مجموع الأوسمة: 13

البارت الحادي عشر


*****************
مشتاقلك ميت عليك وينه بعد عمري ابيه

باحكي له عن كل الي صار عن غيبته ليل ونهار

وبلهفتي بحضن ايديه وينه بعد عمري ابيه

الساعه 10 في ليل

.........:خالتي جسار من سافر صار له شهر وماتصل انا خايفه ..يكون فيه شي

ام جسار وهي تهديها:أي حبيبتي عادي.. جسار دايما في سفراته يسكر تلفونه

نسرين:اهو قال لي شهر واحين مر يومين على الشهر وهو ماوصل

ام جسار: عادي ياحبيبتي روحي عند نور احين ..يمكن اهو يبي يسويها مفاجئه لنا

نسرين وهي مو مطمنه :انشاء الله

عند نور

نسرين:نور تكفين قوليلي ماعنده رقم خارجي ..ابي اتطمن عليه صار له شهر وهو ماطمنه عليه

نور:لا والله مادري..وتراج دورتي راسي لي هل درجه ميته عليه..انا ومي متعودين على سفراته

نسرين الي قارصها قلبها من هل سفره ونزلت ادموعها ومسحتهم

صار لها شهر من سافر جسار وهي كل يوم اتنام مع نور وتحاول تتصل عليه وتطمن..لكن كل ماتتصل الرقم يكون مقفول..اتحس نفسها تعلقت فيه وتبي يبدون ابصفحه يديده تكون لهم

نور:نسرين حبيبتي هدي يمكن اهو يبي يسويها مفاجئه

نسرين وهي مومطمنه:أي يصير ..عن اذنج حبيبتي باروح انام

نور:لحظه تعالي..ماراح اتنامين معاي

نسرين:ادري عذبتج شهر وانه في غرفتج..خلاص باروح غرفتي

نور:والله انطلعتي ازعل منج..انا بعد تعبانه وابي انام طفي الضوء عشان مايزعجك ويالله ننام تراني حدي تعبانه

نسرين الي بالها مشغول ومو فاضيه لنقاش سكرت الضوء ونامت مع نور

بعد مرور ثلاث ساعات
دخل وهو مضايق مو امصدق انه جافها..قالوله انها توفت في الحادث وانه تم دفنها وهو مالحق يجوفها

لكن الي جافها جدامه (منال)يقدر ينسى كل البشر الا اهي
يحس روحه مو مستوعب ليش اطلعت له اهو بدى يتعود على نسرين ..ليش يوم حاول ينساها ويبتدي حياه يديده اضهرت
وموقادر يشيل الذكرى الي صار في السفره

........:اوووه انت ماتحاسب بغيت اطيح

جسار:مسامحه اختي ..ورفع راسه صـــــــــــــــــــــدمه

لا مستحيل وبكل همس صدر منه: مــــــــــنال

طالعته البنت بنضره استفهام وبعدت عنه

بدون شعور منه لحقها وعرف مكان سكنها وهو موقادر يصدق انه البنت الي كان يعشق اترابها ضهرت له بعد 5 اسنين ويوم تزوج وبدى يتعود على زوجته اضهرت في حياته

دخل جناحه بكل هدوء وهو تعبان نفسيا اكثر من جسديا
دورها وماجافها على السرير..وهو موحاب يجوفها

صارت افكاره متشتته ..بين انه يرجع حبه القديم منال
اوانه يبتدي صفحه يديده مع نسرين

بعد كل هل افكار عن باله وحاول ينام ومن كثر تفكيره ضغط على راسه حس ابصداع راح اخذ له حبه بندول والحمدالله ريحته ونام وهو يفكر في الثنتين وموعارف من يختار

................................................

حب من طرف واحد لابد يذبل))"
.........:يبه الله يخليك مابي اتزوج

.........:بس انتي وافقتي قبل يابنتي

شيخه بصراخ :واحين غيرت رايي طلعو عني مابي اجوف احد

ابو شيخه الي عصب من بنته:راح تتزوجينه وقبن عليج فاهمه
وطلع عنها وخلاها منهاره كليا
ونامت وهي تبجي من قهرها اهلها عودوها من يوم اهي اصغيره انه ماينرد لها طلب ..وفي الخيار الوحيد الي اهي لازم تختاره اختاروه اهلها عنها

بعد فتره اقعدت من النوم وراحت اخذت لها شاور يهدي اعصابها ولبست لها بنطلون اسكني مع تيشيرت ورتدت عبايتها واول مره من ارجعت من كندا فكر تطلع

وطلعت مع السايق بدون لاتخبر اهلها وهي تحس نفسها بدون روح وطلبت من السواق يوديها مدرستها مع مرام وبعدها راحت ابقرب المقبره من ابعيد :وهي تتمنى لو اتطلعها من قبرها وضمها
موسهل انك تفقد شخص عزيز عليك بيوم وليله

السايق:مدام وين يبي روحي

شيخه:ودني بيت مرام

السايق:بيت افرند؟؟

اكتفت بهز راسها

قربت من بيت مرام الفخم والي امبين على مركزهم العالي ونزلت من السياره وقربت من البيت وبكت بحرقه على رفيجتها



عند بطلنا قاعد عند قبر اخته وبكل حزن وعيونه حمر من البكي:سامحيني ياالغاليه ماحافظت على الامانه ..ماحافظت على امانه ابوي ..سامحيني ياغلاي

وبعد مده توجه لبيته وهو مستغرب من السياره الي واقفه عند البيت

وقف سيارته ابقرب السياره وجاف بنت عند باب بيتهم وهو نفسيته مو متقبله أي احد

:اختي بغيتي شي

ارفعت شيخه راسها وجافت خالد وبعدت عنه بخوف ورجفه

خالد انصدم من وجودها ومن ويها المحمر وباين عليه التعب ولرهاق
بعدت شيخه وراحت بتركب السياره لكنه مسكها من يدها وبك جفاف وكره:مابي اجوفج عند بيتي فاهمه

شيخه ودموعها نازله على خدها:انا مويايه عشانك

خالد وهو اعصابه تلفانه صرخ عليها:قلت مابي اجوفج فاهمه

شيخه بحزن:لاتخاف هذي اخر مره اجوفني فيها

خالد انقبض قلبه من كلامها وبين عدم الاهتمام

:خلصيني اشتبين

شيخه:ممكن اتخليني ادخل غرفه مرام

خالد الي تفاجئ من طلبها وبكل حزن:لا موممكن

شيخه بكل حزن:صدقني هذي اخر مره اجوفني فيها..تكفه خلني ادخل غرفتها

خالد الي عطاها ضهره وهي امسكت يده:تكفه خالد ابي ادخل غرفتها الله يخليك واوعدك انك ماتجوفني
خالد بكل جفاف :لحقيني

دخلت شيخه البيت الي كانت متعوده انه يكون ابقمه الاناقه وروعه لكنه اتحس احين انه البيت بدون روح
الحقت خالد لي غرفه مرام وبتعدت عنه وتقدمت واول مادخلت جافت صورتها مع مرام امعلقه في الجدار لايام الثانويه وبكت ابحرقه وبكل صوت مبحوح وهي تكلم الصوره
:مرام تدرين انه ابوي يبي يزوجني انتي خليتيني وابوي راح يجبرني اتزوج ..مرام انا محتاجتج تكفين رجعي ..ابيج محتاجه لي اكثر من كل وكت مرام لاتخليني ..الكل تخلا عني حتى انتي رجعت وحيده ..ونهارت وجلست تبكي ابحرقه

عند خالد الي انصدم من مضهرها اول مره يجوفها منهاره تعود يجوفها المغروره المتكبره ..الجرئه ابكلامها ..جافها بنت لاتملك أي قوه قوتها منهاره..والي صدمه اكثر انه راح تكون لغيره

قرب منها ورفعها من الارض وهز اكتوفها:انتي خذتي اختي مني ..وماراح اسمح لبوج يخليج تاخذين غيري..راح اعيشج العذاب الي عذبتيني اياه ..نطري وربي لدفعج الثمن غالي

شيخه الي انصدمت من كلامه وصفعته:انت بشر انت ماتحس انت حجر ..انا اشدخلني ابموتها

خالد بكل استهزاء وعيونه فيها الدموع والم الكف موكثر الم قلبه:ابسبتج انتي ..يوم خطبتج من ابوج وانتي في كندا..اهي تركتج في الشقه ويات لي في الليل
وهي اتحاول اني اغير رايي..في الزواج منج لو انتي ماطلعتي في حياتنا جان احنا ابخير واختي احين ابقربي

شيخه الي انصدمت من الكلام الي تسمعه اهي ماعرفت انه اخو مرام الا في المستشفى..وحين اهو يتهمها انه اهي الي اذبحت اخته هذي فوق كل طاقتها

:حقير انت حقير..قلتها لك من قبل وبرد اعيدها

خالد الي عصب منها ومسكها من كتفها ابقوه ليدرجه انه شيخه اصرخت من الالم وهو قال لها:الحقير راح يعلمج قيمه نفسج قريب

ودفعها بقوه وطاحت على الارض

وهي صارت بقايا انثى محطمه المشاعر قامت من الارض وطلعت البيت وهي تتمنى انه ادموعها توقف

...............................


خل الزمن يدااوي الجروووح ..
اقعدت العنود قبل عبد الرحمن وخذت لها شاور..ونظفت البيت وعطرته وراحت اتسوي الفطور وبعدها اصعدت الجاناح وقربت من عبد الرحمن وهزته بخفه على كتفه:عبدالرحمن قوم لاتتاخر عن الشغل

عبدالرحمن الي لف جسمه للجهه الثانيه :بعدي عني ابي انام

العنود:راح تتاخر عن الشغل
عبدالرحمن:اف منج حنانه طلعي وسكي الباب

العنود الي انجرحت من كلامه وطلعت بكل هدوء وهي من داخلها اتحارب ادموعها

بعد مرور ساعتين (9ونص)

قام عبدالرحمن من النوم و جاف الوكت وتفتحت اعيونه على وسعها
ودخل الحمام واخذ شاور سريع ولبس بدلته العسكريه وطلع من الغرفه وهو معصب انها ماصحته للدوام

وبكل اصراخ:الـــــــــــــــــــــعنود

العنوود الي خافت من نبرت صوته وراحت له ابسرعه:نعـــــم

عبدالرحمن بكل عصبيه:ليش ماصحيتيني للدوام ولا تسوين روحج ماتدرين..بجد مره فاشله ..لادراسه ولاتعرفين لشغل البيت ولا حته واجباتج كزوجه..انا ماقدر استحمل الوضع معاج


العنود الي انجرحت جرح قوي ابحياتها ماحست نفسه..وفتحت فمها بتتكلم لكن

عبد الرحمن:اوووش ولا كلمه وربي راح اربيج..ماتصلحين في شي
راح اتزوج وخذ لي مره تشيلني ..والله اني من تزوجتج وماجفت يوم للراحه..وطلع عنها وخلاها تنصدم من كلامه وكلامه صعب على كل انثى وماتقدر تستحمله ونزلت ادمموعها ومسحتهم ابهدوء
لي هدرجه صار مايعد لها أي اهميه صار يجرحها
وهي الي تغيرت عشانه وغيرت حياتها عشان تنال رضاه هاي جزاها
اجلست على الكنبه تمسح ادموعها وتمسح دمعه وتنزل مكانها الف دمعه ..دمعه قهر..دمعه حزن..دمعه خوف..الي بسنها يمكن للحين ماتزوجو وهي احين عمرها19سنه يعني بعد توها شابه صغيره
ماتستاهل كل هل هموم وتعب الي يصيدها ..
................................................

قبلك قست دنياي .. " وانت تمون "
قعد محمد من النوم وهو مستغرب المكان الي اهو فيه وجاف البيبي نايمه بحضنه ابتسم عليها يحسها شقيه

حملها ووضعها على السرير وغطاها وراح يسكر التلفزيون الي من امس يشتغل

وخذ له شاور واتصل لمه وطمنها عليه وعلى زوجته
وياته مكالمه من رقم قريب ورد

محمد:الوووووو

:السلام عليكم اشلونك عمي ..الف مبروك على الزاج

محمد:هلا وغلا بحبيبتي..الله يبارك فيج ..ولو اني زعلان انج ماحظرتي

نسرين:سامحني ياعمي لكن جسار امسافر

محمد:معذوره حبيبتي

نسرين:شخبار العروسه انشاء الله مرتاح

محمد وهو يتنهد ويتصنع الفرحه:الحمدالله بالف خير

نسرين:تحمل بالعروسه ..وابي اجوفها في اقرب وكت

محمد:انشاء الله ..بس اليوم راح نسافر وانشاء الله بعد شهر راح نرجع

نسرين:ماشاء الله شهر

محمد:لو علي ماخليته شهر ..بس تدرين انتي بالوالده

نسرين:عمي الله يهداك مايصير جذي..لازم تتعود على زوجتك وتبدي حياه يديده..ترى البنت ماتستاهل

محمد بقلبه اثاريج مادريتي انها تحب ولد خالتها:أي انشاء الله

نسرين الي حست انها طولت عليه:اخليك تحمل ابنفسك والله يسعدكم انشاء الله

محمد:الله يسلمج حبيبتي وتحملي ابنفسج وايد

سكر منها ولف ويه بيروح يتجهز للسفر ولكن فاجئته البنت الي اصيح جدامه:من هذي الي قلت لها حبيبتي ..انت ليش جذي

محمد الي انصدم من وجودها ومبين عليها انها اسمعت نهايه المكالمه وحمد ربه الف مره على انها ماكانت تسمعه من بدايه المكالمه

جواهر:انت ليش ماتكلم ..مدامك تحبها ليش تزوجتني


محمد الي حب يلعب بعقلها:ومن قالج اني ماتزوجتها هذي زوجتي بعد ..وعندي طفل منها

جواهر الي انزلت ادموعها وقربت منه وضربته على صدره بيدها لصغيره:انت ليش اتحب اتعذبني ليش تفرح لدموعي اكرهك

محمد الي تضايق من كلامها ومسك ادينها: وفتح فمه بيتكلم لكنها بعدت يده ودخلت الغرفه وقفلت على نفسها وجلست تصيح

محمد:جواهر فتحي..خل افهمج

جواهر:مابي اسمع شي

محمد بصوت حاد واسلوب امر:قلت لج فتحي ولاتعانديني

جواهر افتحت الباب وهي خايفه منه ومن عصبيته ولصقت بطوفه ومسحت ادموعها بكف يدها

ابتسم محمد على البزر الي عنده وقرب منها وهي بعدت مسكها من خصرها وقربها له وبصوت حاد:لين قلت لج فتحي تفتحين..وماتمشين عني قبل ماكمل كلامي فاهمه

جواهربكل برائه امسكت ويهه:طيب بس لاتعصب

محمد الي تخدر منها ومن قربها وماتوقع اهنها تمسك ويهه
بعد عنها لكنها امسكت يده وبكل طفوله: محمد انا يعانه

محمد ببتسامه لطفلته:طيب

جواهر الي افرحت وكنه شاري لها الدنيا كلها قربت منه وباست خده:مشكور وبتعدت عنه وراحت الصاله

وخلت محمد امخدر من تصرفات هل طفله


!!!!!!!!!!!!!!!!!!!!!!!!!!!!!!!!!!!!!!!!!!!!!!

توقعاتكم

1جسار الي الحيره ذابحته من راح يختار ؟؟حب حياته الاول او راح يختار حياه يديده مع نسرين

2عبدالرحمن هل راح يتزوج على العنود؟؟


3خالد هل راح يقدر يتزوج شيخه؟؟

4محمد هل راح يطلق جواهر؟؟

لاتحرموني من تفاعلكم وارائكم