البارت 8


هيا: ياربيه اكلم نواف مايرد علي
العنود: ياشييييييييييييييييينه اوف ما اطيقه اسفهيه المفروض هو اللي يدق مو انتي
هيا: شوفي هو صدق في اشياء مو حلوه فيه .....بس والله احيانا احسه طيب
العنود: أي والله طيب انا ظالمه نواف
هيا: يامصلك لا تتريقين
مازن: وانتي متى بتروحين بيتك
هيا: جالسه على قلبك ماراح اروح
خالد: لا صدق ترا انتي نشبه
هيا: ياشينكم والله انا بعد ودي اروح بيتي بس اكلم نواف ما يرد
خالد: تبين اوديك
هيا: يا قليل الادب والله ما تستحي
خالد: امزح معك يا بنت الحلال شفيك صدقتي
هيا: أي اشوا
*****************
العصر في بيت ام طارق
نجود:لولولوييش عالبركه المعرس يتربى في عزك
نوف:الله يبارك فيك..ولو ان خاطري بعروس مو معرس
ام فهد:اقول بلا هبال غيرك يتمنى..انتي في نعمه لاتجحدينها
ام طارق:علميها وانا اختك..انهبلت بنتي
ام فهد:ابد فيها كآبة النفاس وماتدري وين تطلعها فيه
نجود لنوف:طيـــــــــــــب متى يكبر بس عشان اقوله
نوف: الا وين مشعل ما شفته من العيد
ام طارق: مشعل كبر صار رجال لين متى يجلس يسولف مع البنيات
نوف: لا بس بالعاده يجي ويسلم
جيان تكلم وجدان: الا جد من الشرقيه ما شفناه ..... اخر مره شفته في الشرقيه
وجدان: مدري صاير مو طبيعي حتى في البيت ما صار يجلس معنا
جيان: ليش شفيه
وجدان: مدري احسه متشتت حتى اذا كلمته على اساس بنت احس يتضايق بس ما يقول
جيان: بصراحه مشعل ما تعرفين هو ولد ولا بنت
وجدان تضايقت من كلام جيان
جيان حست فيها: وجدان لا تزعلين من كلامي ترا مو قصدي فيه شي لان عندي اخت اللهم لا شماته .. حتى ما تسمعلنا
وجدان: احنا نستهبل معه بس والا على بالك اننا مانبيه رجال بس هو مره تقمص الدور وعاشه
جيان: بس انتم اللي كبرتوها براسه كأنكم تشجعونه لحد ماكبر..يمكن لانكم تشوفونه صغير بس ماعاد صغير..ووضعه مافيه استهبال حرام تجنون على الرجوله اللي عنده
وجدان:يووووه لهالدرجة..لاتضيقين صدري والله أنبني ضميري يالشينه..
جيان:مدري بس انا مره استغرب عليكم..عالاقل مشعل يقتنع منكم مره..انا عندي علة ماتسمع لامي عشان تسمعلي....يوووه والله رحمته شعشع انتي كلميه بس بطريقة غير مباشرة
وجدان: بكلمه وانشاء الله اطلع بنتيجة والله انا امنيتي يتغير ومو بس انا كلنا
جيان: خلاص واذا احتجتي أي خدمة_غرض_ حركة_ مقلب انا في الخدمه
وجدان: هههههههه ما تقصرين
***************
مريم: يعني غريبه وهذا وابوك فري
ساره: شدخل فري في انى احب
مريم: لا بس البنت لازم تحب
ساره: تكفين من احب
مريم: دوري
ساره: ادور؟؟
مريم: ايه دوري ... انا المشكله احب ولد خالي بس عرفت ان اختي تحبه
ساره: اوووووووو والله مشكله..فاهمين الحب غلط..تضيعون به وقت
مريم: أي ياحلوه عبله وليلى وجولييت مو احسن مني
ساره:اسكتي بس لحد يسمعك..اخر شي فطسوا من الحب
مريم: يالله من هنا لحد مااتزوج احب لي واحد
ساره:شفتي يعني تضيعين وقتك بس
مريم:لاتدققين عاد اشوا انك مو حبيبي كاشفتني
ساره ومريم:ههههههههههههه