مجموع الأوسمة: 18

البارت 115

الله يوفقه احمد وفارس مرتاحين مع بنات عمي ..واليوم قررت ارجع أبها لأن ابوي وجدي اتصلوا يسألون ليش شهر ماجيت واخوك احمد يجي
وهو معك بنفس الدوام ..وقالوا بينك انت وزوجتك شي وقلت لهم لا ..
خلال الأسبوع ذا خطوبة اخوي عبدالله بعده زواج أميرة لازم يكون موجود من بدري .؟!
تنهد بقوة وهو يستغفر بصوت مرتفع باقي على أبها اقل من ساعة ..رفع جواله وهو يشوف ان شحنه بيخلص ..فتح العلبة اللي جنبه علشان يطلع الوصله ويشحن جواله .تفاجئ من جوال أشواق انه باقي معه ونسي يعطيها من بعد الزواج وهي نسيت تطلبه لأن عندها رقم ثاني .!
وهي من النوع اللي مايحب يمسك الجوال كثير.
والجوال هذا قالت انه خاص بالدوام .!
وكان مقفل فتحه وفتح فيه شبكة واي فاي.!
وصلت مجموعة رسائل واتس آب كثيرة مايعرف ليش فتح تطبيق الواتس كان عبارة عن قروبات طبية كثيرة ولا اهتم يفتح ..بس لاحظ رقم غريب مرسل على الخاص غير مسجل بأسم دخل عليه وانفجع من الكلام المكتوب .!

•اشواق تزوجتي ..علشان كذا كنتي تسعين بسرعة في إجراءات الخلع ..ماتوقعت انك بالشكل هذا حاولت معك تعطيني فرصة ورفضتي نسيتي وقفاتي معك ونسيتي فضلي عليك .!

•أشواق عمومآ الف مبروك زواجك التقليدي من ولد عمك ماعرفت إلا من قروب الأبتعاث زواج تقليدي بائس والثمن هو تنازلك عن وظيفتك وحلمك اللي كنت انا سبب رئيسي في تحقيقه بس نسيتي كل شي.

•أشواق ترى مانسيتك مازلت احبك قدري موقفي وقدري وقفاتي معك وصبري عليك سنتين محروم منك حتى اني المس يدك ..تذكرين وإلا نسيتي ترى باقي انا اذكر كم مرة حاولت امسك يدك وترفضين واحترمت رغبتك وقلتي اصبر علي لين اتعود عليك ياماهر .؟

•اشواق لي طلب واحد بس خلينا نتقابل ارجوك ماراح اسوي لك شي لاتخافين مني انا عند وعدي مثل ماوعدتك في كندا ما المسك ..وذحين انا اوعدك تكون مقابلة عادية جدآ اصدقاء ..انا حاليآ في أبها لمدة عشرين يوم ..وساكن في شقق المروج ..انتظر رد منك .!

محمد/وهو يقرأ كلامه حس بصداع بنار تاكل كل جسمه ..حس بفرحة ان زوجته مالمسها الكلب هذا..الشي اللي سواه انه وقف على جنب واعاد قراءة الرسايل اكثر من مرة علشان يستوعب ..نزل الجوال ونزل من السيارة وهو يسجد لله شكر على الأرض ولا اهتم بالتراب اللي يحسه على وجهه ولا حرارة الأرض ..
وقف وهو يركب سيارته ومحتار كيف يتواصل مع الكلب هذا يبغااه عنده ..يحس ان عروقه بتنفجر ..رجع فتح الواتس وعلى نفس المحادثه قعد يشوف المحادثات السابقة كلها محادثات قديمه قبل شهر او اكثر من ماهر ..
أشواق ماترد عليه مررة ..
قرر يرسل علشان يشوف يرد عليه .!
ارسل : هلا ماهر .!
انتظر وهو يدعي الله انه يرد غمض عيونه مايدري كم ..دقيقة وفتحها على اهتزاز الجوال بيده.؟!
رسالة من الكلب ماهر : هلا مو مصدق انك رديتي اشواق اخيرآ.. وفيس حزين .!
محمد حاول يضبط اعصابه علشان يقدر يستدرجه وبعدين يطلع الكلام هذا من عيونه
رد عليه(هلا فيك انا موافقه اقابلك بس تكفى اليوم يكون علشان زوجي مداوم وماعندي فرصة إلا اليوم وخلنا نتقابل في شقتك لأنها قريبة من بيتي .)
ماهر/ياعمري ابشري ماطلبتي شي وراح اقول للأستقبال انك زوجتي وباقي معي ترى صورة من عقد النكااح .!
محمد لما شاف كلامه فار دمه الله ياخذك ياماهر وياخذ العجوز عائشة ..
ارسل له خلاص انتظرني من الساعة 4-6 المغرب وراح اكون عندك في الشقة
رفع عيونه لساعة الجوال باقي اقل من ربع ساعة على أذان العصر ..
وهو يرمي الجوال بقوة ويشغل السيارة ويمشي بسرعة ولا اهتم لسيارات اللي تكبس له بالأنوار ولا اصوات البواري لأنه يتجاوز كل السيارات اللي قدامه يبغى يوصل بسرعة نار تشتعل بقلبه وصل أبها في وقت قياسي بعد ماصلى العصر ..توجه لشقق المروج شقق ابوه ويعرف اللي موظف في الأستقبال دخل وهو يحاول يكون طبيعي شافه الموظف وهو يرحب به : هلا محمد يامرحبآ ..كيف اقدر اخدمك ،!
محمد/الله يسلمك ابد صديقي ارسل لي يقول انه مستأجر هنا اسمه ماهر ،؟
الموظف /ايوه صح في غرفة رقم 4 الدور الثالث .؟
محمد/مشكور ماتقصر ..وتحرك يركب المصعد الكهربائي وهو يحاول يهدي نفسه وعجز وصل الدور الثالث وهو يشوف الغرفة 4 قدامه حس وده يقتله الكلب كيف يتجرأ ويراسل وحده متزوجة ويواعدها في الشقة
دق الجرس بقوة بدون ماينزل اصبعه من الزر سمعه صوته يقول طيب ويفتح الباب .؟
محمد من شاف وجهه دفه داخل وهو يدخل وباقي ماسك صدره وقفل الباب وراه ،؟