مجموع الأوسمة: 13

البـــــــــارت الرابع عشــر...
14- خطف ام كشف أكاذيب..



============================
============================
============================






عـــــــــــند بـــــــــدور...


تنهدت وهي مغمضه عيونها براحه...حست بملمس غريب تحت يدها...دافي و يتنفس...هذي ماهي مخدتها...فتحت عيونها و انصدمت انها بحضنه وهو لاف يدينه حواليها..حست بشعور غريب...و تحس بقلبها يدق بقوة و نبضاته تتسارع...

جت بتتحرك...بس تحرك هو بكسل..وضمها زياده لصدره..وهو يقول بكسل و خمول : اوووش خليك...

ارتجفت وقالت وهي تشوف الساعه 4 الفجر و بخوف : بطلع بروح بيتي..اخاف يدخل علينا احد...كافي اللي شفته امس ......!!


حست فيه وهو يحني راسه لها ويقول بحنان نادر ..وجبهته ملاصقه لجبهتها..وعيونها بعيونه ..بهمس : أنسي بدور...توك صغيرة أنسي احسن لك...و أنا أســــف عشان كل اللي شفتيه أمس....


لأول مرة يعتذر لأحد ..بس هي تستاهل ..ماكان وده بس تعني له اشياء كثيره....هو متأكد أنها بتكون نقطة تحول في حياته..
حس فيها ترجف..وهي تقول بتقطيع : لـ ـيه تـ سـوي كـ ـذا..؟؟

أبتسم بحنية وقال وهو يمسح على راسها و ظهرها بيدينه : أوووش مو وقته الحــين...!!

سكتت وهي تحس بالأمان بحضنه..غمضت عيونها وهي تسمعه يهمهم بلحن غريب بس ناعم بصوته ..وهو يمسح على شعرها..قالت بهمس وهي لازم تروح لأبوها : لازم أروح لأبوي..أكيد الحين خايف علي....؟؟

ريان بهدوء وهو مسند ذقنه على راسها : انا راسلته من تليفونك وقلت له انك بتنامين عند رفيقتك..ومنتي راده الا بكره بالليل يعني اليوم بالليل...

بدور بصدمة : كلمته صدق!!!

هز راسه بالايجاب..قالت بصدمة وهي ماهي مستوعبة : كيف عرفت الرقم السري لتليفوني...؟؟

قال ببتسامه وهو يناظر عيونها : جربت اسمك بالعربي و الانجليزي ودخل ..وهذي كل السالفه...

جت بتتكلم بس حط اصبعه على شفايفها وهو يقول بهدوء : اسكتي ممكن...!!

ناظرت فيه و هزت راسها بالايجاب..غمضت عيونها وهي تحس فيه يشدها له أكثر...ارخت راسها على صدره وهي تحس بشعور يتملكها لا صارت قريبه منه...قلبها ما تقدر تتحكم بدقاته...تنفست براحه و استرخت بحركتها...


حس فيها تسترخي بحضنه ..ابتسم و هو يحس بأحساس مايقدر يوصفه...يحس انه يملكها..و بعض الاحيان يحس انها هي اللي تملكه كله...يحس بشعور داخله انها واجب على عاتقه..

غمض عيونه و تنفس براحه و هو يحس فيها تسند راسها على صدره...و تغط بالنوم




================
================



عـــــــــند أريــــام..


: موافـــــقة


فراس ببتسامه فرح : متأكده من قرارك...؟؟

اصطنعت الخجل وهذا كله لأجل عايلتها المتبقية لها : أيه..

وقفت بسرعه و راحت داخل لغرفتها مدعية الخجل و السحاء..
دخلت بغرفتها و سكرت الباب و قفلته عشان تتأكد محد بيدخل عليها...قعدت عالارض و سندت ظهرها على السرير...بكت بحرقه...دايم كانت تفكر انها بتتزوج شخص يحبها او تحبه...او حتى تكون اخته صديقتها..بس الحال الحين غير..


هي تتزوج واحد تكره قبيلته بكبرها...تكره عائلته..لأنهم طمعانين فيها ...او بالاصح مو فيها... طمعانين بحلالها..بكت بحرقه..ماودها بذا الزواج ابد ابد..بس حكم القوي عالضعيف..هي مالها غير اخوانها و امها...و هي تخاف ترفض بس حتى لو اخوانها رجاجيل..يمكن يصيرر قاتل و مقتول..


تنهدت بحرقه...يارب تمشي على خير...

ارسلت لقروب الواتس حقها هي و شلتها اللي هم
هند..ملاك..غزلان..سدن..أريام..ريتا..

أرسلت وهي عارفة انهم بيجون
(( عندي مشكله اجتمعوا عندي اليوم...مشكله ماهي سهله ))



الــــمغــرب...

دقت الباب و وقفت اريام و فتحت الباب دخل ملاك و معها اغراض بطاطس و عصيرات و كاكاويات..قالت بجديه : شفت رسالتك وجيت...

تنهدت اريام وقالت ببتسامه : وش له كل هالاغراض..

قالت ملاك بمزح : بدونها ماتحلى السوالف هههههههه

اريام بضحكه : اي والله هههههههههه

اندق الباب قالت ملاك : يوه نسيت ريتا بالسياره..تقول شوفي اذا انفتح الباب لان مالي خلق انزل بالرطوبه

فتحت الباب و لا ريتا داخله وهي تقول بهدوئها المعتاد :سلملم..( سلام )

اريام : هلا والله و عليكم السلام ..

بعد عشر دقايق بالكثير اجتمعوا الشله بغرفة اريام..وكل وحده جايبه معها شيء...اللي جايبه عصيرات و بيرات...و اللي جايبه كيسين كاكاويات...واللي جايبه ورق عنب...المهم السفره اللي كانت بغرفة اريام كبيره..و كلهم ملتفين حواليها..


قالت هند بجديه : وش السالفه خوفتيني برسالتك...عسى ماشر

قالت ملاك ببتسامه : قريت رسالتك جيتك صاروخ و ش السالفه..


بلعت ريقها وقالت بحزن : انا بتزوج..

ريتا فاتحه عيونها : و زعلانه

هند تكش عليها : مالت عليك احسب وراك شيء..

اريام بسرعه : لا انتوا مو فاهمين السالفه..تدرون من اللي خاطبني...


سكتوا كلهم وهم يشوفون وجهها مايبشر بخير.تكلمت هند.: من
...؟؟

قالت وهي تداري دمعتها : ولد عمي صالح ...قرناس..

شهقوا وهم منصدمين...كملت بحرقه : اكره عماني فكيف بولدهم.....هم مايبوني لسواد وجهي..يبون حلالي..يحسبون بكتب كل شيء بأسم ولدهم...قال ايش قال جايين نحل المشاكل...بس هم قالوا والله لو ماوافقت ان تصير مشاكل...بس ماعندي عايله غير اخواني و امي...بس وش اسوي وش الحل..؟؟


سكتوا كلهم و ما ان انتهت من كلامها كانوا كلهم يذرفون الدموع..قالت ريتا وهي تمسح دموعها : ماهو وقت الدموع ..خلونا نفكر بحل لذي المشكله..

بدوا يفكرون ..شوي نقزت هند وقالت بحماس : لقيتتها ..!!

اريام بفرحه : بشريني...

هند و هي تقول : مو انتي تقولين انك اذا رفضتي راح تصير مشاكل...طيب واذا رفض هو...؟؟

قالت ملاك تكمل عنها :راح ينتهي الزواج..

قاطعتهم اريام : هو شكله مايبي بعد يعني اهله جابرينه..دوروا حل ثاني..

قالت ريتا وهي تكمل على خطة هند : طيب تزوجيه وكملي كل شيء بالراحه...ثم طفريه بحركات الملعنه..عاد انتي خبره..!!

لفت عليها اريام وبحيرة : تهقين..؟؟

لفت عليها سدن : ايه والله وهي صادقه..

ملاك ببتسامه : معها حق ريتا ...طفشيه بحركات يكرهها..العني خيره ...خليه يعيف الزواج و اصوله..

ابتسمت غزلان وقالت بضحكه : والله ان احنا ملاعين..

البنات : ههههههههههههههههههههههههه

اريام بقلق : واذا ما نجحت الخطه..؟؟

هند بثقه : بتنجح اسأليني ليه,,؟؟...لأن الرجال يكره البنت الرفله....يحب البنت اللي تهتم فيه و تدلعه وكذا...وانتي اعكسي الجمله اللي قبل شوي...تصير لا تعطينه وجه...و ابد ولا كأنه موجود..ولا تطبخين ...يعني الزبده نفسي نفسي...فهمتي..!!

غزلان تناظر هند و بقلق مصطنع : الله يعين زوجك عليك...


البنات بضحك على نظره غزلان : ههههههههههههههههه





كملوا سوالف يخططون على المسكين...وهم مادروا هو وش مخبي لها من اسرار...



================
================



عـــــــند بســــــــمة ...

كانت تتفحص الكتب بحكم انها تحب القراءة في غرفتها...سمعت صوت بالحمام ...استغربت هي متاكده مافيه احد غيرها...شوي سمعت صوت من غرفة الملابس..ناظرت بخوف الحمام و غرفة الملابس اللي جنب بعض..هي متاكده فيه احد...لمحت بالمراية الجانبيه رجل شخص تحت الكنبه...غزا قلبها الخوف...رجعت على وراء...وجمدت وهي تحس انها صدمت بشخص وراها...لفت وراها بسرعه وماحست غير بـ بخاخ على وجهها...حاولت تفتح عيونها بس مافيه امل ...


و غطست بظــــــــــلام دامس...



_______________________


فتحت عيونها وهي تحس بصداع...انصدمت وهي تشوف انها مربوطه بكرسي بيدينها و رجلينها...حاولت تتحرك..انتبهت لرجل حارس لابس اسود بأسود و مصوب عليها مسدس...انصدمت و جمدت بمكانها وش السالفه....؟؟

وشوي دخل رجل الشيب مغطي لحيته الخفيفة...ناظرها و ابتسم بخبث...تكلم بالفرنسي : واخيرا مدموزيل ريانا..

انصدمت دققت فيه ماتعرفه ابد...بس كيف عرف اسمها الفرنسي..هي عندها جنسيه فرنسيه و بطايق لانها عاشت سنتين بفرنسا وذيك السنين كانوا يجنسون كل الناس اللي يعيشون اكثر من سنة ياخذون الجنسية الفرنسية...


ناظرت الرجل وتكلمت بالفرنسي وهي تشوفه يوقف قدامها ويديه بمخابيه : من انت ..؟؟ومااذا تريد مني...؟؟


قرب منها رجل ومعه جهاز زي الريموت طوووويل .. قال دامسي ببتسامه الرجل اللي فيه الشيب : اسمي دامسي...واعمل بمجال كبير...ولديك شيء اريد اخذه منك...وان كان به موتك...!!


قرب الرجل اللي ماسك الجهاز الطويل...وصار يمشي فيه على بطنها ...انصدمت وهي تشوف شريحة مغطاه بكيس....بشاشة الجهاز

تكلم دامسي : ومثل ماترين ..انتي تحملين شريحة في معدتك فيها اكبر قدر من المعلومات عن اكبر تجار للمخدرات...و ان وقعت في يد احد الشرطيين ...سوف اكون بسرعه في السجن,,,لذلك اريدها...قبل ان يحدث اي شيء لم اتوقعه..


استغربت من ممكن يكون حط الشريحة في بطنها..تذكرت انها يوم كانت عند عمها اللي يقول انه ابوها...انه قال في دود في بطنها ولازم يسوي لها عمليه في بطنها...وهي ماكانت تحس بأس اعراض للألم...ولما سواها الدكتور لها...كانت تحس بطنها يمغصها بقوة كل ماكلت....اكيد زرع ذي الشريحة في بطنها ذاك الوقت....



قرب منها واحد من الحراس..و دز فيها الابره اللي بس حست فيها غمضت عيونها بسرعه وهي تحس راسها يدور...



_______________________

فتحت عيونها وهي تحس بطنها يعورها بالحيل...لاحظت انها بغرفة صغيره و على جنب عدة سكاكين حاده...وهي فوق الطاولة منسدحه..لاحظت الدم اللي على الطاوله بحافتها...و العدة كلها دم وخاصه سكين حاد كبير...حست بطنها يعورها اكثر...حطت يدها على بطنها و شافت كله دم...جرحها كان مفتوح...وهم اخذوا الشريحة اكيد..وماخيطوا الجرح...لزقوه بكم لزاق و بشاش......




حاولت توقف او تقعد..بس مافيه امل...تحس جسمها كله يعورها ..تعبت من المحاولات اليائسه...ارخت جسمها ويدها على بطنها تضغطها على مكان الجرح ...غمضت عيونها بأرهاق و تعب...فتحتها ولاحظت ان الباب مقفل لان الرجل اللي وراء الباب يدف الباب بقوة عشان يكسر القفل...غمضت عيونها و هي تلمح اخر وجه توقعته....

وطاحت بسبات عمــــيق....







==========================
==========================



عــــــــــند أريــــــــــام ..


الـــــــيوم ملكــــتها...


كانت فيها نشوه و تحدي و هي تلبس فستانها حق ملكتها...بعد التخطيط القوي و تقريبا حول عشرين خطه مجهزينها عشان يطفشونه و يطلقها...كانت تحس بسعاده....متأكده انه بس من اول خمس خطط بيطفش و يطلقها...


لان الرجل على قولت هند...انه يحب البنت اللي تهتم فيه و تدللله...بس هين ...شكل الاخ قرناس مايعرف من هي اريام...



لبست فستانها ...اللي كان فستان كحلي ساده سترتج و من فوق كت...بس هي حاسبه حسابها بتحط شال ذهبي مطرز بكحلي...كان فستانها نااعم بالحيل...وهذا اللي مخلي لها هالة خاصه فيها...و مكياجها حطته بعد بالبيت الا شعرها...اللي كان طويل و لادرت وش تسوي فيه تسريحه....مكياجها كان رسمة عين و عادت على حواجبها و بلشر و كريم اساس و روج احمر صارخ...مطلعه ملكة لا ابتسمت مع اسنانها البيض....شعرها اللي كان يوصل لأخر ظهرها استشورتها ستريت يعني ناعم بس حوافها يعني من الاخير ويفي..



صايره ملكة جمال مع ان لبسها ناعم بالحيل...بس مع جسمها اللي ممتلئ بأمكان و نحيف من أماكن...كانت أيه من الجمال...خصرها النحيف و طولها اللي يجذب و بياضها الملفت...كانت تطالع نفسها بالمرايه...وتحاول تذكر كيف شكل قرناس....يأست لأنه كان معطيها جنبه ولاقدرت تشوف الا لحيته...




ماتدري بس كاننت متاكده انه سحت...او بالمعنى المختصر ...شييين....انتبهت من تفكيرها..على رنت تليفونها الايفون....شافت الاسم (( ملــك ))


كانت تسمي ملاك ملك ...لانها تحب ذا الاسم...ردت

وسمعت جمله وحده من ملاك المستعجله : يالله انزلي

سكرت منها و ناظرت نفسها للمره الاخيره...مسكت عطر فرزاتشي...و تعطرت منه مغرقة نفسها فيه...ثم نزلت...

اول مانزلت ابتسمت وهي تشوف شلتها اللي يبتسمون لها بفرح و من داخل بحزن...لأنها العضو الرئيسي بشلتهم...السنه اللي طافت..كانوا كلهم يقولون ان ذا السنه ماراح تمر الا و هند متزوجه و هند قالت ماظن ..الا انا اقول اللي بتتزوج ذا السنه مادري بس احساس انها اريام..


وسبحان الله صار كلامها صدق ...بس هذا زواج مو برغبتها..تنهدت بسعاده اقل شيء بتنفصل عنه بأقرب وقت....

بدوا البنات يباركون لها...و ابتسمت و خنقتها العبره وهي تشوف ريتا تبكي...على الساعه 9 بالليل...كانت خلاص مملكة عليه..

هي تدري انهم عمامها ماعندهم حركات الشوفة و زي كذا و ما اهتمت...اللي عرفته من فراس ...ان عمانها كلهم راحوا ..و مابقى غير عريس الغفله و عناد و عيال صديق ابوهم (( سلطان و فيصل و هادي و محمد و حمد ))

و قرناس ..استغربت اسمه بس ماتدري حست انه اسم يميل للبداوة وهي عشقها القنص و سوالف القصيد و الشعر..و تحب البر...مع ان اللي يشوفها يقول دلوعة و كيوت ولا تحب توسخ يدها و لا تعرف تشتغل...بس العكس صحيح...كانت اسنع وحده من بنات شلتهم من بعد هند اكيد...مافيه اكله ماتعرفها وتحب تهتم في نفسها...


المهم ماعلينا..سمعت فراس يقولها بضحكه وهم بالمطبخ..: اسمعي روحي لمقلط العائلي و تلاقين مفتاح فوق المكتبة جيبيه ..

هزت راسها بالايجاب ...راحت مكان ماقال...دخلت راسها اول تشوف اذا فيه احد ولالا...ماشافت احد...دخلت و هي تناظر الغرفة كيف مرتبة ...وريحة عطر رجالي قوي منتشر..عجبتها الريحة...ابتسمت وهي تقول بصوت ناعم : اللور..


وصلت لين الطاولة اللي قال عنها فراس...دورت في السله مافيه مفتااح...

شهقت بقوة ولفت وهي تسمع الباب يتسكر بقوة...ناظرت الرجل الغريب بصدمة ..و اول ماشافته تذكرت الرجل اللي يتسمى زوجها عرفته من بنية جسمه .....ناظرته بصدمة و هو يقفل الباب بالمفتاح..

قال و نظراته تنطق بالاعجاب..و ابتسامه هادية على فمه : مرحبا والله بزوجتي الجميلة..

قرب منها بخطواته قالت بسرعه و هي ترجف و تحس قلبها ينتفض ماتوقعت تشوف اليوم : لا تقرب..

ضحك ضحكة بسيطة حتى ما ارتفع فمه وقال هو يرفع حاجبه ببتسامه : اسف بس هذا مو مكتوب بالعقد ...اممم و اظن شرطك بالعقد كان تعيشين مع اهلي ....اممم شرط غريب بس تحملي نتيجة شرطك..


سكتت مافهمت وش يقصد ..عقدت حواجبها بمعنى مافهمت..كمل ببتسامه : بتعرفين بعدين ...بس الحين خلينا باللي احنا فيه..


ارتجفت وهي تشوف عيونه ترجع لنظرات الاعجاب و هو يقرب عندها....وقفت بمكانها ماقدرت تتحرك...وهي تحس قلبها طاح ببطنها..و تنفسها صار سريع..

كان يدور حواليها و عيونه تتأمل تفاصيل جسمها الجميل..وغير ملامحها الجذابه اللي ابهرته من زمن...وقف وراها بالضبط

قرناس وهو يسحب الشال بشويش من كتوفها و يهمس : ماتغيرتي ريامـــي..!!

ارتجفت و لاحظ عليها ..طاح الشال عالارض و قال وهو يحط يدينه على كتوفها و بهمس بأذنها وهو ملاحظ رجفتها والقصيده من عنده :


والله اني مفارق شعر الغزل
بس من شفتك وأنا ببحره غريق

كامل الأوصاف والحسن اكتمل
كملك ربي وخصك بالخليق

من كحل عينك عيوني تكتحل
وان تناظر بي يجي بعيني بريق

القمر وان شاهدك غاب وأفل
يستحي في محجر عيونك يويق

صورك ربي سبحانه وجل
تاج زين الكون بك وحدك يليق


وسلامتك...

ارتجفت بقوة من شعره الصريح و العلني ..هي تفهم بالشعر و كثير و حتى درسته كماده لها..لفت عليه و ابتعدت خطوة و وجهها احمر قاني...قالت ببتسامة ناعمة و هي قاصده التحدي وهي متذكره قصيده تناسب قصيدته:



أنا يعجبني الرجل الأصيل الشهم عالـي الشـان
عزيز النفس كسب الطيب عـاده مـا يخليهـا


وأحب اللي بوقت اللازمه يصهل صهيل حصـان
وتعجبنـي رجاجـيـلٍ بعـيـداتٍ هقاويـهـا


وأحب اللي ليا منه عـلا فـي جـوه الدخـان
يوردها حيـاض المـوت روحـه مـا يداريهـا


وسلامتك...



ناظرها بأعجاب اكثر وعيونه في لمعه غريبة ...اخيرا لقى اللي توازيه بعقله و حتى بتفكيره...قال وهو يصفق بأعجاب : روعة كلك على بعضك فوق الخيال...!!

رفع اصبعه الابهام و كمل : فيري قود ريامي...!!


ناظرته ببتسامه بسيطه على اسلوبه...و هي ناوية بداخلها تطفشه..قالت وهي ناوية تروح و تخليه مع نفسه : عن اذنك..

عطته ظهرها ومشت كم خطوة و ماحست غير بيده ساحبتها من معصمها له...لأفت عليه و ناظرت يديهم و ناظرته وهي تحس برجفة من مسكته بس بينت البرود له...

قال ببتسامه وهو يأشر بعيونه جهت كيس اسود : انتظي ماعطتيك هديتك..


وقف و كتفت يدينها و مبينه الملل..: وش عندك..؟؟


ترك يدها و راح للكيس فتحه و طلع صندوق احمر ...قرب منها و و معه الصندوق حط العلبه على الطاوله و طلع سلسلة بس ذربة من الذهبو هي اسواره وفيها حبات لؤلؤ و فيه حرفين ((A&Q))..ناظرت السواره...راقية بالحيل...


قالت تبي تقهره و ببتسامه سخريه : OMG ..شنو هذا..سوري خذها انا ما البس اشياء رخيصه..خذها..

قال ببتسامه و هو متاكد انها داريه انه ذهب : ادري رخيصه ..بس مجرد هدية بسيطه بمناسبة بداية الزواج..!!


قالت لا أراديا بعصبيه : اي زواج....ترا مو بأرداتي...

ناظرها بصدمه : كيف يعني مو بأرادتك...؟؟

قالت بغضب : سمعتكم ذاك اليوم بالمجلس..عماني السعداء و المفروض سندي بذي الدنيا.. مهددين اهلي اني اذا ما وافقت بتصير مشاكل...وانت اظن تذكر ايام موت ابوي...نشبوا بحلق فراس عشان يعطيهم الورث كله..!!!


ناظرها بصدمه مو انفعالها و انفجارها المفاجىء له...ثم كمل بعد ما استوعب الامر الموضوع قال وهو يقرب منها بالحيل و ينزل راسه لمستوى راسها ...حط يدينه وراء ظهره وقال وهو يناظر عيونها و النظرات النارية من عيونه السود الذباحة ..و بهمس : مو مهم كل هذا...أهم شيء الحين انك لي وحدي....

بعد عنها و وقف بأستقامه وهو يقول ببتسامه هاديه : مضطر اروح الحين...اخوك فراس ياله ياله خلاني اشوفك...

ناظرته ولا ردت....قال ببتسامه مجامله مبين عليها مجامله : تقدر تروح...عطته ظهرها ومشت للباب..راح بسرعه ..وقفت وهي تشوف واقف قدامها ...جت بتتكلم غمضت عيونها بقوة وهي تشوفه يقرب فجأة..باسها على خدها بقوة وهمس بأذنها : مابي اشوف الامبالاة بعيونك..


ثم طلع...وهي قلبها شوف و ينفجر من كثر الدق..قالت بسرعه وهي تحاول تاخذ نفس من كثر دق قلبها...تبي تهدي نفسها قبل تطلع للبنات...تذكرت شكله و كلامه و هدوئه بالكلام..وبسمته..

تذكرت بسرعه الخطط..هي ناويه تطفشه وبس...


طلعت للبنات اللي مسكوها تعليقات ..ومافكوها الا بعد ماعرفوا كل شيء...

وكل وحده كنت تقول ..معليش منه بس يتودد لك...



ومانامت الا بعد ما غزا تفكيرها وسهرها و حرمها النوم..



=================================
=================================





دمتم بود

خــيآآله = fancy

أنتــهى البـارت الرابع عـــشر