مجموع الأوسمة: 13

البــــــــــارت السادسـ عــشر..
16- رحلـــت و لــكن..!


============================
============================


مــــــــــــــــــلاك..!


قاعدة على الطاولة تقرأ لها كتاب ...ملت من نفس الروتين..الحين هي كلية ودايمن نفس الروتين ماتغير...تروح الكليه و ترجع تتغدى ثم تنام لها ساعه ثم تقوم تقعد شوي مع نفسها تلعب بالاب او تكتب خاطرة لان هذي هوايتها ومن ثم اما تروح لأريام او تقعد على جوالها...


شافت ابوها داخل...راحت له وسلمت على راسه :هلا والله يالغالي

ابوها ببتسامه : هلا بك زود وشلونك وكيف دراستك..؟؟

ملاك ببتسامه وهي ماكسة يد اوبها وتقودده للكنبة وقعدوا: الحمدلله كل شيء تمام التمام...اممممم يبه ابي اطلب منك طلب..

ضحك ابوها : كنت حاس...تميلحين عندي من اول...يالله قولي وان قدرت عليه نفذته..

ملاك بسرعه : لا انشاء الله تقدر عليه..بس يبه مليت من نفس روتين الكليه ارجع انام اكل وعلى ذا الحال...يبه خلنا نستأجر شالية عالبحر بما ان احنا صيف ...ممكن..؟

ناظرها وقال بجديه :فكره موب شينه خلاص بكم فراس و ابو محمد...و اشوفهم يمكن عندهم اشغال ولا شيء..

باسته على راسه بفرحه : تسلم يالغالي ماتقصر..الله يطول بعمرك..




=======================
=======================


بــــــــــــــدور...


قعدت من النوم وهي تحس جسمها متكسر من لعب امس و المدينة الترفيهية....ناظرت الغرفة مافيه احد..وقفت وهي تروح لغرفة التبديل لان لبسها مضايقها...دخلت وهي تتثاوب..ناظرت الملابس..اختارت لها بجامة بنطلون واسع و طويل باللون الوردي الباهت ... و بلوزه لين المرفق ( الكوع ) باللون الرصاصي... ناظرت نفسها و ابتسمت بكسل..غسلت وجهها و لبست طوق و نزلت تشوف وين ريان...



نزلت الدرج و هي تناديه : ريــان ..رياان وينك..؟؟

بس محد رد استغربت ..فرت البيت كله مافيه احد..رجعت وقعدت في غرفتها ..بدور بتفكير : وين راح معقوله للشغل ..بس اليوم جمعة


انتبهت لورقة وهي تلف الغرفة بعيونها ..كانت فوق التسريحة ..فتحتها وشافت رقم و مكتوب تحت (( دقي عليه وخليه يوصلك لأبوك ...ريـــان ))

انجرحت من داخل ..ماتدري بس حست قلبها ينحرق بداخلها..وكأنها كانت مجرد لعب عنده...قضى شوية وقت معها ثم خلاص...مانه فاضي لها..شقت الورقة بقوة من القهر اللي فيها..قالت بداخلها : هين بس خله يقول تعالي ولا انا انتظرك ..والله ماروح معه الغبي...


نزلت بعد مالبست عباتها وشيلتها ولا راحت مع سواقة راحت مع سواقها وكانت الساعه 8 الصبح...


سألها أبوها وقالت له انها ترجتها تقعد زياده وان انا قلت مايصير اطول...بس ابوها ماكان يهتم كثير بالاعذار واثق من بنته...!!



================
================



راكــــــــــــان..



كان ماسك يدها و يكلمها وكأنها تسمعه : شلونك اليوم ..صحيح وجهك اصفر بس هم شيء انك عشتي...ماتحملت اني افقدك...لو صار لك شيء بكون انا السبب و بتعذب على اني شايل همك الحين..واتمنى تقومين اليوم قبل بكره...وماودي تقومين عشان ادري ماني قادر اشوفك مرة...
بقولك كلمة يا بسمة حياتي..يا بسمة قلبي و روحي..

وقف و قرب من اذنها وهمس بكل حب يحس فيه اتجاهها : أحـــــبك... أكثر من نفســي و حيـــاتي....
روحـــي فدوتك بــس أرجعــي لا تخلينــي ...مو عارف كيف أكمل بـــــدونك!!!


باسها على جبهتها البارده ثم طلع..وهو ياخذ نفس يداري روحه..

قعد عالكراسي وهو يحط راسه بين يدينه...لو قامت بيكون فيها شلل في رجلها اليمين و يدها اليمين يعني نصف جسدها مشلول...و الخيار الثاني وهو الاحسن نسبيا..انها بتكون فاقده الذاكره نهائيا...غمض عيونه وهو يقيم حياتها...من ولدت حظها زفت و حياتها قست عليها ماخلتها تعيش زي ماتبي...





----------------------------------
----------------------------------



عـــــند قـــــرناس ..


ماسك دفتره اللي ما فارقه من عرف حب حياته..كتب قصيد طرت له وهو يذكر اخر مره شافها فيها في ملكتهم...بياضها و حركاتها هذا غير شعرها اللي صار مهوس فيه من النظرة الاولى..خصرها قصة ثانيه...


من نص ساعه كان مكلم فراس وقال له عن سالفة الشاليهات و انهم بيطلعون و الشباب كلهم يبونه معهم ..هو اصلا كان ناوي يعزم نفسه بس زين جت من فراس ..لأنه مشتاق لشوفتها...




====================
====================


غــــــــزلان


تتمشى بالبيت وتشوف الحوسة اللي صايرة بالبيت ..الخدامة تنظف و تمسح و الثانية ترتب..وامها من الساعه 9 الصبح وهي بالمطبخ تسوي حلويات..مرت من جنبها هند الل تعاون امها مسرعه للفوق تبي تجيب البخور ..مرت سدن مسكتها بسرعه قبل تروح كل ماجات تسأل احد ماقدرت لانه مستعجل..

غزلان بترجي : سدون تكفين وش فيه ..ليه ذا الحوسة..
سدن بترقيع : اسألي امي مالي دخل..

رحت بس غزلان قالت بصوت عالي عشان تسمعها : وش مالك دخل فيه...؟؟

قالت بستغراب و حيره : وش فيهم ذولا..اسال امي تقول بس تكشخي....و هند ماترد بس نظراتها غريبه ..اما سدن تقول اسالي امي..ياربي وش السالفه..


ما اهتمت بس كان شاغلها ذا الموضوع الكثير...لبست و تكشخت لبست تنورة ضيقه و مخصرة و توسع من تحت الركبه لونها تيفني...وبلوزه بيضاء بفيونكه تيفني من عند الخصر من وراء كان شكلها يجنن و نعوم...

نزلت و استغربت اكثر وهي تشوف ام هادي ماهي اول مره تجي..نزلت معها هند اما سدن من قبل نازلة...


استغربت اكثر وهي تشوف ملاك ترفع لها حواجبها..ابتسمت لها وهي حاسه في مصيبه الكل يدري عنها الا هي...


سلمت على ام هادي وهي تحس نظراتها غريبه ...ياربي وش فيهم الناس اليوم.....


ما اهتمت ..خلصت الجلسة على خير بس هي كان للحين في بالها نظرات البنات و ام هادي...رمت نفسها على سريرها وهي تعبانه...و اول ماحست عينها بتغفى و زي كل مرة يطري في بالها ذاك الفارس...


سمعت دق و فزت بسرعه فتحت الباب لأمها وهي متغربة امها ليش موجودة...



==============================
==============================


بــــــــــــــسمة ...


كنت أحس بشخص يتكلم معي...و الأكيد كان رجال..بس ماكنت قادره اقوم او حتى احرك اطراف اصابعي...


فتحت عيوني و شفت الدنيا ظلام و ماحسيت غير بيد ماسكه يدي...


---------------------------------------


راكـــــــــــان ...



كنت اسولف معها مثل العاده و انا عقلي يثبت انها ماهي قايمه و قلبي يقول بتقوم و تسمعك...انصدمت وانا احس بعيونها تفتحها و تناظر في الفراغ..استغربت بس بنفس الوقت حسيت نفسي بموت من الفرحه...

سمعت همسها اللي اشتقت له : راكــان..!!!

وقفت و انا اقرب منها بفرحه : بســـمة...تسمعيني ...


قالت بنفس الهمس : راكان اسمعك بس ولع الليت ( الضوء ) عشان اقدر اشوفــــــــــــــك!!!!

ناظرها بصدمه و ابتسامته بهتت ..وهو يناظر حواليه ...ابتعد عنها ...و اختفت ابتسمته و حلت مكانها ابتسامة رجى ان اللي سمعه منها خطأ...لــــــأن الضوء مولع و الغرفة منورة....







=================================
=================================





دمتم بود

خــيآآله = fancy

أنتــهى البـارت السادس عـــشر