شبكة همس الشوق - عرض مشاركة واحدة

22 - 7 - 2021, 04:33 PM

ملحمة البلوت

يا حبيط طش الورق واجلس على المتكا ****** خل الورق يا حبط للي يعرفونه
يا مرتع الصن والعشرات والاكا ****** خل التفرنك يفيدك واحفظ فنونه
تلعب لحالك ومن يلعب معك بكا ****** تحوس لعبه وتفكيره ومضمونه
خلك على الزاويه صوره مع المركا ****** تصر عين على الدخان مجنونه
جنبك ربوع تحرى تخلص الصكا ****** كل يحد اصبعه ويفرك عيونه
مثل المكيرش عدو الحظ لا تكا ****** قام يتذكر يسب اللعب وسنونه
ينسى خويه واذا به عشرة تكا ****** صار يتنافض يحسب انهم يشوفونه
أما مع القفل لا مخرج ولا فكا ****** يا حليل اللي يشتري القفل من دونه
تلقى الميه دايم عنده بلا شكا ****** متلبد والخساره منه مضمونه
يا حبيط قل للمحاسب يترك العكا ****** حصالته يا حبط ماهيب موزونه
يا ليت درج المحاسب فوقه بلكا ****** لين يتعدل ويترك عنه قانونه
يا حبيط فر الشريط وشغل الدبكا ****** ابو شنب جاك يترنح على هونه
قام يتمايل تقول الوسط منفكا ****** يرقص على الطار وسكونه يخمونه
والخشم فوق البراطم قام يحتكا ****** يرضخ على الفم كنه ديد مزيونه
يا حبيط هات القلم نكتب لكم صكا ****** صك على النوم يوم انكم تعزونه
يا شلة تشرحون الخاطر الظنكا ****** زموا على القفل يشري لو تغصبونه
اما المكيرش اذا شفتوه يتشكا ****** راعوه لين يتحسن وضعه ولونه
لا تعاندونه يحط اللعب مشتبكا ****** ويقوم يسري ويحلف ما تردونه
شيخ البلد يجيب البيت منصكا ****** يكتب قصيد المرح ياللي تحبونه