مجموع الأوسمة: 13

ملتفت صوبك لوعينك تهل دم
رد: حنيتك راحت لوين وشفيك ما تشتاق لي / بقلمي

البارت الثاني عشر





يا للأسف شوهت صورة
رسمتها لك في عيوني
كنت النظر ضيه ونوره
غالي وقدرك ما يهوني
ملكتك فؤادي وشعوره
كنت أحسبك ذخري وعوني
هان الهوا وذبلت زهوره
أقولها ودمعي هتوني
ما أنساك يا من شفت جوره
ابعد ولو زادت شجوني
قلب هواه ما ضيع شوره
مهما العواذل يعذلوني
حبك في قلبي انهد سوره
لا تظن ترجحلك وزوني
وعمري نسى فرحة زهوره
يا للأسف خابت ظنوني
وعقب الغلا شوهت صوره
رسمتها لك في عيوني


عند بطلتي اقعدت من النوم ..وغطت نور ورااحت جناحهاا..دخلت وتفاجئت من بروده االغرفه ..وهي متاكده اانها امسكره كل شي ,وصلت نصف الغرفه وجافته نايم ومثل عادته صدره عاري
ومو امغطي نفسه..حست روحها في حلم..صاار لهاا شهر كامل وهي تنتضره ..ويوم وصل ماعطاهاا أي خبر..قربت منه واخذت الغطى وغطته ..ومسحت على شعره الكثيف بكل حنيه وقربت اكثر وبجرئه منها باااست خده ..وتلقائياا احمرت اخدودها ..حاولت تنحاااش

لكنه مسكها من ايدها وبصوت بااين فيه النوم: منــــــاال انتي رجعتي ..ليش تركتيني ..ليش خليتيني اتعلق فيج ورحتتي


نسرين :صـــــــــــــــــدمه
العنت نفسهااا الف مره على انها فكرت تدخل الغرفه..ونزلت ادموعها بكل هدوء ..وحاولت اتخلص يدها من قبضته
لكنه ..كاان ماسكها بقوه

نسرين الي تحس نفسهاا كاارهه كل شي بصوت هامس مايل للحده:جسار ممكن تتركني

جسار فتح اعيونه ويام جاف نسرين .. تلقاائيا مر بباله القنبله الي رماها لنسرين
:نسرين انا ...انا موقصدي

نسرين الي ادموعها للحين تنزل..وكلام نور ببالهاا يوم اقولها عن حبه لمنال بكل هدوء بعدت يده ودخلت الحمام..وفتحت الدوش وجلست تصيح..كانت تمنى بدايه يديده لهم وانتهم ينسون اعناادهم ومشاكلهم..لكن جسار ابكلامه هدم كل آماالها الي كاانت تتمناها

جسار الي ضغط على راسه من القهر:انا اشلون قلت لها هل كلاام
افـــــ ..ياربي انا اضلمها وياي ماتستتاهل مني هل معامله

قام وهو منقهر من نفسه..فيكل مره يضايقها ماكانت اتتترد عليه بالعكس كانت اتسوي أي شي يطلبه منها ..

بعد فتره من الحزن والاالم والبكااء اطلعت من الحمام وتوجهتت لغرفه التبديل ..ولبست لها بنطلون ااسكني مع تيشيرت عنابي
وستشورت لها شعرها وحطت لها عطر..وكحل الي برز لون عينها ومسكره ثقيله على العين الي خلتت اععيونها تتصير نااعسه
وقلوس ثقيل وطلعت وهي اتبين عدم الاهتمام.. من متى ااهو يهتم لهاا عشاان تهتم فيه ..من يوم ماتزوجها وهي تدور على رضاه وبعمره ماجبر اابخاطرها..كان يعتبرها خدامه له
تعودت ابشكلها انها دايم تدور على االنعومه..لكنها هل مره بتغير كل شي فيها.. ماراح تتسمح له يجرح في مشاعرها اكثر من جذيه
راح تتخليه يشهق باااسمها لين ينطقه


جساار حس فيها انها اطلعت من الغرفه وقرب يبي يتناقش معاهاا:نسرين آنه

.ويوم رفع راسه بيكمل كلامه حس انه كل لحروف ضاعت منه كاانت ملاك ابمعنى الكلمه بلم في مكانه وماقدر يتحرك وضل يناضرها بعيونه جنه اول مره يجوفها

حست فيه انه تخدر ..وبخاطرها الياي ااكثر..قربت منه وهي رافعه راسها ..وبعدت عنها االخجل الي يصيدها من قربه
ويوم اوصلت له تفاادته بكل برود و
اطلعت من الغرفه ومن الجناح ابكبره وتوجهت لغرفه نور

وخلتت جسار في محله ..منصدم من نظراتها القويه له الي ادل على تحديها له..ومن انوثتها الصارخه..تعود عليها انها تكون من محبين االفساتين..لكن اول مره يجوفها بلسكني الي مخصر جسمها وعيونها الناعسه االي خدرته وعطرها الي ريحته للحين تداعب انفه والي اصمه اكثر تجاهلها له ..ابحياته ماجافها بكل هل قوه وتغير
معقوله هذي كله عشان انه بس قال اسم منال..؟؟اهي اشدراها بالموضوع

...............

........:تفضل

نسرين وهي تخفي حزنها ببتسامه:شخبارج حبيبتي نونو


نور الي ارتتسمت على شفاتها ابتسامه: ابخير والحمدالله

نسرين:نور حبيبتي انا ياايه وحابه اكلمج ابموضوع وااتمنى انج ماتزعلين مني

نور:تفضلي حبيبتي

نسرين:نور حبيبتتي انتتي توج اصغيره وعمرج 20 سنه ..ولازم

نور الي ترجمت الموضوع وبعيون مدمعه :نسرين انا قاايله لكم من قبل اني مستحيل اسوي العمليه

نسرين بندفاع:وشنو الي يمنعج؟؟

نور:................

................................................

إسقني حب.. أو إسقني فرقى
إن صبرت أشقى.. أو هجرت أشقى
العمر يمضي.. والجروح تبقى
إختر الحل الصعب.. يا تفارق يا تحب

لا تتردد في غرامي لا لا
إبتسامي دمع وسكوتي كلامي
إفتح يدينك لشمسي ولهبوبي
كحل عيونك بدمعي وبشحوبي
وإعشق الهم اللي فيني
هذا إن كانك تبيني
إختر الحل الصعب.. يا تفارق يا تحب

لا تحدد لي مراحل لا لا
يا تجيني حب يا تودعني راحل
هذي ورده للهواء.. وهذي جروح
عطني روحي سيدي.. أو خذها روحك
وش بقى ضاعت سنيني
يا بعد قلبي وعيني
إختر الحل الصعب.. يا تفارق يا تحب


دخل البيت وهو تعبان من الشغل ..وتعبان نفسيا مومستتحمل وضعه مع العنود

توجهه للمطبخ وجاف كل اصناف الطعام جدامه ..جلس على طاوله الطعام..واكل وبتسم وهو يقارن اكلها احين عن قبل..بنسبه له صارت ماهره بالطبخ..ليدرجه اانه صار يفضل طباخها على المطاعم..


دخلت االمطبخ وجااافته سرحان قربتت من الثلاجه وفتحتها وطلعت عصير طبيعي كانت امسويتته قبل مايي من االشغل ..حطت االكاس على الطاوله وصبت له العصير وتوجهت بتطلع من المطبخ لكنه مسك يدها وبكل تسائل:وين رايحه

العنود وهي مستغربه سؤاله ومن هدوئه االصبح كان يهزء فيها واين يكلمها بكل ادب..جاوبته بكل هدوء:باروح االغرفه

عبدالرحمن وهو يتفحص ويها..ولاحض اصفرار ويها وضعفها والهالات السوده تحت عينها وبكل تسائل:تغديتي

العنود هزت راسها بالنفي

عبدالرحمن بهدوء صدر منه وهو يجوفها ..ويلاحض الاختلاف مابين معاملتها له احين ومعاملتهاا له قبل..صارت ماترد عليه ولاتناقشه ولاتطول السانهاا..صارت تحترمه وتجهز اكله وملابسه ..بختتصاار احصبحت ربت بيت.. وهذي الي كان يتمنى من قبل منهاا

قرب لها اكثر وبدون سابق انذار ضمها لحضنه كانه يدور على الحنان والحب

والعنود كانت مصدومه مو امصدقه انه الي جدامها عبداالرحمن
من زمان ماضمته ولانامت ابحضنه ولابكت ابحضنه
على طول انزلت ادموعها على بدلته وجنها تبي اتفرغ كل ألمها وحزنها بصدره..حس بدموعها تبلل جسمه وضمهااا له اكثر وبكل همس:هدي حبيبتي
العنود مجرد ماسمعت هل كلمه بكت ازياده بحضنه :وهومامنعهاا على العكس كان حاس فيها انها تتالم وبنسبه له فترت العذااب لازم اتتزول خلاص اهي اعرفتت درس ابحياتها ماراح تنساه

العنود االي حست ادموععها مالها دااعي بعدت عن حضنه وتحولتتت ملامحهاا الى ملامح خجل ..وتتوجهت بتطلع لكنه فاجئها وحملها بين يدينه
والعنود من الخوف ااشهقت..همس لها بذنهاا بكل حب:اسم الله عليج ياقلبي

االعنود من الخوف وتوتر ادفنت رااسهاا بصدره ..وهو اابتسم على حركتها وفهم انها منحرجه منه من ااخدودها الي صارت علبه الوان

دخل الغرفه

مددها على صدره ومسح على شعرها بكل حنيه..وهي من خوفها وحزنها ضمته ونزلت منها ادموع ابكل هدوء..رفع عبدالرحمن راااسها ومسح ادموعها وهمس بذنها:خلاص حبيبتي ادموعج غاليه ..واانه ماحب اجوفهم
طيب؟؟
هزت العنود راسها بكل هدوء وردت راسها بصدره..جنها خايفه انه هل لحظه ماتكرر ..ونامتت بين يدينه لاول مره وهي مرتاحه

وعند عبدالرحمن الي لام نفسه على حزنها..اهي بنت ومالها غيره والمفروض انه يسعدها..ويدور علىى رضاهاا..ضمها لصدره اكثر وباس جبينها وناام وهو بداخله حاط بباله انه راح يغير كل حياته مع االعنود وراح يكونون احلا زوجين




.................................................. ............ساعات ... ساعات أحس إن الزمن قاسي ... لا يمكن يلين ...
وساعات ... ساعات أحس إن الفرح ... محال ولا يمكن يحين ...
هذا إللي شفته بدنيتي ... وكل ما مضى لي من سنين ...
يامن يعلمني الفرح ... ويفرح القلب الحزين ...

أشكي مرارة حيرتي ... بدنيا ما ظني بتزين ...
وإذا بدى بعيني الأمل ... تجد أحزاني وتبين ...
روح زماني وإنتهى ... وترك لي الجرح الدفين ...
دنيا كفى الله شرها ... تخلي كل قاسي يلين ...

....................:متى تبي الزواج ياولدي

................:اانت ادرى بالي صار ..وانه اقول خلها ملكه بس وابيها بعد شهر عشان ارتب اوضاعي


ابوشيخه وهو مراعي شعوره:مثل ماتحب ياولدي

...............................................


ابوشيخه: سمعيني ياشيخه ملكتج وزواجج بعد شهر تجهزي وابتدو تتشرون

ام شيخه الي شهقت:بعد شهر

ابوشيخه بكل تنرفز وصراخ:راح يكون بععد شهر واضن انكم سمعتوني ..وراح يملك عليها وياخذها

وتـــــــــــــــــرك الثــــــــنتين بصدمتهم وراح غــــــــــرفته


شيخه وهي تشاهق:يمه تكفين قولي له اني مابي اتزوج ..يمه تكفين


ام شيخه الي انزلتت ادموعها على بنتها:هذي ابوج يابنتي وادرى بمصلحتج

شيخه :انهارت من البجي ودخلت في نوبه ربو ..وصارت اتكح بشكل مريع ولي خلى ام شيخه تصرخ وتنادي على اابوشيخه وهي اجوف لون بنتها بادي يميل للزرق

ابوشيخه وهو خايف من لصراخ:اشفيكم

ام شيخه:الحق علي ..بنتي مادري اشفيها

وحملوها وطيران على االمستشفى

الدكتور وهو يعاتبهم:انو ماتدرون انه عندها ربو حاد واي شي يضاايقهاا..يدخلها في نوبه ربو والحمد الله لحقنا عليها جان راحت البنت..وشي ثاني امبين انها تتضايق وتخبي بقلبها وماتتكلم
والكبوت عن النفس مو زين ويادي الى لنفجار بمشاعرها
ويمكن اتصيدهاا حاله نفسيه

ام شيخه الي ناضرت زوجها بنظره معاتبه وحزن ..لانه اهو الي وصلها لهذي المرحله


بوشيخه فهم نضرااتها وهو من داخله حزنان على بنته لكنه ماراح يرجع في الكلمه الي عطاها الريال:متى نقدر ناخذها

الدكتور وهو يتنهد:والله يبي لها يومين لانه امبين انها ماتتغذى
بصراحه انتو وايد مهملينها

ام شيخه: اقدر اجوف بنتي

الدكتور:اهي نايمه .. تتقدرون تتطمنون عليها

ابوشيخه:عن اذنك

...............................
وضحكتي اللي هجرتني... راجعه لقلبي ثاني



...............:محمد انا جهزت

التفت محمد عليها وسمى عليها في قلبه من جمالهاا صايره ملاك
محمد وهو يبتسم لها..قرب منها:راح نروح انسلم على امي ونسرين وبعدها راح نتوجه للمطار

نسرين الي امتلت ععينهاا بلدموع وبكل اسلوب طفل..فسخت عبايتها:انا مب رايحه


محمد الي على وجهه علامات الاستغراب..؟؟: جواهر لاتصيرين ياهل لبسي عبايتج

جوااهر ودموعهاا تنزل:انت ..تبي توديني حق زوجتك..انا مابي اروح

محمد وهو متفاجئ: أي زوجه

جواهر :بعد أي زوجه ..زوجتك نسرين الكريهه

محمد ماقدر يمسك نفسه:هههههههههههههه

جواهر ازعلت اابقوه منه ..وقامت بتروح الغرفه..

محمد حس على نفسه وسكت وقرب منها ..وحمل الشنط وبكل ااسلوب اامر:ابسرعه جدامي على السياره

جواهر ودموعها تنزل :بس انا مابي اروح

محمد الي ثارت اعصابه منها وبكل حده:كلامي ماراح اعيده قلت جدامي على السياره

جوااهر بكل استتسلاام وهي مقهوره منه البست عبايتهاا ولحقته

في السياره

.......:اف لاعت جبدي ليش انت ساكت تكلم قول شي


محمد وهو يطالعها بنظره :انا بحياتي ماجفت بنت نفسج..الي اااعرفه انج لازم تخجلين مني وانتي بثاني يوم بزواجك


جواهر الي اضحكت : وانت قلتها يعني ..انت زوجي ..وماافي داعي استحي منك


محمد ..تنهد وسكتت عنها

جواهر:حمود شغل الراديو

محمد تفتحت اعيونه على وسعها:عيدي اسمي

جواهر وهي مو مهتمه:حمود

محمد الي فادر دمه منها:وربي لو عدتيها مايحصل لج خير

جواهر بكل هدوء اول مره يصدر منهاا:انت ليش دايما جاد بحياتك..ليش تعتمد على الرسميه في تعاملك مع الناس

محمد الي فاجئه كلامها ونبره صوتها الجاده ..وفضل السكوت

................................
علمني الوقت
اعبر فوق جرحي واتبسم
وابن ادم
لولا عشرته ماتعلم
لو تصير دموعك
نهر جاري .. نهر جاري
وبقت كلمه اقولها وبس
انا اليوم غير الامس


في مكان ابعيد عن كل ابطال رواايتي ..يدخل بطل جديد


.................:اسمعني وربي راح اخليه يندم .. يبولي اخته او زوجته ..راح انخليهم رهينه عندنا ليحد مايسدد الي عليه من دين

...............:حاظر طال عمرك

.......................


في بيت جسار

وشنو الي يمنعج؟؟
نور وهي تبجي:الي يمنعني اني حتى دراسه الثانويه ماكملتها ..ولااقدر ابني مستقبلي

نسرين بكل حنيه:لا تقدرين..انتتي الي حطيتي حاجز بينج وبين الناس..انتتي الي منعتي روحج من العمليه ..انتي االي مانعه نفسج من كل شي

نور:بس انا ماا

نسرين وهي قاطعها وبصرامه:تقدرين..وراح اتسوين العمليه وتنجحين وتبدين حياه يديده

نور:....................

نسرين:فكري حبيبتي هذي مستقبل ..وانتي اموقفه مستقبلج وحياتج..والله مايبلي انسان الا لانه يحبه..ويختبر مدى صبره خلج مؤمنه بالله

نور بكل ايمان:ونعم بالله

قطع عليهم حديثهم صوت الباب

نسرين:تفضل

الخادمه:ماما تحتت في ريال يبي انتي

نسرين بكل استغراب:ريال يبيني

نور:روحي جوفي يمكن عمج

نسرين:أي والله يمكن عمي..والله اني مفتشله منه حتى ععرسه ماحضرته

نور وهي تبتسم :روحي له اكيد ولهان عليج

نسرين وهي اتبوس نور:مااراح اتاخر عليج ياقمر

نور ابتتسمت لنسرين..ابتسامه اتعبر فيها عن مدى شكرها لهل انسانه الي خلصتتها من عزلتها

...............................

عند نسرين الي ااطلعت من غرفه نور وهي تركض فرحاانه لوجود عمها واحد من اهلها في هل بيت

وبكل فرح انزلت من الدرج وجافت عمها وتقدمتت منه وضمته وهو باسها بخدها:شخبارج حبيبتي

نسرين:الحمد الله بالف صحه وعافيه ..الف الف مبوك وعقبال مانجوف اعيالكم

وقربت من جواهر وباستها وباركتت لها وهي مستغربه حست انه البنت مضايقه وتبي تبجي اقعدت نسرين بالكرسي لمجابل عمها وجواهر

نسرين وهي تحاول تاقلم جواهر معاها:شخبارج حبيبتي
جواهر وهي مستغربه ابتسامه نسرين..لها توقعت انه نسرين راح تصرخ عليها ااو أي شي من ذا القبيل لانها تزوجت زوجها..لكن الي اجوفه فرح بعيونها

محمد حس فيها انهاا ساهيه وضغط ععلى يدها..جواهر الي حست عليه:انـــــــــأ الحمد الله بخير

نسرين بكل طيبه:دوم انشاء الله حبيبتي

وبعد االسؤالف مع عمها والتطمن على الحال
ااستاذنت نسرين وراحتت جناحها..

نسرين بكل هدوء:جسار

جسار التفت لي مصدر الصوت :هلا

نسرين:عمي تحت.. وامس زواجه..ياريت اتبارك له اهو راح يسافر احين

جسار وهو مستغرب: ليش ماقلتي لي من قبل

نسرين وهي ماودها تكلمه وبسلوب لامبالاه:انت كنت امسافر وتتلفونك امسكر..اضن ماكان في فرصه اخبرك فيهاا

جسار الي تتنرفز من اسلوبها وقرب منها ومسك كتفها وضغط عليه وبكل هدوء:تكلمي بأدب فاهمه

نسرين بنضره تحدي ولانزلت عينها عنه ..بعدت يده بكل قرف وطلعت من الجناح وراحت عند عمها..وخلت جسار منصدم منها ومقهور من تغيرها

محمد وهو فاهم الي يدور في راس جواهر لكنه ساكت عنها..نسرين الي استغلت غيااب نسرين:هاي زوجتك مالت عليها انا اجمل منها

محمد مسكها من يدها وضغط عليها :احترمي الفاظج طيب؟؟

جواهر:طبعا اتخاف على مشاعر الكريهه

محمد الي اشتغل لعناد عنده وحب يكسرها:والله اهي اجمل منج لكن الغيره ذابحتج

جواهر بكل اعناد:انا اجمل

محمد في قلبه وربي اانج قمر:لاتحاولين توصلين لمستوى جمالها

قطعت نسرين حديثهم: انا استاذن..باخذ جواهر لانه جسار راح يجي لك

محمد: اخذي رااحتج

قامت جواهر حق نسرين وهي تطالعها بنضرات قهر..لانه نسرين جميله بمعنى الكلمه..وجواهر بمستوى جمال نسرين

نسرين :تفضلي حبيبتي

جواهر:زاد فضلج

نسرين ببتسامه حلوه:انشاء الله مرتاحه مع عمي

جواهر بكل استغراب:عمج

نسرين مسكينه على نياتها:ترى عمي مره حبوب وتقدرين تكسبينه بطيبتج


جواهر الي افهمت الموضوع وحقدت على محمد من تصرفه وستحت من نفسها على طريقه معاملتتها حق نسرين: اانشاء الله

نسرين: جواهر حبيبتي ..عمي من النوع الي مايحب احد يتتدخل في خصوصياته..ولايعانده ..وانتي لازم تتفهمينه علشاان تكسبينه تراه طيب..وهو مايحب أي احد يفرض سيطرته عليه وخصوصا من مره

جواهر الي استغربت من كلام نسرين وعرفت اانه محمد مايحب لختلاط مع االجنس الناعم..ويعتقد انهم يفرضون السيطره عليه..وهو الي يحب انه شخصيته تكون قياديه وتكون جاده ومايدخل فيها المزح
ومايحب البنت الي تسيطر علىى مشاعر الرجل

ماقدرت الا انها تبتسم ..ونسرين بادلتتها الابتسامه

عند جسار ومحمد

بعد السوالف والتهاني لزواج محمد ..

محمد:يالله اناا استاذن باقي سااعتين على الطياره باروح ازور الوالده

جسار:تشرفونا في أي وكت البيت بيتكم

محمد:تسلم مااعليك زود
وانسحب جسار عشان اتيي زوجته
اتصل محمد لنسرين وطلب منها تنادي جواهر

نسرين:والله اني فرحت معاكم ولاتقطعونا..وانشاء الله ترجعون بالسلامه

محمد :انشاء الله ..وتحملي ابنفسج ..وزوري امي وغيري من نفسيتها ..تراهي مالها غيرج من بعد الله
واول ماارد راح اكلمج بموضوع يخصج

نسرين بكل استغراب وماعطت الموضوع اهميه:هذي امي مااتوصيني فيها..لكن هالله هالله ابعروستنا

محمد طالع جواهر وبتسم: امنتج الله

نسرين دمعت اعيونها: بحفظ الله يا الغالي

وبعد ربع ساعه من الهدوء
..........:ليش لدموع

نسرين امسحت دموعهاا وهي متجاهله كلامه وقامت بتروح الغرفه لكنه مسكهاامن خصرها وقعدها بحضنه وبكل همس:توني ادري انه عمج غالي عندج ابهل درجه

نسرين وهي مضايقه وحبه تنفرد مع نفسها:جسار لو سمحت ممكن تتركني

جسار بهدوء فك يده من خصرها ومسح ادموعها بطرف صبعه:ممكن لكن هذي لدموع مابي اجوفها

نسرين اسكتت وقامت من حضنه..

جسار:نسرين تجهزي راح نطلع انا وانتي

نسرين وهي متفاجئه لكن مزاجها مو مال طلعه:شكرا بس اانا تعبانه اجلها وكت ثاني

جسار وهو متوجه للدرج:انا ماخذيت رايج ..انا قلت تجهزي

نسرين انقهرت منه وقعدت على الكنب بكل ضيق وملل

...................


ما عليه
ما عليه .. ما عليه .. ماكو شي يبقى على ماهو عليه
ما عليه .. ما عليه .. الهوا دوار ومن يقدر عليه
حب يبقى وحب يروح
حب فرحة وحب جروح
لا لا تشتكي أو تنوح أو تقول الحب ضاع
إترك الماضي وراك وإلي من قربي خذاك
والله يا عمري وغلاك مالي غير حبك شراع
ما عليه .. ما عليه .. ماكو شي يبقى على ماهو عليه
***
ما عليه .. ما عليه .. ماكو شي يبقى على ماهو عليه
يا حبيبي لا تختاف ومهما طال الوقت وطاف
ولو كبر فينا الخلاف أو تعرضنا لخداع
حبي لك يبقى كبير .. لو يصير إلي بيصير
ما يجف نبع الغدير طول ما احنا باقتناع
ما عليه .. ما عليه .. ماكو شي يبقى على ماهو عليه
***
ما عليه .. ما عليه .. ماكو شي يبقى على ماهو عليه
المسافة لو تطول آخر الرحلة وصول
كل ظرف له حلول .. لا تقرر باندفاع
طول ما قلبي معاك وعيني ما تناظر سواك
دنيتي كلها معاك .. لا تفكر بالوداع
ما عليه .. ما عليه .. ماكو شي يبقى على ماهو عليهقعدت من النوم وستغربت المكان الي اهي فيه..ورت بباالهاا احداث اامس ..وشعرت بااخجل وهي بين احضانه

حاولت تخلص نفسها بهدوء..لكنه حس فيها وضمها ااكثر لصدره
وبكل حب وصوت مليان نوم:صباح الحب ..ياقلبي

العنود الي ااستحت حيل وبصوت اقرب للهمس من خجلهاا:صباح النور

عبدالرحمن باسها اخدودها لمورده من الخجل بقوه ..الععنود اتحس انهاا بتموت بين احضانه وشردت وعلى طول الحمام

عند عبد الرحمن الي ابتتسم على حب حياته وتمنى انه االسعاده تحيطهم دوم..واخذ له ملابس وراح الحمام الثاني بالغرفه

عند االعنود خذت لها شااور..واول مره تحس بنتعاش وحيويه ..وبعد االشاور ..لبست لها فستاان ناعم سكري برز بياض بشرتها وحطت حمره شفايف توتيه وستشورت شعرها وحطت مسكره زادت كثافت ارموشها

ومن سعادتهاا غنت ابصوتها الي فيه بحه مميزه:

عسى ربّي يخليك لعيوني..وعسى ربّي يخليني لعيونك

حبيبي دنيتك صعبه بدوني ولاشي دنيتي تسوى بدونك

قاطعها عبد الرحمن وهو يضمها لصدره:
أنا مغرم يا غالي فيك ..وأدعي ربّي يخليك

اذا بعدت عني يجن جنوني..لانك صرت اغلى من عيوني


العنود استحت منه ومااتوقعت دخوله ونزلت راسها ..حس فيها عبدالرحمن وعلى طول رفع راسهاا بطراف ااصابعه ولتقت اععيونهم ..وهي كافيه عشان تبين مدى حبهم ..قرب عبدالرحمن منها وبااسها بكل شغف وتملك وهي مستسلمه له..وماقااوم رغبته

ويووووووووم حلو للحلوين^_^

.................................................. .................................................. .................................................. ..

....................:ليش ماقلت لي انك عمها

محمد وهو يلتفت عليها وبكل بروده اعصاب: ماحسيت انه ضروري

جواهر الي عصبت منه : انت ليش بارد جذيه حرقت لي دمي

محمد بكل هدوء وهو من دااخله مستانس على تنرفزها: لانه كيفي ..ومااني مجبور اشرح لج

جواهر بكل طفوله : تدري انك اناني وشرير

محمد الي عوره راسه من حنتها:خلاص يا البزر تراني مو ناقص حنتج

جواهر وهي تمد شفايفها شبر :خلاص عاد مايصير جذي بجد ملل

محمد وهو مستانس من الداخل عليها وبكل اعناد:احسن

دخل محمد بيت امه..وسلم عليها اهو وجواهر وتوجه للمطار

محمد وهو طفر منها:وربي لو ماسكتي راح اذبحج تراج طفرتيني

جواهر :انت ملووووووول

محمد :كرميني بسكوتج

جواهر بعناد:مابي مابي مابي مابي

محمد بصرخه سكتت جواهر: تتراني جد مومستحملج ..بجد ياهل مادري اشلون بسافر وياج

جواهر الي خافت منه ونزلت ادموعها ..ولتتفت لصوب النافذه وجاافت الناس وتمنت لو ترجع لراشد الي كاان يدلعها ومايرفض لها طلب

محمد حس انه تنرفزه مااله داعي وخصوصا انها في ثاني يوم من زواجه وهي صغيره محتاجه الاهتمام والعطف ومايصير يعاملها ابهل معامله مهما كان اهي زوجته ولها احقوق عليه

نزل من السيااره وحمل الشنط وتوجه بكل صمت مع جواهر للطياره

في الطياره

محمد حس فيها انها مضايقه منه ومبين من اععيونها الي انقلب لونها للاحمر مسك يدها وبكل اسف مابينه لها:ماكان قصدي اني اضايقج

جواهر :لارد
محمد ضغغط على يده:لما اكلمج تردين فاهمه؟؟

جواهر..بكل الم وتعب:محمد بليز خلاص وربي ماراح اتكلم ..ولا اععصبك ارتحت

محمد الي تضايق ازيااده من كلامها:اهو ماكان قصده انه يجرحها
لكنه ماقدر يتحمل حنتتها

ماقدر غير انه يميل راسها على كتفه ويحاوطها بيده وهي مامنعته ونزلت ادموعها بكل هدوء

............................................

ياسنين عمري كفايه حزن ياسنينــــي خلاص راح الذي يستــــاهل احـــــزانك
لمي جروحــك وكفي الدمـع ياعينـــي ردي لزهــرة حيــاتي باقـــــي الــــوانك
وش ذكرك بالهـــوى الي كان ناسيني والحـــزن ليه هوبدا في يـــووم عنـوانك
وش ذكـــرك باليـــالي الــي تبكينـــي والجـرح الاول والصوت نايب الحـــانك
ياسنين كفــــي عن الذكـــرى وخليني ماعدت انااقـــوى على حزنك واشجاـنك
ماتـحمل اكثر من الـــي بينك وبينـــي جفت عــروقي وانـــا اصبر على شـانك
حاولت اداري الحزن الي عايش فيني واحاول اضحك غصب في وجه خلانك
لكن حــــزن الليالي بان في عينــــــي واقول ياسنيـــــن هذي اخــر احــــزانك



....................:شخبارج يابنتي انشاء الله بخير

شيخه:..................

ام شيخه ودموعها تنزل:مايصير جذي وانه امج..صار لج يومين وانتي مو متكلمه ..على الاقل يابنتي اكلي ..حرام والله انه قلبي يتتقطع عليج
شيخه...................

ام شيخه بكل استتسلام اتركت الاكل وضهرت من الغرفه
مو امصدقه انه بنتها الي كانتت تملي لها البيت بالفرحه صارت حاابسه نفسها وضعفت والهالات السوده تحت اعيونها ..ومنضرها يالم القلب

ام شيخه:يابو شيخه حرام الي يصير ببنتي

ابو شيخه بكل صرامه:انا عطيت الولد كلمه وماراح اغيرها

ام شيخه:وربي لو يصير في بنتي شي مارااح اسامحك ..حسبي الله ونعم الوكيل

........................................


اشصار على البنت الي قلت لكم عنها

...........:طال عمرك انشغلنا بالصفقه الي صارت واجلنا الموضوع

........بكل عصبيه:ابيها باجر جدام عيوني لا اذبحكم مكانها
؟!!@!@!@!@!@!@!@!@!@

توقعاتكم

من يكون بطلي يديد وشنو دوره بالروايه؟؟

نسرين .........وجسار
الي حياتهم من اسؤء الى اسؤء

عبداالرحمن والعنود
االعاشقين

شيخه وخالد
وهل يستمر الحب؟؟

محمد وجواهر
هل راح يتقبلون بعض

نور
؟؟؟؟؟؟؟

تابعوني في البارت الثالث عشر