البارات الخامس

...بالبحر...
سامي وطلال واقفين يم السياره:امس الوالده صادتني وانا ادخن
طلال:لايكون انطقيت؟؟... ههه
سامي:رجال شكبري...انطق؟؟...شنوتقول انت؟؟
طلال:والله امك هذي اتوقع منها كل شي
سامي يطالع فيه:هيه انت لهني وحدك
طلال:ههه...شفيك قاعد اتغشمر
سامي يطلع سجاره من البكت ويدخن:خلك رجال والزم حدودك احسن
طلال:شدعوه سامي...اتغشمرمعاك انا....لاتقلب علي الطاوله
سامي:بس انت ساعات تمسخها
طلال:مومني من لساني
سامي:لسانك يبي له قص
طلال بستهبال:اقصه بمقص ولا بسكين؟؟
سامي بعصبيه:افاعليك مايحتاج مقص ولا سكين ...انا بقوم بالواجب...وتهجم عليه

...ببيت منصور...
بالغرفه ساره قاعده ع سرير وبحضنها كبيوتر:وبجذيه اكو خلصت...باجر بروح اسوق اختار الاقمشه...بعدها بروح لخياط عشان يسويهم نفس تصاميم الي رسمتهم...وبحماس:يس واخيرا بصيرفيشنستا

...بالمجمع...
رنادشت المحل:اخوي لوسمحت
البائع لف لها:امري اختي... تبين شي؟؟
رناتطلع القعد من جنطه:شوف هذا كم يطلع فيه؟؟
البائع وزن القعد وبعدلحظات رد عليها:*******
رنا:انزين ببعيه
البائع:اوكيه...وفتح الدرج يطلع فلوس
رنابكذب:والله ماودي ابيعه...بس شسوي لظروف احكام...امي صار له فوق شهر بالمشتشفئ محتاجه العمليه وو
البائع قاطعها لما مدلهافلوس:تفضلي اختي
رنا تاخذهم:ماقصرت اخوي...لاخلئ ولاعدم...حطت فلوس بالجنطه وطلعت تركض من الفرحه

...بالبحر...
طلال بعدما اكلم طق من سامي:انا اشك انك بني ادم
سامي:هههه ا ا ا ههههه ااا
طلال:تضحك بعد...ها؟؟...انا اعلمك...اخذرمال وقطت بوجها سامي:هههههه...شرايك؟؟...هههه
سامي بعصبيه:ان ماذبحتك الليله مااكون سامي...ومديدينه بيمسكه طلال فلت منه:موكل مره تسلم الجره ياحبيبي...ويركض وسامي يركض وراه:تعال ياحمار
طلال يركض:ههههه
سامي يركض بعده:اقولك تعال...والله لمشي عنك
طلال يطلع سويك السياره من جيبه:السويك عندي...اشلون بتحرك السياره ياذكي....ههههه
سامي:طليل اقولك تعال يعني تعال
طلال يغني:اناماابي ماابي...احب غيرك...انا ماابي ماابي احب غيرك
سامي تعب من الركض:اوف تعبت...وقعد:ياولدالحلال خلاص هت السويك بنمشي
طلال يوقف بعيدعنه:بشرط لازم اتفاقيه تتم بين الطرفين
سامي:لك الي تبيه
طلال:اول شي لا تقرب مني نهائيا
سامي:شرطك تم
طلال:ثانيا توديني السوق تشتري لي قميص جديد...شوف شنو سويت بقميصي قطعته تقطيع
سامي:تم
طلال:الشرط الثالث والاخير توديني الكافيه اوالمطعم حدي جوعان
سامي:تم لك الي تبيه...بس عطني السويك...رمئ طلال له بسويك...وركض سامي صوب سياره:تحلم ياحبيبي...ركب سياره وفحط
طلال:ساااامي....ساااامي...سوها هالحمار

....ببيت صالح...
بالغرفه سمرقاعده ع كرسي تدرس دشت عليها سحر:سمر
سمرمندمجه مع الكتاب:ها
سحر:روحي جيبي ملح من بقاله...وانا بوقف لج عندالباب
سمر:سحور قاعده ادرس
سحر:هي كلها دقيقتين
سمر:لامااقدر...دزي احد من عيال الفريج
سحر:مااكواحد الليله هني...راحو يشوفوا مباراة بالملعب
سمر:انزين البس طرحتي واروح
سحر:لاتتاخرين ها
سمر:ان شاءالله...وطلعت سحر وبعدما لبست سمر طرحتهاطلعت بعدها

...ببيت منصور...
بصاله ساره قاعده ع كنبه تطالع tv:ياترئ شنو الي خلئ ابوي يكرهني جذيه؟؟...اكيدفي سبب وچايدبعد...لايكون انا موبنته...لالا مستحيل اكون موبنته...بس ليش يعاملني بهالمعامله؟؟...بحياتي كلها ماشفته الا ثلاثه مرات
ماما امينه:سارونه...سارونه
ساره تصحئ من سرحانها:ها؟؟
جات ماما امينه وقعدت يمها:وين راحتي؟؟...تليفونج صارله ساعه يدق
ساره ع طول ردت تليفون:هلا
رنا:ساعه وانا ادق...وينج ليش ماتردين؟؟
ساره:انتي الي وينج؟؟...من امس موباينه
رنا:مشغووووله ياحياتي
ساره:مشغوله بشنو؟؟
رنا:تبين تعرفين نزلي تحت انا عند بيتكم
ساره تقوم:اوكيه...يله باي...تبي تمشي وقفها صوت ماما امينه:حبيبتي وين بتروحين بهالليله؟؟
ساره:رفيقتي نوشه ناظرتني تحت...اشوف شعندها وارجع
ماماامينه:زين...بس لاتتاخرين
ساره:اوكيه....وطلعت
ماماامينه:انا نوشه هذي ماني مرتاحة لها

....ببيت شريفه...
بصاله شريفه ومنار قاعدين يطالعون tvدش عليهم سامي:السلام عليكم
شريفه ومنار:عليكم السلام
شريفه:اشوفك جاي مبجر الليله...وين ربعك عنك؟؟
سامي:عقب السالفه حق امس خلاص بطلت كل شي
منار:يمه شنو صاير امس...ماحدقال لي
شريفه تجاهلت كلامها وتوجه كلام لسامي:ان شاءالله كلامك يكون صج
منار:يمه قاعده اسالج انا
شريفه:السالفه بيني وبين اخوج انتي شكو
منار:ليش؟؟...انا مومن اهل البيت
شريفه:اقول روحي صعدي نامي ابرك لج باجر وراج مدرسة
منار:لابقعدبعدشوي اشوف المسلسل
شريفه:انزين قعدي تابعي وانتي ساكته
منار:ان شاءالله
سامي:يله يمه انا بروح غرفتي...تصبحون ع خير
منار:الايمه ماقلت لي شنو صار بينكم امس؟؟
شريفه:مادري...وراحت للمطبخ

...بيم بيت منصور...
بسياره ساره ورنا قاعدين:هذي سيارتج الجديده؟؟
رنا:اي...شرايج فيها؟؟
ساره:وايدحلوه
رنا:تعترفين بانها احلى من سيارتج؟؟
ساره:حبيبتي انا مايهمني موديل سيارات...اهم شي توديني وترجعني
رنا:هههه...وين كلامج هذا قبل...وتقلد صوت ساره:انا ساره منصور ال،،،...مااحديوصل لمستواي...ترجع لصوتها:شفتي منو طياحج يابنت منصور ال،،،،،
ساره:انتي جايتني لهني عشان تعايرني؟؟
رنا:لاياحياتي عشان تباركين لي
ساره:مالت عليج
رنا تطالع فيها وتشغل المسجل ع اغنيه ديانا حداد((زعلان يازعلان خليت قلبي حيران)):وعليج

....بالجامعه...
سامي يمشي بممر شاف طلال واقف حاول يكتم ضحكته مااقدر:ههههههه
طلال لف:هذا انت؟؟
سامي يحاول يسيطرع ضحكته:اشلونك....هههههه
طلال:مالي لون عقب الي سويته فيني امس
سامي:ههههه انت الي جبتها حق روحك
طلال:اسمعني من الاخر من هاليوم لاتكلمني ولااكلمك
سامي:افاطليل...سامي انا رفيقك...ببتخلى عني عشان شي مايسوى
طلال:چب ولاكلمه لا تكلمني
سامي:واذا قلت لك بنفذ واحد من شروطك اليوم بتسامحني
طلال:اشوف شنو هالشرط؟؟
سامي:شرط مال القميص...ولااقول خلهم شرطين القميص والمطعم
طلال:صراحه بعد الي سويته ماصرت اثق فيك...عطني طمان ع كلامك
سامي:بعدالمحاضره ع طول بنروح
طلال:نشوف

....ببيت صالح...
ام صلاح دشت البيت تصارخ:وينه؟؟...وينه الي مايستحي ع جهج
سحر تطلع من المطبخ:خيرياام صلاح...شصاير؟؟
ام صلاح:دام ابوج للحين بالفريج ماظنتي نشوف الخير
سحر:شمسوي؟؟
ام صلاح:قاط قوطي السم بحوش بيتنا...يبي يورط عيالي حسبي الله عليه
سحر:مايخالف خالتي ام صلاح مسحيهابوجهي هالمره
ام صلاح:خلاص هالمره بعديها عشانج...ان عدها مره ثانيه بروح اشتكي عليه...وطلعت
سحر:فشلتنا الله يفشلك..اكيد ام صلاح الحين خبرت كل الفريج