمسك يدها وتقول : عمه أنا أشواق زوجة ولدش محمد...!
فوزية وهي تناظر في تقااسيم وجه البنت اللي قدامها انفجعت وهي تقول لها انها زوجة ولدها يالله يالله ماتدري ايش تسوي ماحست في نفسها إلا هي تحضنها بقوة فديت فديت فديت محمد وزوجته فديتكم ،!!
أشواق أثر فيها الموقف وهي تحضن أم زوجها وهي تسمع صوتها تبكي ماتدري ليش يمكن فرحة ..بعدتها عنها وهي تقول : مجاره مجاره روحش ياعمه من الفدا .؟
فوزية وهي تناظر زوجة ولدها وهي ترجع شعرها الأسود الطويل لورا ..: قالت بسم الله وماشاء الله وتبارك الله الله يحفظش تعالي يمه تعالي .؟!
أشواق بأحترام لها : الله يسلمش ياعمه ..ابشري بي اجي معش على خشمي بس ابغى اخلع عباتي واضبط نفسي ،؟
فوزية بأعجاب بها وبكلامها : جعلش تسلمين تعالي يمه معي داخل وتجهزي على راحتش
وهي تدنق تبغى تشيل شنطة اشواق
أشواق وهي تمسك يدها : والله ماتشيلينها ياعمه لا والله الله يرفع قدرش .؟
فوزية بحب : إلا قد اقسمت بالله مايشيلها إلا انا وهي تمسك بيدها الثانية وتدخلها داخل غرفة الحريم تفضلي يمه هنا وبجيب لش مرايا هنا الله يحييش ..
خرجت ترجف وفرحانه فرح كبير ماعاد عرفت ايش تسوي تذكرت انها تبغى مرايا مرت من عند المغاسل وهي تفك وحده من المرايا وتدخلها عندها وتعطيها وتخرج.؟!
اول شي قررت تسويه تتصل على ولدها الخبل اللي ذبحها بحركته وكلامه طيب فيك يامحمد بمجرد ماسمعت صوته يرحب بها ..!
: الله لا يحيي عدوك وبعصبية ذحين تجيني من الباب الخلفي سمعت وطيب فيك لين تجي
وقفلت بدون ماتسمع منه اي شي قهرها ،؟!
تحركت بسرعة وهي تحاول ترفع الفل علشان ماينقطع وهي تمشي بسرعة لين وصلت الباب خلفي فتحته إلا ولدها في وجها وهو يضحك .!
محمد/ ماشاء الله ماشاء الله ايش الزين هذا
وقبل مايكمل كانت امه تضربه بالجوال على صدره وترجع تحضنه بقوة وهي تبكي : ليش يامحمد ليش تسوي فيني كذا ثلاث اسابيع وانا شايله هم مايعلمه إلا الله من كلامك حتى فرحتي فيك ماتهنيت بها .؟!
محمد وهو يحاول مايضحك وعرف قصد امه : افا يمه تضربيني وانا عريس وولدش الوحيد ..ايش سويت لش
وهو يبعدها عن صدره ،!
فوزية وهي تمسح عيونها وترجع تحضنه بحب : فديتك انت وزوجتك ماشاء الله وتبارك الله تجنن وانت ماغير تعذرب وتشتم بها عز الله ماصدقت فيما قلت عنها؟!
محمد وهو يضحك : اها زعلانه علشان كذا وانا صادق انا مااشوفها حلوه،!
فوزية وهي تدف ولدها من صدره : والله انها ازين منك ..!والحمدلله اني شريت لها طقم ذهب ولا سمعت كلامك.،!وذحين يله قدامي علشان ازفك انت وهي ،؟!
محمد مصدوم من أمه : يمه لا زفه انا مااقدر ..!
فوزية /والله العظيم لو ماتنزف ذحين مع زوجتك يالساني ماعاد يخاطب لسانك وتنقلع عن اهلك وابوك وتنسى ان عندك أم وهي تمشي وتخليه.،!
ظ 
ظ 
أشواق/وهي ترجع شعرها لورا بعد مابخرته وطيبته بدهن عود لبست هامتها البحريني على شعرها اللي اطول من الهامه بكثير رجعت تتعطر وتغرق نفسها بالعطر جددت روجها العنابي .؟
تذكرت انها مالبست زمامها فتحت الشنطة وهي تخرج زمام ذهب وهي تدخله في خرم خشمها شالت اغراضها وهي تصفط عبايتها ..وقفت
قدام المرايا وهي تتأكد من شكلها .؟!
محمد وهو اقف قدام المغاسل ويضبط شماغه علشان أمه اللي حلفت لازم ينزف ..
شافها تجي من الحوش علشان تجهز الزفه مسكت يده وهي تقول تعال ادخل عند زوجتك .!
شاف أمه تدخل قدامه ووقف يناظر زوجته مبهور منها ومن جمالها بداية بفستاانها الأسود قرب منها لما شاف أمه تأشر عليه مسك يدها وهو يتحرك معها بعد ماسمع صوت الزفه توسط معها الحوش وهو يشوف الكل لابس عباايتهم
وصلوا المنصه وهو يشوف عربه قدامه وامه تاخذ منها طقم الذهب وتفتحه علشان يلبس زوجته قرب منها وهي تدنق وتجمع شعرها على جنب علشان يلبسها ..اختنق من ريحة شعرها ومن عطرها .،!