البارات السابع

...ببيت شريفه...
بالغرفه سامي وشريفه واقفين يم السرير:يمه خلاص عاد
شريفه:مااكوخلاص الي ماتستحي ع نفسك...يمه هالشي حرام مايجوز وماحرمه الله سبحانه وتعالى الا وشايف فيه مضره للابني ادم
سامي متفشل:يمه خلاص وثوبه مابسويها مره ثانيه...بس تكفين قصري حسج لا تفضحيني
شريفه:الحين انت هذا الي يهمك؟؟...ماخفت من عقاب رب العالمين يوم القيامه
سامي:يمه انتي قاعده تكبرين موضوع...والله مايسوئ هذا كله
شريفه:قاعدتعصي ربك وتقول موضوع مايسوى...رضى الله ياوليدي فوق كل شي
سامي:يمه خلاص قفلي هالسيره...بنام باجر وراي جامعه
شريفه تتجاهل كلامه:ياوليدي لاتنسى ان ربك يراقب كل خطواتك...وكل خطوه من خطواتك محسوبه عليك...حاول تشغل نفسك لان الفضاوى والخلوه موزينين
سامي:ان شاءالله يمه
شريفه:صلي ركعتين قبل ماتنام واطلب ثوبه من الله ع الي سويته
سامي:ان شاءالله
شريفه:تصبح ع خير
سامي:وانتي من اهله...طلعت شريفه وصكرت وراها الباب
سامي يقعدع سرير:فشله والله فشله...وانسدح ع سرير

...ببيت الهام...
بصاله رنا قاعده ع كنبه تطالع tvجات لعندها الهام:من وين لج هالسياره؟؟
رناتطالع فيها:شريتها بفلوسي
الهام:ومن وين لج فلوس انتي؟؟...لايكون تشتغلين بمكان غلط
رنا:شنوقصدج من مكان غلط؟؟
الهام:انتي ماشاءالله عليج تفهمين بكل شي...جات ع هذي
رنا:اقول كفي شرج عني احسن لج...ولاترى والله بتشوفين شي عمرج ماشفتيه
الهام:اناكل الي اسويه من خوفي وحريص عليج
رناتقوم:اذاتبين تخافين خافي ع روحج...بروح غرفتي احسن من مقبلت وجهج

...ببيت صالح...
بالغرفه سحرنائمه ع سرير وسمر قاعده ع سرير الي يمه تدرس:سمرتكفين طفي النور بنام
سمر:سحرشفيج؟؟...قاعده ادرس
سحر:روحي درسي بالغرفه الثانيه او بصاله ...باجر وراي قعده من صبح
سمر:اخاف...بهالحطه سمعوا صوت ابوهم ينادي:يابنات ماي...ماي
سحرتقوم:اوففف مااكو نوم الليله...اللهم تلهمنا الصبربس...ان شاءالله...ان شاءالله...وطلعت...واصلت تدرس

...ببيت شريفه...
بصاله شريفه ومنار يتريقون نزل سامي من ع درج:صباح الخير
شريفه ومنار:صباح النور
سامي:منار...بنظرج بسياره لاتتاخرين
شريفه:ماتبي تتريق؟؟
سامي:لا
شريفه:زعلان من سالفه حق امس؟؟
سامي:لا
شريفه:عيل شفيك؟؟
سامي بعصبيه:مافيني شي...وطلع
منار:قاعدتصيربينكم مواضيع وسوالف وانامادري عن شي
شريفه:روحي لحقي اخوج...لاتاخرينه
منارتاخذجنطتها وتقوم:انزين...يله فمان
شريفه:حافظكم ربي...طلعت منار

...بسياره...
رناتسوق وساره راكب يمها:اوكيه حبيبي يله باي...وانابعدبشتاق لك...وتصكرالخط
ساره:هذا سامي؟؟
رنا:لاهذا واحد تقليد وسامي الاصل
ساره:اشلون يعني؟؟
رنا:يعني سامي حبيبي والباقي اتسلى معاهم
ساره:خلج مع حبيبج واتركي عنج الباقي...لوسامي درى انج تكلمين غيره بيزعل ويهدج
رنا:لاحبيبتي ماراح يدري...وتغيرالسالفه:الاتعالي ابي اسالج...اشلون بتصيرين فشنستا ع قولتج...وانا الي اعرفه ان فشنستات يسوون دعايات للمحلات للمطاعم لمصصمين حتى للاكل...وانتي ترسمين خربيط مالج وتوديهم للخياط عشان يجهزهم وتقولين بصير فشنستا
ساره:حبيبتي انااعتبرنفسي مصممه الحين...وبدال مااجيب احد يسوو لي دعايات واخسر فلوس...انا بسوي دعايات لتصاميمي وبجذيه اكسب فلوس والشهره
رنا:اول مره بحياتج تفكرين صح
ساره:لاحياتي انا طول عمري فطينه
رنا:اي ماشاءالله مبين عليج
ساره:موچان قاعده تتطنزين؟؟
رنا:يعني

...بالجامعه...
سامي وطلال قاعدين ع كرسي:شفيك؟؟كانك حامل هموم الدنيا كلها ع راسك
سامي:مافيني شي...اعطني سجاره
طلال بمزح:شوف...اذا امك شافتك وطقتك موشغلي
سامي:طليل لا تنفزني...الي فيني مكفيني
طلال:زين...زين...واعطاه سجاره...ومشئ سامي
طلال:شفيه هذا اليوم؟؟

...بالمدرسة...
بالفصل بعدما وزعت الابله او المعلمه اوراق الامتحان:كل وحده عينها بورقتها...اي محاوله غش بسحب الاوراق
رنابصوت خفيف:ساره حليتي؟؟
ساره:بعدني ماقريت الاسئله كلها...شفيج مستعجله؟؟
منار تكلم ساره:بحل واول مااخلص الحل بغششج...زين؟؟
ساره:زين...بس لاتتاخرين
منار:اوكيه
رنا:ها...شنوقالت؟؟...الاولى صح ولا غلط
ساره:البنيه بعدها تحل
سمر:شنو الازعاج الي فيكم خلونا نركز بالاجابات
رناتقلدصوت سمر:شنوالازعاج الي فيكم خلونا نركز الاجابات...وترجع لنبره صوتها:اقول سكتي احسن لج...ماابي اسمع لج صوت
الابله:سمرورنا شعندكم تتكلمون؟؟
رنا:الجواب معروف...موراضيه تغششني
البنات:ههههههه
الابله بعصبيه:بس...وتوجه كلام لاحد الطلابات:انتي روحي مكان رنا ...وتوجه كلام لرنا:رناانتي تعالي هني
رناتقوم:خلاص ابله خلصت
الابله:انزين تعالي سلمي الورقه...مشت رنالعندها وسلمت لها الورقه وطلعت
منار:شفيهارنا طلعت؟؟جان قعدت شوي بحل لها
ساره:ماعليج منها...كملي كملي
الابله:منار وساره اسكتوا احسن لكم

....ببيت شريفه...
بصاله شريفه ومخيله قاعدين ع كنبه:زرتنا البركه
مخيله:البركه فيج حبيبتي
شريفه:وينج ياحافظ ماقمنا نشوفج
مخيله:والله رحت لدبي اشتري بضاعه
شريفه:للحين تبيعين؟؟
مخيله:اناع الله ثم البضاعه
شريفه:الله يوفقج حبيبتي...وتقوم:بروح اجيب لج شي تشربينه
مخيله:عصيرليمون اذا ماعليج امر...يقولون يهدي الاعصاب...وانا اعصابي مشدوده هالايام
شريفه:ههه ان شاءالله حبيبتي من عيوني
مخيله:لاخلى ولاعدم

...بالمدرسة...
منار وساره قاعدين ع درج:ادق عليها ماترد
منار:دقي عليها مره ثانيه
ساره دقت...ردت عليها رنا:انتي وينج؟؟...شنو؟؟...ليش مانظرتيني؟؟...شنوهالشغل الي خلاج تروحين وتهديني...انزين متى بترجعين؟؟...وانا منو بيوديني للبيت؟؟...زين يصيرخير...وصكرت الخط بوجها
منار:وينها؟؟
ساره:تقول عندها شغل...ودقت ع ماما امينه:ماما امينه دزي لي السائق للمدرسه...نوشه راحت تقول عندهاشغل...يله اوكيه باي
منار:اقول ساره...ماماامينه جدتج؟؟
ساره:لاماماامينه مربيتني من وانا صغيره عشان جذيه اقولها ماماامينه
منار:اها...ساره يصير ع دربج تقطيني لبيتنا؟؟
ساره:اكيدحبيبتي يصير
منار:مشكوره....ساره انا...وسكتت
ساره:انتي شنو؟؟... تكلمي
منار:ابي اصير مثلكم اطلع البس كل شي تسوونه ابي اسويه...انتو حياتكم حلوه نفس الي اشوفهم بتلفزيونات
ساره:ههه واخيرا اقتنعتي ...سمعي باجر خميس بنطلع نشوف الفليم بالسينماء ...شرايج تجين معانا؟؟
منار:ودي...بس اشلون؟؟
ساره:انا اقول لج اشلون

...بالمطعم...
سامي ورنا قاعدين احد طاولات:تصدق حبيبي لما شفت مسج منك هديت الامتحان وجيت لك ع طول...عشان تعرف شكثر مشتاقه لك
سامي:حتى انا بعدمشتاق لج...قعدت اسب والعن بتليفون لانه ضعيه رقمج...بس الحمدلله تجمعنا من جديد
رنا:تبي صراحه سامي...كنت شائله بخاطري وايدمنك...بس من عرفت انك مومتعمد لما هاديتني...عذرتك
سامي:من صجي انتي؟؟...احديهد الجمال هذا كله
رنا:ياحياتي...قولي شكثر تحبني؟؟
سامي بخاطره:مضرين نجذب...ويتكلم:تقدرين تعدين نجوم الي بسماء
رنا:لاطبعاءحبيبي
سامي:اناقد هالنجوم احبج