مجموع الأوسمة: 13

البـــــــــارت الثـــالث عشــر
13 - رحل بدون عودة..


==================
==================





فــي بـــيت أم فــــراس..



قاعده على اللاب توب حقها ...تتصفح في الانترنت
و تفر في المنتديات...سمعت دق الباب رفعت راسها..

وشافت الخدامه تقول لها غداء عشان تنزل...
نزلت وهي نازله شافت فراس قاعد يمين امه على الطاوله...كان للحينه زعلان منها...ماكلمها و لا قال كلمه من رجعوا من المزرعه..وامهم لاحظت و اسالته ..وجاوبها بجمله وحده

فراس ببرود : بس بعلمها درس عشان ماتعيده..


قعدت قدام فراس.اما عناد فكان طالع مشوار من الصبح مع فيصل..وبدوا يأكلون..رفعت عيونها لفراس....شافته يأكل ولا معطيها اي اهتمام...تنهدت بخفيف...هي ماتعرف تعتذر ولا تدري شتقول....ولو تكلمت كبرت السالفه...طرت في بالها فكره..بس اكيد بيرضى عليها...



عــــلى وقـــت المغـــــــرب...

دخل فراس و قال لأمه كلام بأنها ثم خرج..


استغربت وهي تشوف امها متوتره في المطبخ..مو شيء جديد يصير عندهم عزيمه...بس امهم اول مره تتوتر كذا....سألت امها وقالت ماتعرفينهم...


هي بنفسها توترت...راحت بتسأل فراس ..وسمعت محادثته و رجعت...اهـــــا اجل اللي بيجون عمانها...عمانها اللي من مات ابوها و اخوهم.. سوا مشاكل و قضايا و ماخلوا شيء ماسوه ..كل هذا عشان الورث اللي تركه ابوها كله لهم...ماخلوهم الا بعد ماتاكدوا انهم مايقدرون يسوون شيء...


تنهدت بعصبيه...تكرهم كره العمى...من يومها صغيره و الحقد و الكره عليهم يتجدد ..وكل ماقالت ان مامنهم فايده...نهرها فراس بغضب...مع انه اكثر واحد تعذب منهم..بس هو مايكرهم ولا يحبوهم..بس تذكر شخص دايم يتكلم عنه ..اول المسمى صديقة الصدوق...اسمـــه قرناس....غريب اسمه....بس اللي تعرفه انه اسم بدوي بحت....بس ماحبت تتذكر عنه اشياء كثيره بس بتسال فراس عنه...



كانت قاعده بغرفتها و سمعت صراخ و عرفت انه من المجلس...اكيد عمانها جايين عشان المشاكل...نزلت بسرعه ...و راحت من وراء مجلس الرجال عشان تعرف وش السالفه..فتحت النافذه المجلس بشويش و سمعت الصوت بوضوح...


سمعت عمها صالح يقول بصراخ : لا ترفع صوتك بالعاق...انا عمك

قال فراس وهو يضبط اعصابه : اعذرني ياعم...ماقصدي....بس وش اللي تقوله...اللي تقوله ما يدخل الرأس ...تبين اغصب اختي على الزواج..؟؟


حطت يدها على فمها تمنع شهقتها...

سمعت عمها الثاني مسفر : ليه لا يكون مالك كلمه عليها...؟؟

ناظره فراس بغضب ولا رد عليه...ماوده يتكلم عنهم وهم بمجلسه ..
جاء بيتكلم عناد بس ناظره فراس يعني اسكت..كان وده لو يقوم يكفخهم بس ساكت عشان فراس ..

تكلم عمها صالح اللي ولده قرناس : احنا نبي نصلح المشاكل...ونبي اختك لولدي...ولا بها شيء...

قال قرناس بغضب وهو يناظر ابوه : يبه....لا تحكم من كيفك...

العم صالح ابو قرناس : اعقب و اخس..لا تكلموا الشيبان تسكتتون انتوا...


فراس بهدوء : انا بسألها بس ان مارضت ماهو بصاير ذا الزواج لو على قص رقبتي...

العم مسفر : والله ان ماصار ذا الزواج ... غير تصير مشاكل..ماظن ودك بها..

عناد بكتم لغضبه : تعوذ من الشيطان يا عم

تسللت اريام و طلعت بسرعه صاعده لفوق...سكرت على نفسها باب الغرفه...قعدت عالارض منصدمه....هي عارفه انهم ماهم مخلينهم بحالهم....وخاصه حلف عمها ...بكت بخوف.. هي تفدى امها و فراس و عناد بروحها...ومافيها شيء اذا ضحت لهم...هي متاكده انه بيجي يسألها...بس لو رفضت لانها هي ماتبيه...بتصير مشاكل ماصارت ولا استوت..


رجفت وقعدت فوق السرير....بدت الافكار تاخذها و توديها ....وجفت دموعها...بعد ساعه بالكثير سمعت صوت دق الباب...وقفت بسرعه و فتحته...كان فراس ....دخل وهي سكرت الباب وراها...كان يبتسم لها ومعاه باقة ورد حمراء....كانت هي حاطتها في غرفته وكاتبه على الكرت ....اعذرني طلبتك...

كانت تعرف ان اخوها يحب و يموت بشيء اسمه ورد و خاصه اللون الاحمر لونه المفضل....قعد عالسرير وقال ببتسامه يخفي تعبه : تعرفيني ...!


ابتسمت و لاحظت تعبه : اكيد مو انت دنيتي كيف ما اعرف..
ربت عالسرير جنبه : تعالي جنبي...

قعدت جنبه وناظرته...سمعته يقول وهو يتأملها : كبرتي يا ريامي
ماتكلمت ..كمل بحنيه : اسمعني زين...اليوم جاني لك خطاب...تعرفين ولد عمي قرناس...صديقي...و ولد عمي...خطبك مني اليوم...و انا اقولك ماراح يصير شيء بدون موافقتك..استخيري و بعد يومين بسألك و اشوف جوابك...اوكيه..؟؟و كانك تبين رايي تراه رجال ينشد فيه الظهر

هزت راسها بالايجاب ..وقف و باسها على راسها وطلع..


نزلت دموعها اول ما طلع ..يعني وش تسوي ...توافق و تسلم روحها لناس ماايعرفون الرحمه...ولا تقعد في بيتها و تنتظر المشاكل...




_______________________
_______________________

عــــــــند بسمــة....



صار لها ساعه قاعده فوق السرير...مو مصدقه اللي صار...معقوله خلاص خلصت احزانها...معقوله خلاص بتعيش بسعاده مثل القصص السعيده...تنتهي احزانها و تعيش بهنى و سعاده...وقفت جنب السرير وهي تناظر الغرفه الكبيره و الفخمه..غرفة بناتيه بألوان الوردي و البنفسجي و الابيض...و داخل عليها اللون الرصاصي...وقفت تأملت الغرفه..و شافت بابين ...باب مكتوب عليها بالانجليزي ملابس cloth ...وباب مكتوب عليه بالانجليزي حمام bath ...فجأة انفتح الباب ...ناظرت بقلق جهت الباب..شافت وحده الخدم...ناظرتها الخدامه و ابتسمت...


الخدامه بالفرنسي ببتسامه : صباح الخير انستي..

بسمه ببتسامه : صباح النور ..ما أسمك عزيزتي ..؟؟

الخدامه بود : اسمي لوسي....اريد ان اسألك ماذا تريدين عالافطار...فالسيدة ألزابيث تنتظرك عالفطور...؟؟

ارتبكت وبلعت ريقها ..ولاحظت عليها لوسي وقالت : انسه بسمه..ان السيده كانت تبكي ليلا و نهارا كلما تذكرتك...و كانت دائما تنظر لصورك و تذرف الكثير من الدموع..لذلك لا تقلقي..

ابتسمت بسمه وقالت : انتظريني سأنزل معك الأن..



لبست عالسريع...فستان وردي فاتح لين نص الساق..و نص كم...و رفعت شعرها ذيل حصان...و نزلت مع الخدامه...نزلت وهي توها تتأمل البيت...نزلت مع الخدامه لين وصلتها الخدامه لطاوله الفطور...شافت ها و اطباق شهيه و مشروبات فرش...اول ماجت وقفت امها و ابتسمت لها ابتسامه عريضه..وهي تقول بالفرنسي بنعومه : صباح الخير جميلتي..


ارتبكت و قالت برتباك باين بالفرنسي :صباح النور...

اشرت لها امها على الكرسي اللي جنبها ..يعني اقعدي هنا..قربت وقعدت جنب امها...تنهدت و بدت تأكل لما شافت امها تأكل..تحس بالرسميه مع انها مع امها...جاء في بالها سؤال ..ألتفت لأمها وقالت بسرعه بالفرنسيه : لماذا تركتيني..؟؟

التفتت لها امها ثم ناظرت اكلها...حطت الملعقه وقالت وهي تذكر وعيونها سرحت : عندما اخذت ابيك كنت صغيره جدا...لم اكن صاحبة معلومات..لكني اخذت ابيك عن حب...و قد احببته..لكن عندما كبرت احسست بالملل من الحياه مع ابيك...و كنت قد تعرفت على رجل غني جدا بعكس وضع ابيك الذي كان متوسط الحال ماديا...لم اكن افكر بأبيك ابدا..فكبرت و اصبح دائما بالعمل..وانا كنت اربيك..وعندما طلبت الطلاق ..تزوجت بالرجل الغني...بعد كم سنه كان قد اودع الحياة...و كما ترين...كل ماله تحول لي...اما ابيك فعلمت انه مات بعد 3 سنوات من انجابك...هذا يعني بعد طلاقنا بسنه...



لفت لبسمه ومسحت على شعرها و قالت بحنان : لم استطع تركك..ولكن لم يسمحوا لي بالخروج من الدوله بسبب بعض الاوراق التي لم انهيها...علمت انهم يبحثون عن عمك..الذي كان يهرب مخدرات بداخل السعوديه بكميات تجاريه...و قد وصلتني معلومات كبيره عندما بحثت وكنت سأسلمها لهم مقابل ان يأتوا بك..و هاقد احضرك المسمى راكان....وهذه هي القصه..

قالت بسمه وهي تعقد حواجبها ..يعني امها بريئه..قالت ببتسامه عريضه لأول مره تبتسمها ..بالفرنسي : المهم اننا معنا الان..

ضمتها امها بقوة وهي بعد...ذرفوا الدموع ..أخيرا النهايه السعيده جت بحياة بسمه..




========================
========================



عــــــــند بـــــدور..


قعدت من النــــوم و تتثاوب..فتحت عيونها بسرعه وهي تذكر ان ريان موجود...ناظرت السرير انصدمت وهي تشوفه فاضي..ناظرت جهت الشماعه ثوبه مو موجود..الجاكيت حقه الفرو الاسود موجود هناك عالكرسي..اما جزمته و الكاب و كل شيء يخصه مو موجود...بس فيه ورقه صغيره جنب راسها عالكمدينه.....سحبتها بسرعه وقرتها..

(( اذا فضيتي اليوم العصر حبيبتي ...شرفيني بمزرعتي...))

وحاط العنوان بأخر الورقه..ناظرت العنوان ..عرفته..هذا المكان منعزل بطريقه صحراويه حقت مزارع...بس هي ناويه تروح له...لانها معروفه بشيء فيها...اذا بدت شغله لازم تنهيها على طريقتها...


بس ماقدرت لان وحده من صديقاتها جاتها...حست انها بتقعد للعشاء...ارسلت مسج لريان (( اعذرني ماقدرت اجي ...جاني ضيوف...))

جاها رده (( عاذرك ..بس ما للهوى عندي عذر ))

مافهمت رسالته ...بس عرفت انه تفهمها....


الســــــــــــاعه 6 المغرب...


راحت رفيقتها قبل ساعه ...

و بعد ماكلمت ابوها وقالت له بروح لوحده من رفيقاتي...بالمستشفى و يمكن ارجع بعد ساعتين او 3..لاني بعدها بروح للسوق...وافق...خلت السواق يقطها بالمستشفى..و اول مانرلها هناك....دقت على سواق كانت تتعامل معاه اول اذا راح سواقهم اجازه...راحت معه ..الطريق كان طوويل..


وقفت وهي تشوف المزرعه الكبيره...والورود و الانوار على الطريق اللي يوصل للبوابه..بس استغربت وهي تسمع موسيقى وصوت عالي و صاخب و ضحكات...استغربت ..فتحت الباب حق المزرعه..دخلت وسكرت الباب...ابهرها الممر اللي مصمم بزخارف جميله وراقيه..مرت من الممر...ثم طلت على مساحه كبيره خضراء....فتحت عيونها بصدمه وهي تشوف اللي قدامها..



رجــــــال و نـــساء...اللي سكران منهم...واللي يرقص من حبيبته...و بنات في احضان رجال...و ضحك ...ومناظر تسد النفس...كانت لابسه عباتها و شيلتها و نقابها..اول ماشافت المنظر..ضمت العبايه عليها زياده..وهي تناظر المكان بخوف..


قالت وهي ترمش بصدمه ..بهمس : مستحيل تكون مزرعته...مو مزرعه ريان...

ومايمديها تكمل جملتها ..الا لمحته عينها..كان واقف جنب رجال يوزع الخمر على الناس...قاعد على كرسي و يشرب له كأس خمر..نزلت دموعها بحرقه على خدها و قلبها....بكت مو عليه ...بكت منه...لانها حست انها بدت تتعلق فيه....بكت وهي تحس ان كتله اللحم (( قلبها )) تتمزق...الحين فهمت..كان يبيها تجي العصر.و تروح..ولاتشوف اللي قاعده تشوفه الحين...


ماحست غير باللي سحبها من يدها..التفتت بخوف وهي تناظر الرجل اللي سكران و يبتسم لها و يتكلم كلام مو مفهوم...ناظرته اول ماجت بتبعد..سحب شيلتها فسحب نقابها مع الشيله بيده...ارتجفت...بدت ترجع وراء..بخوف و عيونها بدت تنزل انهار من الدموع ندمت انها جت...كانت تبي تفاجأه بس فاجأها بشيء صعقها....فواحش و كبائر تغضب ربي..موجوده بمكان هي جته بأرادتها ...كانت ترجع على وراء..مسك يدها الرجل..سحبتها بقوةمنه فتمشخت يدها كلها من كوعها الى الرسغ من فوق العبايه...حست جلدها تشلع....جت بتطلع بسرعه من المزرعه..بس انصدمت وهي تشوف شلة شباب متوجهين لها مو في وعيهم من الخمر...

سحبوها بقوة و بدوا يتلمسونها..بدت هي تبكي و ترجف...وماحست غير باللي سحب عباتها بقوة منها...هنا ماتحملت..بسرعه جرت وهي ماتشوف قدامها دخلت داخل الفيلا...وسكرت الباب وراها..سمعت صوت وراها خبيث و كريه : هلا بالمزه..


التفتت بخوف..وماحست فيه غير وهو قريب يبي يبوسها...انصدمت وبدت تصارخ و تحاول تدفعه.....ماحست الا بأحد يسحبها بقوة لين دخلها بغرفه وقفل الباب عليهم...بعدت عنه بسرعه وناظرته...نزلت دموعها بقوة وهي تشوفه و بدت تشهق...بعدت عنه بسرعه وهي تشهق بقوة..

جاء بيقرب منها صرخت فيه وهي تبعد منه لين اخر الغرفه : وخر عني...ما ابيك ..

ناظرها و تألم لحالها...سمعها تكمل بتقطيع بالكلا: ارسلت لي عشان اجيك..ماقدرت بسبب رفيقتي...وبس راحت قلت افاجئك و اجيك هنا ...استئذنت من ابوي و جيت هنا عشان وش اشوف ..؟؟ اشوف ناس حثاله و سفله يسوون الاشياء اللي محرمها ربي ...انت كيف تتجرأ..ماتخاف ربك...أنــ ــت يالحــثـ ـالـ....



انصدم وهو يشوفها ترتخي وقد هي بتطيح عالارض..قرب بسرعه ومسكها ..لف يدينه حوالينها...حطت يدها على راسها قالت بهمس ألم : رأسـ ـي..

شلها بشويش و طلع برا الغرفه و صعد للطابق اللي فوق ..محد يجيه لانه له..دخل غرفته و حطها عالسرير...عض شفته بحزن وهو يشوفها ترجف باين من الخوف..اللي شافته مو بسيط ..المشكله توها صغيره...اول ما نزلها عالسرير تكورت وهي تضغط على راسها..ناظر لبسها...لابسه بنطلون جنز ازرق على بلوزه مزخرفه ورديه...قرب منها وسمعها تقول بهمس : لا تروح ..تكفى خلك معي..

انسدح جنبها عالسرير..و لف يدينه حوالينها..وهي اسندت راسها على صدره ويدينها..قالت بخوف : ريــان وش ذا المكان...؟؟

ربت عليها بشويش و بهمس : اشششش

بدت دموعها تنزل و تأوهت لما ضغط على يدها...توه ينتبه للجرح..غمض عيونه بألم...جلدها متمزق بقوة ..حرك يدها صعودا و نزولا على ظهرها لين حس فيها ترتخي..بس مانامت..

قربت منه حيل..و دفنت وجهها بصدره..وهي تقول بهمس ورعشه مافارقتها : ريــان

ريان بهمس : نعم..

قربت منها و قالت بهمس عند اذنه : لا تـــتركني...!!

ضمها له بقوة وهو يهمس : ماني تركك الا بموتــي!!



انتظرها لين نامت بس كانت للحينها ترتعش من الخوف..وقف و جاب الاسعافات الاوليه..بدء يطهر جرحها وهي نايمه..لف عليه الشاش...ورجع مكانه..حضنها له...وهو متندم انها شافت كل الاشياء السيئه منه بيوم واحد..ماكان وده كل هذا يصير...بس ما باليد حيله ..ناظرها و ابتسم بألم...لو يقدر يحميها حتى من نفسها...لو يقدر يهرب فيها عن الناس...لو يقدر يعرف هو وش يعني لها....لو يقدر يسكنها....اااه تنهد وهو يحس انها شيء دخل حياته بالغلط...بس بتظل رمز اساسي في قاموسه...




===============
===============


عـــــــند غـــزلان...


قاعده فوق السرير و ضامه الدبوب حقها...
تفكر في الفارس اللي كان يلحقها على الخيل...ماقدرت تلمح منه غير طرف ثوبه...تنهدت بحالمية...لو تعرف من بس...
استبعدت يكون هادي او فراس...لأن شخصياتهم هاديه..و رزينه بحكم انه متربين مع بعض....امممم اما فيصل ما اظن ..وسلطان و محمد اخواني ما اظن...تنهدت بخيبة امل لو تقدر تعرف من ..؟؟؟



انسدحت عالسرير و بدت مخيلتها تشتغل...تتزوج باللي سجب منها الشال..و في ليلة عرسها يعترف لها انه الفارس...تنهدت بسعااده..وقفت بسرعه و اتجهت لمكتبها بزاوية الغرفه ..اخذت ورقه و قلم و بدت تكتب كم بيت طرأ ببالها...




=================
=================


عـــــند مــــــــلاك...


كانت تناظر في الصندوق و ناثره الاغراض حواليه...
ورده لو شدت عليها تسكرت و تنتفت من قدمها...
ولاعه مغبره..
و الرساله المهتريه اللي تفكر متى تهدييها لها....




تنهدت بسعاده اخيرا رجع...تدري انه ماراحيكون زوجها ..هذا احتمال...واحتمال يحب وحده ثانيه...شلون بيدري عن حبها وهي منطويه على حبها...محد يدري غير البنات...وطبعا ماهي من شيم البنت الاصيله انها تتكلم من ولد ماهو محرم لها...


تنهدت بأسى ماتقدر تغير شيء...




==============================
==============================








دمتم بود

خــيآآليه = fancy

أنتــهى البـارت الثالث عشر