قام الخليج اليعربي وان قام طال
بـ/ عاصفة حزم ايهطل همالها
دون الوطن والجار.. ماطحنا؟ رجال!!
نهز ارضٍ كامله بجبالها
نخله وسيفينً من الحده صقال
يكبر ولدها لجلها ويفنى لها
عسكر وطنا ./ بالثياب وبالبدال
وظلال جيرانٍ لشُيل اظلالها
يابو فهد حنا جنودك فالقتال
العقده عندك حلها وبِطالها
ان ثارت الهيجا ولا اشتد النزال
حنا لها ياسيدي حنا لها
حراّقة الخوّان مافيها مجال!
وأرض اليمن ندعس على نشّالها
على بساط الارض وب/ جو وجبال!
الحرب نعرف عزفها موالها
نقلط عليهم بالذخيره والعيال
دام اليمن خيل ونحن خيالها
تبشر بنا ارضً تحتمي بيض الخصال
نُخرِج رصاص ايران من محّالها؟
يخسى من يفكر يشبكها احتلال
نبرالها ... واللاش ما يبرالها
نارٍ حطبها الحوث باقي في اشتعال
اكبر من جنوب اليمن وشمالها
وأمر الملك سلمان مافيه احتمال!
ارض اليمن ترجع تقر احوالها .
شعر/شريف الزهراني