مجموع الأوسمة: 13

البـــــــــــــــارت الحادي عـــشر
11 - عاشق من نوع أخر..


@
@
@

فـــــــــي المــزرعـــــة..


كلهم متجمعين عند المسبح...البنات كل وحده اللي على تليفونها واللي تقرا رواية بيدها..واللي تسولف عالثانيه..

ملاك ببتسامه وهي تلتفت لغزلان : غززووله
غزلان وهي تلف لها : لبيه
ملاك بطلب : غزززوله من زمان ماغنيتي لنا..وانتي ماشاء الله صوتك يجنن
غزلان ضحكه وهي تنفخ نفسها : احم احم بصير مغرورة ترا
البنات : هههههههههههه


غزلان وهي توقف : دقايق بروح اجيب العود حق سلطان

بعد عشر دقايق...كانوا كلهم ملتمين على بعض..ومسوين دائره...
غزلان بصوت جمممميل جدا و بحه ناعمه : احم احم\
خلص حنانك مابقى الا قسوتك
اقسى علي اقسى حلالك فدوتك
قبلك قست دنياي وانت تمون
قبلك قست دنياي وانت تمون

شفت السعاده يوم عيني شافتك
اسعدتني الله دايم يسعدك
لوسقت لي هم و حزن هالكون
ذقت الحزن فيني فرح محزون


لوسقت لي هم و حزن هالكون
ذقت الحزن فيني فرح محزون


وسلامتكم

البنات يصفقون لها و يصفرووون و بأصوات متفرقه : حرككات...عشت معك والله...تستاهلين جائزه والله


غزلان بضحكه : انشااء الله بسمع زوجي صوتي واخليه يخق علي اذا تزوجت
ملاك بضحكه : حيوووانه تفكيرك دايم منحرف..
اريام بضحكه وهي تضرب كفها بكف ملاك : مو شيء جديد على غزلان هههههه
البنات : ههههههههههه
سدن بفكره : بناااات بما ان الرجال كلهم بأخر المزرعه وعندنا مساحه كبيره شرايكم نلعب برشاشات المويه
ريتا بضحكه : انتي منين تجيبين هالافكار
ملاك بتمثيل حزن : انا مدري بدونك يا سدن كيف اعيش
سدن بغرور : احم احم يالله بوسوا راسي
وتمد راسها ...ارايم وهي تناظرالبنات : كانها صدقت
البنات : هههههههههههههه

سدن بحماس : يالله قوموا
وقفوا كلهم...راحوا يبدلون ملابسهم عشان ياخذون راحتهم..

كلهم طقموا...بلوزه علاق بيضا بخطوط ورديه..وبنطلون اسود لين تحت الركبه...و اللي رافعه شعرها كعكه ..واللي رابطته ذيل حصام..واللي مسويته دري...


نزلوا كلهم وكل وحده خذت رشاش...و كان الرشاش الكبير من نصيـــب ملاك لانها خذته اول...

سدن وهي تعد و ماسكه رشاشها عشان ينتشرون...: يالله بعد و انتي تخبوا بس من اقول عشره اخرجوا اوكيه
البنات : اوكيه...


سدن بصوت عالي : 1 2 3 4 5 6 7 8 9 10 ...يالله اطلعوا ...

بدوا كلهم يطشرون بسرعه على بعض..والي تهرب و ترش على الثانيه..

ملاك كانت تلحق ارياام...وماعرفت وين راحت شافت مجلس الرجال ينفتح بابه..والرجال كلهم ماهم موجودين.....عرفت انها اريام...رشاشها كان له راسين..وهي تستعمل الصغير...فتحت الكبير واذا جااء يرش كانها هووز..يعني بكميات كبيره...فتحته و تتتتتشششششششششششششششششششششششششششششششششششش


تجمدت وهي تناظر اللي قدامها...معقوله...معقوله يكون هو...ماقدرت توقف عن الرش...ناظرته...و بسرعه وقفت عن الرش...مسح الماء عن وجهه...و ناظرها بطرف عينه..بس بسرعه صد عشان لبسها...كان لاصق بجسمها و مبين مفاتنها.....كانت تناظره وشبه ابتسامه كسيره على فمها...نزلت دمعه من عيونها بسبب اشتايقها له...بس استوعبت اللي صار...و هربت بسرعه...



عــــــــند شخص جديد

عنـــــــــــاد..

عرفتها بسرعه..ملامحها ما تغيرت بس جسمها نضج.....ملاك..او نفس ماكنت اناديها اول ملك...كنت توني راجع من السفر وقلت افاجئهم كلمت فراس وقال انه بالمزرعه قلت افاجئهم...بس دخلت المجلس مالقيت احد..و اول ماطلعت انصدمت برشاش المويه علي ...تغرقت من فوق لتحت...وبس وقف المويه فتحت عيوني ناوي العن اللي رش علي..وبس ناظرته انصدمت كانت ملاك..وزي مايقولون اللمحه ذبحه...ذبحتني بشكلها...كانت لابسه بلوزه بيضا ملاصقه لجسمها بسبب المويه...وخصلات من شعرها نازله على وجهها..



وبسرعة الصاروخ راحت...ابتسمت بس قررت اصعد فوق...دخلت عند النسوان وسوت امي مناحه كسرت خاطري...بس الحمدلله..هذا انا رجعت ولا عادني براجع لبريطانيا مرة ثانيه.....صعدت فوق عشان ابدل ملابسي..و استريح شوي قبل رجعون الشباب..نمت و صورتها ما فارقتني...




عــــــــــــــــند ملاك ..

واقفه بين البنات اللي منصدمين صار لهم ساعه واقفين معها وهي ماتكلمت ولا شي...
اريام بقلق : بنات صار لها اكثر من ساعه كذا
غزلان وهي تمسك يد ملاك : ملووكه شفيك
سدن بخوف : بنات وش فيها
ريتا بأرتباك : ملووكه حبيبتي ردي علينا
هند برعشه : لوووكه يالله خلصي تكلمي..


شوي و نطت وهي تضرب خدودها : يا فشلتي يا فشلتي..
كانت واقفه و فجاة قعدت ضامه رجولها و دافنه وجهها و تقول : فشلة فشله
البنات استغربوا كلهم تجمعوا عليها : وش فيك تكملي

رفعت راسها وهي شوي و تبكي من الاحراج...:تخيلوا رشيته بالمااء ..تغرق كله على بعضه
البنات استغربوا و جاهم فضول : من هو...؟
ملاك وشفايفها ترجف و دمعه تنزل من عيونها : عنــــــاد
البنات كلهم وقفوا بصدمه : وشــــــــوووو
اريام بفرحه : صدق عنناد رجع..
ركضت تاركتهم...ملاك علمتهم السالفه كلها...وهم جلسوا يضحكوون عليها ....
وهي منقهره منهم هي مفتشله وهم فرحانين عالوضع...



عـــند اريــــــــــام


فتحت باب غرفة الرجال بعد ما تاكدت من امها مافيه احد غير عناد...لقيته يعدل شعره عند المرايه...اول ماشافها فتح يدينه لها ..ركضت عنده وضمته وهي تبكي...بعد عشر دقايق

عناد بضحكه : خلاص ريامي ...وش له هالبكي كله هذا انا موجود
اريام بضحكه وهي تمسح دموعها : دموع الفرح بشوفتك...
عناد بببتسامه : لهدرجه فاقديني...؟؟
اريام بزله : يوووه فتحت مناحه مـ......
تداركت نفسها كانت بتقول ملاك...عناد بريبه : شفيك كملي
اريام بترقيعه : اقولك يعني فتحت مناحه ماما
اريام تكمل : يالله اخليك تنام...قبل يجون الرجال..تصبح على خير
عناد ببتسامه : وانتي من اهله...


طلعت برا الغرفه ...دخلت الغرفه و اول مادخلت كانت ريتا توها طالعه من الحمام و وجهها اصفر و شاحب...

بسرعه راحت لها تسندها ..اريام بقلق : وش فيك ريتا عسى ماشر ..؟
ريتا ببتسامه صفراء : اظن دخلني برد....

وقفت بعتدال ..ريتا : بنزل اصلح لي كمون جسمي يعورني..
اريام وهي توقف : خليك انا بعدله..
ريتا هزت راسها بالنفي : لا خليك


نزلت ريتا للمطبخ....حطت جوالها على الطاوله و بدت تسويه..انتظرت الغلايه ...في هذا الوقت رن تليفونها..ناظرت الرقم و تنهدت بصبر..
ما لاحظت اللي يناظرها من وراء نافذه المطبخ ...كان ناوي يدخل بس لما شافها كان ناوي يروح بس استغرب التنهيده و وقف يسمع

ريتا بهدوء وهي تسند نفسها على الطاوله و ترد عالجوال : السلام عليكم
الطرف الثاني بصوت ذكوري : وعليكم السلام اخت ريتا شلونك
ريتا بتتسامه ألم : عايشه..انت عساك تمام ...؟؟


انصدم اللي وراء النافذه ...معقوله تكلم رجال ماتعرفه...سمعها تكمل : عساك طيب
الطرف الثاني : طيب الحمدلله ..هاه بشريني عن صحتك
نزلت دمعه من عينها ..وكانت بتتكلم.بس سمعت صوت وحده من البنات و اغلقت بسرعه...اخذت نفس و مسحت دمعتها...

ناظرها من فوق لتحت بأزدراء ..ثم راح...


دخلت سدن خذت بيبسي وقالت لريتا : البسي عباتك جدتي تبينا نجتمع احنا و الرجال بالصاله
ريتا هزت راسها بالايجاب.


بعد حول العشر دقايق...كان كل الرجال متجمعين على الجانب الايمن على الكنب...و البنات عالجانب الايسر...و الامهات بالنص...

الجده ام ابو سلطان تكلم سلطان : وينك ماعاد شفتك و لا تدق تسلم علي

سلطان بمزح : تعرفيني مشغول..اربعه وعشرين ساعه شغل..ماني فاضي..شركات و مزارع و عماير..يالله يالله افضى
البنات كاتمين ضحكتهم على كلامه بس عيونه كانت تنتقل بلمحه خفيه عليها...ماكانت تضحك ولا شيء..بس تناظر تحت و عيونها سارحه ..

الجده وهي تضربه بعصاها على كتفه : ياللي ما تستحي..احد يكلم جدته كذا

سلطان بضحكه وهو يدلك مكان الضربه : ترا توجع يا جده ..شوي شوي علي ترا ما استحمل

فيصل بعياره : اسم الله عليك ياللي ما تستحمل
الرجال : ههههههههههههههه

هادي ببتسامه : وشلون قلبك يا جده..؟؟ وانتي رحتي موعدك ولالا..؟
الجده ببتسامه وهي تناظر هادي : يا ولدي هذي السوالف اللي ينحكى بها
...وعطت سلطان نظرة..اللي ابتسم لها ..

الجده بتنهيده : ايه يا ولدي...عطاني حبوب و يقول انتظمي عليها..واحنا نحمد ربي على النعم ..الحمدلله....

تكلم حمد : يا جده ما سألتك ...؟؟
الجده : وش تسأل عنه يا ولدي..؟؟

حمد : ياجده السنه ذي ماسافرتي لمكه ..عسى ماشر
الجده : ايييه ياولدي ..ذكرتني والله...انشااء الله ماني مبطيه عنها..بروح لها قريب..

وقفوا الرجال ناويين يطلعون...سلموا على الجده ثم طلعوا...

كانت الساعه حول المغرب كذا....

بعد نص ســـــــــــــاعه ..

في المجلس الـــــــــــــرجال...

مشتغلين ترحيب و طقطقه...و رقص من شافوا عناد...
فيصل بفكره : يا رجال ..شرايكم نودي سيارتي الموستينق وراء الفيلا و نرقص...و الجو ماشاء الله يفتح النفس..

سلطان لف عليه : ابسالك بالله..منين جايب مخك
فيصل بأستعباط : احم احم ماعليك زود تسلم..


وسوا زي ماقالوا...البنات كانوا مجتمعين بالغرفه و يسولفون...شوي سمعوا صوت اغاني...لفوا على بعض مستغربين وقفوا عند النافذه يناظرون ...وانصدموا وهم يشوفون العيال يرقصون و يساعبون..و الصدمه الاكبر...ان فراس و هادي اللي دايم رزانه و ثقيلين..يرقصون مع بعض...

سدن حشرت نفسها بينهم ومعها الكاميرا..: وخروا وخروا بصور
بعدوا لها شوي...وهم مركزين مع الرجال...ملاك كانت عيونها سارحه في شخص ملك احساسها من حول خمس سنين...ناظرته وهو يضحك و يرقص...و البنات لاحظوها بس يعنني مدري.....اريام فتحت الدريشه ودخل الصوت بققوة...شوي وقامت ترقص...وملاك معها..وبدوا البنات يرقصون و سدن تصور الرجال و شويه البنات....

شوي صاروا يضحكون على نفسهم ..ماسمعوا غير صراخ و الاغاني انغلقت...تجمعوا على النافذه..و فطسوا ضحك...وهم يشوفون الشيبان يهزوونهم...الرجال رفعوا راسهم جهة نافذه البنات يوم سمعوا الضحك ..البنات بسرعه نزلوا...بس ضحكهم ماوقف...

البنات : هههههههههههههههههههههههههههههههههههههههههههههههههه ههههههههههههههههههههههههههههه


الرجال انحرجوا و افتشلوا..انهم تهزؤا قدام البنات...و نزلوا راسهم...منحرجين...


بعد ما تهزؤا الرجال راحوا للمجلس..اول مادخلوا صاروا يضحكون بقوة...

فيصل بضحك : ههههههههههه ألعن ام الفشله....
سلطان : هههههههههههه قوووية تهزائنا قدام البنات..
هادي : ههههههههه صرنا مساخر
عناد وهو يمسح دموعه من الضحك : يااخي وش مساخر قل ماعاد به وجيه ههههههههه
الرجال : ههههههههههههههههههههههههههههههه




بعد ســـــــــــاعتين ..


واقفه في مكان بأخر المزرعه...دايم اذا حست انها تحتاج مساحه فراغ و هدووء تجي هنا على الخيل حقها...كانت مسميه خيلها "" الســراب""..

قبل نص ساعه....


ناظرت البنات كل وحده على جوالها واللي نايمه واللي تحت عند الحريم..
نزلت تحت و لابسه بنطلون ضيق باللون الاحمر..و بلوزه نص كم بيضاء بنقشات حمراء....كانت ماخذه شال ثقيل شوي...لان الساعه الحين حول 11 بالليل...والجوي يكون باارد بالحيل...


راح جهت الخيول و لابسه جوتي رياضه ابيض..عشان تاخذ راحتها...اخذت خيلها و ركبته..و انطلقت للمكان اللي تبييه..



الــــــــــــأن

ناظرت المكان ...هادي و صحيح بارد بس عادي....وقفت خيلها على جنب,,...وراحت تمشي و الشال لافته حولها...وهي تمشي

بدت تغني بصوتها العذب و اللي فيه بحه...غــــزلان :

****
هيا هيا هيا هيا ومره وتوبه مابحب وتوبه مابحب وتوبه

قلبي مات براحه و انكسر جناحه
قلبي كل جراحه جات من محبوبه

قلبي مات براحه وانكسر له جناحه
قلبي كل جراحه جات من محبوبه

هيا مره وتوبه مابحب وتوبه
قلبي اشكثر عانا من الحب ودروبه

*****


كملت انشوده كانت دايم تحب تقولها بهالمكان :



اصعب مواقف هالزمان يوم تجي نفس المكان

و يوم تودع من تحب عينك تنادي بالحنان

تبدى تفكر في الحياة و أحلى ليالي الذكريات

كيف ابتدت لحظة غلا .. كيف انتهت بيد الممات


كيف انتهت بيد الممات



تنهدت وهي تحس المشاعر تجتاحها...مو شرط تكون تحب...بس بعض الاحيان تاثر فيك اغنيه و لا انشوده و تنزل دموعك...وهذا اللي حصل مع غــــــــــــزلان...

سمعت صوت وراها...وانصدمت وهي تشوف الرجل اللي خيل..انصدمت ..صحيح ظلام و مستحيل يشوفها...بس ولو...

و بسرعة البرق لفت الشال على راسها و غطت وجهها...ركبت السراب بسرعه...و انطلقت...انصدمت وهي تشوفه يلحقها...

كملت جري بالسراب وهي كل شوي تزيد سرعتها...لفت تشوفه...للحينه وراها....وبحركه بديهيه منه...قرب بحركه خاطفه..وبدل يمسك يدها سحب الشال ...صار الشال بيده..و انتثر شعرها..و صار يطير مع حركتها بالخيل...ومن شده السرععه...ماقدرت تلف عشان بيبان وجهها..فناظرت قدام ..ناظر شكلها وكيف شعرها يداعبه الهواء..و لبسها المخصر......وصلت قريب لمجلس الحريم..نزلت من السراب و ضربتها عشان تروح للحظيره..ودخلت بسرعه للمجلس و سكرت الباب...



نزل بسرعه وهو يشوف الخيل يرجع بروحه بدون خيالته اللي كانت راكبه عليه....نزل وراح جهت مجلس الحريم...فتح الباب..لكنه كان مقفول....تنهد....وطبعت صورتها و شعرها يداعبه الهواء و لبسها اللي مخصر جسمها و عل الخيل...طبعت ذي الصورة بمخه..


وراء البــــــــــــــــاب..

بعدت بسرعه عن الباب وهي تشوف المقبض يتحرك..شهقت...بس انتظرت دقيقه ثم سمعت صوت الخيل يصهل و يبتعد صوت الصهيل..


تنفست بأرتياح..طاحت عالارض وهي تأخذ انفاسها...





@
@
@



عـــــــــــند بســـــمه...


فتحت عيونها وهي ترمش.. غمضت و رمشت مرة ثانيه...ناظرت المكان...كانت بوضعية منسدحه..جت بتوقف...بس ماقدرت..حاولت تسحب يدينها و حتى رجولها نفس الشيء...

ناظرت نفسها على سرير و رجولها مضمومه و مربوطه بالسرير..و يدينها مربوطه بحواف السرير....ناظرت المكان...وهي منصدمه..هي وين...؟؟؟


كأنـــــها بطيارة...سمعت صوت بدت تكرهه...

راكــــان ببتسامه برود : أخيرا صحيتي...مابغيتي..!!!
ناظرته بقهر..و لا تكلمت..

كمل متجاهل صمتها : شرفتي طيارتي...
اخذت نفس بقوة ...ثم طلعته...وهي تناظره بغضب و حقد..

قال وهو يجلس على كنبه صغيره : كنت بعطيك ابره ثانيه عشان ماتصحين الا وقد وصلنا..بس مليت ابي احد اسولف معه..

لاحظت انها ببجامة امس..قالت ببتسامه عشان تقهره : تبي تسولف ...سولف مع ناس بنفس عقليتك المتخلفه...لا تسولف معي...

ناظرها و ومضة غضب لمعت بعينه بس ماتحرك ..راكان بسؤال: عقليتي متخلفه...؟؟

بسمة ماردت عليه..ولفت وجهها الجهه الثانيه عشان ماتقابله..

تذكرت قبل تتزوجه ...صحيح كانت بروحها و تجيها نورة بعض الاحيان...بس من تزوجت اللي الى الان ماهي متاكده بعد من اسمه...هل هو راكان ولا لا...؟؟...طرأ في بالها سؤال ..لفت عليه..

قالت بتنهيده وهي تشوفه يقرا في كتاب : لو سألتك بتجاوب..؟
هز راسه بالايجاب..
كملت وهي تناظر السقف : كيف عرفت عن عقدتي...اقصد عن الرجال يعني...؟؟

قال وعيونه للحينها عالكتاب : مرة كنتي تكلمين نورة و تكلمتي عن عقدتك و عرفت...

قالت وهي تناظره هذي المرة : طيب ليش تزوجتني....؟؟ كنت تقدرتمسك ابوي بتهمة تهريب المخدرات...؟؟ليش دخلتني بالسالفه...؟؟

ناظرها ...التقت عيونهم...مر حول دقيقه...ثم رجع عيونه للكتاب اللي بيده...
قالت بعوار : فك ذا الاحبال من يدي....يديني تعورني...و رجلي تخدرت

قالت بتنهيده : ااااه
غمضت عيونها و راحت في تفكيرها..الى وداها لطريــــق النوم....


ناظرها وهو ملاحظ انها نامت...تنهد وبصوت هامس : اااه بس لو تدرين يا بسمة وش اللي بقلبي...

وقف ..وقرب لها..بدء يفك الاحبال.. من يدينها و رجولها...اول مافك الحبل...تكورت على نفسها...اخذ غطاء خفيف على الكنبه..و غطاها فيه...ناظرها ببتسامه ..باسها على جبهتها.. ثم رجع قعد عالكنبه..



@
@
@


عـــــــــــند بـــــــــدور..


فتحت عيونها و قعدت على حيلها..وناظرت حولها و شافته يناظرها و قاعد على كرسي ...و عيونه السود الحاده تراقب تحركاتها...سحبت الغطاء لين ذقنها وعيونها بعيونه...كانت ترمش وهي تحس براسها صداع قوي...فجاة تدفقت الذكريات لعقلها...تذكرت وش صار امس..وفتحت عيونها على الاخر...معقوله كل هذا بدر مني...انا حضنت السبب في مشاكلي كلها...


بدت الافكار تاخذها و تجيبها...ونارت لبسها و زادت صدمتها....كانت ملابسها مغيره..من بنطلون و بلوزة...الى بجامة سوداء وسيعة...و شعرها كان مفتوح ...ناظرته بصدمه...وشعرها كان محطوط على جنب و مغطي نص وجهها...



...ريـــان...


قعدت من النوم...من امس مو نايـــم ...والى الان وانا مواصل...كنت اراقبها...قعدت و سحبت الغطاء لين ذقنها...ملاك حتى بنومها...ناظرتها و عرفت انها تفكر باللي صار امس...لان فجاة توسعت عيونها و سرحت...دقيقة بالكثير وناظرت ملابسها ...ثم تركزت عيونها علي بصدمه..

شرحت لها السبب بمجالستي لها..و السبب بأني لم أنم الى الان : امس جتك حراره...بس مو انا اللي غيرت ملابسك ..خدامتي..

ناظرته وفجاة صار وجهها احمر قاني...و انسدحت و غطت نفسها بالغطاء ولا بان منها شيء..

انحرجت ازود ..وهي تسمع دوي ضحكته بالغرفه...

سمعت صوته ..ريان ببحه: انتظرك تحت ..10 دقايق و تكونين حاظره


ثم طلع...دقيقة و فتحت الغطاء و هي تناظر الغرفه الفخمه و الكبيره و الوسيعه ..وقفت وهي تناظر لبسها اللي امس على راس كرسي التسريحه..وقفت و تفقدت الغرفة...تذكرت كلامه..
(( انتظرك تحت ..10 دقايق و تكونين حاظره))..

تنهدت ..هي عارفه انها لو مانزلت الحين..بيسوي مصيبه...قعدت بلبسها البجامه الوسيعه السوداء..بما انها ساترة كل شي فيها..بس كيف شعرها و وجهها..شافت باب عل جنب...فتحته و شافت انه حمام... و فيه باب جنبه..فتحت الباب و شافت غرفة ملابس....قربت و بدت تشوف الدروج...درج ساعات ماركة..و رف فيه انواع و الوان النظارات الشمسيه...فتحت درج كان مسكر و كبير...و نظام الدرج سحب..سحبته و انصدمت من كوم الملابس..


بـــــــــدلات ..بجــــايم....بـــلايز...بنـــــاطيل....بـــشوت.. ..ثيــــاب..
بــــدل رســـمية...شمـــاغات...سكـــارفات...

انصـــدمت كل شيء ممكن انها تتخيل ان الرجل يلبسه ...موجود هنا..

سمعت صوته من وراها : ليش تـــأخرتي..؟؟

لفت بقوة ناحيته بخوف...فلف شعرها معه..كان شعرها طويل يوصل لتحت فخوذها و اسود لامع....ناظرته و هو واقف و مسند نفسه على جنب الباب...

لاحظت انه غير لبسه لبجامة كحلية غامقه بخطوط بيضاء رفيعة..كان شكله رهيب...حتى هي بنفسها من شافته فهت عليه...بس بسرعه لفت للدرج وهي تقول عشان مايبان احمرار وجهها اللي رجع..: لا و لا شــ ــيء ...بس اعـــجبـ ـتني الملابـ ـس..

كانت ترقع ..ومالاحظت ان صوتها كان يقطع..من الارتباك..

ابتسم ..وهو يسمعها تقطع بالكلام..قال عشان ما يحرجها..ببتسامه وهو يلف خارج : يالله الحقيني ابي اشوفك وراي...

اول ماشافته لف..سحبت واحد من الشماغات..و مشت وراه..مالف عليها وهي كانت وراه...لما كانت تمشي وراها..كانت تدخل شعرها تحت القميص من وراء..و لفت الشماغ على راسها ..مغطيه شعرها و وجهها..و مو باين منها غير عيونها ..



ماحب يلف عليها عشان مايحرجها...بس لما وصلوا لأخر الدرج ..لف عليها...و انصدم وهو يشوفها مغطيه وجهها و شعرها...متى امداها تلف الشماغ على راسها...


ناظرها و رفع حاجب...وقفت وهي تشوفه يناظر فيها..بلعت ريقها وهي تشوفه يرفع حاجب و ملامحها احتدت..بلعت ريقها اكثر من مرة..

ناظرها من فوق لتحت...وابتسم..حست بقلبها ينغزها..وراه شيء..بس لما شافته لف وكمل مشي..مشت وراه...وقف براس الطاوله..وانتظر لين قعدت بمكانها وكان على يساره..اول ماقعدت قعد...لاحظت عل تصرفه...راقي بأسلوبه...

ناظرت الاكل....(( اوووف اووف و ش ذا كله ))..كانت تقصد اكل..بس معقوله احد بيجي بعد...يعني تقريبا هذي السفره تكفي حول عشر اشخاص...اطباق كثير..و عند يدها 3 مشروبات وهو بالمثل..ناظرت بأستنكار...

لفت عليه مارضت تــاكل..جت بتتكلم بس سمعته يقاطعها : اكلي بالاول ثم تكلمي..

سكتت..ناظرت الاكل..ناظرتسلطه خضراء..قربت الصحن منها..بس تذكرت انها لازم اذا جت تاكل تنزل الشماغ..و بكذا طلع وجهها طلع..

سمعت صوته وعيونه بأكله : لو مافصختي ذا الشماغ الحين..بتشوفين شيء مايرضيك...

قالت وصوتها مهزوز : وش بتسوي...؟؟

لف عليها و ببتسامه جانبيه مصطنعه : بعد كل اللي سويته فيك...وماعرفتي وش ممكن اسوي...؟؟

عضت شفايفها عشان ماترد عليه...كانت عيونها تنذر بالهطول...و بدت تحمر...رفعت يدها لراسها و بدت تفك الشماغ..وطلعت شعرها من القميص...و حطت شعرها بالجانب اللي هو فيه..عشان مايشوف وجهها..
قربت صحن السلطه و بدت تاكل و شفايفها ترجف و دموعها بدت تنزل..وكل مانزلت دمعه مسحتها بسرعه..حست فيه يناظرها..بلعت ريقها...و شربت شوية مااء..تحاول تمسك نفسها...

هي تقدر تهرب...تقدر تقتل نفسها..تقدر و تقدر و تقدر....لكن الخوف كله مجتمع على ابوها...تخاف تهرب و يسوي شيء بأبوها..أبوها حيلة حيل نفسه....بس عارفة انها بهروبها الحين..زادت وجعه وجع...بس سلامته اهم منها...حست بيده تحت ذقنها...

لف وجهها ناحيته عشان تناظره..ماتوقع تبكي...حط كفه على خدها و مسح دموعها بأصبعه ..وهو يقول بحنان : وش فيك..؟

قالت وهي تشهق : وش تــبي مني....؟

قال ..ريان : مابي منك شيء..ابي اشياء...بس انتي اللي وش تبين..؟؟

قالت وهي تنزل راسها و دموعها زادت : ابي ارجع لبيتي لغرفتي لأبوي..ما ابي اقعد هنا...

قال لها ببتسامه : اذا تبين هذا كله مستعد اقدمه لك والحين..

ناظرته و غشاوة فرحه سكنتها : صــــدق..؟

ريــان : بس بشرط...

قالت بأندفاع : موافقه...بس وشو...؟؟؟

ريــــان..: أنــك.................




@
@
@



دمتم بود

خــيآآله

أنتــهى البـارت الحادي عشر