شبكة همس الشوق - عرض مشاركة واحدة

#1 5 - 8 - 2021, 05:05 PM

في النت نقرأ حروف ونجهل الكاتب

ف "النت" نقرا حروف ونجهل الكاتـب
ومـن الكتابـه نحـاول نفهـم  الـصـوره

احـدٍ وضوحـه ثبـات لْنـظـرة  الثـاقـب
واحـد يتلـوّن بخبثـه يخـفـي  شــروره

فليّـا تعجـل بحكمـك وانتـظـر  راقــب
حتـى تعـرف الرجـل والخافـي  بغـوره

لانّك مع الوقت تعرف منهـو الصاحـب
وتدري من اللي تخبّى وسط  ديجـوره

هذاك مهما اختلفتـوا يعـرف  الواجـب
ياخذ ويعطي معك ما شكـل  خطـوره

يمكـن يعاتبـك وانـت بـدورك  تعـاتـب
القلـب أبـيّـض ودربــه واضــحٍ  نــوره

مثـلـه يحـاربـه فـاشـل  مـاكـرٍ  كــاذب
ولا واجـهـه تلـمـع خــدوده  بـحـمـوره

وهــذا جـبـان و ذلـيـلٍ بـالـغـدر  ذاربت
لقـاه باسمـاء كثـيـره بعضـهـا  عــوره

ولـو هـو يزيّـن كلامـه للنـظـر  جــاذب
مكشوف لعبه وواضـح لحـن مجـروره

حتـى ولـو هـو ترهـبـل كـنـه  الـراهـب
لا من لقـى فرصتـه مالـه عـن  الخـوره

ما كـل رجـلٍ بثـوب ودقـن او  شـارب
البـعـض ودّك يـلـبّـس  طـقــم  تـنــوره

في داخله شاة لـو تاقـف ورا  حاجـب
لا شافت الذيب ترجـف منـه  مذعـوره

يبغـاك تمشـي بكيـفـه لـوهـو  مـذانـب
ولا قلـت هـذا غلـط مـا تامـن  لْجـوره

يمشي بسرعه مطفي النور مايحاسـب
لأنّــه بـزعـمـه ذكـــي  وضـابــطٍ  دوره

يرسـم مـع اللـي يظنّـه  ذيبـه  القـانـب
من كل جاهل بوضعـه ماشـي  بشـوره

ترخي حبالـه وتكـرب بالحبـل  قاضـب
ترسـم بعقلـك وهـو يرسـم  بطبشـوره

يمكـر وتمكـر وفـي حسبـتـه  تتـلاعـب
وفي الآخره تكشف اللي باعمق بحوره

من شان يفهمـه مخـدوعٍ وبـه  عاجـب
ويجنّب الـداب مايقـرب مـن  جحـوره

خوته عارٍ علـى مـن صـار لـه  صاحـب
والرجل من صحبته يُحكم على اموره

الموضوع الأصلي : في النت نقر حروف ونجهل الكاتب || الكاتب : حنين الأشواق || المصدر : شبكة همس الشوق