مجموع الأوسمة: 18

البارت 120

علي وهو يناظر عيونها وهي تتتكلم : لا عادي قولي لا تخافي ماراح ازعل الدنيا مو زعل على طول فيها اخذ وعطا ..!
ريم/الطلب الأول انا مشتاقه لأمي عايشة مرة وسبق وكلمتك نروح انا والبنات عندها بس هي حلفت علينا مانجي إلا بعد شهر من الزواج وذحين كملنا شهر وشوي شوف اي يوم يناسبك نروح انا والبنات نسلم عليها ..واسلم على أمي أمنه ..!
علي/ابشري ماطلبتي شي خليني اخلص من خطوبة عبدالله وزواج أميرة وبعدها ابشري بي ،؟ والطلب الثاني ايش هو ..!
ريم وهي تمسك يده : حبيبي ابغى احمل ارجوك ،؟!
علي غمض عيونه وهو طفش من كثر ماتعيد عليه سالفة الحمل : ريم حبيبتي إن شااء الله راح تحملين ..ليش مستعجله كذا وانتي سمعتي الدكتورة ايش قالت كل شي عندك تمام .،!
ريم وهي تفك يده ..وبزعل : كيف مستعجله ..شوف ندى وخزامى كل وحده حامل ماشاء الله وهم متزوجين بعدي ..علي افهمني انا بموت علشان احمل ..!
علي/ طيب وانا ايش بيدي ولا سويته ماقصرت بشي
ريم وهي متردده : روح افحص يمكن عندك مشكلة.؟
علي بزعل وهو يبعدها عن حضنه ويوقف : ماعندي مشكلة الحمدلله وعندي خمس عيال ..وثاني مرة لا عاد اسمعش تقولين الكلام هذا ،!وهو يتركها وينزل ،،؟
ريم بقهر وندم انه زعل بس من حقها انها تكون أم ....؟!

!
فارس/
هو واقف يسمع أمه تعاتبه كل يوم نفس الوضع ماعندها امه سالفه إلا زوجته وزوجة أحمد تخلص من وحده وتمسك الثانية .!
جميلة /مرتك السوسة ام لسان طويل قبل امس مفشلتني قدام خالاتك لا بارك الله فيك ..!.
فارس/وهو يحط يديه في جيوبه ويعرف السالفة
كاملة يمه ارجوش طلعي خزامى من سالفتش انتي وابوي وريم..يمه خزامى مالها دخل يمه حرام عليش اللي قاعدة تسوينه في بنات عمي خزامى يمه ماقصرت روحت من الدوام وتعبانه وحامل ورحتي تعزمين خالاتي وبناتهم في بيتها بدون ماتعطينها خبر من بدري وتقوم وتسوي عشاء وتستقبلهم وفي النهاية تقولين انها مفشلتش علشان انها تدافع عن ريم يمه طبيعي تدافع عن اختها وانتي قاعدة تسبين وتشتمين اختها وفي بيتها ..يمه جعلني فدااش ارجوش ابعدي عن بنات عمي وخاصة زوجتي ..انتي أمي وعلى عيني وراسي ولش حق علي انا وبس ..وخزامى مالش جبر عليها يمه حتى اذا جت علشان تسلم عليش ماتعطينها وجه انتي وأميرة ..وإذا ماجت تهاوشين ..يمه ترى والله ماارضى على زوجتي مهما كاان خاصة ذحين هي حاامل وتعبانه ...وخرج
جميلة : والله يافارس حتى انت لحقت اخوك أحمد والله ان المصايب كلها من زوجتك السوسة اللي كل ليلة وهي عازمة ابوك مع كلبته في مطعم وإلا فندق حسبي الله عليها ام لسان طويل هي واختها المشفوحة على الزواج وابوك الشايب.؟!
!

ريم /

وهي واقفه عند الزجاج اللي يطل على الحوش تناظر علي اللي خرج من عندها وهي مقهورة ليش يخرج وهي ليلتها واكيد بيروح لجميلة حست بغيرة تنهش قلبها ونزلت دموعها قهر زعل علشان طلبت منه يروح يسوي تحاليل من حقها تطلب منه كذا ..؟
محتارة ايش تسوي والله مااخليه يبات عند جميلة وهي ليلتي وعجزت تفكر كيف ترجعه وهي حاولت تكلمه تراضيه ولا اعطاها فرصة تكمل خررج بدون مايرد عليها وهي تحبه ولا ترتاح اذا زعلان عليها اتصلت ارسلت مارد عليها ..!
مافي حل إلا خزامى تنقذني .،؟
فتحت جوالها وهي تتصل عليها .؟
خزامى بصوت كله مليان نوم :هلا رريم .،!
ريم بندم انها اتصلت : اسف حبيبتي ازعجتش.؟!
خزامى/لا عادي ايش فيش صوتش متغير ،!
ريم/شوفي عمش خرج من عندي زعلان تخيلي علشان بس قلت يروح يسوي فحص لاني ماحملت وانا كل شي عندي سليم عصب وخرج وهي ليلتي وبيروح لزوجته وانا مقهوره حاولت اكلمه ورفض ..تكفين شوفي لي حل بدون مايدري اني انا قلت لش .؟!
خزامى/خبله انتي تطلبين منه كذا عمومآ انا بتصرف بس انتي ذحين تروحين غرفة النوم طلعي شنطة ملابس وحطي فيها كم غرض ..وهي تضحك
وبعد شوي وهو جااي لش ..وقفلت .،؟!