شبكة همس الشوق - عرض مشاركة واحدة

24 - 7 - 2021, 10:30 PM

البارت الرابع عشر

(كثر ماموت في قربه اموت في لحظه افراقه)

مو قادر احب انسان ثاني صرت ماشوف لان حبك عماني
غرامك بقلبي واحاول اخبي

احبك ياغالي وانا ماهو ذنبي
حبك بلوى فيه الله بلاني
احس معاي بخظوة تمشي مو بس قلبي

ماخذ انت كلشي
بكيت بغيابك ياعمري ياروحي تعبت ببعادك وزادت جروحي

لان كل
لحظة في فركاك اعاني

.................................................. ................................

جسار وهو يبوس ايدينها: مستعده ياعمري ..نبدي بدايه يديده ونمحي الماضي

نسرين وهي منحرجه منه.. هزتت راسها بالموافقه

جسار الي مستانس على خجلها وبكل هدوء:بس انا ابي اسمعها منج !!

نسرين نزلت راسها .. ويها قالب الوان وبصوت مرتجف:انا موافقه

جسار : باس يدها مره ثانيه .. وتوجه دفع احساب المطعم ..ومسك يدها وهو من داخله فرحان ابحياته اليديده الي ابتدت من هل ثانيه وفي قلبه ناوي يعوضها على كل الي فات

نسرين ..اول مره تحس بالراحه والامان ..وتمنت انه الله مايغير عليهم .. جسار مسك يدها وضغط عليها بخفه ورفعها ليشفاته وباسهاا وبهمس: ربي لايحرمني منج

نسرين في قلبها ولامنك

نسرين الي لاحظت انه الطريج الي يسوق فيه جسار مو امأدي الى البيت..وبكل استغراب : جسار وين بنروح

جساار ابتسم لها ابتسامه ذوبتها: انتظري وراح تعرفين !!

............................

(لاتخليني ..لاتخليني آآآه لو تدري بعذابي ماتخليني)

عند جواهر ..الي صارت ادور على االفندق ..وتعبت ..وهي اجوف كل المباني نفس الشي وهي مو حافظه اسم الفندق ولا مكانه ضبط..وعلى طول انزلت ادموعها تقريبا صار لها خمس

سااعاات وهي مو في الفندق ..والجو صاار بارد والمطر ينزل اجلستعلى كرسي مضلل عن المطر ودموعهاا على اخدودها من الخوف

وزاد رعبها يوم جافت شباب سكاره ..ويتمايلون في مشيتهم

اركضت ابكل خوف منهم .. لين تعثرت بالارض وماقدرت اتقوم من الالم ..وقرب منها واحد منهم وحملها وهي تضربه على صدره وهو ماسكها بقوه

جواهر بخوف وهي امسكره اعيونهااا: ااتركني الله يخليك.. اتركني

..............: جواهر حبيبتي فتحي اعيونج

جواهر الي تحس الصوت مو غريب عليها فتحت اعيونها وبصرخه :راشـــــــــــــد

راشد بحب: اعيون راشد

جواهر وعيونها مدمعه: ليش خليتني ليش ماقلت لي انه راح نتزوج وانك اتحبني ليش ليش ..خليتني

راشد وهو ينزلها على الارض ويحاول ايسااعدها بمشيها : امشي معاي وراح نتكلم

.................................................

المشكله ماهو بقصدي جفاها
المشكله قلبي تعود عليها
حاولت انسى خافقا مانساها
واثري نسيت انه وانا في يديها
راحت وقلبي راح يمشي وراها
من دون مشعر كل مبعد اجيها
حبيبتي لو كان تعرف غلاها
ان كان تشريني مثل ما اشتريها
ازعل جميع الناس واشري رضاها
احبها واموت ياناس فيها
رغم الفراق وصدمتي في وفاها
لازلت امني خافقي وارتجيها
واقول لعيون تمنـا لقاها
باكر تقدر قيمة اللي يبيها
المشكله بالضبط ماهو خطاها
خطا الخفوق اللي تعود عليها

ابو شيخه بحده: يالله يابنت .. وقعي

شيخه الي مو امصدقه .. الي قاعد يصير.. معقوله احين انها مجرد ماتوقع راح تكون في عصمه زوجها انزلت ادموعها الي صاارت رفيقتها في كل يوم من توفت مرام

شيخه سلمت اامرها لأالله ووقعت ودموعها تنزل بكل صمت

ابو شيخه بفرحه وهو حاس انه ملك الدنيا: الف مبروك يابنتي منج الــــــ

تركته شيخه وهو للحين ماكمل كلمته لها

ماهتم لها وايد وراح عند خالد : الف مبروك ياولدي

خالد بكل هدوء: الله يبارك فيك

ابو شيخه: تبي اتجوفهاا ياولدي

خالد : جهزوا الشنط .. والحين راح نمشي

ابو شيخه : مثل ماتبي

عند شيخه وامها ضامتها وتبكي: تحملي ابنفسج ياحياتي ..والله يوفقج مع زوجك .. وانا ماراح اخليج يابنتي

شيخه بكل هدوء بعدت عن امها .. وهي تحس انها جسد بلاروح .. وخايفه من حياتها مع زوجها الي ماعرفت من اهو..لكن ابضنها انه خالد ..لانها تذكر تهديده لها وانها مابتكون لغيره

ابو شيخه وهو داخل : يالله يابنتي زوجك ينتضرك

شيخه حست ابرعشه بجسمها خلاص راح تطلع من بيتهم وتعيش عنده .. تحس انها بحلم وتبي تصحى منه

حس فيها انها خايفه قرب منها وضمها وهو يدري انه هل شي صعب عليها : سامحيني يابنتي.. لكن وربي لو اني ماعرف انه ريال وينشد فيه الضهر وسمعته طيبه على كل السان مازوجتج اياه

شيخه اكتفت بالدموع بدون أي كلام

بعدعنها ابوها ومسح ادموعها وباس جبينهاومسك يدها وطلعوا من البيت وتوجهو لسياره خالد

فتح لها ابوها االباب وركبت وهي من داخلها تترتجف موعارفه اشلون بتعيش حياتها

ابو شيخه: بنتي امانه عندك ياخالد ماوصيك فيها

خالد اكتفى ببتسامه ميته من شفاته <<وتوجه بسياره الى بيته

وفضل االسكوت

عند شيخه الي ميته خوف منه والي ذابحها اكثر سكوته..خالد ماكلف على نفسه حتى انه يلتفت عليها وبكل هدوء وقف السياره ونزل وحمل شنطتها وقرب من بابها وفتحه وبدون لايرفع راسه مسك يدها وتوجه ليداخل البيت

شيخه تمنت لو تدخل تكون مرام موجوده ابهل بيت ..بعدت عنهاا هل افكار ومن خوفها

شيخه خافت منه وتركت يده ..رفع راسه يبي يجوف ليش اتركت يده ..وانصدم يوم جاف ويها صارت نحفانه بدرجه مو طبيعيه

ويها باين عليها التعب..والهالات السوده تحت اععيونها

بدون احساس منه قرب منه ومسك ويها بدينه وصار يتفحص ويها وهي من خوفها بعدت ادينه عنها

خالد حس على نفسه وبعد عنها وبصوت حاد : اختاري لج أي غرفه في البيت ونامي فيها .. ومابي اسمع لج أي حس ..

وبصرخه هزت اركان البيت ..الهادئ: فــــاهمه ؟؟؟

شيخه من خوفها انزلت ادموعها وهزت راسها

عند خالد طالعها بنظره استهزاء وطلع من البيت

وتركها في حزنها وخوفها .. احملت شنطتها وصعدت الدرج و لفتت نظرها غرفه مرام ..بدون شعور منها قربت من الغرفه ودخلتها وســـــــــالت ادموعها ,, انسان عشت معاه الطفوله ..والفرح .. والحزن.. اشلون تقدر تمنع ادموعها الي افقدتها اخت واغلى من الاخت كانت لها بمثابه الام والابو

اجلست على سريرها واول مره من فتره الصمت هذي تكلمت وهي منهاره

: مرام وينج انا محتتاجتج .. مرام لاتخليني ابروحي تكفين .. محد يحبني ..

.............................................

عند محمد الي يحس راسه مشوش من التفكير وين راحت وشلون اختفت .. اهو متاكد انها كانت في الفندق شلي طلعها منه ؟؟

دايم اظن .. ويطلع .. الظن .. خايب !!

في هالزمن .. أقرب حبايبك .. يشقيك ..

إلين تدفع في غلاه .. الضرايب !!

من بعد هذا .. يبتعد .. عنك .. ويجفيك ..

ماكنه .. بجنبك .. قضى الوقت .. طايب !!

وإلا .. الخوي اللي توقعت .. يفديك ..

يفديك عمره .. لاغدت بك .. نشايب !!

صد .. وتصدد .. مايبي .. سمع .. طاريك ..

وياما .. أنت .. دونه .. أتعبتك .. الطلايب !!

لاتقول لي .. بدري .. وتوك .. ويمديك ..

وتعال .. وأسمع باقي الهرج .. صايب !!

خلك بحالك .. وأطلب الرب .. يهديك ..

ولاتنشد اللي غاب .. وين أنت .. غايب

وإن شفتني غايب .. عن حدود .. شاطيك ..

أعرف تراني .. تحت .. ذيك .. النصايب !!

وأعرف تراني .. دايم إن ضقت .. بآجيك ..

لأني .. أنا .. والموج .. صرنا .. حبايب

قطع ععليه افكاره ..نغمه ضحك وهو حاس انه يعرف هل صوت

لف ويهه وتمنى انه يمــــــــــــوت ولا جاف الي جافه

محمد: صــــــــــــــــــــــــــــدمه

صــــــــــــــــــــدمه

صـــــــــــــــــدمه

لا انا اكيد احلم مستحيل اتكون جواهر ..قرب منهم وهو يجوف الفرحه بعينهم وبدون سابق انذار سحبا من حضنه

وصفعها ((أي صفعها ..صفعه الم .. وجرح ..وحزن ..من هل انسانه الي ملكت قلبه ..وحين اتخونه ..وهو الي طول الوكت خايف انه يكون فيها شي وهي مستانسه وقاعده بحضان شخص مجول بنسبه له

راشد عصب منه وسحب جواهر منه: انت ابصفتك شنو تمد يدك عليها والله لاخليك تندم

محمد بظحكه استهزاء: انا منو ..اسأل الي بين يدك انا منو

جوااهر الي ادموعها سالت على ويها

راشد بستغراب : من ذي ؟؟ اتعرفينه

محمد وهو يمسكها من يدها بقوه: انا زوجها .. فاهم يعني شنو زوجها

راشد وهو مصدوم: تــــــزوجتي

جواهر بكل انهيار: انت خليتني وهذي تزوجني واهلي واافقو عليه..انا انتظرتك وللحين انتظرك ومابي محمد ابيك انت

سكتتها صفه ثانيه من محمد ..وسحبها من يدها بكل قوه

وتركو راشد مصدوم

...................

محمد وهو يدخلها الغرفه وهي مو قادره تمشي من الم ريلها

وبكل اصراخ : انتي ماتستحين على ويهج .. ماتتربيتي

امخليتني ادورج طول الوكت وانتي في العسل مع حبيب القلب

ومن قهره والمه انهال عليها ضرب .. وهي استسلمت له ومو قادره تنطق ابحرف

بعد يوم كامل من الاحداث (في اليوم الثاني)

قعد محمد من النوم ومرت ابذاكرته خيانه زوجته له وعلى طول قام وخذ له شاور عشان يهدي اعصابه .. ولبس له بنطلون جينز اسود مع تيشيرت اابيض ولبس جاكيته الرجالي وتعطر ..ومشط شعره الي طاول ونازل على ويهه وحط له جل وصار كوووول

طلع من الغرفه وجافها على الكنب لامه نفسها وتصيح وجسمها امزورق من الضرب

محمد وقلبه امئلمه عليها ..وبدون لاايبين وبسلوب امر وحده : قومي وعن لصياح ..وضاهر انج ماتربيتي .. لكني انا الي باربيج

جواهر وصوتها رايح من لصياح: انا ماحبك انت ليش ماتفهم.. انا من البدايه قلت لك اني مابيك ..

محمد الي انجرح منها كثير ومارضه على نفسه بالاهانه اكثر ..وهي ماتحبه وهو مو مجبور عليها وبكل تهور منه

: جواهر انتي طـــــــــــــالق

وبكل هدوء: جهزي ملابسج راح نرجع الديره واول مانوصل .. بتوصلج اورقت طلاقج

جواهر بكل فرح : لا مابي ارجع معااك ..باروح عند راشد

محمد الي ضغط على قبضه يده بقوه لايذبحها من كلامهاا الي يجرح

وقرب منها وهو يجوف ويها لمجرح ومزورق من الضرب وريلهاا المنتفخه ومايله للزرق وجنه كسر فيها

ووقف ..وهو يجوفها .. خلاص ماعادت ملكه

طلع من الغرفه وهو يحس انه الدنياا كلها مسكره بويهه..معقوله يوم بدى يميل لها .. تخلت عنه .. نزلت منه دمه قهر ..دمعه حب مابتدى وهو من طرف واحد

أكتر حاجة توجع في لحظة الفراق
حبيبك تلمحه
ودموعه رافضة تطلع وكأنه حالا فاق على ايد بتدبحه
وكأن ده عادي
لأ
وأقل كمان من العادي
والوقت ده كله في عمر الواحد راح على الفاضي
وما بين لقى وفراق
كأننا في سباق
ده بيبكي وهو مفارق
وده فارق وماهوش فارق
مين فينا وفّى بوعده وما خانش الاتفاق
وتبقى فمترحه

طريق مفتوح وباب
وصوت طالع بخوف
بيعلق الاسباب
على شماعة الظروف
خلاص ما فيش جراح
خلاص الوقت فات
معقول في حد مات
حتعرف تجرحه

وكأن ده عادي
لأ
وأقل كمان من العادي
والوقت ده كله في عمر الواحد راح على الفاضي
وما بين لقى وفراق
كأننا في سباق
ده بيبكي وهو مفارق
وده فارق وماهوش فارق
مين فينا وفّى بوعده وما خانش الاتفاق
وتبقى فمترحه

_________________

نزل وهو ماسك ايدها ..وهي مجرد تتبعه وموداريه اشبيسوي

نسرين بكل تسائل: جسار ليش ياين بيتنا القديم

جسار وهو يدخلها داخل البيت وفك لهاا عبايتها بكل خفه وحوطها من خصرها وبهمس: اليله ليلتنا ياعمري

نسرين الي صبغ ويها الوان من كلامه وماتوقعت انه ييبها بيتهم الي كانو عايشين فيه ابروحهم

جسار حملها بكل هدوء وتوجه فيهاا لي الغرفه ونزلها بكل هدوء وااول مادخل تفاجئت من الجو الرومنسي في الغرفه والاضائه الخافته والكيكه الي على استروبري ولونها يغري والورد االاحمرعلى السرير و يوم ارفعت راسها جافت زاويه فيها علب اكبيره فيهم هدايا طالعته بنظره حب ومتنان ,, بحياتها ماحست انه جسار رومنسي؛لكن الي تجوفه جدام عينها شي ثاني ’’افرحت من كل قلبها على بداايتهم الحلوه ونزلت من عينها دمعه فرح جسار على طول قرب منها ومس دمعتها وبسلوب حنون اول مره يصدر منه: ادموعج مابي اجوفهم

نسرين بدون سابق انذار ضمته وهي تحس انها محتاجه انها تكون بين احضانه

جسار اول ماحس فيها ضمها بقوه ولو وده يشابك اضلوعه بضلوعها

بعد فتتره بعدو عن بعض وهم مو حاسين ابنفسهم ومايدرون اشكثر تمو على هل وضع..جسار بعدها عنه بمسافه قصيره وباسها بكل شغف وهي مستسلمه له على الاخــــــــــــــــر

لووووووووووووووووووووووووووووووووووووووووووووووووو ووووووووووووول<<<وعقب اطردوني من الغرفه

ليله حلوه لابطالي

.................................................. ................

(مانــــــــــــي على الله معترض)

......:بابا انا تعبت ابي انام

ابو نسرين:انشاء الله ياعيون بابا احين بنروح عند جدتج

ابو نسرين وهو يرن جرس البيت

ضهرت له الخدامه: نعم بابا

ابو نسرين: اهني ماما

الخدامه: أي

ابو نسرين وهو يدخل مع بنته

:وين محمد

الخدامه الملقوفه: باباا محمد في زواج ..وبعدين يسافر

ابو نسرين وهو متفاجئ: محمد تزوج

الخدامه هزت راسها وعيونها على رغد ..شوي بطير

الخدامه:بابا ..هذي بيبي مال انت

ابو نسرين سفها ومشى عنها

دخل ابو نسرين بيت امه واول مره يحس انه مشتاق لها طول عمره وهويسافر وتاركها ولاسائل عنها

دخل بكل هدوء وتوجه لغرفه امه وطرق البااب

..................:تفضل

ابو نسرين وفي يده بنته: السلام عليكم

ام محمد :ارفعت راسها وهي تحس روحها مو امصدقه اخيرا ولدها لكبير تكرم وزارها ..على طول دمعت اعيونها وفتحت ادينها له

قرب ابو نسرين وعلى طول ضم امه ودمععت اعيونه وبااس راسها ودينها :سامحيني يا الغاليه وحقج علي

ام محمد: مسموح يا الغالي.. مسموح

وعند رغد الي خافت منهم وجلست اتصيح

ابو نسرين وهو تعبان من السفر ومن المشاكل الي صادته مع زوجته

:خلاص حبيبتي

ام محمد بكل تسائل :من هذي

ابو نسرين وهو منزل راسه: هذي بنتي

اام محمد وهي مصدمومه: تزوجت

ابو نسرين وهو للحين امنزل راسه وقال لها الي صار له من البدايه

وام محمد*-*:مصدومه

.................................................. ......

(ابي اسرح بهمساتك ,, ونظراتك تذوبني)

..............:عبدالرحمن خلاص شريت ملابس وايد ماله داعي كل هذول الملابس

عبدالرحمن الي مو مهتتم لها ويقيس عليها ويملي عربه الملابس

العنود اطفرت منه: عبدالرحمن تكفه تعبت

عبدالرحمن:اشفيج ياقلبي صرتي حنانه خل نشتري الملابس

العنود وهي زعلانه: ومن قال اني شريت شي انت الي تختار بدون ماتاخذ رايي

عبدالرحمن وهو يبتسم لها: انا اعرف الي يناسبج

العنود وهي ماده شفايفها شبر: لا يواثق

عبدالرحمن: يحقلي.. وياالله جدامي خل انروح حق الملابس الي اهناك

ارفعت راسها العنود للمكان الي ايأشر عليه ,,وتلون ويها من الاحراج

العنود:عبدالرحمن خلاص مابي شي الي شريناهم اكفايه

عبد الرحمن وهو امسفها: لا مو كفايه ..وخلج اهنيه انا بروحي باروح اختار لج

العنود وهي اميوده يده وضاغطه ععليها وتحس انها رااح تبجي:الله يخليك خل نطلع

عبدالرحمن وهو رافع حاجب: مو عقب مانشتري الملابس

العنود : تكفه راح اسوي لك الي تبي بس خل نطلع

عبدالرحمن الي طرت على باله فكره خبيثه وبكل تساؤل: الي ابي؟؟

العنود وهي مو فاهمه تلميحاته: والله والله الي تبي

عبدالرحمن: اوك

ومسك يدها وراحو حاسبو ..والعنود حامده ربها الف مره انه سمع كلامها جان بتحترق من لحراج ^^وماتدري عن الي ياي

في فتره ماهم طالعين في بنت جاففت عبدالرحمن وخقت عليه ..وقربت منه

وبكل قله احترام قربه منهم : ممكن اتعرف

عبدالرحمن التفت على مصدر الصوت ويوم جاف البنت الي باين عليها فالتها على الاخير من الميكب الصارخ

والعبايه الي كلها تطريز من اولها لي اخرها

سفها عبد الرحمن والعنود من القهر اضغطت على يد عبد الرحمن

وجنها خايفه انه يروح منها

عبد الرحمن مسك يدها وهو يبي يحسسها بالامان وانه مستحيل يخرب حياتهم

لكن البنت من حقارتها ماستحت وقربت منهم مره ثانيه وسحبت يد عبدالرحمن وحطت فيها ورقه صغيره

عبدالرحمن عصب من حقاره البنت ..وخذ لورقه وقطعها ومسك يد العنود و

توجه عبدالرحمن معاها الي المطعم وتعشو وتوجو الى البيت وهم هلكانين من التعب

العنود وهي ترمي نفسها على السرير:وواااو وربي تعبانه وابي انام ..وقامت وجنها متذكره شي :البنت الغبيه هذي ليش قربت منك

عبدالرحمن وهو يطالعها بنص عين: يعني شتبي

العنود بقهر:كان ودي اكفخها

عبدالرحمن وهو فاهم انها مقهوره :اكيد خقت على جمالي

العنود قامت من السرير وتخصرت له: لا ياواثق

عبدالرحمن وهو للحين في باله كلمه(أي شي تبيه) وسرحان ومو داري عنها

العنود وهي اطالعه بستغراب وقامت من السرير وتوجهت له: عبدالرحمن فيك شي

عبدالرحمن الي انتبه لها وبكل مكر: أي تعبان مره

العنود: اسم الله عليك .. انشاء الله في عدوينك

عبدالرحمن :ابي تسوين لي مساج لراسي

العنود وهي تقاوم تعبها والنوم: من اعيوني

عبدالرحمن:طفي النور ..

العنود على نياتها: طيب

ويوم قربت منه ولعبت في شعره لف لها عبد الرحمن وهي الي مو حاسه طاحت على صدره وتناثر شعرها

عبدالرحمن وهو يهمس في اذنها: انتي قلتي أي شي ابه صح احين لازم توفين بوعدج

وماعطاها أي مجال تتكلم

^______^ لوووووووووووووووووووووول

.................................................. ..............

خذ قلبي من اول نظره

اقعدت من النوم ..وهي مستغربه المكان الي اهي فيه وصارت اتمد يدها تبي تنزل من السرير الي تحسه مرتفع عن الارض وايد

حست روحها انها راح اطيح .. لكنه مسكها وطاحت عليه وتناثر شعرها على ويهه

نور: آآه

منصور الي ظهره المه لانه الطيحه كانت قويه: اسم الله ععليج من ال آآآه

نور : بعد عني ,, انت اشتتبي فيني ,, بعد

نور الي جنها تدفع يدها على الفاضي لانها ماقدرت اتحرك اشعره من جسم منصور

منصور بكل هدوء: هدي مااله داعي لصراخ ,,جفتج بتطيحين وقربت منج وساعدتج لاتفهمين خطئ

نور وعيونها فيها ادموع: رجعني حق جسار انت قلت انك راح اترجعني وين انه وليش خذتوني من بيتنا

منصور بكل هدوئ: ماقدر اجاوبج على أي سؤال .. بس الي اقدر اقوله لج انه في اقرب وكت راح ترجعين حق اهلج

نور ودموعها انزلت : انت اشتبي فيني انا ماقدر اقعد اهني دقيقه وحده

منصور وهو مضايق من ادموعها ,, وبكل جرئه منه قرب ومسح ادموعها

نور وهي خايفه: بعد عني

منصور:ماراح اكلج

نور وهي خايفه منه ومنحرجه تبي تروح الحمام وحاولت اتهدي روحها وبكل امر:

لوسمحت ممكن تطلع من الغرفه

منصور وهو اول مره احد يتكلم معاه بهل لسلوب وتنرفز منها:لا مومكن

نور الي حست انه بيعاندها وهي خايفه منه: انزين ممكن اتناديلي اي احد

منصور بستغراب: اي احد ؟؟ من انادي؟؟؟

نور وهي منحرجه وبكل هدوء: ممكن تناديلي اي بنت او خادمه موجوه

منصور الي فهم تلميحاتها وحس انه ماله سالفه :طيب

طلع من الغرفه وعلى طول طلب من حراسه انه ينادون مساعده لها

ودخلت لها المساعده وساعدتها في قضاء حوائجها وعطتها ملابس

ونور يوم حست انه الغرفه خاليه اتركت لدموعها الانسياب

دخل الغرفه وهو يبي يتطمن عليها ,,ويام جافها كانت ملاك بل ملابس الي لابستها ونتبه لدموعها وفضل السكوت وانها تطلع كل حزنها بدموعها

وهو حاس فيها مو سهل انه يبعدونك عن اهلك واحبابك

بعد فتره من الصمت ..منصور طلع من الغرفه وسوى نفسه توه بيدخل وطرق الباب

وهي يوم حست فيه مسحت ادموعها بسرعه

منصور : راح اخذج عند اختي اليوم ..وانشاء الله باجر راح تكونين عند اهلج

نور وهي خايفه: تكفون لا تاذوني انا ماسويت لكم شي

منصور وهو يبي يطمنها: الي بس يقرب من غرفتج انا اذبحه لج

نور الي زادت خوف من كلامه: يمه ..يعني انت تذبح الناس

منصور الي ابتسم على كلامها وسرح في هل ملاك الي جدامه

وبكل هدوء وفضول: ممكن سؤال

نور وهي متوتره من وجوده: تفضل

منصور: انتي ماتجوفين من اول ماولدوج او شي صاير لج

نور الي المها قلبها من الذكرا هل شي ومتلت عينها بالدموع وبكل هدوء:حادث صـــــــ

قطع عليهم حديثهم فتحت الباب بقوه

.................:هاااااااااااااااااااااااي

نور الي اشهقت من الرعبه

ومنصور التفت الى مصدر الصوت :ماقلت لج لاتين ابروحج

مريم وهي تتجاهل كلامه : ياعمري انتي الي كلمني عنها منصورووو ___ سمعيني انا ماعندي خوات وانتي اختي وراح نقعد وانسولف مع بعض وتصيرين اعز انسانه

منصور وهو يقرب منها ويمسك يدها: عورتي اس البنت..وثانيااا اسمي منصور فاهمه

مريم:اف انت اشفيك تره عادي انت اخوي

منصور: ولني اخوج لازم تحترميني

مريم وهي تقرب منه وتبوس خده:خلاص عاد اسفه يا الغالي

واحين اطلع بطيب عشام ماطردك .. اخاف يصيدك شي تدري البنت ماشاء الله عليها خبري خبرك وشكلك بتخق علينا

منصور الي افتشل من اخته الي ماراح تتغير وفضل لنسحاب بكل هدوء

اول ماطلع منصور مريم نطت على السرير وباست خد نور ..كيفك ياحلوه

نور الي ارتاحت لها ومبين عليها حبوبه وطيبه: بخير

مريم : هي سمعي تره ماحب الرسميه وايد ..ويالله سالفي لي

.................................................. .

حب من طرف واحد لابد يذبل

اول ماجافته طلع من الفندق ..دقت على راشد

راشد الي مو قادر يتوازن من الشرب: الووووو

جواهر: راشد محمد طلقني تعال خذني انا مابي ارجع معاه

راشد الي مو واعي: هــــــــــا اي انزين ,,,شنو؟؟

جواهر الي مو منتبهه لصوته:شكلك نايم قولي وين انت وانا ايي لك

راشد الي حاط بباله انها وحده من البنات الي ايونه شقته

:اوكي تعالي (وقالها المكان)

وجواهر اطلعت من الفندق وركبت تكسي وطلبت منه يوديها المكان المطلوب

واول ماوصلت نزلت وعلى طول اركبت المبنى ودخلت وتوجهت لي الشقه المطلوبه

طقت الباب بقوه وهي خايفه انه محمد يكشها مثل ذيج المره

راشد الي عوره راسه من صوت الباب المزعج ومشى وهو مره يمين ومره شمال وفتح الباب

وجواهر اول ماجافته ضمته وهي في بالها انه كل الي سوته صح

راشد وهو مو حاس ابشي حملها وتوجه بها الى غرفه من الغرف الموجوده وهي ماتدري عن نيته

وحطها على السرير وبى يقرب لها ليحد ماوصد بقربها ,او ووووووووووووووو

صرخه من جواهر انهت كلامي:لااااااااااااااااااااااااااااااااااااااا

.................................................. ..........

توقعاتكم شنو راح يصير حق جواهر

وباقي ابطالي