البارت 13


العصر في بيت ابو فهد في غرفه نجود
نجود تتنهد: يالله بقووم اصلي العصر وادعي ربي وانشاء الله مايصير الا الخير ....
بس ياربي اقول لـ وجدان ولالا .. ااااااااااه اخر شي توقعته ان عبدالله يعرف فهد ماااااالت علي اف اف.....
************
هيا: وين ماراح تنزل؟
نواف: لالا بروح عند ابوي
هيا: طيب ... ايه صح مارجي عند اهلك ولا في البيت
نواف: لا رجعتها
هيا: اييييييه كويس
نواف: طيب يالله ادخلي البيت
هيا: انشاء الله ... مع السلامه ( وتنزل وتسكر باب السياره)
*************
هيول: اسمعي اجيبه لك بكرا في المدرسه؟
ساره: اممممممم طيب بس ودي تصيرين معاي وانا اكلم
هيول: ليش؟؟
ساره: عشان ما اعرف وش اقوله
هيول: عادي قولي اهلين كيفك .. وهو عاد بيسولف ولا انتي سولفي أي شي
ساره: مدري ابيك
هيول: اقول بكرا في المدرسه اقولك وش تقولين ... باي بروح اذني صارت حااره
ساره: ههههههههههههههههه طيب باي
************
وجدان: ( طق طق ططططططططططق) نجود بسرررررررعه افتحي
نجود وهي على السجاده تلتفت لناحيه الباب بحزن: نعم
وجدان: افتحي بسرررررررررعه
نجود: وش تبين؟
وجدان: خير انشاء الله بقولك شي افتحي
نجود وهي قايمه: طيب ....
وجدان: ساعه
نجود: وش عندك؟
وجدان: شفيك؟؟
نجود: مافيني شي بس وش تبين
وجدان: تخيلي تخيلي... طلاااااااااال
نجود: الحين مسويه زحمه اخر شي طلال
وجدان: اييييييييييه لان انتي ماتعرفين مين طلال
نجود: مين؟؟
وجدان: تخيلي وراني صورته انصدمت
نجود: ليش؟1
وجدان: تخيلي طلال هو نفسه طارق ولد خالتي
نجود طايره عيونها: نعم ؟؟ طلال هو طارق لالالالالالالالا مااصدق
وجدان: والله العظيم انا طارت عيوني ماتوقعت
نجود: يووووووووووو من جد الدنيا صغيره ( تقول بخاطرها) عبد الله يعرف فهد وطلال هو طارق ولد خالتي اللى تسولف معه اختي( وتتنهد)
وجدان: من جد صغيره ... يووو الى الان مو مصدقة
نجود:لايكون علمتيه انك وجدان؟!!!!!
وجدان:لا مابعد انهبلت
نجود:اىى انتبهي يدري.. وبتخلينه عندك والا بتحظرينه؟
وجدان:بالعكس يوم عرفته ماابي احظره
نجود:يؤيؤ ليش؟ احظريه اخاف يعرفك بعد
وجدان:لا مااتوقع انا ماتكلمت عن نفسي بس ضحك ياحليله تصدقين اكتشفت انه خفيف دم...بس مره قلتله اننا رحنا الشرقيه وقال تصدقين حتى حنا ههههههههههههههههههه صار من العائلة تبعنا ههههههههههه
بس تدرين ناوية اجننه صدق انه رهيب وخفيف دم بس اكتشفت انه نصاب يكذب زي السلام عليكم ههههههه..ناوية اشتغل عليه المحقق كونان والله يعيني على الارانب اللي بتطلع من الجهازهههههه ماشفتي اول ارنب؟
نجود:لا
وجدان:اول ارنب طلال ههههههههه ويامالك من الارانب
نجود:هههههههه(وسرحت)
وجدان: تعالي انتي شفيك مغتلقه؟؟
نجود: ولا شي
وجدان: تغبين علي؟؟
نجود: لا مو كذا والله
وجدان: الا كذا..والله عندك سالفة وماتبين تقولين..طيب يالشينه تغبين علي انا؟
نجود: بقولك بس لا تهاوشيني ولاتقولين لي شي انا من غير شي فيني تأنيب ضمير وكارهه نفسي
وجدان: يؤيؤ شفيك قولي
نجود: عبد الله يعرف فهد
وجدان: نعم!! فهد اخوي؟
نجود بضيقه: ايه
وجدان: من جدك؟ شلون يعني يعرفه؟ وين شافه؟ لايكون عبدالله ولد عمنا بعد؟؟
نجود:تخيلي معه بالدوام
وجدان:طيب وش عرفه ان فهداخوك؟
نجود:خشخشخشخشخشخش(وقالت لها السالفه وهي في قمة كابتها)..وجدان والله ماتوقعت عبد الله ينبش وراي ابد ماتوقعت(تقولها وهي خانقتها العبرة)
وجدان : ايه هذا اللى استفدناه ..تستاهلين انتي اللي جبتيه لنفسك...مو لنفسك بس جبتيه لنا بعد
نجود: انا وش يعرفني ان بيصير كذا
وجدان: والله محد قالك كلمي..من اخذتي رقمه وانتي على اعصابك لحد ماكلمتيه
نجود: وجدان تكفين ترا انا متحسفه قد شعر راسي بس قوليلي شسوي ارجع اكلمه ولالا؟
وجدان: لااااااااااااااااااااااااااااااااااااااا وانتي تفكرين ترجعين تكلمينه؟ ماتأدبتي؟
نجود: بس السالفه ماراح تنتهي اذا خلاص ماكلمته هو الحين يعرفني ويعرف رقمي ويعرف اخوي يعني ماسك علي اشياء مع اني استبعد انه يضرني هو مررره محترم وبعدين هو مو مراهق عشان يقول لـ فهد ... بس قولي لي شسوي ؟؟
وجدان: ( ساكته تفكر) شوفي الايام هذي لاتكلمينه
نجود: وبعدين
وجدان: مدري انا الحين حااااااااااااااااااااقده عليه..اقولك شي؟ تدرين انا مارحمت الا فهد ياقلبي شكله شين قدام عبد الله والله فشله
نجود: ادري وهذا اللى مضيق صدري فهد ما يستاهل
****************
ملاك جايه تركض متروعه عند امها: يما يما
ام فهد: بسم الله الرحمن الرحيم شفيك؟
ملاك: شوفي وجهي
ام فهد: شفيه؟؟
ملاك: فيه حبوووووووووووووووووووب حمرااا
ام فهد تشهق: اخاف انه عنقز
ملاك: لااااااااااااا يمااااااااااااااا
اماعاشه : ورين
ملاك : ها
اماعاشه: الا شكلوه عنقز
ملاك: لا يما بصييييييييييييح
اماعاشه: هو!! انهبلتي؟؟
ملاك: لا وع شكلي
ام فهد: يالله قومي اوديك المستشفى الحين نشوف ونتأكد
ملاك: طيب لحظه بغير ملابسي
*********
هيا: ماااااااااااااااااارجي
مارجي: نئمممم( نعم)
هيا: رتبتي البيت؟؟
مارجي: يس بس حوش لا
هيا: طيب يالله امشي نغسله انا وانتي
مارجي: اووكى
*
*
*
في الحوش وهم يغسلونه
هيا: يا الخبله لا تركضين ترا بتطيحين
مارجي: لالالا انا في دايم سوي كذا
هيا: ايه اذا طحتي عرفتي شلون دايم تسوين كذا
تلتفت مارجي على هيا وهي تضحك وتصقع في الجدار وتطيح
مارجي: ايييييييييييييييييييييييييييييييي
هيا: ماقلت لك بتطيحيييييييييييين ( وتروح تقومها )
مارجي وهي ماسكه خصرها: ايييييييييييييي
هيا: خلاص الحين روحي غرفتك انا اكمله
مارجي: لالا انا لازم روح هزا مستشفى انا تعبان
هيا: لا انشاء الله ماتحتاجين المستشفى
مارجي تصيح:لازم في عووووووووور
هيا: مره مره؟؟
مارجي: ايييييييييييييييييييييييييه
هيا: خليني اوديها بس اخاف صار فيها شي عاد هي في ذمتي..طيب يالله حاولي تقومين اوديك
مارجي: طيب
هيا: بتصل على نواف اقوله يجي
***************
مشعل وهو مسند راسه على السرير ومتكتف: صادقه وجدان انا لحد متى اصير كذا مضحكه عند خوالي و عماني بس ياربي شلون اتغير شلون اطلع كذا عليهم فجأه وانا متغير ياربي اخاف يحرجوني
نفسه: يحرجونك ولا يضحكون عليك من وراك كلها دقايق ويروح الاحراج بس الضحك والتريقه بيطول وبيجلس ايام وشهور
مشعل: احس انى مفشل ابوي في كل مكان و مع كل الناس من جد وضعي لازم يتغير

ويقطع حواره مع نفسه دقت جواله
مشعل: الو
وليد: ويييييييييييييينك من زمان عنك والله لك وحشه ليش ماصرتي تجين ولا نشوفك ولا شي
مشعل متضايق من الطريقه اللى يكلمه صديقه فيهاïپŒ: مشغول شوي
وليد: المهم ترا اليوم مسوين دي جي تعالي
مشعل: لا ماراح اجي
وليد: ليييييييييييش والله وناسه تعالي عاد
مشعل: مشغول والله
وليد: ياشينك
مشعل: خلاص قلت ماراح اجي
وليد: طيب طيب خلاص مارح تجين ماراح تجين كيفك ... وترا الكل يسلم عليك
مشعل: سلم عليهم
وليد: اووكى بايوووووووو
مشعل: باي
**************
هيا: هلا نواف
نواف: هلا .. بغيتي شي
هيا: ايه ياليت تجي لان مارجي طاحت وحنا
نغسل الحوش وتبي تروح المستشفى لان طيحتها قويه
نواف: انالله ماعندنا شغل حنا نراكض ورى خدامات
هيا: طيب تعال
نواف: طيب يالله جاي
*******************
عبد الله يسأل نفسه: غريبه لحد الحين قافله جوالها كل هذا عشان عرفت اخوها من البداية لو ماقلتلها احسن.. بس صدق اذا انا مستغرب ان نجود يطلع اخوها فهد شلون هي؟,,وهي بنت ووضعها حساس بس اكيد ماقفلته الا انها خايفة مني معقولة نجود ماتثق فيني؟...
***************
في المستشفى دخلوا هيا ومارجي ونواف يستناهم برا
الدكتوره: الحمد الله شغالتك ما فيها شي لا كسور ولا حتى رضوض ما فيها.. بس تعبتها الطيحه عشان شغالتك حامل بس
هيا وهي مو مستوعبه الكلام ومو مصدقته: حامل !!كيف حامل؟؟؟
الدكتوره: حامل يعني حامل
.
.
هيا بعد ما استوعبت جلست الافكار تروح وتجي براسها..
طلعت هيا وهي بقمة عصبيتها للشغاله اللي كانت تنتظرها برا الغرفة:ماااااااارجي انتي شلون حامل؟؟
مارجي: لالالااا انا مافي حامل
هيا:مو انا اللي اقول انك حامل الدكتورة تقول... يالله بس قدامي نتفاهم بالبيت
مارجي: مامااا بليز لا يقول لـ بابا نواف
هيا: الا بقول عشان يسفرك .. انتي تسوين حرام وعيب انا ما ابغاك عندي .. امشي اقول نتفاهم هناك

في السياره
نواف: هاه وش قالوا ؟
هيا: بالبيت اقولك
نواف بخاطره: لايكون حامل ونبتلش ولا ليش تقول اقولك بالبيت الله يستر بس
****************
في بيت ابو فهد
ملاك وهي راجعه من المستشفى وتصيح: يمااااااا تعبااانه ماراح اروح المدرسه
ام فهد: ايه حبيبتي ماراح تروحين بتغيبين اسبوعين
ابو فهد:بسم الله عليها ملوكه تتدلعين والا مافيك الا العافيه
ملاك:يبا أي دلع شوف وجهي والله راسي يعورني وكل جسمي
ابو فهد: يابنتي انتي متأزمة عشانه طلع لك زي الحبوب عادي يبا مايطول....
تدخل وجدان ونجود عليهم
وجدان: يمااا ملاك شفيه وجهك كذا ؟؟؟
ملاك بين دموعها : عنقز
وجدان: ههههههههههههههههههههههههههههههههه صار اللي فيك عنقز؟ بعدي بعدي عننا الله يخلييك
نجود: اقول بس لا تلمسين شي خصوصا الريموت عاد تعدين اما عاشه ونتوهق
اماعاشه: هو!! شفيكم على اخيتكم؟؟ المرض ما بوه شماته احمدوا ربكم على الصحه والعافيه
نجود: الحمد الله اللهم لك الحمد كما ينبغي لجلال وجهك وعظيم سلطانك..
اما عاشة: بعدي والله بنتي..يوم انك تعرفين هالادعية وراك تتطنزين عليه(أي:عليها)
وجدان: أي والله الحمد الله الله يعافيك ولا يبتلينا
ملاك: وااااااااااااااااااااااااااااع=بكاء خهخهخهخه
ام فهد:وجدااااااااان انهبلتي ؟
ابو فهد:وجدان ترى انتي اول وحدة جاك العنقز بس ماتذكرين عشانك بزر مفغوصة
اما عاشة:الا وين مشعل؟
ام فهد:توني شايفته يلعب بالبلايستيشن
اما عاشة: وشو؟
ابو فهد:كمبيوتر يماا
اما عاشة:مشععل..مشيييييييييييييييعل وصقه
مشعل:نـــــــــــــــعم
ابو فهد:نعم وانت بمكانك تعال
مشعل:ناديتونيييي؟
ابو فهد: ايه اجلس نشوفك وتحمد لاختك بالسلامه
مشعل:شفيك ملوكه؟سلامتك
وجدان:فيها عنقز ههههههههههههههههه
مشعل:يؤ عنقز مره وحده .. اجل بلييييز يماا احبسيها بالغرفه مو ناقصين امراض بالبيت هههههههههه
ملاك بعد ماسمعت تريقة اخوانها تزداد حالتها سوءا ويغلب مرضها النفسي على مرضها الجسدي <<<<<ياعمري
***********************************
نواف وهو يستغبي: افا حامل هذا اللي ناقصنا اكييييد من سواق اهلك
هيا:لامااتوقع انا نادر مااخذها معي لبيت اهلي
نواف وهو يبي يقلب السالفة على هيا : اقول خلاص حنا مب ناقصين ذنوب ومصايب .. جلستي تزنييييييين فوق راسي تبين شغاله يالله هذا اللي تبينه تراك محاسبة عند الله تجيبينها ولاتنتبهين لها..كليها الحين
هيا:عاد انا اللي قايلة لها سوي كذا..اف بس كانها رفعت ضغطي بس ودي اعرف من اللي حملها؟ ولو اني ماابي احط شي بذمتي بس اني اشك بسواق الجيران
نواف: خلصنا لاتعرفين ولا شي بنسفرها ولاعاد تقولين نبي شغالة في قريح هي واللي بطنها
هيا: خلاص لاتعصب ذنبها على جنبها
نواف وهو ماشي:سبحااااااان الله اللي نبيها تحمل بالحلال ماحملت..وبنت بليس حملت بس بالحرام
هيا مع انها دايم تسمع من نواف كلام يجرحها لكن كل مرة عندها تتضايق اكثر من المرة اللي قبل