البارت 9


الساعة 9 في الليل في بيت ابو فهد
ملاك وهي تناظر صور راكان بالجوال: يا حلوووووووووووووه ركوني يجنن
ام فهد: مشاء الله نوف عيالها حلوين كلهم
نجود: ايه حلو بس سلومي احلى منه ... عاد حاجزته لبنتي بزوجهياه(سليمان ولد نوف الاكبر عمره 5 سنوات)
ام عاشه: وينه ذ1 الرجل ( أي: الزوج )
نجود: بيجي بيجي انشاء الله لا تخافون
ملاك: وه ياختى يا حلوهم كلهم ........
نجود: يما كم الساعة؟؟
ام عاشه: 9 وش تبين به
نجود: يوووووووووو ما صليت العشاء
ام عاشه: بعدي في بنتي.... قومي يامال الصلاح
نجود: طيب طيب......... ( وراحت تتوضا وتصلي)
ام عاشه: وانتي يا ملاك صليتي
ملاك: لا
وجدان: قومي صلي ترا انتي مو صغيره كبرتي
ملاك: يوم عرفه كملت 13 بس
وجدان: ايه خلاص قومي
ملاك: طيب بقووووووم( وراحت ملاك تصلي)
وجدان: اقول يما وين مشعل؟؟؟؟
ام فهد: في غرفته ما طلع منها مدري شفيه
وجدان: اها طيب بقوم اروح له

وجدان تدخل على مشعل في الغرفه: مشعل شفيك جالس هنا تعال اجلس معنا
مشعل: مالي خلق يا وجدان
وجدان: تبي نطلع؟؟ نتمشى
مشعل: امممم ما ادري
وجدان: منت جوعان؟؟؟
مشعل: عادي
وجدان: طيب طفشاان؟؟
مشعل: مرررررررررره
وجدان: خلاص اجل يالله نطلع
مشعل: يالله قومي البسي
وراحت وجدان تلبس ومشعل نفس الشي
**********************
طارق: يا حليلها ترا واللله انها فله وخفيفه دم
سعد: خلاص درينا بلشت امي فيها
طارق: يااخي شفيك اقولك سالفه
سعد: بلشتني في ذا السالفه اللى كلها من اولها لين اخرها يا حليلها والله انها خفيفه دم ولا المشكله ما تعرفها الا في النت
طارق: بس رهيبه والله توسع الصدر
*************
مارجى وهي منسدحه على السرير وتضرب المخده بيدها: ليش هذا يسوي كذا هو في مسلم وانا في مسلم هو في زوج وانا في زوج _ وجلست تصيح وتتذكر اللى صار وتزيد دموعها _
*****************
اما عاشه وبصوت عالي: احد يجي يرد على ذا اللى يحن ( التلفون يدق)
انا لله ذا البيت ما بوه احد يتحرك من مكانوه ( وراحت اما عاشه تشوف من اللى على التلفون)
.................
اما عاشه: الو
فهد: هلا والله هلا باللى رد
اما عاشه بفرح: مين؟؟؟ فهد
فهد: ايه وش مسويه يمه
اما عاشه: الحمد الله انت وش مسوي وش مسويه زوجتك وشلون الشغل
فهد: الحمد الله وشخبار اهلي ؟
اما عاشه: الحمد الله بخير
فهد: وين امى ؟؟؟
اما عاشه: مدري وين طست له.. لحظه بقول له انك تبيها
فهد: انشاء الله
اما عاشه بصوت عالي: ام فهد ....... حصيصه ... حصه
ام فهد: سمي
اما عاشه: فهد على التلفون
ام فهد: صدق؟ ( وراحت عند التلفون) هلا والله شلونك يمه
فهد: الحمد الله انتي شخبارك
ام فهد: من سمعت هالصوت صرت بخير
فهد: شخبار اخواني وابوي؟
ام فهد: الحمد الله بخير كلهم
فهد: سلمي عليهم ..... امسكي رغد بتكلمك
رغد: هلا خالتي شخبارك؟
ام فهد: هلا الحمد الله بخير.انتي انشاء الله مرتاحه؟
رغد: الحمد الله فهد مو مقصر معاي
ام فهد: الحمد الله
رغد: طيب خالتي قلنا نسلم عليكم..سلمي عالبنات
ام فهد:انشاءالله عاد دقوا لاتبطون علينا
رغد: انشاءالله

وجدان: يما ترا بروح انا ومشعل نتعشى
ام فهد: اخوانك بيروحون؟؟
وجدان: لا بس انا وهو
ام فهد: طيب ... ترا فهد يسلم عليك
وجدان: متى اتصل؟؟؟؟؟؟؟؟؟؟؟
ام فهد: من شوي
وجدان: كان قلتوا ليييييييييي
اما عاشه: خلاص صجيتوني ماعرفت اناظر المسلسل منكم .... يامال الجزر وراه يعرس على مرته؟ ( زوجته)
وجدان: الله يعيينك يا اما عاشه يبيلك مناديل على مسلسل الفريه..... يالله باااايووو
************
في السياره
وجدان(واللي كانت تبي تحسس مشعل برجولته بطريقه غير مباشرة): مشعل ما فكرت تسوق؟؟؟
مشعل:مدري ما جا على بالي
وجدان: والله جد ليش ما تسوق؟...وغريبه اصلا انك مافكرت!!.. خلاص انت كبرت وصرت رجال مو صغير.. ولك منى اقول لابوي يجيبلك احلى سياره بس خلص الثانوي ونجيب لك..وما بقى شي على الجامعه وانت مو اقل من غيرك نشتري لك سياره حلوه وخلاص ...فهد يوم كان بعمرك كان يسوق... الى متى وانت رايح جاي مع السواق؟؟
مشعل(وهو يتخيل نفسه يسوق ومعتمد على نفسه): امممم مدري
وجدان: خلاص نقول لابوي وابوي ماراح يقول لا
***************
ابو نواف: يالله خلصتوا؟؟
ام نواف: ايه خلاص خلصنا
ابو نواف: يالله مشينا
راحوا لبيت ابو فارس اللى هو صديق ابو نواف وبنته هيول صديقه ساره
بعد ماوصلوا بيت ابو فارس..
هيول: اهلين خالتي شلونك؟
ام نواف: الحمد الله بخير انتي شلونك؟
هيول: بخير... ساره امشي معاي فوق
ساره: يالله

في غرفه هيول
ساره: يالله يا هيول ما تتخيلين كيف متضايقه من عيشتي
هيول: الله يعيينك انا ابي اعرف انتي شلون لحد الحين عايشه
ساره: شفتي شلون
هيول: طيب شوفي في واحد شكله رهييييييييييب ويجنن
ساره: شدخل هذ1 في هذ1
هيول: يا الغبيه يعني كلميه
ساره: لالالالالالالا مجنونه انتي والله اهلي يذبحوني الحين من غير شي ذابحيني يعني انسيييييي
هيول: واهلك وش بيعرفهم؟
ساره: لالالا هم جن جن يعرفون
هيول:ههههههههههه لا والله مو جن ولا شي
ساره: اصلا ما عندي جوال
هيول: هو يطلع لك
ساره: ايه فاضي لي هو
هيول: والله عاد كيفك تبين تكلمينه كلميه ما تبين بالطقاق بس ترا هو ما يتفوت
ساره: طيب كلميه انتي
هيول: لا وين انا مليانه ما يمدي
ساره: اوووووووو وانتي وش يعرفك فيه عشان تنصحيني فيه؟؟
هيلة:هو فواز صديق احمد اللي قلتلك عنه
سارة: اى ى ى