البارات الثاني

...ببيت منصور...
بالغرفه ساره منسدحهاع بطنها تطقطق بالكبيوتر ورنا قاعده ع كنبه تتكلم بتليفون:شنوقلت حبيبي؟؟...بتشوفين الحين؟؟...اوكيه...مسافه الطريق وانا عندك...بس لاتنسى تجيب الهديه معاك...هههه بعدعمري انت...يله حبيبي اخليك عشان اجهز روحي ع لقاءك حبيبي...ههه...يله باي...وصكرت الخط
ساره تلف لها:الله منعم عليج بخير وحلال...شحقه تطلبين هدايا من هالمساكين
رنا:اول انتي تدرين فيني اموت ع الهدايا...ثاني انا رنا احمد ال مايصيراحد يقابلني من غير مايدفع ثمن المقابله
ساره:والله ماخذه بروحج مقلب
رنا:ماعلينا...مانتي جايه معاي؟؟
ساره:لا حدي تعبانه وابي انام
رناتقوم:كيفج...يله قودباي
ساره:باي...طلعت رنا ودشت ماماامينه:ماراح تتعشى هني؟؟
ساره:لا...بتتعشئ ببيتهم...ها العشاء جاهز؟؟...حدي تعبانه وابي انام
ماماامينه:ايه حبيبتي جاهز...يله قومي...ومدت لها ايدهاقامت ساره ومسكت ايدها وطلعوا مع بعض

...بالمطعم...
سامي وطلال قاعدين ع احد الطاولات:كم فلوس معاك؟؟
طلال:ثلاثه دنانير
سامي بعصبيه:من العصر صجيتني بنطلع بنطلع...اخرتها معاك ثلاث دنانير
طلال:انابدفع ثلاث وانت عليك الباقي
سامي:كل ليله اعيشك ع حسابي...انا بنك لك ولاشنو؟؟
طلال:شدعوه شدعوه...عشيتني ولا غذيتني...تراني ماحد غريب...رفيجك من ايام الابتدائي
سامي:قردت حطي
طلال:احمدربك قبلت فيك تكون رفيجي
سامي:ليش؟؟...طايح من عينك انا؟؟
طلال:اخاف اقول ايه...وتحرمني من عشاء...عشان جذيه بجاملك واقول لا
سامي يقوم:بروح اتعشئ بالبيت وايد احسن
طلال يمسك ايده:شفيك زعلت؟؟...والله قاعد اتغشمر...وبعدين يحصل لي واحد حليو وطيوب وحبوب مثلك...اقعد بس اقعد
سامي يقعد:اي استفزاز اهدك وامشي
طلال:مابتسمع مني الا الي يطيب خاطرك...وينادي لجرسون:لوسمحت

...ببيت صالح...
بالغرفه سمر قاعده ع سرير وكالعاده ماسكه كتاب دشت عليها اختها سحر:ابوج مسوي حفله تحت...يافضيحتنا بالفريج
سمر:اهل الفريج متعودين عليه...مااعتقديقولون شي
سحر:حتئ ولو الناس تبي تنام وراءها باجر دوامات...الله يفضحك مثل ما فضحتنا
سمر:سحور شفيج؟؟...هذا ابوج...اكوبنت تدعي ع ابوها؟؟
سحربعصبيه:اقول سكتي بس يالعاقل...بعدلحظات سمعوا صوت ابوها ينادي:شنويبي بعد؟؟
سمرتقوم:بروح اشوفه
سحر:لاتروحين بروحج بروح معاج
سمر:انزين يله امشي
سحر:لبسي طرحتج
سمر:ليش البسي طرحتي واحنا بالبيت
سحر:ابوج مامنه امان...يجوز مخلي واحدمن الخمه الي معه يقعد بصاله
سمر:زين
صالح ينادي من صاله:يابنات وينكم؟؟
سحرمن الغرفه:كاني كاني يبه

...ببيت الهام...
بصاله الهام قاعده ع كنبه دشت رنا بيدها اغراض وحيل مستانسه وتغني:لقيت روحي بعدما انا لقيتك...بعدلقئ ارجوك لالا تغيب...صعب علي ابقئ وانا مانسيتك
الهام تقاطعها:من وين جايه هالحزه؟؟...ومن وين لج كل هالاغراض؟؟
رنا مخترع:بسم الله الرحمن الرحيم...خرعتني الله ياخذج...من وين طالعه لي انتي بعد؟؟
الهام:جوابي ع سوالي
رنا:الجواب كالعاده مو شغلج...ومشت خطوتين صوب غرفتها قاطعتها الهام:البنت دقت علي من شوي تبي سيارتها
رنا لفت لها:قول ي لها بعطيها ياهاعقب باجر...باجرمحتاجتها
الهام:رناالي قاعده تسويه مايجوز...البنت تبي سيارتها رديها لها
رنا:عقب باجر يعني عقب باجر...هذا اخر كلام عندي...وكملت طريقها وهي تغني
الهام:مااقول الا الله يهديج ويصلحج

...ببيت صالح...
بصاله صالح ورفيجه بوعلي قاعدين ع الكنبه وسمر وسحر واقفين قريب من باب المطبخ:خيريبه...شنوتبي؟؟
صالح يوجه كلام لبوعلي وهوبحاله سكر:كاهم بناتي قدامك...وكل وحده تقول الزود عندي...اختارلك وحده فيهم وفالك طيب
سحربعصبيه:احنا موخرفان ولا بضائع للبيع
صالح يقاطعها:اوص ولاكلمه
سحرتتجاهل رد ابوهاوتوجه كلام لبوعلي:اقول حجي توكل...قبل ماادق ع شرطه ياخذونك
بوعلي بخوف:الشراطه؟؟...وطلع من البيت يركض
سحروسمر:هههههه
صالح:شنوقائله انتي حق رجال خليته ينحاش جذيه
سحر:انت حرام تصيرابو...تسترخص بناتك عشان هالسم...يبه خف الله فيني...تعبنا منك ومن بلاويك
صالح:اقول چبي يله لعطيج طراق ع وجهج...مشت سحر ومشت سمر وراهاء
صالح:تعالي الي ماتستحين...تعصين كلمتي...وتطولين لسانج علي...ماعليه يصير خيرباجر...مااكون صالح اذا ماربيتج من جديد...قليلة الحياء...ورمئ نفسه ع كنبه وانام وبيده خمر

...ببيت شريفه...
سامي توه دش غرفته قعدع سرير وطلع سجاره من جيبه وصاريدخن بعد لحظات سمع رنين تليفونه شاف اسم المتصل ورد عليه ع طول:هلاوالله
ابتسام:هلافيك...اشلونك حبيبي؟؟
سامي:حمدلله زين...وانتي شلونج؟؟
ابتسام:صرت زينه بعدما سمعت صوتك
سامي:يعطيج العافيه
ابتسام:ويعافيك حياتي...اقول حبيبي
سامي:امرني عيوني لج
ابتسام:يصير اشوفك باجر؟؟
سامي:ايه اكيد يصير...ليش لا؟؟
ابتسام:عيل اشوفك باجر...حدي ولهانه عليك
سامي:وانابعدياقلبي ولهانه عليج
ابتسام:ياعمري انت
سامي:اقول حبيبتي اخليج الحين...باجر وراي قعده من صبح
ابتسام:الله يعينك حبيبي
سامي:يله باي...صكرالخط وطفئ سجاره وراح صوب الحمام

...ببيت بوطلال...
بصاله بوطلال قاعدع كنبه يتقهوئ طلع طلال من غرفته شافه قاعد مشئ صوبه وحبه ع راسه:صباح الخيريبه
بوطلال يطالع فيه:صباح النور
طلال:بدون مقدمات ولا لف ودوران
بوطلال:خير قول شنوتبي؟؟
طلال:فلوس
بوطلال:رجال شكبرك تشحت الفلوس؟؟...صچ انك ماتستحين ع روحك...اقول امشي من قدامي لا الفهك بهالعصاء ع ظهرك
طلال:شدعوه يبه اناولدك
بوطلال:ولانك ولدي لازم تشتغل وتعتمد ع نفسك
طلال:يبه انا للحين طالب بالجامعه...منو بيوظفني؟؟
بوطلال:اتركت عنك الدراسه واشتغل اي شغله تطلع منها فلوس...شنو تبي من دراسه
طلال:خلاص يبه ماابي منك...ومشئ
بوطلال:اصلا دينار واحد مابتحصله مني...ويكلم نفسه:خليه يحس بمسووليه شوي

...بالمدرسة...
بالفصل البنات كل وحده قاعده ع كراسيها تسولف مع الي يمها لين دشت عليهم الابله:السلام عليكم
البنات:وعليكم السلام ورحمة الله وبركاته
ابله حصه:من الاخر من فيكم حلت الواجب حق امس...كل البنات رفعو ايدينهم من غيرساره ورنا
ابله حصه:ليش موحلين الواجب؟؟
رنا:والله امس كان الجوء وايد حلو وطلعت اتمشئ مع اهلي ...بعدمايصير يمشون ويخلوني قاعده بروحي بالبيت
ابله حصه:خوش عذروالله...شرايج بعد اخليج تطلعين الحين تكملين تمشيتج
رنا:والله اذا مافي مانع اوكيه
حصه:انزين طلعي والحصه الجايه اذا ماشفتج حليتي الواجب بعطيج صفر بالواجبات
رنا:ماراح احل شي واجبات...وفري وقتج واعطيني صفرمن الحين
ابله حصه:والله عليج لسان يابنت...وبصارخ:طلعي برئ...طلعي برئ
رنا:اعصابج ياماما...ومشت بخطوات ثقيله ومرت من يم ابله حصه وارسلت لها بوسه ع هواء وطلعت
ابله حصه:قليله الحياء...وتوجه كلام لساره:وانتي ليش ماحليتي الواجب؟؟
ساره تقوم:مالي مزاج...اطلع برئ الحق رفيجتي؟؟
ابله:چآن زين والله افتك منكم هالاثنين...يله برئ...وطلعت ساره
منارتهمس لسمر:الابله وايدمعصبه اليوم؟؟
سمر:سكتي لا تطلعنا بعد
ابله حصه:منار وسمر شعندكم تتساسرون؟؟...تبون تلحقونهم؟؟؟
سمرومنار:لالالا ابله
ابله حصه:انزين خلكم منتبهين
سمر ومنار:ان شاءالله
ابله حصه تفتح الكتاب:يله حبيباتي افتحوا الكتاب ع صفحه53
سمر:ابله الدرس الي قبله بعدمادرسناه
ابله حصه:هذا مو مقرر عليكم

...بالجامعه...
بالكوفي سامي وطلال قاعدين ع احد الطاولات:شفيك اليوم مابطلت حلجك ولابكلمه؟؟
طلال:سموي تكفى خلني بهمي
سامي:انت عندك هموم؟؟....ههههه...من متئ؟؟
طلال يطالع بسامي:تدري يارفيجي انك سخيف
سامي:صج؟؟...والله توني ادري...ههه
طلال:هاهاها
سامي:شنويعني هاهاها
طلال: يعني واحدمن الاثنين ياتنقلع عن وجهي ياانقلع عن وجهك
سامي:انابعدبقعدشوي هني...يعني انت انقلع عن وجهي
طلال:انزين...ومشئ
سامي يشرب شوي من العصير ويحطه ع طاوله:طلال طليل...ياهوو....شفيه هذا اليوم؟؟...حط الحساب ع طاوله ومشئ وراه

...بسيارة رنا...
رناتسوق وساره راكبه يمها:هههه
رنا:تستاهل الي سوينه فيها
ساره:ههه
رناتغيرالسالفه:تبينا نتريق باي مطعم؟؟
ساره:بالمطعم ال
رنا:لاموحلو
ساره:بالمطعم ال
رنا:هم بعد موحلو
ساره:كيفج اختاري المطعم الي تبينه
رنا:بنروح مطعم ال
ساره:شنو؟؟
رنا لفت لها:شفيج؟؟
ساره:هالمطعم وايد قديم
رنا:قديم؟؟
ساره:اي قديم...وبغرور:ومو من مستوئ ناس الراقيه مثلي
رنا:انزين اختاري المطعم الي تبينه بس بنتريق ع حسابج
ساره:اوكيه