الساعة 9 الصباح في المدرسة
مريم تروح بسرعة عند سارة..:سارونة ماشفتي البنت الجديدة اللي توها مسجلة عندنا؟
سارة:لا ماشفتها بفصلكم هي؟
مريم:ايه بفصلنا...بس لااازم تشوفينها تقولين طالب ملبسينه مريول هههههههههه
سارة:وينها..وينها؟ حمستيني اشوفها
مريم تأشر عليها:شوفيها..
سارة:يؤ هذي بياااان
مريم: تعرفينها؟ من بيان؟
سارة : نعرفهم بس من بعيد..
مريم : جد وش تصير لكم؟
سارة: تصير بنت خالة بنات عمي
مريم: اهاا يعني ياجد ابوي حك ظهري.. تشوفينها طيب؟
سارة : لا شفتها من سنتين عند بنات عمي مرة رحت وهي عندهم والى يومك مو مستلطفتها
مريم: بحاول اخش معها واسولف عشان اقيسها
سارة: وش لك فيها؟
مريم: لقافه وفضاوة.. خصوصا يوم عرفت انك تعرفين اهلها
سارة:تدرين انها مو سعودية اصلا؟
مريم: من جدك؟؟ غريييييبه عاد كلامها سعودي .. شلون؟
سارة: هي اساسا كويتية بس عايشين هنا ويروحون هناك زيارة بس
مريم: غريبة وليش مو مستقرين هناك؟؟
سارة: مريوم ماتلاحظين انك غثيتيني؟ خلاص حولي على بنت ثانية نحش فيها
(ماعليكم خافي حش الفسحة اللي لابد منه خهخهخه)
*************
قبل سفرت مارجي بيوم

هيا: مارجي يالله جهزي اغراضك لان بكرا بتسافرين
مارجي: اذا انتي في زعلان انا مافي روح؟
هيا: الا انا في زعلان و زعلان .. انتي تسوين عيب وحرام انا في زعلان
مارجي: شوف ماما انا في قول مين سوي كذا
هيا وعلامات الاستفهام بوجهها: مين؟
مارجي: بابا نواف
هيا بعصبيه: بعد تتبلين عليه يا قليله الادب
مارجي: لا ماما هو والله سوي كذا
هيا:..........
مارجي: خشخشخشخش ( قالت لها السالفه بالتفصيل)
هيا: يا كذاااااااااااااااااااااااااابه اوص ولا كلمه هذا اللى ناقصنا تسوين الحرام وتدخلينا فيه يا قليله الادب الكلام هذا ما ابي اسمعه مره ثانيه فاهمه ..
راحت هيا والافكار بدت تدور براسها ساعات تقول نواف مستحيل يسوي كذا هو يخاف ربه وساعات تقول ما استبعد شي عن نواف اساسا ماعنده ضمير عشان يحترمني ومايخوني
وبدت الشكوك تدور براس هيا......
***************
نجود تفتح الباب على ملاك بالغرفه: هلا ملوكه كيفك ؟؟ تبين شي؟
ملاك: خير انشاء الله فيني جرب انا تدخلين راسك بس
نجود: بعد والله اخاف على نفسي
ملاك: وش تبين؟؟
نجود: ابي اشوف وش تبين غبت عشانك اليومïپٹ ïپٹ
ملاك: أي أي صدقت عشاني يالله بس روحي .. انتي تبين تتريقين علي بس
نجود: كيفك
***************
في المدرسه
ساره تسحب هيول
ساره: ها هيول جبتي الرقم؟
هيول: ايه والجوال
ساره: خلاص ودي نكلمه الحين
هيول: انجنيتي انتي انا الحين خايفه يسوون تفتيش وتبين نكلمه هنا روحي بس
ساره: يالله عاد بلا لعانه تكفين ماادري وش اقوله
هيول: عاد والله مشكلتك محد غاصبك
ساره: علميني تكفييييييين وش اقول؟
هيول: عادي كلميه عادي عرفي على نفسك أي شي أي شي .......... والا تدرين
ساره بأهتمام: وشو ؟
هيول: اقوله ان انتي بتكلمينه وريحي نفسك
ساره: أي والله ........ ولا تصدقين عطيه الرقم وهو يتصل علي
هيول: طيب خلاص
*************************
يوم سفرة مارجي الظهر..نواف رايح لغرفة مارجي عشان تتجهز ويوديها المطار
نواف: مارجي يالله البسي وجهزي اغراضك بعد العصر بوديك
مارجي بحقد: طيب
نواف: اسمعيني يامارجي من هنا الى العصر لو ادري انك قلتي شي لمدام هيا والله اوديك من غير راتب
مارجي تسمع نواف بس عيونها كانت على الباب اللي هيا واقفه عنده وسمعـــــــــــــت كلام نواف باذنها