مجموع الأوسمة: 13

البـــــــــــارت الخامس عــشر
15- جــزء من الــألام



================
================






عــــــــــند أريـــــام...


قعدت من النوم وهي تسمع تليفونها يدق بألحاح...سحبته وردت وهي تقول بهمهمه وهي متعوده دايم ملاك تصجها عشان تقوم تسولف معها..قالت وفيها نووم بقوة : همممم

سمعت صوت رجولي مبحوح : أريــــام..؟؟

ماكانت منتبه للي يتكلم : هممممم

ابتسم و كتم ضحكته ..نايمه يا اريام ..شوي و سمع تنفسها المنتظم...ابتسم وغمض عيونه وهو يحس بالشعور اللي طول ذي السنين يتملكه الحين....

سكر منها وهو مبتسم ....



====================
====================



عــــــــــــــند بــــــدور


فزت بسرعه خايفه ...ناظرت ريان اللي كان يقومها ..واخترع من قومتها المفاجأه...


قامت وهي تناظره ..ثم غمضت عيونها ودموعها بدت تنزل....حطت يدها على صدرها مخترعه.


استغرب من قومتها وهي خايفه...قرب منها بسرعه وهو يشوف دموعها...ضمها لصدره وهو يمسح على شعرها بخوف و حنان ...وكأنه خوف يشبه من وجد اخيرا نصفه الاخر..: اووش وش فيك بدور...؟؟...حبيبتي وش فيك...؟؟؟خلاص سمي بالرحمن..


بدور بهمس وهي متمسكه بتيشيرت ريان : بسم الله الرحمن الرحيم...


بعد كم دقيقة ...قال بهمس حاني : الحمدالله سهالات ..بس حلم...يالله امشي جهزت لك الفطور....


ناظرته بستغراب و خشمها و خدودها حمر ..وكان شكلها بريئه و مغري بنفس الوقت...ناظرها قرب منها بسرعه و باسها على خشمها وقال : وش هالنظره...؟؟

سكتت منحرجة منه للحين ماتعودت عليه : احم انت اللي مجهزه..؟؟

قال ببتسامه : ايه شغل ايدي ...يالله قومي معي....غسلي وجهك انتظرك برا..



طلع وهي وقفت داخله للحمام (( وانتوا بكرامه ))


فكرت فيه...وهي تغسل وجهها بالحمام..

فجأة دخل حياتها و ترك أثار بنفسها كثيره....يعني هي كانت ناويه تجبره يطلقها لأن مافيه معنى من زواجهم ابد...بس الحين ودها لو يظل عندها..و بنفس الوقت ودها يطلع من حياتها لان زواجها ماهو زي العالم و الناس...وابوها لو عرف ..بيرتفع الضغط عنده و يمكن يموت الله يطول بعمره..تنهدت بأسى ..مافيه احد تقدر تشكي له..ماعندها خوات...و لا حتى خوان..


طلعت من الحمام وشافت ريان ينتظرها عند الباب..ناظرها..ثم لمحت بعيونه نظره غامضه مافهمتها...قرب منها و قال بهمس وهو يحضنها : وش فيــك متضايقة...؟؟


ماتحملت بس حاولت تكتم دموعها و ماقدرت وهي تحس فيه قريب منها ...قالت بصوت مخنوق وهي تحاول تكتم دموعها : مادري من شنو..!!

قال وهو يبعد عنها ويناظر في وجهها يتفحص فيه..اخيرا قال : اسمعي بما اني فاضي اليوم ..و ابوك مانتي راجعه له الا فالليل..بطلعك اليوم و أمشيك بطريقتي....موافقة...؟؟

ناظرت فيه ثم قالت وهي تحس انها ودها تطلع بعد من الضيقة : مــوافقه..




بعــــــد ساعــــــه...


قالت وهي تحس فيها حماس و مرح و فرح : ونااااسهه ..اول مره اروح لمدينة الترفيهية..و استااننس...مشكووووورر عالطلعه هذي...ييي وناااسه ...احلى شيء قطار الموت...!!

ضحك عليها وهو يشوف حماستها اللي باينه بزياده..كان لابس بلوزة و بنطلون و لابس نظارات ..اما بدور فكانت لابسه عبايتها و شيلتها و تحتها بلوزة و بنطلون...كانوا رايحين للمدينة الترفيهيه..و قص لها التذاكر ...ومحد كان يلعب غيرها...


قال وهم يركبون السياره للسواق : يالله محمد روح صالة التزلج..


قالت بعدم تصديق : من جد ..؟؟ صدق تبينا نروح لصالة التزلج...؟؟ الوقت الحين الساعه 1 بالليل..يعني اكيد مسكره..


هز راسه بالنفي و هو مستمتع بالروحه معها اليوم : هي المفروض مسكره..بس لاني اعرف راعي صالة التزلج ...بيفتحها لي الحين...


بدور نهز راسها بالايجاب و بحماس مافارقها : اهاا...بس..انت تعرف تتزلج ..لان انا اول ماحط رجلي عالثلج عارفة نفسي بطيح على وجهي ...ههههههههههه

ريان بضحكه عليها : هههههههه لا تخافين اعرف اتزلج و بعلمك...



وصلوا وهي كانت متحمسه بالحيل....بس خافت لان الصاله مافيها احد غيرهم...لبسوا الشوزات حقت التزلج..دخل اول شيء ريان..وبدء يتزلج..يمشي بسرعه و مره بخفيف ...

قالت له بدور وهي منقهره : هيي لا تقعد تهايط علي..تعال ساعدني..صرت كأني مفك تونه بس الف و انا ماسكة الحاجز..

ضحك وهو يتقدم منها..مسك بسرعه ..وهي قالت بصرخه : بطيح..

قال وهو ميت ضحك عليه...: اسمعي استرخي وخليني انا احركك..

قالت بدور وهي بتبكي لانها تحس انها بتطيح على وجهها : لا بتطيحني..

قال ببتسامه ساحره زادت وسامته : ثقي فيني..

قالت تبعد يده و تمسك الحاجز : لا..

قال وهو معقد حواجبه ويناظرها وعيونها بعيونه : ماتثقين فيني..؟؟

ناظرت فيه..و بسرعه فكت الحاجز وضمته بقوة...ابتسم على حركتها و غمض عيونه يتنهد...مسك يدينها و ثبتها بقة بمكانها..قال بهدوء و ابتسامه : انا بتحرك و انتي تحركي على خطواتي...وامشي معي ..اوكيه..

هزت راسها بالايجاب..وقفها مكانها وهو مو ماسك يدينها..ناظرته بخوف..و بحركة سريعة منه سحب شيلتها و طاحح شعرها الطويل حواليها..حطه زي السكارف على رقبتها وقال ببتسامه : كذا احسن...

مسك يدينها وبدء يمشي وهي تمشي معه..فجأة تركها وبدت هي تمشي بشويش لين حست انها تعودت على المشي بروحها..

كان ريان يمشي موازي لها..و انتبه انها بتطيح..لان العباية ناشبة في الشوز...قرب منها بسرعه ومسكها لانها كانت بتطيح على وجهها زي ماكانت خايفة...مسكها بسرعه من خصرها يوقفها..لفت تناظره مستغربه..

قال وهو يناظر عيونها القريبه منه : كنتي بتطيحين.....!!

بعدت عنه بسرعه لانها حست انها بدت تغرق بشذى عيونه...: اها...احم يالله خلنا نروح..

ريــان.وهو ماسك يديها : يالله مشينا


بعد ربع ساعه ...ابتسم وهو يناظرها وهي جنبه بالسياره..كان هو اللي يسوق وهي قعدت جنبه و نامت من التعب...وقف قدام بيتها..نزل لجهتها ..مايبي يقومها..شالها بشويش عشان ماتقوم...

وصل لين غرفته و سدحها عالسرير فصخ عباتها و شيلتها و جوتيها..وغطاها زين..



==================
==================


عـــــــند راكــــــــان...


ناظرها بقهر من زجاج غرفة العناية المركزة...كان كاتم المرارة بداخله..البنت اللي حس انه كان عايش طول ذي السنين عشانها...البنت اللي رجع لها ..انصدم لما عرف ان تاجر المخدرات دامسي اللي يحاولون يقبضون عليه خاطفها....


وكانت صدمته الكبرى لما كسر الباب عليها وشافها مغطاه بالدم من حوالي بطنها..


وبأقصى سرعة وداها على المشفى...وكانت الشعره اللي قسمت ظهر البعير..الحين هي بغيبوبة بسبب عمها اللي عرف انه مات بسبب انسداد الشرايين عنده من الدهون..بس وش ذنبها هي ..بغيبوبة مايدري متى بتصحى منها..وان صحت بتكون فاقده الذاكره او فيها شلل...امها من درت وهي تبكي و تصيح عند باب الغرفة..منصدمه توها شافت بنتها و يصير كذا....


ماتوقع بيوم انه اذا حب بيصير كذا فيه..تنهد بألم و نزلت دمعة حرقت خده..على حالها




==============================
==============================



دمتم بود

خــيآآله = fancy

أنتــهى البـارت الخامس عشر