شبكة همس الشوق - عرض مشاركة واحدة

24 - 7 - 2021, 08:36 PM

تابع البارت العاشر خلهم ينفعونك دامهم يعجبونك
اليوم تضحك شفاتك بكره تبكي عيونك

صرت منهم وفيهم صرت خاتم بإيديهم
بعت قلبك عليهم ليتهم يشترونك

كنت غاية مناتي وكل فكري وذاتي
كنت ماخذ حياتي قبل ما ياخذونك

يا حبيبي يا عمري ما ينفعك غير حبي
ما يفهمك غير قلبي والناس مايفهمونك
روح لهم وش تبي بي قريب جرحي يطيبي

رحمة الله حبيبي ولا رحمه عيونك
عطيتك اصدق شجوني وارخصتني يا عيوني
ما دمت عايش بدوني بعيش عمري بدونكمو امصدقه انها تنزف لغير حبيبها الي توقعت من صغرها انها راح تكون له ..نزلت منها دمعت قهر على حظها

في الفندق

دخل معها وهو موحاس اباي فرحه وللحين كلام عبدالرحمن بباله

عبدالرحمن:لازم اتغير حياتك ..صرت مسؤل عن مره ..وبعد فتره بتكون مسؤل عن عيله ..توكل على الله وانه اخوك

عند جواهر بعدت عنه وراحت اجلست على الكنب وفسخت عبايتها
وبكل اسلوب امر طفولي:اسمع انت لازم اتعرف اني مجبوره عليك ومابيك ..

محمد ابتسم ابتسامه الم على حظه وتوجه لي غرفه النوم ووقفه صوتها الناعم:هي انت اسمعني انا يعانه

محمد التفت عليها وهو مستغرب من جرائتها الي يعرفه انه البنت في اول يوم لها بزواج تكون مستحيه لكن البنت الي جدامه مو ابين انها خجلانه

وبكل حده بصوته: اسمي محمد ..والعشى راح يوصل احين..وبلفعل اندق الباب
وراح امحمد واخذ منه الاكل ووضعه على طاوله
وهي على طول قربت من الاكل وكلت ابكل شهيه

محمد بستغراب ؟؟ماراح تبدلين ملابسج

جواهر الي توها متذكره انها ابفستانها :أي صح احين باروح ابدل..تحمل تتحرك خلك اهني

محمد ابتسم رغم حزنه على الياهل الي عنده

دخلت جواهر غرفه النوم وخذت لها شاور سريع ولبست لها برموده احمر لي نص فخذها مع تيشيرت حفره وفيه رسمت دباديب

وطلعت له وشعرها للحين مانشفته وبدون لاتلتفت عليه راحت طيران على الاكل ..واكلت ابشراهه

محمد حس روحه راح ينفجر من الضحك على لبسها واهم شي الدبدوبين الي في البيجامه واستغرب من لبسها توقع يجوفها بروب النوم

ارفعت جواهر راسها: أي انت نسيت اسمك..تعال تعشى

محمد:الي سرح في ويها شعرها الي صاير اسود وموج على خفيف ورموشها لطوال وعيونها الناعسه وبشرتها الي امبرزه تفاصيل جسمها كلها على بعضها قمر

جواهر:انت..اف ياربي اشفيك تعال تعشى

محمد الي انتبه لها: مابي

جواهر بسلوب طفولي:بس انت اكيد ماكليت شي

محمد:من قالج

جواهر وهي اتكمل اكلها:لاني انا بعد ماكليت اليوم

محمد الي ماقدر يمسك نفسه:ههههههه هههههههه

جواهر الي تنرفزت منه :انا ماقلت شي يضحك

محمد الي سفها ومشى بيدخل الغرفه

وقاطعه صوتها للمره الثالثه:لا احلف عاد بتخليني وبتروح اتنام ..تراني ماحب الدياي الي ينامون من وكت

محمد وهو يلتفت لها:باروح ابدل يام لسان

جواهر الي اتركت الاكل وقامت له ومدت شفايفها شبر:انا مو ام السان

محمد الي مستانس على سلوبها:الا ام السان ونص ودخل الغرفه وخذ له شاور ولبس برموده عاري الصدر

ومادره انه الطفله الي تركها بكت من قهرها منه

طلع لها وجافها متكوره على نفسها:قرب منها وهو مستغرب منها:جواهر ..جواهر

ارفعت له راسها وعيونها كلها ادموع ..ابتسم محمد عليها وقال:روحي كملي اكلج يا البزر

جواهر الي انزلت ادموعها من القهر:لو اهني حبيبي راشد جان ماتركني

محمد:الي تنرفز منها:هي انتي متزوجه الحين وحبيبج شيليه من بالج
ولا تراني اعرف انسيج ابطريقتي

جواهر الي مو متعوده على هل اسلوب:طيب لاتصارخ علي وانه قلت لك اني مجبوره عليك وانت لازم اطلقني

محمد:بس انا ماقلت باطلق

جواهر:ليش

محمد:كيفي

جواهر طيب لاتعصب ..وانتبهت لشي وشهقت

محمد بستخفاف اشفيج يا البزر؟؟

جواهر وهي اتغطي ويها:انت اشلون قاعد جدامي جذي عيب روح بدل

محمد :ههههههههههههه

جواهر وصلت حدها منه: ليش تضحك

محمد:الله يعيني عليج يا البزر

جواهر:انا مايصير اجوفك جذي..مايصير اجوف الا زوجي

محمد بصدمه؟؟:وانه شنوو

جواهر:انت محمد راح تطلقني وانه باتزوج راشد

محمد قرب منها وبكل عصبيه مسكها من كتفها وهزها بعنف:احين انا زوجك فاهمه..ولو يبتي طاري الزفت مره ثانيه راح تتغير معاملتي لج

جواهر الي تجمعت الدموع بعينها وبكل خوف:انا ماسويت شي ليش اتصارخ علي

محمد تنهد بضيق وبعد عنها لكنها مسكته بيدها الي حجمها صغير بنسبه لمحمد

ناضرته بعيونها وهي اجوف فرق المسافه مابينهم محمد طويل وعريض وهي صايره بيبي بنسبه له
:خلاص لاتعصب.. تعال نطالع الديفيدي انايبت افلام اكشن

محمد ماقدر الا انه يبتسم عليها وهي اتركته وراحت اتيب السيديات

جواهر:محمد يالله تعال

محمد:ابي فلم رعب عندج

جواهر:أي عندي..كل شي وركبت السيدي وراحت ركيض للغرفه استغرب منها وماعلق وهو يحس انه البزر الي عنده راح اتفاجئه
ابحركاتها..

ودخلت عليه وفي يدها غطاء لشخصين وضبطت المكان واجلست في الارض ورفعت راسها: اوووو نسيت اطفي الضوء

محمد:قعدي راح اطفيه

جواهر ببتسامه اجذبت امحمد:شكرا

محمد رد لها ببتسامه

وسكر الضوء وجلس ابقربها وتغطى

ابتدى الفلم وجواهر من الخوف الصقت بمحمد وخبت راسها بكتفه

محمد وهو يرفع راسه:اشفيج

جواهر:قول حق هاي الغبي لايذبحها اهي تحبه

محمد ابتسم على اهبالها:انزين باقوله يالله بتجوفين ولا بسكره

جواهر:انت جذاب اشلون بقوله

محمد:انا ماجذب

جواهر:عيل اشلون

محمد:تابعي الفلم وراح تعرفين

جواهر:وهي على نفس وضعها :طيب
وبعد مده تابعت جواهر الفلم مع محمد

ومن الخوف ضمت محمد ونامت على صدره
وهومامنعها وضمها اهو اثاني ونام

.............................................