مجموع الأوسمة: 18

البارت 121

علي/اللي كان يمشي حول الفلل طفشان وزهقان من نفسه حتى ريم كملت الناقص ..رفع جواله وهو يتوقع انها ريم اكثر من مرة تتصل ولا يرد ..؟!
بس استغرب لما شاف المتصل خزامى""
فتح الخط /هلا بالغالية كيفش وكيف حبيب جده.!
خزامى/هلا فيك زود يالمزيون الحمدلله بخير وحفيدك طيب ماعليه ...وينك ذحين،؟!
علي بحب لها : قريب حولكم آمريني جعلني فداش،؟
خزامى/الله يسلمك ..ريم اتصلت عليها علشان اطمن عليها اليوم ماشفتها وكان صوتها متغير وسألتها قالت انك زعلان منها وماترد عليها وهي خلاص طفشت تحس انها وحيده هنا..علشان كذا بتتصل على قاسم زوج أمها يجي ياخذها وبتجلس عند أمها ..عاد انت تعرف ريم حساسه واحيانآ تجيها حالات غربية روح لها تكفى ياعم تراها مجنونه ،؟!
علي وهو يشد على الجوال بغضب طيب وقفل
وصل بيت ريم وكل شياطين العالم فوق راسه من جدها ذحين تفكر اني راح اسمح لها تروح عند قاسم الكلب اللي صار يبتزنا ويرفض يخلي ريم تكلم أمها إلا بعد مانحول له فلوس.؟
وصل الدور الثاني وماحصلها في الصالة
دخل غرفة النوم وانصدم منها وهي تطلع ملابسها من الدولاب وترميها بعصبيه داخل الشنطة اللي على السرير ..لا من جد مجنونه وتسويها يعرفها وصل لعندها بعصبية : ريم ايش قااعدة تسوين .؟!
ريم/وهي تحاول ترسم على وجها الزعل وما تضحك
خبيثة خزامى وافكاارها ..ماردت عليه وهي تتجاوزه لتسريحة علشان تاخذ الأغراض منها .؟!
علي بعصبية من تجاهلها له : ريم اتوقع اني اكلمش وهو يمسكها بقوة ويلفها له ويهزها وين بتروحين ،،!
ريم/ وهي تناظر له بحب كيف معصب بروح
عند أمي ليش اجلس هنا وانا مالي احد هنا مو انت قلتي لي بالله فكيني منش هذا انا راح افكك مني للأبد ،؟!
علي وهو يهزها بقوة وبغضب : ريم انت صاحية ذحين من جدك تروحين لقاسم الكلب والله يااريم لو باقي تفكرين مجرد تفكير تروحين عند قاسم ان ذبحش على يدي ،؟!
ريم وهي تبكي بدون شعور منها وتحضنه بقوة : ليش طيب تخرج زعلان مني ليش علي من حقك تزعل بس مو من حقك تخرج وخليني مثل المجنونة احترق لوحدي علي انا ماعندي احد في الدنيا هذي كلها إلا انت انا معلقه لكل حياتي عليك بعد الله ..تكفى لا تكررها وتخرج زعلان مني ..ازعل عندي هنا ولاتخرج والله ماتحمل اشوفك زعلان وهي تشد عليه بقوة.!
علي غمض عيونه وهو يشد عليها كمية الرجاء اللي في صوتها اتعبته كثير ماكان ناوي يخرج بس فضل انه يخرج علشان مايقول لها كلام يجرحها ابعدها عن صدره وهو يناظر وجها ويبوس عيونها : انا اسف ..نسيت ان زوجتي مجنونه كذا بس للمرة المليون ياريم حتى لو يصير بيننا شي لا تفكرين مجرد تفكير تروحين عند قااسم تكفين إلا قاسم والله اني لموت قهر لو تسوينها .؟!
ريم وهي تحط يدها على فمه : لا عاد تطري الموت بسم الله عليك جعل سنينك وايام تبطي حبيبي ،،!
!

يوم جديد .. خطوبة عبدالله&احلام

في مجلس الرجال الجد محمد وولده علي وعياله محمد وأحمد وفارس وعبدالله..اللي فرحان اخيرآ
راح تكون احلام له بنت خالته وحب الطفولة ومن وهي صغيرة خالته تقول له ترى احلام لك وكبر وتعلق قلبه فيها ورفض الزواج ينتظرها علشان تكمل الجامعة ،،!

وفي الجهه المقابلة لهم يوسف زوج خالته واخوانه وعيالهم الكباار .؟

الجد محمد/ وبعد السلام والسؤال عن الأحوال
الجد محمد..موجه كلامه ليوسف حنا الليلة جاينكم طامعين في قربك يايوسف ولدنا عبدالله طالب يد بنتكم احلام على سنة الله ورسوله.
وقبل مايرد يوسف فز مشعل ولد اخوه بوسط المجلس وهو يقول بنت عمي لي والله ماتحل لأحد غيري ،؟!
الجد محمد وهو يحس فشلة ناظر في ولده علي بغضب ثم ناظر يوسف وقال له : اتوقع ان زوجتك قالت لأختها جميلة انكم موافقين ايش اللي مغير الكلام ذحين .؟!
مشعل وهو يوقف قدام الجد محمد وبغضب وهو يرفع اصبعه بوجه الجد محمد : ومن متى عندكم الحريم يخطبون بدال الرجال ..
وقبل يكمل كانت السبحة ترتطم بفكه بقوة ومحمد يقطع المسافة بينهم وهو يمسكه : تخسى وتعقب لاترفع صوتك على جدي وهو يخنقه .،!
كل شي صاار كان مثل الحلم بالنسبة لعبدالله اللي صار يشوف المجلس تحول لمعركة بطلها اخوه محمد اللي نص المجلس كلهم ماقدروا يفكون مشعل من يده ..وفي اقل من ثانية كانوا كلهم مجتمعين عند جده مايدري كيف خرجوا من البيت ولا كيف ركب السيارة وهو في حالة ذهول وصدمة احلام وحب الطفولة وانتظار الشباب ولد عمها حجر عليها وصارت له ..كيف وكلام خالته له .؟
الجد محمد بغضب موجه كلامه لمحمد : انت متى تعقل وتخلي عنك العصبية تضرب الرجل في بيت عمه صاحي انت وإلا خبل..يركبك حق كبير لأنك ضربت ولدهم في مجلسهم ،!